名煌金閣

营业中

休息中

走進店裡，一陣廣東菜的味香撲鼻～行過幾桌桌子，精緻的菜色擺在眼前。一家大小歡樂的團聚。平日幸好不用等位。環境衛生也不錯！ 兩個人叫了三道菜。頭一道等了足足25分鐘才上。我們肚子餓得快要胃痛的感覺～所以不停追單追了好幾回。其餘兩道等到茶凍都還未上⋯⋯ 幾好味的菜，涼了也不會好吃。一個小時才上齊三道菜。建議非常肚餓者吃其他餐廳。

在名煌金閣吃晚飯，服務幾好而且餐牌幾多選擇，有多款海鮮，我地簡左沙巴躉約兩斤重，轉咗做魚米之鄉香嘅做法！先放上米通，入口口感更強烈， 沙巴躉肉與皮之間有層薄薄既肥膏， 入口超級嫩滑！絕對無得彈！ 魚湯鮮味滲出，條魚2斤重，大大條都整到好嫩，正！Xo醬炒蝦球帶子， 用上西芹三色椒炒都非常惹味，西芹非常爽口清脆， 蝦球亦都非常爽口彈牙，帶子嫩淋！好食既小炒！蟹肉金絲炒飯，炒飯炒到超香口又有鑊氣， 碟底完全冇過多嘅油！ 炒飯炒到粒粒晶瑩剔透非常爽身！ 呢碟炒飯完全顯示到廚師嘅工價十足！鐘意食炒飯既不可錯過！

大沙巴躉（～2斤重）魚米之鄉 $398全部菜式裡面，這道菜最討我歡心，首先！魚新鮮嫰滑唔多骨，二！廚房已為魚起片，食起黎非常方便，三！魚鱗刮得勁乾淨，四！煮法新鮮獨特，味道很好，魚湯底好喝，另外炸米相當香口及有香濃的米香，為整道更上一層樓😋值得一叫。.芋泥香酥鴨 $98非常香酥之餘乾身唔油膩，先係一層香酥，下層為一層芋泥，再下層係一層鮮竹卷，鴨肉混合其中。.鳳梨脆皮咕嚕肉 $108嗅落好酸，食落冇咩野😝.胡椒紅薯粉絲花甲 $108胡椒湯底配大量嘅紅薯粉都幾過癮，但薯粉份量實在太多，好飽肚，結果食唔哂，若可用粉絲代替薯粉相信會更好吃。.XO醬炒蝦球帶子 $168有西芹，雲耳，蝦同帶子配合xo醬炒勻，蝦同帶子雪味重，整道菜份量較少，唔抵食。.花膠魚翅撈飯 $58今期做特價$58一個，裡面有大量花膠，值得一讚嘅竟然係裡面嘅配角- 飯！係蛋炒飯底，因為翅的味道較清淡，配上蛋炒飯嘅香味就彌補左主角嘅不足，加上炒飯炒得粒粒分明，即使加左濕潤嘅翅，都唔會變到好爛一patpat.生磨蛋白杏仁茶 $28👍.侍應服務態度很好，唯餐廳上菜較慢

我和一羣親戚朋友吃飯大都會選擇吃中菜，除了能圍著一張大圓桌坐下來聊聊天外，也能點多款不同的菜式一起分享。今天來到這家店，除了也有不少菜式可供選擇外，其燉湯、炒飯、撈飯和炒小菜均做得蠻出色和有鑊氣外，食物賣相不錯，而且味道老幼咸宜，值得再來。

避風塘魷魚椒鹽鮮魷就今得多，好少叫避風塘口味。 魷魚份量超多， 每件由於都得好勻循，唔會好似啲品將不斷黐喺舊魷魚到食粉多過食魷魚，而且炸得剛剛好唔會太燶， 外面圍著很多蒜粒辣椒粒十分惹味！ 其實爸爸真係好鍾意食海鮮， 佢一坐落就話要話食雙色蝦球，，原來佢係生炒大蝦球同埋黃金蝦球， ，兩者都係好爽口而且大大隻 ， ，黃金蝦球係炸完後再舖滿蛋黃醬但係唔會好油膩， 下面就係新鮮嘅西蘭花， 食落鮮甜可口！魚米之鄉 - 大沙巴龍躉見到旁邊嗰枱條魚有啲吸引， 起曬骨之餘，賣相仲相當吸引， 就問店員依味係咩，佢話依個係好多客都會點嘅魚米之鄉，一碟大而無矖骨嘅魚，浸落有准山同雲耳嘅魚湯中， 每片魚肉都係厚肉同含有膠質同埋充滿骨膠原，魚肉食落一啲都唔腥，而湯都非常鮮甜，仲有香口嘅脆米一齊食，别有一番風味。最後點做香甜幼滑嘅生磨蛋白杏仁露， 杏仁十分香， 而且幼滑，食落有蛋白絲，十分滋補！今晚大家都幾好，海鮮都新鮮，食落都彈牙，冷氣充足，想試下新中菜館，可以去下～

