名館 (已結業)

難得一大班人聚舊兼慶祝生日，食勁d先得！勁係勁多野食呀！有太多野無影到相喇！先食海蜇頭，好爽脆，用醋做調味，一流！依個竹筒飯好入味呀，仲係用紅米飯添！炒飯都好惹味呀，粒粒分明，用石鍋上可保持溫暖，正呀！我其中一樣鐘意食嘅就係水煮魚！唔計太辣，而有麻香，入面有粉條同芹菜，正呀！依度仲會加豬紅，同出面其他地方不同。估唔到依度有德國豬手食，個皮都有少少脆，味道適中。如果侍應可幫忙切開就更好喇！小籠包就不過不知，小朋友最鐘意食！仲有好多野食，例如秋葵，山藥，包點等等。甜品梗係唔少得，薑汁紅棗糕，好夠薑，正呀！

「名館」一個平凡嘅中菜館名字，但係喺希慎廣場裏面，中菜餐廳只有呢間同埋「xx館」，「xx館」到處都有分店，橫掂又未試過「名館」，所以就來試試！第一次嚟呢間餐廳，裝修係有啲同普通嘅中菜館唔同，算係比較摩登，不過一啲都唔似食中菜，唔知點解，反而覺得有少少似越南菜館。不過其實冇問題嘅😅今晚食左一樣野比咗個驚喜我 - ✨金沙桃膠煮滑豆腐✨ - 本來諗住點這個，原因係因為聽說桃膠對美顏有幫助♥️ 點知佢比我預期更要好食呀！佢用用個火輕輕咁保持個鍋嘅溫度，豆腐好滑，佢個金沙sauce 好正！就咁食或者送飯都好好味呀！👍🏽

The interior design of the restaurant is elegant and spacious. Unlike other Cantonese Dim Sum restaurant, Ming Bistro serves Buckwheat Tea. I love it, it is really nice. Buckwheat is healthy, contains several vitamins and minerals to us. The menu is filled with numerous dim sum options, everything looked nice to us! In the end, we ordered several light snacks to share.Tea Set - 鮮肉一口小龍包 + 京川滑餃子 + 檸檬薏米水 ($48)鮮肉一口小龍包3pcs of mini Xiao Long Bao, it is amazing! Thin skin and loads of pork juice. Be ca

同朋友黎過呢間好幾次，第一次2個人坐窗邊望街景，感覺不錯。之後較多人，坐大枱都不會太迫或侷促，環境算不錯。餸菜方面，極推叉燒，黎咁多次都保持到水準，又腍又香甜，所有朋友都話好味！亦喜歡佢蔬菜都有唔少選擇，我自己喜歡佢嘅金蒜蒸勝瓜同菌皇醬蒸淮山（外面較少有呢d菜式，）。雖然係蒸嘅蔬菜，但金蒜好惹味，菌皇醬亦好香口，唔會好寡好淡口！其他菜式就....唔太記得，食左太多次，記唔哂！唯一係個薯仔薄餅偏油，怕肥膩唔好叫！另外，侍應唔太忙時都好勤力fill茶。佢嘅茶好香好好飲，味道幾特別好似係麥茶黎！不過佢晚巿都幾多人，要預等位。同埋其實價錢唔算平，不過銅鑼灣租貴，係咁上下啦！

希慎上層有很多間食肆，今次選了這間香港區才有的名館，隻上海菜與廣東菜一身。立體金魚餐具，很精緻。叫左一個黑蒜燉湯，初時擔心蒜味會太濃，但飲落反而唔覺有蒜味，湯内附上一粒大黑蒜，有雞脚，螺頭生菜沒有特別。小籠包一籠五粒，味道也不算特別，沒有驚喜。柚子蜂蜜蝦 蝦新鮮， 精瑩通透，外層脆脆，口感不錯酸菜魚，好多魚件呀！雖然都沒有預期用新鮮的魚，但魚明顯不是新鮮的，因為吃到魚腥味。有很多椰菜絲，其實整個湯底味道不錯的。

