吉豚屋吉列豬扒專門店 (已結業)

在家附近的這間Katsuya, 幫襯過兩次最近一次是四月底一次在家附近外勤工作時, 行過來睇下有什麼套餐可選擇?見有張大海報嘅日替定食咁吸睛就叫嚟試下啦,一試果然係堅大份量的套餐, 因為佢係一碟餸一碗飯, 個飯碗唔係酒樓的飯碗,其實係一個中碗大細, 飯都裝到藍色線的位, 重係日本米那種特別飽肚嘅米飯,碟餸係一個小山, 放底係一撮半乾白椰菜絲, 由於半乾態度想唔沾多d醬都唔得炸衣好像比之前食的厚咗, 兩隻蝦被炸衣遮蔽下尺碼大了一個, 細碼變中碼, 蝦肉唔可以話點彈牙或者鮮味十足但就唔係梅蝦肉架囉, 豬扒有點偏瘦不過又無炸至乾柴,有濃味日式豬扒用的茄汁配搭即使唔係咩人間美味但都係一個唔錯嘅炸豬扒午餐重附送味噌湯, 無再加錢要飲品因為淨係咁都飽到頂住走了,五十幾雖然係比同一條街的其他茶記貴十零蚊, 但飯同餸都兩倍咁, 所以好難話佢貴, 而且坐得舒適, 可能呢頭做野嘅人唔啱食呢d炸野做午餐啦! 當日所見午餐時段坐唔到一半滿,不過，這店都做咗差不多兩年，應該可以繼續經營落去嘅！…查看更多

lunch time 想不開的時候最好去遠一點吃頓貴的聽聞價格親民的吉列豬扒定食 ($7X)套餐有味噌湯, 吉列豬扒, 飯/烏冬吃吉列豬扒當然要擇日本米飯豬扒部位不算油脂多, 所以有點”鞋”大量椰絲可加芝麻醬~超正味噌湯很足料, 有白蘿蔔之類…查看更多

每次食吉列食物都會來吉豚屋，今次揀左炸蝦炸豬柳定食和滑蛋炸蝦炸豬柳飯。我一向很喜歡這裏的麵豉湯，入面有野菜豚肉，材料豐富，又唔會太咸。白飯用瓷碗裝，保温效能好，而且白飯又香又軟，也很好吃。一大堆的椰菜配芝麻醬，實食到人飽。炸蝦同炸豬柳都好大件，熱騰騰脆卜卜，好好吃，一個人食一份超飽，大滿足。滑蛋做法也好好吃，又大份，可惜的是無叫飲品，感覺有啲乾，同埋食太多炸物，好似有啲熱氣同唔健康，都係少食多滋味。…查看更多

日式吉列豬係今晚嘅主角⋯⋯門面比較日式，諗住應該會好食，切記係『諗住』⋯⋯今日叫咗一個55蚊和風汁豬扒飯，再加多份28蚊嘅小食，名字叫吉列黃金雙丸，飯跟飲品就叫咗凍啡少甜，本來應該係83蚊⋯⋯其實如果55蚊連凍飲肯定叫「價廉」，但「物美」就真係見仁見智⋯⋯豬扒飯首先上枱，睇見大大塊炸豬扒，嗰賣相仲好似幾得咁⋯⋯跟住上枱嘅就係呢碟雙丸，雙丸應該係豬肉丸同墨魚丸。杯凍啡小甜，應該叫糖水！無啡味齋甜，係自己一時大意，有乜L理由係日式炸豬扒店～會有可能飲度杯正常嘅凍啡吖！跟住就襯熱拿臨食件炸豬扒，嗰吉列皮同件肉都淋淋地，原本自己仲諗可能係關個汁事，再試個無汁到嘅扒位，依然係吉列皮淋⋯⋯而扒底嘅椰菜絲食得出係新鮮嘅，又再下一層嘅又係日本米飯，飯好味。日式吉列豬扒都食過好幾次，真心係第一次咁難食，試諗吓一件豬扒唔爽口，個口感仲有少少梅，仲有兩件有條咬極都唔斷嘅筋，攪到要成件放入口呑，失望囉。雙丸墨丸係黑色，豬肉丸係白色，除開原本以為收我七蚊一粒，口感就無乜，係黑色墨丸嘅顏色較為特別。最後一提係呢間日式吉列餐廳，隔離兩邊無記錯都係茶仔，佢地居然夠膽收加一！本人意見係吉列店為首嘅一定係豬扒，見到呢度推廣蝦同雞，希望會先攪好尐豬扒先，唔該！又此店係價廉唯先，尤如大眾飯堂，加一攪到本人覺得好不倫不類囉，不如取消加一或者張加一夾埋落個餐點度得唔得呢！？…查看更多

