同仁四季音樂主題餐廳 (已結業)

自從中染新城呢個地方裝修過變靚左之後，有唔少食店進駐，鐘意試新野的我放假唔知食咩，就黎左呢度搵食啦外面望望餐牌，有得打邊爐又有得食小菜，再探頭入去望望，環境不錯，而且有我好鐘意的椰子雞湯底打邊爐係門口見到餐廳名叫「同仁四季音樂主題餐廳」我都諗打個邊爐關音樂咩事呢，入到黎就明晒了，原來餐廳入面有個舞台，仲請左人係度唱LIVE，有得一路食飯一路聽歌又唔錯係門口時已經決定左要打邊爐唔食小菜， 如果多人黎食可以叫套餐係等食物黎的時候就可以混下醬，係呢度等野食期間都唔會覺得悶，因為可以聽下歌，食中菜有得聽LIVE都真係第一次生態原味椰子雞鍋 - 半份 ($238)我地得2個人所以就叫左半份，由頭到尾都有店員幫我地煮，等到水滾，店員先幫我地落雞，再用漏斗計時，咁就唔洗怕會煮到過熟呢間餐廳服務真係幾好，一夠鐘就有店員過黎幫我地開蓋，仲去埋油，完全唔洗自己動手湯底完全用上椰子水，飲落好清甜，雞件煮得岩岩好，同我地平時食到的雞有少少唔同，雞瘦而且肉質較有彈性，一開始我已經飲左3碗湯田園拼盤 ($88)而家每次打邊爐我都會先食菜，因為可以趁湯完全未被肉類污染的時候煮會比較健康，而且菜仲可以吸收椰子水的清甜

食火鍋一向比我嘅感覺，就係熱熱鬧鬧，麻麻辣辣，又嘈又過癮。今次喺同仁四季音樂主題餐廳就比到另類火鍋享受。同仁四季餐廳位於荃灣反新後嘅中染新城，行完ikea再去揾食，所以中染而家多左好多唔同類型嘅餐廳，再唔係好似之前得間排隊pizza。同仁四季餐廳環境好舒服，柔和燈光，就有種星空下，聽住現場歌手音樂用餐，心情好假日，除火鍋外，餐廳也有小菜。而職員就極力推介四人椰子雞鍋套餐，但我們選擇左自選，點左個半份椰子雞鍋，加啲配料。女皇話事混醬材料最另類就係青檸加入豉油後的確有解膩清新先上椰清湯，等煮滾後就加入鮮雞件，熄火炆8分鐘，再開小火，滾後就可享用雞件肉質鮮嫩，湯底淡淡椰香，清甜潤喉頂級手切安格斯肥牛(大)份量正常，雪花也豐富，唯獨牛味未及想象中濃。脆鯇魚腩柴淮山手功魚麵脆鯇魚片雙丸拼總括餐廳氣氛很好，火鍋湯底也不錯，食材也有70分，可以一試

可以聽住live band，一班人嚟打邊爐，高高興興。而且環境夠大，坐得又舒服，抽風系統做得非常之好。真係要黎試下❤️歌手同樂器手未到之前，餐廳都會播其他歌手唱歌嘅片段😮諗唔到食咩嘅可以試下佢哋嘅套餐㗎🤩選擇都非常之多，價錢唔算好貴，因為佢地既食物份量都幾大分😋九宮格嘅調味料，更特別嘅係佢哋有泰式青檸仔，淋落個時油兜，酸酸鹹鹹真係好開胃😮我哋叫咗半份嘅椰子雞，佢嘅雞肥瘦均勻。而且會有店員先幫你滾起個湯底，然之後再放啲雞落去，煲夠三分鐘，再焗多三分鐘，就食得㗎喇🤩驚會錯過咗最佳嘅食用時間？唔洗怕佢有個小漏斗可以幫到大家😮非常爽口同彈牙😍😍同一般嘅魚麵有好大分別嫁！淮山本身唔算話好濃味，但係夠曬養生。而且幼奶地一條條，食落一啲都唔un胃！😋墨魚丸比蝦軟更爽口，蝦偏向林身，但兩種都好足料，一粒粒嘅墨魚同蝦😍如果真係要揀就睇你鍾意食邊種口感啦😊勁爽，十完之後一啲都唔會好鞋或者好霉，非常之鮮甜。食落一啲都唔腥🤤🤤 雲吞同水餃我就最鍾意雲吞😍因為入面好多蝦肉😙😙但水餃都好足料㗎😎而呢個日本芝士魚蛋烚完之後口感好淋，淡淡嘅芝士味，夾埋好q彈嘅魚蛋，都幾特別㗎😙

