名門廣東廚房中式小炒 (已結業)

美食廣場係好多人解決2餐的好地方... 我地都唔例外, 無理由餐餐都大魚大肉, 食得多魚翅都會想食下魚蛋...但我地對美食廣場都有要求的, 2隻字--"衛生"!!! 呢方面大食代可以比到我地...入面有十幾間餐廳, 逐一試下都要好多日, 近期我地最常幫襯的係呢一間... 外賣蜜糖豆炒豬柳勁好味(以外賣飯盒計, 仲要買完半小時以上先開來食)...有時間落去食的話, 我最近愛上了泰式炒貴刁... 酸咪咪的醬汁均勻地被貴刁吸收了, 配上大蝦、硬豆腐切條、白砂糖、青檸、花生碎, 又甜又酸又香, 咬咬下軟麵條又咬到脆脆花生碎同食到沙喇沙喇聲的白砂糖, 放工做到呆呆地, 一食就醒神晒… 不過咁, 有個問題, 就係水準飄忽!!! 貴刁有時炒得軟硬適中, 就好好味, 有時炒得淋啤啤, 就好難食… 大家想試就要撞手神…黑欖炒飯就好唔掂喇~ 鹽到阿媽都唔認得, 係好大碗好似好抵食, 如果你可以食到1/4唔飲水, 我寫個服字比你…豬頸肉蝦醬炒飯都幾惹味的, 可以一試…炒芥蘭都做得唔錯, 芥蘭唔會太油, 偏硬但可接受, 會食到方魚碎, 味道無咁寡, 芥蘭份量亦不會太少…例湯係鹽+水+少少蔬菜裝飾, 不要有太大

3.12.2011這日是第二次workshop, 只有一小時吃午飯, 所以一定要選擇附近的地方午飯. 同學們說這個food court已裝修完畢, 所以便來這裡吃午飯.哇, 這個food court的確很多選擇, 中式, 日式, 泰式和越式都有. 我們四個人都各自選擇了不同的食物. 由於好肚餓, 所以我選擇了中式的“名門廣東廚房中式小炒”. 有很多款式選擇: 粉, 麵和飯都有. 考慮了五分鐘, 我選擇了福建炒飯附送例湯($38)福建炒飯有很多汁, 食材包括雞柳絲, 磨菇粒, 紅蘿蔔粒, 蝦仁, 芥蘭粒, 頗為豐富, 每一種食材也夠腍. 雞柳絲和蝦仁是出乎意料的大塊, 但卻吃得出有雪藏味. 紅蘿蔔粒無味的. 磨菇粒夠大粒, 份量也出奇的多. 可是, 芥蘭粒只得幾粒, 份量太少了, 如果可以多一點就更好. 飯粒也夠腍, 而且用了蛋來炒, 令白飯沒那麼單調, 且更香口了. 飯的份量也夠大份. 例湯我沒有飲, 我見到湯面有很多油, 所以怕怕了.$38是有點貴, 不過在太古城來說, 這個價錢已經很合理了. 希望將來再有機會來這個檔攤吃其他炒粉麵.