名館下午茶有八折優惠，算係唔錯既選擇。依個原價$168既雀籠點心應該最多人點。第一層左邊係奶凍，味道不過不失，右邊係天鵝紫薯酥，賣相精緻，天鵝頭似乾身既麵包，天鵝身裡面一大舊紫薯，外面酥皮，一層層禁，做得幾有心思。第二層左邊紫紫黃黃既係奶皇包，整色整水既外表，食唔出有咩特別，裡面奶皇餡亦整得唔夠均勻，味道普通。右邊既係蝦餃，我無食到，所以唔寫評語啦。第三層左邊係乳鴿，右邊係薯條，我兩樣都無食，所以都唔寫食評。三個人食一個雀籠就緊係唔飽啦，我地又叫左一碗四川五菜擔擔麵。依碗麵其實我已經食過兩次，麵做得好滑好香口，如果加返D 配菜仲正D依個係蓮藕餅，實物望落好油，口感同味道一般。另外我地仲叫左個薑千層糕，我覺得味道尚算唔錯，紅棗同薑味道剛剛好。整體黎講，食物賣相比味道吸引，下午茶價錢可以接受，但正價茶錢既話，我覺得唔太抵食。

這間餐廳，我久不久也會來一次，最近這次去到，食物質素可以，不過可能人多，態度則不及以前。燈膽豆槳，還可以，算是有豆味。燉湯我最喜歡，很入味，而且料足。菜心很軟熟，不過蠔油有點孤寒。請你留意，我現時不是在大排檔叫一個十多元的油菜，即使在大排檔，我仍然相信蠔油也會比這裏多。這麼大碟菜，這麼少蠔油，怎麼夠點？這是常識吧？粉皮也算入味，略嫌咸了一點。小籠包不過不失。三色麵比較特別，可以一叫，水準之作。這次晚飯我最不滿的，是她們的招呼，我落單，有一侍應過來，多謝也沒有一句，就這樣在我手中搶走了我的單。對，是搶走，這麼大個人，身在時代廣場，也算是比較高級的餐廳吧？一點家教也沒有？嚴格來說這不是家教，而是做人的態度。你不妨試一試想像一下，你能想像客人落單時就這樣過去甚麼也沒有說， 一手就很粗暴搶走了客人的單嗎？我是你的仇人嗎？我和她根本毫不認識。也順道可以學到做人的道理。一個侍應，她每天工作，長時間地工作，不停的很不客氣的對客人，她看到的東西是怎樣的？她會看到客人笑嗎？會聽到客人謝謝她嗎？當然不會，她每日只是看到不好的事，看到的全是負面的事情。這個人不難知道是誰的，因為全餐廳只有這個人招呼最差。

環境ok. 餐具幾特別，有設計感，但食物普通但貴 ，份量超少。個竹筒飯搵笨至極 ，不要嗌。餐牌圖片好大，實物得兩啖。服務員服務好差，坐咁耐一杯茶都冇，要自己問先比。 差極

希慎廣場係行銅鑼灣既一個歇息好地方。14樓主要係食店，如果唔太肚餓，可以選擇去名館。下午茶一盅兩件，或者飮茶野都係一個唔錯既選擇。一坐下，侍應會為你倒一杯麥茶，嗅起上來，氣味有點似煮熱左既麥精，而飲起上來好似有微小既沙沙在茶中，我個人覺得好好味同好舒服。因為，唔肚餓，所以我地兩個人share一個set lunch再加一杯有機豆漿。豆漿用燈泡型的器具裝，味道正常，但影相一流👍🏻Set lunch係一個竹筒飯+一款點心+一杯飲品，連加一，只需約$80，以地段計，非常合理。蓮藕餅有鯪魚肉和豬肉，雖然並沒有煎到脆身，但味道好夾。個竹筒飯睇落細細，但原來D飯壓得好實，足足有兩碗，所以都好飽。如果單飲唔食$20就走到，而家食埋都係$100，所以行到倦，上去坐下，係一個唔錯既選擇。