朋友仔收工去佢公司附近打邊爐，他提議去這間＂同仁四季主題餐廳＂七點半後會有live Band陸陸續續會爆場所以記得要訂位喔😎音樂柔和場地樓底很高坐得舒服皇牌清潤椰子雞鍋套餐本來想散叫點知見到這個皇牌套餐和我們想要的東西差不多，抵食很多所以我們叫了這個套餐😆這個清潤椰子雞鍋真的不得了，一打開蓋椰子湯清香撲鼻，半隻雞有限定時間，服務員先為我們煮好，我們先吃嫩雞和飲湯之後才正式火鍋😋CAB美國安格斯肥牛美國安格斯肥牛牛味濃郁，滾兩滾就可以食得啦西班牙杜洛克豬豚肉西班牙豚肉較嫩口，油脂分布平均珊瑚蚌，脆骨鯇魚腩，日本廣島蠔珊瑚蚌爽口，脆鯇魚腩切得厚身有口感，日本廣島蠔肥美新鮮，鮮甜無比手打鮮蝦丸，滑豆腐，田園拼盤野菌拼盤大大粒蝦丸很彈牙，其他份量也很足夠所以我們四人真的很飽很滿足

之前係太子店試過同仁四季椰子雞煲的確好鮮甜，今次同fd 黎到呢間以live band 同music differentiate 分店，決定試下佢中菜水準.剛黎到都幾欣賞interuore design, stage 同食客枱好近，好易interaction. 見到中段都有坐附近幾枱客直接點歌😆 今晚band 唱既大多係大家耳熟能詳pop songs, 例如囍帖街，童話等. 又或者純演奏歌曲，千與千尋主題曲，都幾好. 見到有其他食評話呢度音響個mic 麻麻，我反而慶幸呢樣，否則坐係stage 附近黎講可能會太嘈. 今晚我地坐係stage 附近，覺得音量剛好，既可以欣賞歌曲亦不會影響傾計無食到椰子雞煲，但對佢地湯羮都幾有信心，所以選左個湯試下. 朋友拍板下試左呢個長腳蟹肉粟米羮$48真係有都唔算少蟹肉，味道就係平時飲開粟米湯味道😂🤣 覺得係選錯左湯，下次試下其他黑松露鮑汁雞粒炆飯 $98估唔到用類似韓式石窩出場，雖說係炆飯，睇落同炒飯無太大分別，大概最後有加湯令其無炒飯咁乾身？飯帶淡淡black truffle香，中間有雞肉粒，調味適中都不錯. 份量比想像中多，ard 都有4碗. 所以都岩

雖說盛夏已至，但對椰子雞鍋的熱情依然未能冷卻，今夜，又到8咪半的同仁四季，來吃個清香四溢的椰子雞鍋。入座後，先點了半份椰子雞，調好醬汁，店員已送上椰子湯底，待湯底慢慢滾透，放入雞件，以漏斗計時，約8分鐘，即可起筷，吸飽椰子湯精華的雞件，肉質清爽嫩滑，帶著嚼勁，蘸上沙薑及青檸醬汁，味道層次更鮮美，接著呷口熱辣靚湯，清澈清香又清甜。吃罷雞，火鍋開始，首先放入鮮冬菇，待火鍋尾升進食。接著當然是安格斯牛肉，輕輕一灸，已可進食，牛味濃厚，肥瘦適中，軟潤嫩滑。手打墨丸及蝦丸，點了小份量，各兩粒，恰好的兩人共享。彈牙的蝦丸，鮮味十足。墨魚丸內裡裹住粒粒墨魚，真材實料，有口感。桂花蚌，清透亮澤，爽口鮮甜。這時，鮮冬菇已泡得較腍入味，吸飽椰子雞湯精華，水潤清香又美味。還有翠綠的萵荀，切得透薄，輕泡一下熱湯，淡淡的青鮮，爽口爽胃。飽餐後，Live band 已進場，吹奏著嘹亮的 Saxophone ，我們慢慢的呷著熱茶，享受著餐廳為我們準備的這個餘興。

很久沒到荃灣區吃飯，荃灣一直是美食之城，而現在有更多以前的死場轉了做食店，有更多選擇呢！我們選了一家餐廳吃火鍋。裝修十分型格，大型的燈飾加上高樓底，就像一個個煙花。而正中心有個音樂臺，每晚指定時間更有live 唱歌表演，很浪漫呢。椰子雞湯底，半份先上了一煲椰子水，待滾起後店員便幫我們加上半隻雞隻、椰子等等，然後熄火等8分鐘至剛熟。 椰子水味道濃香，而椰子肉是原個椰子出來，軟軟的可以吃掉，不是老椰子有啡色皮那種硬椰子。味道較甜。雞肉因是焗熟而不是煮熟，滑嫩是意料中事。見到雞隻中間的啫喱凝脂，雞件充滿雞油香。由於湯底偏甜，覺得豉油如果再吝一點會更好，現在豉油都偏甜。白鱔見白鱔和脆鯇的價錢只相差$10，當然點白鱔呢。在等待的時間中，見旁桌的脆鯇腩巨大無比，好像脆鯇都不錯呢！ 而我的白鱔數量很多，新鮮脆身，吃很開心。手切肥牛很想點安格斯牛，不過價錢問題我們點了普通版肥牛。肥牛油花不俗，厚度適中。蔬菜盛盒餐牌上的蔬菜盛盒和菇菌盛盒，我們點了蔬菜，但見所有旁桌都是點菇菌呢，哈！蔬菜比較大份，粟米和南瓜很甜呢。手打丸火鍋必吃的丸類，手打丸起膠彈牙，蝦丸夠新鮮，蝦味濃。

