名家韓國餐廳 (已結業)

突然好想食韓燒，剛好在世貿附近，便走上名家 walk-in，晚上6點半冇乜人，但應該有唔少已訂檯，我與友人被安排坐入房的窗邊位置，個 view算不錯！不過在房內有點叫天不應叫地不聞，有得揀我寧願坐大廳。晚餐有set menu, 不過唔係太啱食，所以都係散叫吧！朋友食豬我食牛，加多一碟蛋包蝦，仲有生菜籃。唔知大家有冇試過，明明好想食韓燒，但當食物來到，忽然又有D後悔，因為懶呀，唔想自己動手燒，我今晚就係咁，真矛盾！之前在尖沙咀韓珍，食牛肋骨有專人幫手燒，但這裡沒有，唯有自己來吧！>_<朋友說她的豬脊肉幾好味，我的牛肋骨也不差，唯獨是蛋包蝦麻麻地，如果唔點醬汁就比較淡味。食韓燒，我還是懷念以前跑馬地景光街的高麗啊！

成日食韓燒,唔係大排長龍,就係有時間限制,鬼咁麻煩,抵就抵,但好似好急趕咁,食個幾鐘就俾人叫埋單,好辛苦~所以我今次就去左銅記食名家,又正宗,坐得又舒服,又唔使限時間…名家都有SET DINNER,ABCD任你選我就選B一個SET都好多野食,仲有湯飲,細食的一個餐都夠3個女仔食~不過我就額外叫左碟牛脷上餐之前先上幾碟前菜(免費的)跟住開始上菜,先黎肉,再到蝦,蝦好食鮮又大隻,牛本身醃左味的,就咁樣食味道已經好夠,唔需要再加鹽啦五花腩黎講都好靚，脂肪同肉成正比，唔會太肥，包菜食人蔘雞湯非常足料，原隻雞，再加上足本藥材，味道濃郁粉絲好食，係牛肉比較乾身，食左韓燒牛肋骨比較好最後牛脷,薄薄一塊好好食,就咁沾鹽食,已經足味啦,大愛!!!溫馨提示: 每個SET都有生菜供應,但不包白飯,要白飯就要另外叫,15蚊一碗,如果2個女仔食,一個SET係絕對夠!!!(btw我3個女仔食都覺得好飽)

雖然近排多了很多新派韓式燒烤店，但我始終比較喜歡像名家這類較傳統的韓國餐廳，起碼進食時不用被大聲的k-pop音樂包圍。選擇午市時間幫襯，因為價錢較為便宜。很喜歡他們在午市時段都照樣供應前菜，特別是他們的Kimchi, 不太酸也不太辣。我點了燒牛肋骨，比我想像中大碟，愛食肉的朋友真的不容錯過。也許因為此店地為較大，座位較多，雖然我們沒有訂枱，但walk-in 也有位。唯一美中不足的是，午市時段樓面店員不足，想落單或要求加茶時稍有難度。

於前兩年曾試過這間餐廳於太古的另一分店用午膳，印象不錯，這次來到cwb用晚餐，看看不同的分店水準有沒有不同。我們一行五人都不算太餓，決定先叫幾款食物看看，如不夠再加單。最後我們點了韓式泡菜炒飯，韓式豆腐湯鍋，海鮮薄餅，五花腩。在上菜前，侍應先給我們8小碟前菜，份量不同，但勝在款式多，如想添加也可以。最喜歡魚片和薯仔沙律，泡菜很大片，但感覺偏酸，吃完胃有點不適。韓式泡菜炒飯先上。炒飯香氣十呎，韓式醬料包裹著每一顆飯粒，飯有嚼勁，味道偏鹹，反而辣味不重，中規中矩。韓式豆腐湯鍋配飯。湯鍋上桌時熱騰騰的，配料不外乎主要的豆腐，惜不是大塊的，而是較為細碎的，還有金菇，其他雜菜等，酸酸辣辣，頗為滋味。海鮮薄餅，所謂的海鮮，其實只是魷魚，但總算份量不少；薄餅煎得煎得脆身可口，帶點微微焦香，粉漿與餡料調配合宜，味道算是不錯。因為家中一老喜歡韓燒這玩意，便叫了一碟五花腩滿足一下她貪玩的慾望。其實一碟五花腩份量真的不多，我估大約10塊左右。五花腩肉和肥膏分佈均勻，厚度適中。肉片沒有太多的醃製，油脂帶出了陣陣油香，亦保持肉片的咬口，點上些少鹽巴，提升味道。整體水準不過不失，但價錢偏貴，份量不多，性價比不高，

食物很好。尤其孫經理，我飯後大意留下手機，打回去他已安全將手機Keep 下，並很樂意將手機拿到的士站待我折返取回。很難得現正還這樣好的工作態度，謝謝孫經理👏🏻👏🏻👏🏻

It was rather random we picked this restaurant for a lazy Friday lunch and we didn't have much expectations on the food.However, we walked away with a very satisfied tummy. The Korean beef was just awesome!

