名世鮮小廚 (已結業)

這裡是服務還算不算，可以食物質素就有很大的進步空間了。一、一份10吋pizza左右大的蠔餅，128元，炸得很香，但只有十粒八粒蠔仔，感覺像是吃炸麵粉，實在太不可思議。二、豉椒炒蟶子，98元，蟶子份量適中，可是肉質很結實，絲毫沒有鮮味，而且炒得太咸。一份又咸又不鮮的蟶子，難免令人認為死去多時或急凍食材。服務員的態勢還算不錯，而且會主動幫忙，這點值得一提。不過，我們還是不會再光顧了，因為雖然不是很貴，但性價比低。

今日見有時間，去食咗個下午茶。先講食物，雞髀炸到乾晒，好似營養不良咁，仲要冇味！好明顯係翻炸.. 好彩薯角夠熱夠脆。服務員，態度極差，會喵客人.. 叫咗幾次都冇反應，但成間舖頭得三台客人！

朋友lunch成日黎呢度食小菜，介紹我去，父親就快生日決定book枱，同餐廳要求幾個自訂菜式(係父親喜歡的)，餐廳話奉陪😆其餘嘅去到再揀，選擇都多。位置有D吊腳，不過最緊要食物質素。我哋book左6:30pm，去到見到訂枱都多，環境尚算企理，燈光柔和舒服。茄汁老虎蝦老虎蝦有椒鹽/黃金/豉油皇/茄汁…唔同食法，父親揀茄汁。一上枱好香，好大隻，有埋擺盤🤩一試極惹味😋蝦肉厚身彈牙，蝦頭蝦膏吸收埋醬汁，好正！聽朋友講食過佢哋黃金老虎蝦都唔錯，下次可試吓。清蒸老鼠斑(預訂）本身條魚肉質夠靚，鮮、嫩、滑…蒸得啱啱好，加埋佢個秘製嘅蒸魚豉油，好味到爆😍😍滿足晒腌尖嘅父親🤭冬瓜盅(預訂)好有驚喜，係高身大冬瓜，估唔到份量勁大🤩有瑤柱、金華火腿、帶子、鮑魚、蝦肉、蟹肉等…勁足料，湯底好清甜，冬瓜入晒味，底層又夠淋👍父親仲食家上身咁話：呢啲冬瓜盅已買少見少，工序多，要燉幾個鐘…即刻飲多碗先😋😋椒鹽鮮魷魷魚新鮮，外面一層薄薄脆衣，好香口，配埋喼汁，正！膽固醇暫時擺埋一邊。咕嚕肉我哋叫左(走冰)，夠脆口，酸甜度適中，幾開胃，略嫌大嚿左D。豉椒炒蟶子(預訂）好大條，新鮮，爽滑彈牙，調味調得好好，豉汁味夠，又唔會

呢間舖前身喺間西餐廳，早幾個月前轉手做咗茶記小廚，襯完咗聚會就同老婆、一位朋友嚟到食餐晏晝。其實喺附近都有好幾間茶記，已經算喺好大競爭，佢個位仲要偏埋一邊，相信有啲法寶先能夠做得住。由於餐廳喺接上手繼續做，所以，內裡嘅環境無變，依舊喺西餐廳嘅格局。無論絨櫈定藤椅，都算舒服好坐，不過，燈光有啲暗，但我哋揀咗窗口位，所以，影響唔大。 午市時段，可揀嘅有常餐、碟頭嘢、炒粉飯麵、泡飯、焗飯……等等，都喺茶記慣常見到嘅選擇。雖然呢度嘅招牌喺海南雞飯，不過，老友話食過覺得麻麻哋，所以，我就試咗另一款沙薑雞飯。 刀叉、筷子放咗喺枱邊嘅藤藍，仲有少少基本調味料，順帶一提啲服務，態度就真喺麻麻哋，尤其是有位女侍應，成碟炒貴刁掟落枱面嘭嘭聲咁，唔喺誇張，我哋都O晒咀，但另外一位男店員就好好多。 乾炒牛河 $58呢度最可取嘅份量非常十足，無論邊一碟，我哋所叫嘅碟頭都大大份，而朋友所叫嘅牛河，睇樣就好對辦，色澤都炒得好靚好，味道亦唔錯，牛肉好腍滑，只喺嫌油咗少少。 馬來炒貴刁 $58老婆嘅炒貴刁都算喺炒得有水準，唔單止料多，都炒得好「勻巡」，味道帶少少咖哩香，食落好惹味，不過份量真喺超大，我幫佢頂咗1/3碟有

可能係屋村舖頭嘅關係，我中午嚟啦，佢都肯就咁蒸兩隻扇貝（70蚊一隻，都幾抵 大扇貝街市買都50/60蚊）俾我，鮮甜好味，粉絲蒜蓉豉油比例合適。如果係女士食，可以唔使跟飯，因為佢真係好多粉絲。順帶一提，呢度啲員工都親切，同客人好似朋友咁傾偈，但亦都好有禮貌，唔似有啲茶餐廳真係好冇禮貌，會呼呼喝喝，都唔知點形容。在順帶一提，呢度上一手係平民版法國餐廳，$400 -500 一個頭嗰種。所以佢哋個裝修，都好唔茶餐廳😂會有d 吊燈，掛畫。所以幾搞笑。