今日同屋企人出去搵食，search 左好耐最後找左呢間餐廳，老人家都係偏好中菜，見佢d 食物又幾有特色就決定試下。而且屋企有老有嫩，起希慎呢個位置貪佢夠方便，又可以坐得舒舒服服。入到去環境都幾大，可能人多又有小朋友所以被安排坐到餐廳轉角位置，可以自成一角夠晒爽。蕎麥茶味道清清地唔錯, 仲有成大壺~超方便!個碗好別緻😍, 有條好可愛既魚, 睇到都開心。推介👍鑊仔生煎蓮藕餅($36): 說好的鑊仔呢?😂 蓮藕餅煎到金黃色, 厚身得黎魚肉夠彈口。加埋 爽口蓮藕條同埋蔥真係好好味!!推介👍銀湖天鵝酥($58):  本身諗住用黎TUM 小朋友, 點知又幾好食喎😍入口超鬆化, 入邊仲有紫薯蓉, 天鵝PATPAT 位沾上左芝麻超可愛,食落非常香口 。推介👍水蜜桃咕噜肉($78): 咕噜肉好香脆, 食落啖啖肉!正!推介👍柚子蜂蜜蝦球($78): 蝦肉彈牙鬆脆, 最鍾意佢D 柚子醬同芝麻, 甜甜地好清新好滋味!!😋石鍋鮑魚雞粒炒飯($108): 夠晒熱辣辣, 入邊仲有 BB 鮑魚添, 加埋D飯焦脆卜卜都唔錯鮮肉一口小籠包($58): 皮夠薄,肉夠大舊。不過湯汁唔夠多嫌賣相參差, 比較普通。厚切叉燒皇($

是日兩位好友跟筆者慶祝生日, 來到名館. 訂座名額而滿, 唯有早一點排隊. Happy Friday 晚上六時多, 大銀行家好友先來排隊, 筆者在此謝過. 店內西式裝修, 應該是新派中菜吧? 坐著先喝口茶, 這款麥味蕎麥茶茶味淡淡的, 但感覺清新, 讚! 看看menu, 點選了夠薑千層糕(HK$30), 和麻醬雞絲粉皮(HK$52), 鮮肉一口小籠包(HK$58), 名館流沙包(HK$58), 黑椒雪花牛仔骨(HK$78), 蜂蜜柚子蝦球(HK$78), 黑松露炒滑蛋(HK$72).夠薑千層糕, 筆者從來不是薑控, 但這客千層糕, 味道帶有丁點薑, 又帶丁點甜, 口感夠煙韌, 感覺養生, 可以啊! 和麻醬雞絲粉皮, 很普通的一道, 雞絲有點乾身鞋口, 青瓜絲水份過多, 不夠爽脆, 和麻醬味道中規中矩, 但作為餐前的開胃菜, 是穩陣之選. 鮮肉一口小籠包, 皮夠薄, 肉汁也有, 但豬肉的鮮味一般. 名館流沙包, 從賣相來說, 還以為是什麼玫瑰包. 試一口, 流心包很澎湃, 奶黃加鹹蛋黃的香, 也算不錯. 黑椒雪花牛仔骨, 色香味俱全. 那種鐵板燒的牛肉香, 真的令人垂涎三尺. 牛仔骨口感

銅鑼灣附近工作，成日都係帶飯，見糧頭，一於出街食餐好！想約人食，友人又話帶咗飯，咁一個人去呢間嘆茶。同事話超讚呢間D點心和小菜，要來試下啦！呢間裝修超靚仔，整體感覺好舒服，連頭頂上面D燈都好靚，裝修的綠色帶有舊香港的色彩，好特別。點了個黑松露小籠包(蒸籠好別緻)，皮薄餡靚入面湯汁多，那黑點點黑松的香味與小籠包極夾，好食好食。再來大良炸鮮奶，網皮炸到香香脆脆，入面奶漿綿軟香滑，食到停唔到口的香口小吃，水準超然！叫了一個開胃小菜，蜜桃咕嚕肉，咕嚕肉外脆內香軟，D香點醋汁恰到好處，稍稍表面蘸過，又留到肉汁，個醋汁味道酸甜宜，加上蜜桃的香潤，佐白飯一流。今餐午飯好貴，但好值，久遺了的水準茶樓，一定會再來(見隔鄰OL點了流心包，好CUTE好正咁)下次一定要食！

