吉野家 (已結業)

第一次喺吉野家買外賣，個煎雞飯算係幾好食，不過d雞唔夠滑，有d"鞋"，都係牛肉飯好食d。

加$3可以有杯綠茶/汽水/麵豉湯, 除特飲(果物紅茶/椰果賓治)外。所以佢地無收錯你錢~據我所知，呢個蟹籽三文魚飯仲有排會供應，你可以慢慢歎。講真，响出面邊度會有咁平嘅日式飯呀~ !?下次試埋個"果物紅茶"同埋個"海苔珍菌泡飯"先得~

今日一個人去尖沙咀行街，唸唔到食乜好，行行下見到間吉野家，記起電視賣緊廣告話有個蟹籽三文魚飯，就去試試啦。去到counter，見到大碗$26細碗$22，可能食開吉野家的人會知道大細碗有咩分別，但我好少食，就問下個店員啦，點知佢竟然好人到拿兩個碗出來畀我睇，以快餐店來講，咁好態度又冇嫌我阻頭阻勢，實在唔話得。另外，見到個counter有張說明教人點樣食呢個飯最好食，有晒步驟咁，好得意，而且好吸引人叫來食。一食，果然唔錯，飯上面加左有wasabi的茶漬，唔會太攻鼻，但又久唔久有陣wasabi味，好好味，從未試過咁滿足。但最後，我發覺佢可能收多左我錢，因為轉餐雖然要加三蚊，但我只係加左杯茶，應該只係加一蚊，不過食到一半，見佢服務又唔錯，又咁好味，所以果兩蚊就由佢啦。惟一美中不足，係清潔慢左d，面前好多檯食完的碗碟都未清走，我坐底時檯面重留底上手隻杯響度。總括來講，呢個飯promote期間，我會試多一次。(但我唔知promote到幾多號呢？頭先冇睇清楚添，但我諗冇咁快掛﹗)

雞有雪味,味淡,牛肉飯太咸,飯太軟,員工手腳慢,態度差,愈來愈令人討厭!

近幾次去都係食tea set (細牛肉飯加熱茶: $12), 食物質素有保證, 實在十分抵食!上次一手拿住食物返埋位, 一手拿著手提傾電話, 有個應該係服務大使既女仔即刻走埋來問要唔要幫手, 值得一讚!不過呢, 阿嬸們收碗實在太快, 次次食完唔夠兩秒就撲出來問你食完未, 都幾趕客... 同埋女廁得一格, 好唔方便...

我就今天去食左.... 都ok , 可能係頭一天.... 所以都有少去亂, 希望過2日會好d... ^^

搵番當年做紀念o既池袋牛肉飯（牛‘咩絲’）‘領取書’（即‘飛’尾），原來都係‘松屋’出品，你地唔講開我都唔記得當年食o既係佢。當年食，只用290yen咋！如KC兄話齋，若松屋係香港有分店的話，必定係吉野家o既勁敵！但本人較喜歡‘拉麵’，近‘橫丁拉麵’，有間唔出名用售票機買飛o既拉麵檔，湯底真一流！可惜冇‘留底’，唔知係邊間喇～

當年第一次去日本無咩錢，基乎會食松屋，但一d都唔厭，在我黎講，好食過吉野家好多!

一向都覺得吉野家的水準是不差，幾typical的日式快餐，好味又能飽肚，整体而言同日本那邊亦相差無幾。當然我係講緊牛肉飯而非雞扒或東坡肉，老實講對後者的興趣是不大。其實在日本的牛肉飯專門店，除左吉野家以外，松屋「Matsuya」都係好出名的，可以咁講在東京係度度都有松屋，但就幾難搵到吉野家的。在日本吃牛肉飯還可加幾十yen加個納豆或生雞蛋，幾百yen就已經是好豐富的一餐。山頭火、魚一丁、和民等都能登陸香港，睇怕松屋的日子都不遠了。

之前去日本果陣，成班人‘柴蛙蛙’‘夜嗎嗎’走到大街搵‘牛井’（應該中間有一點，日文字），牛肉飯同車仔檔拉麵。嘻，兩樣都試過下啦，真係好好味～若係香港牛肉飯癮起，一定走去吉野家，熱騰騰o既牛肉飯其實都唔差丫（可能我好彩啦）！作為消費者，大家若遇到唔熱或者過咸，其實可以要求換o架！有時仲更加抵食添，有coupon的話．．．

效率高,有禮貌,今日去食lunch都係$25,有大大碗既飯加埋氣水~環境不錯,清潔光明.食物味道不錯,濃淡適合!很好!!!

好耐之前已經有去吉野家度食，不過我覺我係一時時。有時好味d，有時差d！同埋唔同分店既又有唔同水準。不過，我有friend 係果度做過暑期工，佢話d 衛生麻麻！其實d rules 係嚴既，不過d manager 唔係咁strict，可能因為咁，d 水準走下坡！同日本既真係差好遠！

D野都幾正呀!

對吉野家o既情意結始於日本；當年成日要自己一個女仔去日本出trip，有時做o野做得夜o左，24小時長開o既吉野家好多時就成為小妹醫肚o既好地方。牛肉飯永遠熱騰騰，又平；記得有次promotion一碗飯只售250yen(~$15)，平到o丫...登陸香港o既吉野家，明顯飯同牛肉o既質素都比唔上日本，而且仲越o黎越香港化：價錢由最初$4x一個套?減到E家$25一個大牛肉飯，$23一個小牛肉飯包飲品同kimchi，而且食物款式比日本多選擇。最抵食一定係下午茶，$12一個飯包飲品，仲平過茶記！雖然呢度o既吉野家水準唔及日本，但foodcourt價錢，味道又好過食"三送飯"，仲想點？！

我好少食tea,o個日星期日下晝五點幾﹐落幾大雨呀﹐走左入吉野家食tea,點知見到個小姐見我濕濕地﹐又擰遮又擰住一大袋o野﹐佢即刻話幫我擰個膠袋笠住把遮﹐成日都笑笑口﹐走人又講拜拜﹐通常呢D快餐店都無咩人理你。原來tea咁抵﹐一碗細牛肉飯同一杯飲品只係十二蚊咋﹐估o吾到咁抵﹐平時lunch去食都要成二十幾﹐三十蚊啦下次都記得teao既時間去先。但吉野家D牛肉飯比較鹹o左Dlor.