我齊高興 寫食經。 試問世間:乾炒河粉好食，定濕炒好食? 答案是濕 炒。 理由是乾炒有芽菜，肉絲一齊落鑊，它們含水 份，故鑊氣熱力低了幾皮。 閒話説完。我推介老闆演譯的 銀芽金菇肉絲炒河， 濕炒, (走肉亦得)，我讃他五星級，事關我近年試 勻全港40元一碟至348元一碟的炒河。我平貴店都去 試，看看香江還有沒有天涯芳草。 他嬴嘥。那若隱若現的鑊氣，莫名的昇華，虛無的韻 味。完全不是火囉、油膩那回事。它令人精神為之一 振，充滿幸福，樂上半天。難怪最高薪的崗位是候鑊， 是有能者居之。因為手勢是天生的，不是大火大力 ，用 心用意，便等於好手勢。而且炒河底 炒得咁上下 便要灒水淬火才 透。 千鈞一髮的直覺。 另一話題: 㕑房這麼多人手，不是人人都有天賦，平凡者居多。故要認人，不是認店名。亦要認他的首本名曲，撚手小菜不必多，一個炒河已可出名。膾炙人口。簡約見真章。

風味金沙黃金蝦的外皮炸得酥脆，內裡口感鮮嫩，味道不錯。不過份量就十分驚人,$138有四隻的大蝦, 2分鐘就食完, 整碟餸菜一定可以填飽小童的胃口, 如果喜歡食黃金蝦或想食多過四隻蝦的成人,強烈建議叫多兩至三份的份量。整體來說, 這個份量和價格在葵涌青山公路區必定係首屈一指, 5星級的價錢,一般的味道, 都未計餐廳內普通的環境和職員不有善的態度。唔希望餐廳為左我這個窮人改善一下, 反而繼續下去, 一定會深受中環半山的上流人士追捧, 香港的繁榮就靠了你

常餐嘅吉列魚柳得兩舊（好細）同吉列豬扒炸得大耐！過咗火！奄列同多士上餐時見到奄列上面好多油！奄列整得ok剛剛好唔會就熟！海南雞嘅雞份量少同加多幾條菜！就會好好多！希望餐飯可以改善下！

1月4日，見佢新開今日去試佢嘅下午茶，諗住好食就會再來繼續食或試下佢嘅晚餐其他東西等，但有點失望的揀咗雞髀沙律，雞髀冇底味冇醃過少少鹹味都冇，沒有肉味，雖然我自己少整嘢食都知雞髀屬於容易變壞嘅食材，但每天餐廳製作份量唔同住家，食得出隻雞髀唔新鮮，講嘅唔新鮮並不是殭屍肉嗰隻，而係解凍咗等待煮熟時放置不知多久，未變壞的但煮佢就已經沒有了肉味，文字上應該係咁講，而沙律，落單前詢問咗沙律是菜還是生果，因為一般茶記生果係會用罐頭雜果的，我自己本人不吃罐生果的，職員答我2樣都有,咁我有兩個人嚟諗住什果咪畀對面朋友食，，嚟到嘅並不是菜嘅，味道佢將個汁調到好稀. 甜的. 淡淡的沙律醬味，只有.紅蘿蔔.青瓜.薯仔.3小粒菠蘿.，紅蘿蔔是熟的正常味，薯仔硬咗d，青瓜唔靚唔脆有d淋，值得一讚嘅係雪櫃拎出嚟嘅凍度剛剛好唔太凍不唔夠凍，整體成碟嘢嘅食材奶茶冇茶味似花奶水咁（仲有一樣最緊要嘅係筷子存放嘅位置，我要攞刀叉一定用隻手拎起筷子，即係如果我要用筷子上一手幾多人徒手掂過）

通常都係彈人多，好嘢梗係要收埋自己食。今次啲起決心，因為又話要80字先可以乜乜乜，200字先可以點點點……我就試吓用我有限既墨水，盡可能寫幾十字出嚟滿足吓開飯網啦。果個咩雙拼骨，跟本就係大酒樓水準，但就係茶記價，唔明點解可以咁做。另外啲海鮮，我叫左蒸蟮同薑葱蟹（兩隻），好似只係118同188，真係去街市買都差唔多錢啦，仲要有人洗乾淨煮埋比你食，可以去邊搵丫。下次有機會要帶埋家人去試，因為今次得4個人叫唔到太多餸，但下次一定會訂左位先，因為食食吓都已經座滿哂了。

近排天氣凍咗，本來已經約咗班friend去打邊爐，但其中一個friend話， 佢呢排食得太多火煱，想轉一下口味，好想食吓小炒。我地一行四人，咁啱行過見到一間新開小廚，望入去環境都算唔錯，樓底仲比一般食肆為高，用餐時感覺應該幾舒服，於是我地二話不說， 就決定入去試吓。坐低攞張餐牌睇睇，發現每個菜式既價錢都算合理；我地就叫咗碟黃金蝦，回味辣子雞，啫啫肉碎芥蘭煲，同埋星洲炒米。估唔到呢間新開小廚，除咗價錢公道，連我地叫既四個餸，全部都係份量十足，而且味道都ok滿意，尤其是我平日最愛食既星洲炒米，都做到我要求既水準，相當好味，合哂我既胃口。埋完單之後，我同班friend都不禁異口同聲話：一定有下次！

今晚同朋友去食飯，見到一間新開嘅小㕑，裝修都幾簡潔，又有outdoor ,見有人排隊，於是就一行4人，等咗十分鐘就入去試吓，點知真係喜出望外都幾好食，居然有田雞食，於是即刻叫返碟，椒鹽田雞味道超好食，做得出色，另外再叫咗椒鹽炸豆腐，小炒皇同三杯雞，每個餸都做得有水準，坐得又舒服，因為係梳化櫈，所以下次都應該一定會再食，等天氣冇咁凍，真係好想坐喺outdoor,chill 下，👍😋😋