今日要去黃金商場買d野，買完2點幾見肚餓諗住去西九food court食d野，行行下見到呢間鋪，主打日式吉列炸物，價錢唔貴就入去試下。 我叫咗一個吉列炸蝦黃金餅定食($59），有飯、有湯，和一杯飲品。炸蝦好好食，脆卜卜 湯係豚肉湯，除咗有豚肉，仲有紅蘿蔔，湯味道幾好，食炸野飲啱啱好，感覺冇咁熱氣！飲品我叫左菊花蜜特飲，本身係凍飲嚟嘅，但係飲落去唔覺得凍，味道都好普通，無必要試！整體黎講，呢個絕對收貨，絕對係平價定食首選！…查看更多

今日放假去完西九龍中心購物後自已一個人食中午，心血來潮想食吉烈豬扒，於是見到附近有間專食吉烈豬扒既餐廳，一於試下。入到店裡環境乾淨，空間不算好大，但都可以坐約20人，職員都耐心地介紹食物，感覺不錯！座位都比較好坐，不會太逼！吉列豬柳泡菜湯烏冬鍋豬扒炸得卜卜脆啖啖肉，加上菜絲更醒胃，豬扒又不會膩的，豬扒是分開上碟的不會被烏冬整淋！烏冬內加上泡菜更加係絕配，辣辣的味道，份量都適中！不過食時要慢慢來，因湯底比較熱！如下次經過深水埗，我一定會再食！！…查看更多

鋪頭地方細細，座位唔多，不過星期日夜晚黎到都唔使等位，相比起旺角分店要排隊，真係爭得遠。食物選擇唔算多，主要都係唔同嘅吉列丼飯同定食，最平嗰款吉列蝦飯做緊特價，都係50幾蚊。今次我就揀咗吉列三重奏丼飯，即係有兩隻吉列蝦、吉列豚肉、吉列肉餅。飯唔算多，但餸份量都唔少，仲有好多椰菜絲，可以自己落芝麻醬當沙律前菜食，所以食晒都幾飽架。雖然淋咗醬汁同埋放咗喺飯上面，但每款吉列都好脆👍🏼我覺得最好食係吉列肉餅，外皮好脆，入面嘅肉就好林。…查看更多

響深水埗行完街經過呢間吉豚屋 門口睇餐牌見到價錢唔貴 好有日本快餐feel 今日一於試佢喇 門面大大隻日文字吸引到我眼球 令我想起在日本時的日子呢吉豚屋主打似乎都係日式定食居多 但今晚唔想食炸物 於是我決定食⋯⋯就係呢個豚肉壽喜燒鍋烏冬喇 嘩豚肉堆疊得好高好滿呀 真係好抵食呀 呢個份量一個人點食得哂呀 價錢仲要唔貴 配料又咁多 真係無揀錯 超級抵食呀飲品就跟餐加錢叫左杯熱的椰果荔枝茶 不過味道就好普通 似乎呢間吉豚屋都係食物好過飲品少少囉…查看更多

有一日去深水埗見到吉豚屋有下午茶特價，而且有豬排有吉列蝦，有湯有飯，好吸引！以日式料理既價錢黎講令到我入左去食！黎到之後無令我矢望真係好好食，食得出係岩岩炸出黎，肉超級鬆化，蝦都真係好新鮮，值得一試！…查看更多

吉豚屋和風汁吉列雞朳飯之前好怕食炸野會好厚粉，而家好快就唔脆😖呢個完全唔會有呢啲感覺，佢皮肉分離，而家搽係肉上既天婦羅粉並唔厚，肉汁好鮮，加上佢採用既雞朳唔係雞皮好厚個種，薄薄既雞皮食左都唔會覺得膩仲有值得一讚就係佢既珍珠米，佢唔係黏而且有咬口，粒粒分明和風汁同炸物好夾，以後曬左汁會令炸物唔脆，點知完全無呢種感覺如果唔夠汁檯上仲有和風汁比你添加，所以唔洗怕叫人加汁俾你啦值得一提就係呢間日式餐廳並沒有港式化，同大家去既日本快餐店好相似😎好味指數：😋😋😋😋😋😋😋😋…查看更多