九點幾剛剛做完嘢,男友看看圍等了一個鐘,為怕黑面隨隨便便搵間坐低食飯,在元州街一望之下名煌金閣,九點多鐘還有很多人應該冇問題,就馬上衝入去坐低就叫送了,兩個人都唔知叫什麼好？看看周圍都有麻辣手撕雞,我們都決定試一試,终於叫了麻辣手撕雞,芋泥香酥鴨,舟山海蜇花,生磨蛋白杏仁茶,生啫大澳蝦醬唐生菜煲,好彩上菜快,一嚟就係麻辣手撕雞大到嚇死人,這個份量應該四個人都夠食,辣度剛剛好,但真係太大碟,如果兩個人食大家要留意,其他的味道唔錯,所以咁夜都咁多人食,最後杏仁蛋白甜品都有70分,下次揾多幾個人再嚟試其他菜。

是次跟朋友轉戰較為少去的西九龍深水埗區開飯，順道為我慶生。較為特別的是他第一次提議食粵菜，那就看看有否驚喜。食店設有雅座或半圓廂位，感覺絕非一般中式飯店而是走新派路線，聽聞主理廚師源自酒店中廚，食物質量應該有保証。麻辣手撕雞店員誠意推介，炎炎夏日叫返D火辣香口既菜式特別開胃。碟頭比想像之中大，配料豐富。經拆肉的手撕雞件還加入惹味扎肉切條、爽口青瓜條，麻香油滑既味感喚醒沉睡中味蕾!一口接一口雞肉，你會發覺麻辣味漸進式地散發到嘴唇舌尖，每絲雞肉都沾入頗濃郁既麻醬椒籽，麻香之中帶出內層咸鮮度及嚐到雞肉挺嫩滑。黃金蝦多士一客6件既黃金蝦多士，加了咸蛋黃比平時既蝦多士更邪惡，但咸蛋黃香味相當撲鼻，入口香脆鬆化，但不算太油膩感。白合雲耳炒勝瓜香口野過後宜點個清炒菜洗滌口腔，夏天時令既勝瓜兼有消暑之效最為合適不過。伴點養生元素諸如白合、雲耳炒勻同樣色香味俱存。鮮百合潤肺，雲耳滑口。勝瓜肉厚清甜爽脆，瓜肉多汁，味道豐富有層次原籠荷香金銀蒸龍躉糯米飯採用中式竹籠蒸煮海鮮糯米飯，熱力將龍躉肉既精華迫出兼做到原汁原味鎖留在米粒之中。籠蓋稍稍揭開，澎湃既蒸氣飄香撲鼻，大大片雪白薄切龍躉肉呈現眼前。吃起來不單有

長沙灣深水埗一帶一向是平民恩物區，最近區內有頗中高質素的中菜館落戶，便是位於宇宙商場的（名煌金閣），以親民價錢、提供優質食材及貼心服務給眾街坊。店內環境雅致，以簡約傳統中式設計，配合主題。鳳梨脆皮咕噜肉$108，吃得出是選用梅頭部位，用料上乘，肥瘦均勻，不柴不膩。調色功夫十足，誘惑橙紅色，拉起來見有拔絲效果，口感強烈，酸甜皆出，後勁凌厲。風味醬鮑魚雞煲$168，用上新鮮鮑魚，入口帶咸鮮香，咬口有嚼勁，爽口彈滑，加入新鮮芫荽添香氣。醬汁清淡怡人，適合大多人口味，即使不喜歡吃濃味雞煲、擔心味道會滲入T恤的朋友，或許也會着迷這道菜。蟹肉金絲炒飯$128，米粒採用陳米（即隔夜米）相中見其不會黏身，而且每粒獨立成形，蟹肉鮮香潛伏在米粒之間，等侍爆發。份量也頗多，應屬三至四人份量。生磨杏仁茶$28，充滿濃烈杏仁香，清新爽俐。

