名代宇奈備長炭燒鰻魚飯專門店 (希慎廣場) (已結業)

朝早喺銅鑼灣💼做完嘢，朋友介紹呢間🤤餐廳食🍱鰻魚飯，喺餐廳門口已經見到有👨‍🍳職員喺度用備長炭不停🔥燒鰻魚。我今次就🤩揀咗呢個「鰻魚重」，一上枱香氣撲鼻🥰，肉厚鮮甜，而且燒到有少少微焦特別香口，重點係燒🔥到啲肉好軟好鬆化，呢種先係真正燒🔥鰻魚應有嘅👍口感！同坊間經過微波爐🙈加熱嘅完全唔同！另外呢醬汁💧就少左啲，不過咁樣就比較能夠食😋到鰻魚嘅鮮味，所以我就冇要多汁啦。最後呢⋯⋯佢嗰個餐盒🍱甩漆都幾🙈嚴重😳⋯⋯

The food is actually okEnjoyed the three way eel riceI discovered another way of eating which is adding only the tea And another portion with tea and wasabi which gives you completely different palette However pricing is misleading on the menuThe eel omelette which is labelled with a +25 with set menu does not mean it’s +$25But with original price of $58The $25 is for an addition of plain rice soup n appetiser Be aware of it when order

行到去hysan唔知食咩好，咁啱經過見到呢間專食鰻魚飯嘅日本餐廳，心郁郁就坐低左諗住試下啲鰻魚好食無。點知，真係中左伏😓叫左個玉子燒做小食。上到黎唔多熱，啲蛋中間捲住一舊仔鰻魚。但個味唔差嘅，同正常玉子燒無乜分別。中伏野黎了😪諗住清清地又有啲綠色野食下就叫左個秋葵山藥鰻魚丼。以為一間用鰻魚做主打嘅餐廳啲鰻魚一定好好食，點知呢碗飯嘅鰻魚小得黎鞋口，仲要凍嘅。碗飯上得好快，啲鰻魚應該就唔係即燒嘅。啲山藥蓉同之前喺其他餐廳試過嘅難食好多，加左勁多七味粉先勉強食哂個一pat野。碗飯份量亦好少，女仔可能夠食嘅，但男仔一定唔夠。朋友叫個碗和風牛肉鰻魚丼就好少少，但佢俾嘅comment都唔係好，無影到相啲鰻魚呢碗就係即燒嘅，原舊鰻魚無切咁上，熱過我個碗好多倍，但食落口都係鞋，唔好食。啲牛肉份量少，個味同吉野家啲牛肉飯嘅牛肉一樣味。上菜啲次序又錯哂，個麵豉湯同前菜喺我地差唔多食哂碗飯先上。麵豉湯好咸，得幾條海帶，豆腐都無舊😓兩個人食3樣野都要二百4蚊埋單，無下次

先前叫過兩次外賣，超級快就已經可以好快速拿得，食物都無問題. 今日再叫外賣上到去等咗10分鐘仲未攞得,事前5分鐘落單，上到去又話要等,未有，餐廳只有四台客每台兩人，只係叫咗個牛肉飯，都係筆出來嘅嘢都唔明點解要咁耐？咁樣嘅態度下次客人就唔會去食啦擺明趕客,可悲的員工.

今次因為Hysan在疫情期間有$25外賣優惠的原因，而看到餐廳的餐牌相是有兩份饅魚，比較正常的一份餐，所以便滿心歡喜試試這間饅魚飯的外賣，回到寫字樓，打開一看，這個份量根本不是原價的份量，也不是相中那份饅魚飯，只是減小食材做的特價優惠，雖然在電話下單會有領取的時間，但餐廳一直沒有更新狀況，因為一直都是在預備中，沒有更新到可以取的狀況，我比訂餐的時間遲了十分鐘取，飯是涼的，饅魚很小，可以不試，我還加了$10多一隻温玉，這隻温玉是冰的，好失望。

今日過左海，去左希慎簡單食過快午餐，由於都晏，所以揀左呢度食。原來仲有半個鐘人地就落場，所以一入到去就落order,叫左:  雙層鰻魚丼 $108賣相幾靚仔, 份量唔算好多. 大概一碗多D, 大食的男士就應該唔夠了.鰻魚的確有些炭燒的香味, 不過唔算好濃烈, 味道也唔差!溫玉牛肉丼$78小朋友也很喜愛食, 可能似吉XX, 飯質好腍. 撈混隻蛋, 口感更香更滑.由於還是午餐時段, 所以配有湯及前菜.

《平價鰻魚飯🏮🎣》———————————————-#名代宇奈備長炭燒鰻魚飯專門店 🇯🇵香港唔多鰻魚飯專門店，希慎廣場就有一間。我地叫左個鰻魚丼同和風牛肉飯，套餐有配味噌湯及漬物。鰻魚肉質都唔錯，無咩細骨，不過鰻魚汁份量就比較少，令個飯粒感覺比較乾身。牛肉飯味道都OK，但味噌湯就唔好飲啦，非常之鹹😂-本身$68已經唔算貴，識飲識食既我地仲搵到OpenRice有得外賣自取八折，加埋希慎而家做緊既優惠【LG20】（唔係廣告，純粹share親身經歷），認真抵deal。平平地，完全可以滿足下我吃鰻魚的慾望，過下口癮！👍🏻-⭐️ 參考價錢︰鰻魚飯餐︰$34.4 (原價$68)和風牛肉飯餐︰$34.4 (原價$68)-🍌抵deal 指數：7/10💰人均消費：$35 (晚餐)IG: goodeal

