影片
港铁尖沙咀/尖东站 J 出口, 步行约2分钟
继续阅读
附加资料
For private room bookings, please contact reservation@mrmings.com.
营业时间
星期一至日
11:00 - 17:00
以上资料只供参考，请与餐厅确认详情
上个月去K11 行街，行到累就去左食虾饺，系呢度最出名既食物，又叹茶，茶味好香，虾饺大大只又好食。坐左2个钟，都无咩人，好舒服😌希望下次同屋企人再去食其他野食。
继续阅读
带妈妈到k11 musea试下点心，餐厅有两层，于餐厅内有楼梯落底层，只有上层的出入口，餐厅装修新净。家乡蒸荀粿 (三只) | $52荀粿内有红萝卜、荀、虾🦐，有红萝卜🥕的颜色点缀，看起来更加吸引。有很多荀在内，吃起来爽口。普宁萝卜灌浆 (三件) | $68经常听家人用潮洲话讲灌浆，今日终于知道真正的名字是「灌浆」，与我家乡的做法有点不一样。萝卜丝加入了虾米，再以炸浆包裹，炸得很脆。潮式韭菜棵 (三件) | $52由细到大每次家中做节都有韮菜粿，见这间餐厅有，真的很想试试有什么分别。粿中馅料有冬菇、肉碎、虾米、韭菜，不会太咸，我喜欢煎得再香脆点。招牌虾饺皇 | $36虾饺皮较爽身，虾爽口弹牙，有少许胡椒味，一人一只刚刚好。荔茸炸带子 | $48炸得好松脆炸粉内有荔芋蓉，芋蓉几香，中间有粒带子，带子都大粒。茶位大约$20一位，餐厅下层比较清静，可以慢慢叹茶。
继续阅读
好钟意去潮州酒家饮茶，就系因为呢几杯潮州茶。 饮得苦嘅朋友，一定好钟意呢几杯茶仔，精神一振。唔系间间茶楼都有得食嘅潮式煎薄撑。 煎得外脆内软，不油腻。避风塘九肚鱼，煎得外脆内软，热辣辣，juicy , 小辣。 虾饺晶莹剔透，鄙薄馅靓，全只虾肉，爽口弹牙。虾肠， 肠粉或夺夺，肠粉够薄透， 虾肉大大只，新鲜爽脆。 👏🏻 脆炸春卷系是日推介， order 时 没有留意是日式的， 一口咬下有轻轻嘅wasabi 味直冲鼻喉... 好过瘾！
继续阅读
一早知道年三十晚有得早放，所以就同屋企人book左枱黎哩度提早食个团年饭。名潮食馆系百乐潮州旗下喺K11 Musea嘅分店，之前已经食过百乐其他茶楼，质素唔错菜式亦精致，见哩间分店未食过又近我地就黎试下。名潮食馆走新派中菜路线，店面反传统以深绿色做主调，由于而家仲系二人限聚，所以茶楼有透明隔板方便三四个人都可以坐埋一枱。酸菜($16)二至四人一碟。茶芥($20/位)，除左常见嘅普洱寿眉铁观音香片之外，哩度仲有菊花(另加$22/位)。我地点左个迎新春团餐($588/位)，最少两个人就可以叫，入面包左五个小菜两款甜品同水果。金沙发财卷拼龙须好市 - 哩个小菜几特别，佢用左一个比较少见嘅做法去整新年经典菜式发财好市。金沙发财卷就系将发菜用蘸左咸蛋黄酱嘅炸浆包住黎炸，食落够香脆咸蛋黄味亦重，因为发菜用炸浆包成卷状，比起平时一条条嘅发菜容易夹容易食。龙须好市就系用猪肉包住蚝豉，出面再用炸面黎包住黎炸，炸面脆卜卜唔会过硬，蚝豉因为有炸面同猪肉包住，所以食落唔会太熟太干。红烧潮州中鲍翅 - 红烧鲍翅杰度啱啱好，虽然唔算好粗身，不过真系几多，成碗都系鲍翅，同鲍翅一齐上嘅仲有芫荽同黑醋，但我个人就觉得同红醋会夹啲。六头鲍鱼伴鹅掌 - 鲍鱼弹牙得黎唔会太硬，鹅掌炆到好腍好入味，上枱时侍应会问要唔要芥辣，不过其实个鲍汁好够味，所以都冇蘸过个芥辣。萝卜煮细黄花鱼 - 黄花鱼唔多骨肉质几滑，个鱼汤鲜味得黎饮完都唔会觉得口渴，我地差唔多饮晒，白萝卜好腍吸收晒鱼汤嘅鲜味都好正。 金华竹笙扒双蔬 - 双蔬系西兰花同娃娃菜，另外仲有冬菇同草菇，冬菇肉厚又够腍， 竹笙索晒啲汁好好味，唯一要挑剔系金华火腿硬左少少。凤凰煎年糕 - 年糕应该系茶楼自家制，食落好香红枣味，同埋可能佢落得多澄面，食落比平时食倒嘅年糕冇咁黏同腍，口感系比较弹口，都几好食。福果汤丸 - 汤丸皮几滑唔会太厚，芝麻馅几香。合时生果 - 最后食埋个饭后果，唔会太酸帮助消化，预早切开一旧旧，一口一旧，够晒贴心。总结，虽然唔算特别平，但每一道菜都卖相精致又好食，服务亦贴心，绝对交足功课， 过年想同屋企人食好少少就啱晒。
继续阅读
原来喺K11 Musea 都有传统的潮州菜馆。 而午市也提供中式点心一盅两件叹番杯潮州茶。置身于充满艺术感嘅K11 Musea, 潮州菜馆装修西化优雅， 唔知以为系食high tea, 相当特别。 座位间隔算几阔落，张凳仲好舒服。😊平日午市都有好多悠闲一族㖞～ 位置唔多可能仲有地牢一层？堂食午市两点过后也有85折。外卖自取主餐牌, 点心纸7折， 绝对系疫情价～前菜：花生，味道甜甜地。照顾到二人 一盅两件， 有些点心每碟只有两件， 这样一来就可以试多几款～名潮鲜虾饺即叫即蒸点心， 虾饺包得好靓， 皮薄适中，馅料饱满扎实， 虾肉够爽，味道好鲜。蜜汁叉烧肠肠粉好滑但唔算薄皮， 叉烧切细块，唔会变咗叉烧包里面嘅叉烧肉酱， 口感味道都唔错！百乐烧卖皇巨型烧卖卖相不俗， 肉质上乘有猪肉嘅香， 半点肥猪肉也没有。家乡蒸荀粿特色家乡小点， 皮够薄有少少烟韧， 惊喜系里面 都以虾为馅料， 混入笋丝萝卜丝， 丰富美味。荔茸带子盒都是手工点心， 荔茸香甜软滑包住鲜甜嘅带子， 香口美味， 传统一盅两件緫需要一款炸物～点心水准好高， 制作精美 ，用料够鲜， 可以舒舒服服宁静地叹一盅两件也是一种享受。下次可以带长辈嚟再试传统的潮州菜肴。
继续阅读