午饭，100幾蚊可以一個套餐！肉真係好好食！湯都好飲！飯夠軟！飲品係米汁！餐具都係銅，韓餐係咁，雖然重，當係練手勁！六個人食咗唔到800都算平！個地方唔算難揾！貿易中心，好多好食嘅嘢，慢慢探索！其中個服務員好似係韓國人，唔識講中文，得用英文！

星期五收工約咗fd行街食飯。今次想試新野，咁岩有其他朋友推介myung ga korean restaurant，飢腸轆轆的兩人便向目標前進。餐廳環境和氣氛很不錯，柔和的燈光，優雅的韓國侍應。入座時已近八點，在繁多的菜品中快速地選擇了搭配豐富的二人套餐。前菜是常見的韓式小菜，有泡菜、豆芽、菠菜、生菜沙拉等......味道普通很快，兩盤烤肉亦來到眼前（上圖左方可見）。一盤是新鮮肉，一盤是醃過的。不經醃漬的肉，品質要求高，原價自然更高。但...說實話，我更喜歡吃醃漬過的那盤肉！這盤新鮮肉令人失望，肉厚筋多咬不爛，且無肉味。我fd話：「不如去吃XX放題啦，肉既品質差唔多，選擇多，仲平過呢間。」我呢...摸摸銀包狂點頭表示認同。----------------------是次二人套餐花費六百多元，包括六碟前菜，兩盤烤肉（一醃一無醃），兩份石鍋飯，一份韓式煎餃。菜品款式多，但個人認為味道和其他韓式料理差別不大，且價格略高。若對飲食環境較有要求，可前往一試，或許會發現美味菜品。

跟女朋友在周年紀念的時候去了尖沙咀的名家食午飯，當日去到的第一個感覺就是舒服的環境，欣勤的服務，令人讚嘆的美食，時至今日路過銅鑼灣的時候，想食韓國菜就希望重遊名家，再嘗令人讚嘆的美食。望著海景吃午餐就本應令人心曠神怡，奈何銅鑼灣的地盤工程令環境美觀度大減，可惜。餐廳內部裝修簡約，令人舒適，桌與桌之間的空間很大，不會有任何不便之處，唯一不便之處就是因有燒烤爐的存在，令腳放得不舒服。 餐前6小碟每次來的應該也會是不同，因為偷看別桌的也是不同哦。泡菜本人應為酸辣度適中，兩者味道互相配合。沙律平平無奇。炒粉絲味道濃郁，不會太油，好食。豆芽新鮮爽口，但非我杯茶。菠菜正常無特別。左上角疑似韮菜的東西，爽口口感，味道有一服草青味，第一次食韓國菜食到這個前菜。 泡菜豆腐湯湯料甚多，料足而豐富，可惜的是本身湯味過咸，不好喝，即使配飯吃也是配不來的東西。 牛肋骨我們一來到即點了的牛仔骨，經過長時間的等待(約半小時)，千呼萬喚始出來。一上桌就急不及待放進口中，卻發覺比起尖沙咀的名家失色，肉味依舊豐富濃郁，奈何口感相差十萬八千里，牛煮得過火缺乏牛肉應該有的鬆軟及口感，換來的只剩下牛肉的口感，浪費了上好的食材。

店子不算很大, 但光線充足又坐得很舒服，lunch去到兩點半都仲有，不過選擇不算太多，但仍有齊湯麵、定食、石頭飯、湯飯等。叫左石頭飯同牛肋骨，石頭飯食法正宗，材料豐富新鮮，以韓式辣醬味道一流！！讚！！牛肋骨鐵板上嫁，有兩大舊，佢係晚餐上點一客既話要$130，所以真係非常之物超所值！牛肋骨肉質嫩滑，肉汁豐富，調味都好適宜，唔會配到蓋過牛肉的鮮味。呢樣野真係好緊要，之前去過重度食，Ｄ配汁蓋過晒牛既味，太濃厚，一Ｄ都唔好正，好似主角變左個汁咁，失望死！但今次真係好開心，終於食到一間正既牛肋骨！所以好滿足。食物質素總括黎講可算係好好，服務方面亦差唔多係滿分， 待應個個有禮，笑容十足，仲會會問下你對食物的意見，當結帳離開時又聽到了不下三四聲誠懇既多謝添^^會向朋友推薦，希望多Ｄ人識黎呢間食！ＹＥＡＨ！！！.（不過唔排除係我同朋友一齊黎添！ＨＥＨＥ！） 

