名門火鍋 (已結業)

唔洗等位又無乜客，以為好差， 點知D服務幾好，D牛肉好靚，唔肥，佢自己手打的四種丸都好好食， 唯一唔好就係貴， 食少少野埋單差不多五舊， 不過真係好滿意。唔似其他火鍋店， D客人都唔太嘈， 靜靜地打邊爐環境真係唔錯， 可以慢慢地ENJOY一餐火鍋， 不過當日見到咁少客都諗緊佢捱唔捱得住。。。

一班人食飯，做好莫過於打邊爐，今次有人推介去名門，咁就一於試下啦。因有訂位，所以唔使等位，入到去得我地一張台。睇下有咩食，鍋底都算多選擇，我地就叫左個清酒蟹鍋試試正唔正。材料都係大路野，不過上台時的確喜出望外。叫左牛肉船、星斑片、響鈴、手打四寶丸、蝦滑、鵝腸、珊瑚蚌、粟米、桶蠔、烏冬，仲有Ｄ餃同菜之類。先講湯底，比想像中清，但都鮮甜，香味夠（7/10分）再講材料，總體理想(8/10分)，最正係海鮮，其次D蔬菜都好新鮮，無想過菜都咁好。至於牛肉方面，就不過不失，唔太特別。不過烏冬好得。價錢以邊爐計係中上，所以Ｄ野好食係合理。由於當晚無咩客，所以服務都相當周到，要再擇日試下先再評價到。

平時都懶打食評, 朋友打就算,今次到我喇~當日去到既時侯已經夜喇~唔算多人~入到去即刻有人招呼~仲會介紹好多唔同既菜俾我地揀.佢有好多湯底選擇~我地就叫左一個胡淑豬肚湯底, 味道唔錯.不過中意食辣既我就覺得唔夠辣,朋友就覺得岩岩好.由於人數少既關係,我地只係揀左少少比較特別既食物, 出面未試過既,入面有黑松露, 食落幾特別,好香牛舌片, 唔錯,食落幾爽芝士墨魚丸出面都有食過, 不過佢呢隻唔係話流晒心戈隻, 實少少,不過芝士味比我食過既濃~好食烏冬係我最中意既稻庭, 就算6內左都唔會林晒,哈哈其他飲品戈啲都差唔多,我就唔講喇,不過戈道服務員既態度真唔錯,環境亦新淨, 會同朋友再去~^^