自從某大家品店進駐荃灣後，去荃灣次數多左，發現了荃灣區多左好多美食同仁四季音樂主題餐廳，睇個名以為喺西餐廳，原來呢度出名菜式係椰子雞鍋，真係估佢唔到椰子雞鍋店員將雞全放入鍋，待大滾後，然後熄火，焗3分鐘便可進食椰子雞湯椰子味道香，十分鮮甜雞肉幼嫩，多汁，唔駭手切安格斯肥牛肥牛新鮮，油脂分佈平均 牛味濃郁，幼嫰又多汁手打蝦丸蝦丸大大粒，蝦肉新鮮咬落彈牙，口感唔錯紫准山今次第一次食紫准山，顔色鮮艷，賣相吸引准山入囗腍身，甜味十足，口感與紫薯十分相似

呢度吸引我黎既原因就係有音樂人會黎表演今日黎既係叫WINGWING既女仔, 唱歌好聽到不得了仲要係即場唱的, 有人點歌都難唔到佢食野方面, 呢度有得選食中菜或是打邊爐我地就揀左打邊爐, 因為好似岩個氣氛多D哈哈椰子雞鍋湯底揀左椰子雞鍋, 全程都係有店員來幫手的完全唔洗擔心會過熟既問題雞好香口同椰子味好重, 岩哂我呢個鐘意食椰子雞既FANS頂級手切安格斯肥牛呢個肥牛既雪花係超靚一分錢一分貨, 我個人好推薦大家俾多少少點呢個食口感同味道都係一流雲吞水餃雙拼友人想兩隻都試, 咁岩見到呢度有雙拼真係PERFECT, 4隻雲吞加4隻水餃, 我個人係鐘意雲吞多D因為入面好足料又有蝦又有肉!!

呢度最特別係會有LIVE BAND上台唱歌既可炒熱個氣氛, 又可以欣賞音樂椰子雞鍋呢度既特式之一就係個椰子雞先黎到既係椰子鍋, 等鍋沸騰左之後就可以放雞件入去加上有個漏斗所以完全唔驚會OVERCOOK果然雞件好嫩滑, 椰子鍋D湯係清到可以當係湯水咁飲頂級A4和牛呢個係貴價既和牛片, 廚師切得都幾厚下, 先講呢個肉質係一半瘦一半肥既, 佢肥既口感係有少少入口即溶既感覺, 只需要7成熟就可以食得, 太熟反而我覺得會變UN!!日本廣島蠔一客有6隻, 唔算細, 煮完都KEEP到差唔多大, 帶有少少海水既咸味既蠔好好味

今日發掘到一間非常有特色既餐廳，可以一邊享受Live Band，一邊打邊爐。今日黎呢度食，就係為左椰子雞煲🐣半份價錢$198。椰子雞煲係我心目中，已經完全取代傳統邊爐湯底，清甜解膩，當湯咁飲都完全冇問題☺️有多款醬料可以選擇，我毫不猶豫加左大量芫莤。漏斗上有說明雞煲既食用方法。雞肉份量都唔少，配上椰子肉，湯底更清甜。個湯終於煲滾啦！一打開蓋，一陣椰子香氣撲鼻而來，事不宜遲當然要飲啖靚湯先！店員仲好細心，會幫手隔去湯既油份。湯底清甜可口，椰子味濃郁，夠曬滋潤，如果呢個湯埋配埋粟米一定更正～而雞件口感嫩滑，煲耐啲應該會更入味。一邊享用美食，一邊享受音樂既盛宴～歌手聲音甜美，大唱耳熟能詳既廣東話流行曲，食食下野都忍唔住想跟佢一齊唱😂特級A4和牛。小($298)輕輕一淥就食得，牛肉味香濃，令人回味再三。打邊爐又點少得娃娃菜，蔬菜吸收曬椰子湯既精華，味道特別清甜，唔洗再另外點醬汁都好夠味。手打蝦丸同墨魚丸，口感爽口彈牙，真材實料。呢度既芝士丸零舍不同，外皮似年糕咁軟綿綿，咬落去口感煙un，入面仲有芝士會流出黎，幾特別。不過兩個人食咁多粒真係好飽呀！呢度既椰子湯底夠曬清甜，一啲都唔膩。而且配料選擇多

