影片
这里是服务还算不算，可以食物质素就有很大的进步空间了。一、一份10吋pizza左右大的蚝饼，128元，炸得很香，但只有十粒八粒蚝仔，感觉像是吃炸面粉，实在太不可思议。二、豉椒炒蛏子，98元，蛏子份量适中，可是肉质很结实，丝毫没有鲜味，而且炒得太咸。一份又咸又不鲜的蛏子，难免令人认为死去多时或急冻食材。服务员的态势还算不错，而且会主动帮忙，这点值得一提。不过，我们还是不会再光顾了，因为虽然不是很贵，但性价比低。
继续阅读
今日见有时间，去食咗个下午茶。先讲食物，鸡髀炸到干晒，好似营养不良咁，仲要冇味！好明显系翻炸.. 好彩薯角够热够脆。服务员，态度极差，会喵客人.. 叫咗几次都冇反应，但成间舖头得三台客人！
继续阅读
朋友lunch成日黎呢度食小菜，介绍我去，父亲就快生日决定book枱，同餐厅要求几个自订菜式(系父亲喜欢的)，餐厅话奉陪😆其余嘅去到再拣，选择都多。位置有D吊脚，不过最紧要食物质素。我哋book左6:30pm，去到见到订枱都多，环境尚算企理，灯光柔和舒服。茄汁老虎虾老虎虾有椒盐/黄金/豉油皇/茄汁…唔同食法，父亲拣茄汁。一上枱好香，好大只，有埋摆盘🤩一试极惹味😋虾肉厚身弹牙，虾头虾膏吸收埋酱汁，好正！听朋友讲食过佢哋黄金老虎虾都唔错，下次可试吓。清蒸老鼠斑(预订）本身条鱼肉质够靓，鲜、嫩、滑…蒸得啱啱好，加埋佢个秘制嘅蒸鱼豉油，好味到爆😍😍满足晒腌尖嘅父亲🤭冬瓜盅(预订)好有惊喜，系高身大冬瓜，估唔到份量劲大🤩有瑶柱、金华火腿、带子、鲍鱼、虾肉、蟹肉等…劲足料，汤底好清甜，冬瓜入晒味，底层又够淋👍父亲仲食家上身咁话：呢啲冬瓜盅已买少见少，工序多，要炖几个钟…即刻饮多碗先😋😋椒盐鲜鱿鱿鱼新鲜，外面一层薄薄脆衣，好香口，配埋喼汁，正！胆固醇暂时摆埋一边。咕噜肉我哋叫左(走冰)，够脆口，酸甜度适中，几开胃，略嫌大嚿左D。豉椒炒蛏子(预订）好大条，新鲜，爽滑弹牙，调味调得好好，豉汁味够，又唔会过咸👍炸子鸡皮脆肉嫩，小炒王够镬气，麻婆豆腐同埋上汤时蔬同样好味。估唔到外表平平无奇嘅小店，暗藏惊喜，无论大菜小菜，烹调功夫出色，店员都好有人情味、态度友善，成餐饭食得好开心。11人，食豪D都系人均300几(冇加一)好抵食，全家都好满意！
继续阅读
呢间舖前身喺间西餐厅，早几个月前转手做咗茶记小厨，衬完咗聚会就同老婆、一位朋友嚟到食餐晏昼。其实喺附近都有好几间茶记，已经算喺好大竞争，佢个位仲要偏埋一边，相信有啲法宝先能够做得住。由于餐厅喺接上手继续做，所以，内里嘅环境无变，依旧喺西餐厅嘅格局。无论绒櫈定藤椅，都算舒服好坐，不过，灯光有啲暗，但我哋拣咗窗口位，所以，影响唔大。 午市时段，可拣嘅有常餐、碟头嘢、炒粉饭面、泡饭、焗饭……等等，都喺茶记惯常见到嘅选择。虽然呢度嘅招牌喺海南鸡饭，不过，老友话食过觉得麻麻哋，所以，我就试咗另一款沙姜鸡饭。 刀叉、筷子放咗喺枱边嘅藤蓝，仲有少少基本调味料，顺带一提啲服务，态度就真喺麻麻哋，尤其是有位女侍应，成碟炒贵刁掟落枱面嘭嘭声咁，唔喺夸张，我哋都O晒咀，但另外一位男店员就好好多。 干炒牛河 $58呢度最可取嘅份量非常十足，无论边一碟，我哋所叫嘅碟头都大大份，而朋友所叫嘅牛河，睇样就好对办，色泽都炒得好靓好，味道亦唔错，牛肉好腍滑，只喺嫌油咗少少。 马来炒贵刁 $58老婆嘅炒贵刁都算喺炒得有水准，唔单止料多，都炒得好「匀巡」，味道带少少咖哩香，食落好惹味，不过份量真喺超大，我帮佢顶咗1/3碟有多，哈哈。招牌沙姜鸡饭 $58初时谂住啲鸡就咁斩就上到碟，以为喺我最快有得食，但估唔到佢哋食咗一半，我碟嘢都仲未见影，相信喺漏咗单（喺女店员落单），追问嘅时候，个男店员就话整紧，需要啲时间，感觉有啲奇怪，因为你𠮶啲鸡嚟到唔喺好热咋㖞。贵为招牌，点都会有啲期望，佢哋啲沙姜喺另外碟上，好似做个汁咁淋落啲鸡度，鸡肉都算唔错，虽未至于好嫩滑，但至少唔会「嚡烚烚」，不过稍嫌皮下脂肪多，个沙姜调校都有少少咸。 热奶茶餐饮都喺叹返杯热奶茶，话晒呢度算喺茶记，估计唔会太差。色泽几好，入口茶底唔错，算芳香，但以个人口味而言，茶奶比例差啲啲，唔够奶香，口感亦唔算顺滑，唔差，叫OK咁啦。 餐厅名用上「小厨」，感觉以小炒做定位，唔知啲小炒会唔会好啲呢，不过，就无打算再嚟，皆因附近有几间茶记就较为心水！
继续阅读
可能系屋村舖头嘅关系，我中午嚟啦，佢都肯就咁蒸两只扇贝（70蚊一只，都几抵 大扇贝街市买都50/60蚊）俾我，鲜甜好味，粉丝蒜蓉豉油比例合适。如果系女士食，可以唔使跟饭，因为佢真系好多粉丝。顺带一提，呢度啲员工都亲切，同客人好似朋友咁倾偈，但亦都好有礼貌，唔似有啲茶餐厅真系好冇礼貌，会呼呼喝喝，都唔知点形容。在顺带一提，呢度上一手系平民版法国餐厅，$400 -500 一个头𠮶种。所以佢哋个装修，都好唔茶餐厅😂会有d 吊灯，挂画。所以几搞笑。
继续阅读