影片
美食广场系好多人解决2餐的好地方... 我地都唔例外, 无理由餐餐都大鱼大肉, 食得多鱼翅都会想食下鱼蛋...但我地对美食广场都有要求的, 2只字--"卫生"!!! 呢方面大食代可以比到我地...入面有十几间餐厅, 逐一试下都要好多日, 近期我地最常帮衬的系呢一间... 外卖蜜糖豆炒猪柳劲好味(以外卖饭盒计, 仲要买完半小时以上先开来食)...有时间落去食的话, 我最近爱上了泰式炒贵刁... 酸咪咪的酱汁均匀地被贵刁吸收了, 配上大虾、硬豆腐切条、白砂糖、青柠、花生碎, 又甜又酸又香, 咬咬下软面条又咬到脆脆花生碎同食到沙喇沙喇声的白砂糖, 放工做到呆呆地, 一食就醒神晒… 不过咁, 有个问题, 就系水准飘忽!!! 贵刁有时炒得软硬适中, 就好好味, 有时炒得淋啤啤, 就好难食… 大家想试就要撞手神…黑榄炒饭就好唔掂喇~ 盐到阿妈都唔认得, 系好大碗好似好抵食, 如果你可以食到1/4唔饮水, 我写个服字比你…猪颈肉虾酱炒饭都几惹味的, 可以一试…炒芥兰都做得唔错, 芥兰唔会太油, 偏硬但可接受, 会食到方鱼碎, 味道无咁寡, 芥兰份量亦不会太少…例汤系盐+水+少少蔬菜装饰, 不要有太大期望…环境都唔错嘅… 7PM前, 人唔会好多!!! 之后就会好多人, 需要点时间揾个好位… 通常好地地睇落正常但成张枱都无人坐果张, 又边有咁大只蛤乸随街跳吖, 果张枱系强风出口位, 坐一阵就吹到你头赤, 大约位置系烧味店对出…
继续阅读
3.12.2011这日是第二次workshop, 只有一小时吃午饭, 所以一定要选择附近的地方午饭. 同学们说这个food court已装修完毕, 所以便来这里吃午饭.哇, 这个food court的确很多选择, 中式, 日式, 泰式和越式都有. 我们四个人都各自选择了不同的食物. 由于好肚饿, 所以我选择了中式的“名门广东厨房中式小炒”. 有很多款式选择: 粉, 面和饭都有. 考虑了五分钟, 我选择了福建炒饭附送例汤($38)福建炒饭有很多汁, 食材包括鸡柳丝, 磨菇粒, 红萝卜粒, 虾仁, 芥兰粒, 颇为丰富, 每一种食材也够腍. 鸡柳丝和虾仁是出乎意料的大块, 但却吃得出有雪藏味. 红萝卜粒无味的. 磨菇粒够大粒, 份量也出奇的多. 可是, 芥兰粒只得几粒, 份量太少了, 如果可以多一点就更好. 饭粒也够腍, 而且用了蛋来炒, 令白饭没那么单调, 且更香口了. 饭的份量也够大份. 例汤我没有饮, 我见到汤面有很多油, 所以怕怕了.$38是有点贵, 不过在太古城来说, 这个价钱已经很合理了. 希望将来再有机会来这个档摊吃其他炒粉面.
继续阅读