約左一班好友食飯，地點選銅鑼灣，當日我有點唔舒服，席中又有朋友愛清淡，選中菜就最好了。要選個容易辨認的地點，希慎係唔錯的選擇。樓上的「名館」未食過，見食評唔錯，都可以一試。睇餐牌，見佢揉合左廣東菜、上海菜、川菜，選擇幾多元化。事前做左少少功課，我點左最受歡迎的兩三道菜，其餘就按朋友喜好點。鎮江水晶肴肉（$42）層次分明，有皮的煙靭，有肉的香，又有啫喱凍的清爽，配合醋同食，係幾開胃的前菜。厚切叉燒王（$68）係好多人會點的一道，事實果然有驚喜。叉燒燒辣辣，雖然厚切，但肉質鬆化易咬，加上少少的肥膏，縱然燶位唔多，都非常甘香。蜂蜜柚子蝦球（$72）又係另一推介。爽脆的炸蝦球外層包裹左薄薄的柚子蜂蜜，少少甜，唔怕膩。鮮肉一口小籠包（$58）係預期中的味道，有些少湯汁，都熱的，但就係冇咩特別。想再飽肚可以叫石鍋鮑魚雞粒炒飯（$108），飯好入味，都炒得幾乾身，只係材料切得有點細碎，比較難搵到鮑魚蹤影。石鍋鮑魚鮮淮山炆雞（$148）就見到小鮑魚喇，不過分量都唔多。雞的味道有點似三杯雞，非常濃郁。最估唔到係原來淮山同炆雞都幾夾，淮山沾滿醬汁，又帶點爽口，同雞的嫩相映成趣。朋友見鄰枱叫左鮮果拿破崙酥（

今日有貴賓到訪，所以又可以出外用膳。每次出外用膳，都會想。。。。吃什麼東西好呢？在銅鑼灣吃午餐，真的很多選擇。思前想後，決定同朋友去了常去的<名館>吃午餐。原因是坐得舒服同有蕎麥茶享用。午餐選擇都有不少。我們選擇了午市竹筒飯點心套餐。這裡的點心真的好味道。每次到訪必吃生煎肉末蓮藕餅並不是説笑，香脆又啖啖肉。另一個必選京川滑餃子，都是我喜歡的口味，可惜掛住吃，忘了拍照。飲品朋友選了凍豆漿，而我就選了凍檸檬薏米水，味道一般，雖然盛載的器皿有點特別，但吃薏米有點不方便。下次都是飲熱了。

二零一六年一項全球調查指出，香港人的平均工作時間冠絕全球，除了有聘用外傭的家庭，絕大部分均為「無飯夫婦」，筆者也不例外。住所附近的《名苑》，逐成了倆口子的飯堂。今晚，筆者和先生到了位於希慎商場，《名苑》集團𣄃下的年青副缐《名館》嗜嚐。蕎麥茶奉上的不是普洱或香片，原來是蕎麥茶。第一次喝蕎麥茶，此茶呈橘褐色，有一股煙熏大麥的香氣，聽說能解除油膩、調節血脂、血糖、保護肝腎、幫助清除五藏廢棄物等功效。姬松茸花膠燉烏雞湯 （$68）花膠燉烏雞，滋補養生，湯品口感豐盈，充滿膠原蛋白，同時姬松茸散發著獨特幽香。風味口水雞 （$56）這款口水雞能做到辣中帶香，但香中不夠麻，雞肉入口不夠細嫩，香辛的層次較單一。黑椒蔥爆安格斯牛柳粒 （$92）黑椒香濃，蔥頭辣得有勁度，牛柳炒得惹味，可惜火喉控制不太理想，爆得表層過焦黑，且有點乾，吃了感到熱氣。大良鮮奶脆綱卷 （$48）現炸的鮮奶脆綱卷，熱呼呼，外層非常香脆，藏著雪白香甜的牛奶，不過要小心燙口，服務員如果能提醒一下客人會更貼心。菌王醬蒸鐵棍淮山 （$58）鮮淮山口感既像牛蒡又像蘿蔔，以菌王醬蒸煮，吃得有「營」健康。魚米之鄉 （$168）原條海鱸魚煎香，起肉