疫情之下無得飛去日本，但又好想食鰻魚飯，比我知道希慎原來有依間我係日本食過既鰻魚飯，當然要黎食下，順便思下鄉😭😭。我叫左個雙層鰻魚丼，唔洗食呀，望到已經見到鰻魚幾厚幾肥美，加上睇到佢燒到岩岩好，真係忍唔到呀🤤！仲要未放入口都比我閒到啲鰻魚汁幾香！我即刻放入口，嘩！個隻味同係日本係一樣！咬落去好juicy，條鰻魚肥得黎唔over，有少少入口就溶化既感覺！真係好正！下面個飯加左啲漫魚汁，撈飯飯真係一流🤤🤤。加上依到幾乾淨，坐得都好舒服！

相信不少人很掛念家鄉日本，回看前年今日的旅行照片，勾起了我對鰻魚飯的熱愛。香港不多鰻魚飯專門店，銅鑼灣有數間，今天晚上選了一間位置方便的，就在希慎廣場內。我點了一個溫玉鰻魚丼，配味噌湯及漬物。溫玉即是溫泉蛋，流心是必須的，蛋味香，拌飯一流。鰻魚有6片，以78元的價錢是合理的，不算大片，沒什麼細骨，總算滿足我吃鰻魚的慾望。還有鋪至半滿的葱花，我喜歡吃葱花，多些會更好。味噌湯偏咸，送飯還可以。漬物是酸瓜，正常漬物味道，只吃了2塊。

Lunch黎同朋友食，係希慎12樓，都方便既。不過座位比較少，加上限聚令，都要等好幾個字。叫左個照燒雞排鰻魚飯。首先份量係好少，雞排幾件，鰻魚兩塊。鰻魚味道都算肥美，汁都香，不過好多骨，食果時要小心d. 雞排就正常味，同自己係屋企冇大分別。飯入面得好少照燒汁，完全唔夠撈飯，所以我都冇食晒d飯 😂雖然個飯一百蚊都唔洗，但係同樣價錢係銅鑼灣應該食到更抵食同更飽既lunch. 第二次不了 ～ 如果真係中意食鰻魚飯，銅鑼灣亦有其他選擇呀

第1⃣️次落訂外賣自取，時間準確，未能試赤味噌湯因店員未有蓋好湯杯，發現時已太遲......湯沒了...... 留下了湯的香味；未能試到赤味噌湯好失落🥺！鰻魚丼味道👍🏻

喜歡吃鰻魚，但在香港很難吃到好吃的鰻魚，或者要很貴。在銅鑼灣走了一會，還決定不到吃甚麼，見到這家鰻魚店價錢不太貴，樣子好像很專業，就打算試一下。因為款款鰻魚也差不多，也真考慮了一會。其實主要是分量的差別。我要了雙層鰻魚，鰻魚豆腐。飲料還有買一送一。鰻魚好味，有油脂的口感，分量也足夠（不夠也可以免費加飯）鰻魚豆腐有新鮮感，熱鰻魚冷豆腐，有趣，但不算大驚喜。市道不好，員工比較少，但都很有禮貌。整體都很好，會再去。

一向好少喺香港食所謂過江龍🐉始終食材環境服務都有段距離，加上挾住日本🇯🇵過江龍的銜頭，貴咗成截，價格同質素又唔成正比！所以喺hysan唔知食咩好，又想食吓日本味道，就抱住一試心態🍱🥢Menu上有季節限定，選擇亦唔少，當然全部都係鰻魚🤣三個人各點一款，可以免費加飯🍚鰻魚肥美而經炭燒後香氣四溢，飯粒沾上油份，份外好味。但鰻魚有啲骨同鰻魚汁份量好少，加上飯粒比較硬身同乾，我覺得好美中不足🤔可以一試，如果$68我無投訴，因為無期望就唔會失望！正宗嘅都係留返去名古屋食啦🤗雙層鰻魚丼 $108鰻魚重 $98鰻魚丼 $68

希慎我成日黎，foodcourt上面嘅餐廳我都差唔多試過哂，好鍾意食鰻魚嘅我，見呢度唔太貴有得食就試下啦！一打開餐牌，竟然有好多款選擇，苦惱咗好耐，我地就試左中等價位嘅”鰻魚重”鰻魚燒得啱啱好，汁嘅份量同味道都恰到好處，加埋d飯一齊食真係一流！名代宇奈備長炭燒鰻魚飯專門店地址📍: 銅鑼灣軒尼詩道500號希慎廣場12樓1202號舖.............................. 味道😋: ⭐️⭐️⭐️⭐️ 環境👀: ⭐️⭐️⭐️ 服務👨🏻‍🍳: ⭐️⭐️⭐️ 抵食💰: ⭐️⭐️⭐️⭐️

嚟到唔熟悉嘅銅鑼灣 就上open rice睇下附近有咩食 睇到呢間鋪頭 再睇佢個menu 就俾佢吸引咗過嚟 基本上佢嘅set八成都係鰻魚/鰻魚加其他餸。苦惱咗好耐 最後揀咗溫玉鰻魚丼 但期望好似太大 鰻魚有骨 好明顯食到個種 而且佢個汁好普通仲俾得好少 好彩有個流心蛋個飯先冇咁dry。個湯偏鹹但個人仲接受到。