真係好正中的KOREAN BBQ，好多野揀，不過都唔係平。佢有D SETS俾你揀，小食又免費添食，我覺得好好，服務方面都好NICE，我地一行8人去食，個個都好滿意。D WAITRESS 唔洗叫都自動幫我地換爐，GOOD SERVICE。講返野食，D蝦真係大過隻手掌，好新鮮，燒一陣已經可以食，牛肉方面佢D汁好OK，同埋真係好薄，好快就食得。D牛肋骨都幾LUM，好易食，同埋都幾多雪花，正。不過野飲都唔多CHOICE，但其實佢都幾貴，但最少好食，同埋有海景，不過一定要BOOK位，星期六日成日都爆。

第一次食這家韓國菜，沒有甚麼期望！只是抱著一試的心態。出乎意料，好味啊😍😍😍大部分是韓國人侍應，地方整潔。點了豆腐辣湯、味鮮及辣度適中😋石頭飯更是美味極了，飯煮得軟硬剛好及帶焦香，非常美味😋😋😋配菜出色！會再來的

朋友說名家是她在香港最喜歡的韓國餐廳,那麼利害?她是饕客,識飮識食,不時不食,可惜身體出了狀況,近年很多東西都不能進食,因此經她scan過,當然是佳品.週末仍有lunch set供應,友人每次都只吃人蔘雞湯,我就選了牛肋骨伴泡菜荳腐湯.涼菜六小碟,沒有驚喜,也沒有失望.可是到捧上主菜,我倒嚇了一跳,份量很多喲!肉很多,很腍,味道也調理得恰當,沒有過甜,泡菜湯材料亦滿滿一大碗,我吃了一半已撐儍了..而友人也慢慢仔細地品味其人蔘雞湯,她可以吃得很清,把鷄肉沾上少許鹽花便很滿足.在銅鑼灣,以這個價錢吃這個份量和質素的韓國餐,真是no complaint.

雖然韓風大熱，但筆者對韓國料理不太熱衷。是日約了舊同事吃晚飯，來到名家。訂了枱，七時半準時到達。場內頗大，走著一點居酒屋的格調，尤其燈光。有卡位坐，保持私隠度，真好！由同事們發辦，點選了set, 有前菜，兩款燒牛肉，石頭鍋飯，泡飯。另選了生牛肉他他。先試一些前菜，賣相不俗，看來很新鮮的。每一碟也配上一些開胃醬汁，挺惹味的。來到燒牛肉的環節，味道普通一點，看來不及日式的甘香美味。同事們推介的生牛肉他他。　不竟這是筆者首次進食生牛肉，心理實在有一點恐懼。試一口，口感頗嫩滑，味道則是濃郁的麻油味。如果蒙著眼，大概也估不到它是生的，還要是鮮紅色的。還不錯，但未至於是人間極品。石頭鍋飯，頗多的飯焦，加上有點辣，真的不是筆者的那杯茶。泡飯的辣是另一層次，同事們勸告不要嘗試，筆者也乖乖從命。輕輕鬆鬆，又過了一個愉快的晚上。

與朋友二人星期五晩book左 7點，當時已被吿知限時只有一個半鐘。當日大家都要 OT, 最終 7點半先趕到，侍應即時告知8點半必須還枱。我心諗任吃都有兩小時啦，食韓燒一個鐘邊夠呀？心想到時真係有人排隊先算。入坐後食物很快送到，前菜只有6小碟，款式及味道只屬一般。主菜點了牛肋骨、雞肉、蝦、炒粉絲及人參雞湯。烤肉基本上不過不失，牛肋骨夠入味夠焾，叫做全晩最好味。而雞肉及蝦都好普通。炒粉絲亦屬一般，未見突出。至於人參雞湯就出奇地差，全無人參味，淡某某似滾湯，糯米又只得幾粒，真係未飲過咁渣嘅人參雞呀！其實食到 8:20pm，侍應已來埋單。枱面仍然有好多食物，我地已盡量快食。其間有個老女人（可能係經理）不斷行埋黎催，話出面好多人等！事實上我又唔見有人等喎！但係個老女人就當我地係烏蠅咁趕，真係咩心情都冇晒，未食晒都走喇！最嬲係我地行出門口，只有一對男女喺度，人地仲要唔係等位，只係借佢張櫈坐，然後同我地一齊搭𨋢走！我地埋單都$9xx，竟然受到如此對待！我當然明白依家好多餐廳為做多兩轉生意，晚飯要分兩輪。但我個人認為做生意也要識變通，我唔係要擺住頼死唔肯走，你只要態度好d，寬容多15分鐘，又或按當時等