 餐廳位於荃灣中染新城，交通方便，於荃灣港鐵站步行约10分鐘便到，隣近還有愉景新城。行到餐廳入口處已感覺裝修格局走高檔路線，再者，看見他們標榜音樂主題餐廳，更令我們有興趣選擇一試。行入餐廳已被天花上的燈飾吸引，一個一個的吊燈就好像銀河系的恆星，佷是美麗。目光再放眼遠處，就看到餐廳主題音樂舞台，台中己有一位年青人正在表演吹色士風，以現在香港寸金尺士的舖租而言，已很少有這類型音樂主題餐廳。一邊品嘗美食，一邊享受現場live音樂，令人可以暫時忘卻一天的煩憂。餐廳有中式晚飯或火煱選擇，我們今次先嘗試火煱。火煱餐牌，配料亦尚算齊全，醬料選擇亦可滿足大多數人的需求。湯底點選了鲜魚湯皮蛋芫茜鍋。奶白色的魚湯味够濃，鮮甜得來亦帶出莞茜陣陣清香，足料湯底，直得一讚。火煱必選牛肉，我們今次點了頂級手切安格斯肥牛，油花均衡，入口即溶，好牛。 脆骨鯇魚腩，新鲜好味但略為有细骨。墨鱼丸，蝦丸，爽口彈牙，鮮甜美味雲吞，水餃，餡料十足，肉質新鮮，唯兼皮略厚。莱類選了野菌拼盤，4種不同菇類，新鲜好味。牛柏葉超爽，乾淨，份量足，好味道整體餐廳環境舒適，地方清潔，服務態度非常好，值得回味。所以我們會下一次計劃品嘗中式晚飯

今晚又去左荃灣八度半搵食 經過呢間同仁四季 門面幾吸引喎重話係音樂主題餐廳 就入去睇下咩料子原來係有駐場音樂人係度自彈自唱今晚唱歌個個女仔都幾好聽喎店員服務一流 坐底就推介左幾款野食我地㨂左胡椒醬牛肋排 個醬甜甜的好香青紅椒味 牛肋排炆得夠林 好易切開重有瑞士汁雙鴿 都幾大隻 色水一流隻鴿炆珧入晒味 不過唔會太咸 好食最尾叫個清少少嘅黑松露竹笙紅燒豆腐豆腐好滑 香菇夠林 重有我至愛嘅露筍個醬調得好好 令原本無味嘅竹笙都變得好食

荃灣開了一間有live band的火鍋店， 5月母親節晚飯興致勃勃去試試。結果係大失所望首先， 環境是舒適的，位置也很寬敞。但live band開始後，就很嘈了， 聲音太大聲，音響又刺耳。我們一家人食飯傾計簡直要嗌破喉嚨食物方面濃湯鹹豬骨火鍋湯底$188桂花蚌響鈴完全唔脆墨丸配蝦魚 十分彈牙 雲吞不過不失美國桶蠔百幾蚊有七隻大桶蠔算是十分抵 原本我們是點了美國肥牛， 但上菜見到三分二都是白雪雪的肥膏， 要求更換，但是他說這一批都是這樣的。於是我們更換了手切安格斯肥牛，終於似樣點。膳片普通每檯有兩set青檸辣椒粒沙薑配料。 我們差不多吃完時侍應過來問我們還要不要？我們不以為意說不用了，點知他將我們吃剩的配料拿去隔離枱。實在太嘔心了這間食店真係絕無下次，可一不可再。

第一次來便是試午餐，星期日已預備要等候，不過等了只是約15分鐘便入座了。服務都還可以，雖然一開始忘記給餐牌，1:15pm椰皇燉奶已售罄，路邊腸粉要追單才被告知已售罄。點了鵝肝帶子炒飯，金箔蝦餃，鳳爪，叉燒包，欖菜肉鬆四季豆，炸蝦手指卷，味道很好，不過不特別，跟普通茶樓差不多。黑松露燒賣沒有黑松露味，不過好吃。法式焦糖布丁很好吃，不過迷你得可以。不過結賬時真的令我傻眼！身為經理，卻毫無笑容地放下收據，冷漠地拋下一句”366(價錢)。”就走了！我給他信用卡後，發覺忘記給他$20優惠券，我丈夫連忙趕去給他，豈料他只用眼尾望了一下，便一手搶走優惠券！真的是”搶”走！臨走時我還看見他在餐廳內在人客前玩手提電話！後來我跟另一位經理(及他本人)投訴他的惡劣態度，他說會向老闆反映。我不認為他會上報，但又很可惜沒有意見書提供，所以我唯一可以做的便是不再光顧。