想起很久沒有吃中菜，朋友就推介了這家在長沙灣的高級中菜 名煌金閣，訂座今晚來嚐下美味菜式。今晚餐廳很满座，熱鬧非凡。大沙巴躉 魚米之鄉難得餐廳有魚米之鄉的菜式提供，當然要點一條名貴魚 大沙巴躉，配魚米之鄉煮法，煮出鮮味。一端上檯非常壯觀，魚很大條美觀，已起魚肉無⻣，湯底呈乳白色，灑上香脆的炸米。湯底原汁原味，魚香味濃郁，鮮甜到不得了，魚肉煮得剛好熟，鮮甜嫩滑，入口即溶，配上脆米口感一流。特色鮮沙薑煎雞以鐵鍋呈上，保持熱度，香氣散發，沙薑味道香濃入味，雞肉嫩滑可口，多汁鮮甜，沙薑味道滲入雞肉當中。鹹蛋黃金沙⻣是必點之選，鹹蛋黃流沙豐富，包住整件金沙⻣，香濃而鹹香，肉質軟稔煙韌，外皮香脆，美味可口。避風塘鮮鱿魚魷魚份量較多，大塊而鮮甜，避風塘的炒法和鮮魷魚很適合，惹味而帶微辣。鮮魷魚外脆內軟，鮮甜彈牙。生磨蛋白杏仁茶杏仁味香氣撲鼻，味道濃郁，飲下香甜清新，滋潤美味，配有滑溜的蛋白，爽滑香甜。

京都骨的椒是未熟的，廚師有些大意。帶子西蘭花，一個極簡單的菜式，以為會有驚喜，那知是驚怒！已不是大碟，西蘭花是明顯先水煮後再炒，這不太重要，好味就可，那知是很咸的，用水沖了沖依然是過咸！帶子不是原粒帶子，是切薄的碎帶子片，所有帶子片加埋大約是一粒普通帶子大小，$158實在不值，這但這不是最憤怒的地方，帶子比西蘭花更咸，咸到苦，沖幾次水仍是過咸！白飯也是令我驚訝！白飯不是熱的，只是微暖，而且米粒質素極差，硬而無飯味！食得不很開心，價錢貴不在話下，兩餸、一碗白飯加茶錢兩個人要超過$300，埋單前向收錢（疑似老闆娘）反映餸菜質素，她好像沒聽到，再說多次也是沒有反應，一句會改善的說話也沒有。新開已是這種質素，真是極不滿意！

這間餐廳開業應該一個月左右今日第一次入嚟先試一下午餐，叫了桂花瑤柱炒米粉和花膠魚翅撈飯，食物品質一般算是合格，可是桂花瑤柱炒米粉，足足等了一個小時才上枱。其中催了兩次單，第一次是在大約在點菜後45分鐘後，第二次在1小時之後再催，夥計才跟我們說原來廚房沒有我們這一張單但是點菜單上有，即是第一次催單夥計沒有認真去幫我去查清楚，只是很有禮貌地敷衍我，結果再等10分鐘左右米粉才送到枱上。餐廳運作上面很有問題，相信再三個月可以再嚟試一次，希望佢能改善流程能撐得過三個月。

自從長沙灣深水埗慢慢有新住廈落城， 青山道一帶 都引入好多唔同嘅新餐廳。 名煌金閣係我久在榜上的餐廳之一，次次經過都好多人， 趁喺父親節之前 決定入去 ，與父親食番餐新派中菜， 舒舒服服慶祝一餐。 大沙巴 龍躉 配魚米之鄉368 龍躉啖啖肉不在話下，膠質很重，肉質亦很彈牙， 淋上湯頭雪白的魚湯配龍躉， 魚湯一飲落去就覺得勁濃郁， 味道更上一層樓， 加埋炸得脆脆的鮮米粒粒，更加係錦上添花， 食得出餐廳非常有心做中菜。 風味醬鮑魚雞煲168 鮑魚雞煲個煲上枱時仲係聽到咋咋聲， 仲係新鮮滾熱辣， 啲風味將隨著風飄過黎， 索一索都已經令人食慾大開。 而且仲要快快手食隻鮑魚， 費事擺落咗鮑魚會變得老， 望下隻鮑魚，雪雪白白， 一睇就知 新鮮，鮑魚肉質爽彈， 咬下勁有口感。 雞肉跟下面嘅風味醬撈勻， 嫩滑之中帶點惹味，好食。 咸蛋金沙骨98 用鹹蛋去排骨添上鹹香, 陣陣咸蛋香味，附著的鹹蛋醬又食落仲係流沙狀態，極受家人歡迎，而且肉身鬆化軟身，做出來的金沙骨勁好食。 獅城鮮蝦炒米98 米粉條幼細， 條條金黃色 ，炒得鬆化。 咖哩味不會太嗆, 香氣噗鼻， 蝦肉彈牙, 韭黃爽口, 令人垂