有一段時間沒吃吉列東東，突然有點懷念，加上有2張coupon，就決定去吉豚屋了。一直只光顧太子店，這次因為想找間近家的，就來了深水埗。本來想點泡菜豚肉鍋，但因為被分配的桌子小小一張，2個鍋同時上桌肯定很逼，唯有揀定食。男朋友點的，跟餐白飯轉了湯烏冬這是我點的名：忘了一款豬扒，一款漢堡扒。炸得很鬆脆，又不油，豬扒炸完入口不硬不「鞋」，依然嫰口漢堡扒很juicy套餐加$8@，加了2隻吉列炸蝦，彈牙味噌湯好足料，外面有些賣味噌湯稀稀的，沒什麼料，這碗有肉片有菜，很豐富，咸淡都適中:)加錢要了特飲，菊花蜜好喝:)荔枝椰果太甜。…查看更多

去左2次，第1次難食，第2次ok。第1次去叫左下午茶雜菜豬肉咖哩烏冬同相片好唔同。。。唔覺眼有豬肉^^”再睇真d，有比人剪到好細塊既豬肉。咁我寧願放2片完整無缺既豬肉好過。不過碗野入面都唔知有冇2片，可能得1片。。d烏冬咬落去怪，唔淋又唔算好硬，冇咩質感，總知難食。d汁好稀，同我想像唔同，佢似有咖哩味既湯烏冬多d。我諗最好食係d蘿蔔。總知唔建議食，實後悔比多次機會，去第2次，叫豚肉鍋尼個算好食。如果有埋豆腐更佳。豚肉多，佢包埋豆芽，整到好高，外觀不錯。雞肉幾滑。整體可一試。推薦食尼個。建議加埋豆腐，會仲好食。Ps.去左2次，d職員服務態度都唔係好得。如果收得加一，唔該d態度好d，好多都冇禮貌，語氣好差 。唔該改改會好d。我諗態度最好果個應該係收銀員。…查看更多

這些天不用上班，一直在家煲動漫，頹廢得不能再頹廢，作息時間已經混亂不堪，所以這一餐是在六點多用膳的，完全不用等位。晚上真是冷得很，在打邊爐和豬排飯的超難選擇下，我走到了這裡--吉豚屋吉列豬扒專門店原因很簡單，就是Yuri on ice (冰上的尤里)出第八集了!!!!!!!抱歉在寫食評時控制不住對Yuri的口水....(踢飛) 回正題，這家我經常都經過，好像都不需要等位的。因為我一個吃得不多，就點了個梅(意思是小size吧)的滑蛋吉列豬扒飯，另加點熱菊花特飲。不消一會整個餐就上來，這個份量女士應該很足夠了，最後的飯我都沒吃完。滑蛋沒有我想像的黃黃的滑滑的，好像是沒打均吧。豬扒的炸粉略厚，豬扒本身肥美，整體都很香口。我吃得很慢，但蛋汁沒有讓脆豬變軟，這是做得不錯的。有些人說珍珠飯很好吃，但我個人覺得十分一般。熱菊花特飲偏甜有花香，飲後感覺不會太熱氣。原本想給OK，但服務其他什麼的也不錯，給個好評支持下吧！…查看更多

朋友說過這間吉豚屋好好味，但經常有很多人排隊。好彩今日刮風下雨人少少，終於不用排隊便可入座～日式裝潢簡單整潔，座位尚算舒適，餐廳內有洗手間，另餐桌上提供自助調味料及紙巾，很貼心。點餐後，店員先奉上跟餐的野菜豚肉湯，足料味濃，豚肉有咬口，加上軟透的洋蔥片及白蘿蔔，口感層次豐富。喝過湯後，我點了和風汁炸蝦雞扒飯即上菜，大大隻的炸蝦外層炸得金黃香脆，乾且不油，蝦肉嫩滑，配上和風燒汁，味道香濃，富日式風味，大大塊的雞扒同樣炸得香口，肉質多汁嫩滑，十分滋味。爽口清脆的沙津配上自行調味的胡麻醬很滋味；飯是採用珍珠米，粒粒圓潤飽滿，口感更勝普通白飯，惜沙津同飯的比例是2:1，飯的份量如再多便好。總結，吃過滋味的炸蝦雞扒飯，為這個刮風下雨天帶來點暖意，很滿足～…查看更多

今日與家人到此一試，叫了吉列豬扒定食，吉列豬柳定食，吉列豬柳泡菜烏冬，咖哩吉列豬扒飯外加4隻炸蝦。炸豬柳比較薄，粉槳多左d，一般。炸豬扒粉槳一般厚，炸得亦唔會老。咖哩甜左d，亦唔夠香。炸蝦槳厚，蝦肉霉左，尚算有蝦味。泡菜湯烏冬酸辣平衡，烏冬質感還可…查看更多