長沙灣天悅廣場開左間新餐廳, 見佢裝修靚靚又光猛, 主打海鮮小菜, 今晚收工就過去嗌餸食飯!店內光猛而且座位舒適, 有卡位有圓枱, 座位闊落, 坐低後店員好快問飲咩茶, 送上熱茶, 招呼周到~ 再望望MENU原來免茶芥, GOOD!麻辣手撕雞(半隻)麻辣手撕雞份量非常大, 麻辣味好香濃, 而且醬汁唔會好濕, 而係岩岩好痴哂係雞肉面頭, 撕剩既雞殼都一拼呈上, 証明真係足料半隻, 而且係殼上既雞肉都可以食埋, 客人又可食多D又絕冇浪費, 非常好既做法而較為特別既係除左雞之外, 仲有大量札肉條, 青瓜, 加埋好香既芫茜蔥, 惹味香麻, 忍唔住一啖又一啖, 推介!砵酒焗桶蠔 $188叫得桶蠔都係想食大隻肥美, 見到依隻桶蠔SIZE就知冇花冇假, 真係拎大SIZE桶蠔, 勁肥美鮮味又多汁, 正呀加上香甜嘅砵酒汁, 冇得彈!!!土魷肉餅 $98依味家常小菜, 雖然簡單但唔係度度都整得好食, 依度既肉餅唔算厚身, 但口感有質感而已彈牙, 最緊要唔會撈左好多粉, 有D餐廳為左懢皮都會到撈左好多粉令到肉餅冇哂質感! 而肉餅上亦有好多土魷粒粒, 咸香美味, 加上佢個豉油好鬼香, 似蒸魚豉油, 撈飯一流!

最近香港的疫情本土個案情況不斷減少，令人也有出外用膳的意欲了，今日就到訪長沙灣一間新開的中菜館試一試鑊氣小炒.，食店離地鐵大約2分鐘的路程十分方便易找.餐廳有不少即炒食小菜，經朋友介紹之下嘗試了本店最有名的手撕雞，手撕雞的醬料是自家製的，雖然有少少辣但是也十分之開胃.小炒王十分之有鑊氣，有少少鹹香的蝦乾，加上香脆的魚仔送飯一流.陳皮加上㰖角炮製的豬肉有少少甜，又十分之香口水準之作.甜品方面叫了十分香滑的杏仁茶，好味道.

幾個朋友飯聚, 吃中菜就最好了, 這次住長沙灣的朋友, 推介我們吃這一間餐廳。我們坐在半圓梳化位置, 座位寬闊舒適。豉油王海蝦$168本來想吃蟶子皇, 但今晚沒有, 所以改食蝦, 原來這裡的海蝦是很大隻的, 店員推介用豉油王煮法。煮出來果然很惹味, 調味得很出色, 而蝦肉又很新鮮爽口, 非常美妙。XO醬炒蝦球帶子$168有幾隻大大隻的剝殼鮮蝦, 加上一些帶子, 個人覺得帶子很有驚喜, 十分鮮味! 而說是拌碟的西芹也不容錯過, 非常爽脆清甜有鑊氣! 令人食不停口!大沙巴龍躉 約2斤$398來到今晚的主角, 我們見到鄰桌吃這道魚很吸引, 所以照來了一碟。大沙巴龍躉一條有兩斤, 份量十足, 4人或以上吃比較適合, 魚肉很滑溜又不會腥, 近皮位置有著膠質骨膠原, 魚湯甚鮮甜, 還有些脆米在魚上桌時才灑上, 豐富了吃魚的口感, 而底下還有雲耳和淮山, 很認真用心的一個做法, 也很少餐廳有得吃, 值得一試。生磨蛋白杏仁茶$28最後當然要來個糖水才完滿, 生磨蛋白杏仁茶, 夠香滑, 又有營養, 女仕最愛。朋友的推薦果然不錯, 下次想吃多點鑊氣小炒, 聞到鄰桌的煲也很香, 很誘人。