吉豚屋吉列豬扒專門店

营业中

休息中

身為爬友...成日同老公成日行魚街...見親呢間o野都想試o下...今日見時間尚早又無乜人終於都試o左~ 叫o左吉列豬扒同吉列雞扒定食~ 落o左order好快就有...野菜豚肉麵豉湯真係唔錯!!! 好多料!!! 有紅蘿蔔, 白蘿蔔, 薯仔, 大蔥, 當然仲有豚肉~ 唔會太咸~ 好味!!!吉列豬扒個皮真係炸得好好~ 好鬆好好味~ 同百幾蚊一份o個d吉列豬扒餐個皮幾似...係差在d肉唔夠人地o個d juicy...但係以呢個價錢食個脆皮都真係抵晒~ 椰菜絲都算多...而且都好新鮮...但唔夠幼~ 最鍾意放o係檯度任加o既豬扒汁同麻醬~ o岩晒我呢d貪心怪~ 加$6 o既巨蜂乳酸都好好味~ 不過係細杯o左d lor...以呢個價錢...又唔駛排餐死...真係ok~ 有機會都會再嚟~ 

一早計劃今天的午餐要去吉豚屋﹗兩點鐘去到幸好不用等位，入到去立即衝到座位坐下及低著頭小休一會，只因剛才在女人街閒逛不夠半小時已經出現中暑徵兆了，非常可怕的酷熱天氣。待頭腦清醒一點後，便開始細閱餐牌。吉列款式分別有吉列豬﹑吉列雞及吉列蝦，吉列物可以以原味 / 咖哩 / 滑蛋出現 ，再跟白飯 / 烏冬或一丁，而我還是喜歡吃原汁原味的吉列。極度口渴下又會想起凍飲了，每個餐都可以用優惠價加換一杯飲品，我選了外面跟餐較為少有的菊花蜜$6。原先估這類菊花蜜的飲料應該是沖好一大樽然後雪凍，待有客ORDER才斟出來，但又怕我多想了，還是問一問店員。我："請問菊花蜜如果要凍飲係有冇冰架?"，店員："我地呢度所有凍飲一定要有冰!"(帶少少激動MODE)，我："哦...我只係問一問呢款野飲有冇冰姐..."，店員："凍飲一定要有冰，一係叫少冰﹗"，我："哦...咁要少冰丫"，店員："少冰都有3粒冰架﹗"，我"OK..."原來飲品都幾大杯，菊花蜜真的有白菊花呢~菊花味幾清香，只是甜了少少(自行加水溝淡好了)，飲落解渴兼潤喉，點都好過飲汽水。等多五分鐘我點的吉列豬柳定食$75就出現了，看到這盤食物真的要o咀﹗第一

第一次去....以這樣的價格, 算是不錯....炸得乾又tender .... 又夠多汁...可是服務要改....我明白中午時2位不可坐卡位..不過可不可以唔好黑口黑面....

3-6點下午茶時段，到此一試。雞扒本身味道好淡，全靠加汁才有味。肉汁不多，但不至於乾。一份吉列雞扒共5件，其中兩件完全無雞扒。椰菜絲切得太大，而且沙律汁沒有選擇，只有芝麻醬。烏冬煙韌得黎彈牙，但湯好～鹹。同樣豬扒本身較淡，但更麻煩的是三文治好難加醬汁(ｰ ｰ;) 下午茶加錢先有野飲。另，不能理解點解吉列炸蝦有得叫$8隻但不供應吉列炸蝦飯。要是嫌成本高就換餐牌嘛⋯再另，居然要加一。服務生態度不錯，動作也快手，但一個要自己行出去埋單既地方要求服務費，seriously？

行過幾次都想試, 不過次次都行左去旺角, 就唔記得左佢, 今次剛剛係附近行到好攰, 見佢有個特價餐, 就入去試下。點左吉列炸蝦豬柳定食及吉列炸蝦豬扒定食, 一個跟白飯及野菜豬肉湯, 另一個跟讚岐烏冬, 不過野飲要加$6...所以冇加。野菜豬肉湯味道唔錯, 但係差不多半碗都係雜菜, 好似多左啲....至於豬柳外脆內軟, 又唔油, 配合加了芝麻醬生菜, 都唔錯。另一款烏冬湯底好濃郁, 烏冬有彈性,吉列炸蝦同豬扒味道都幾好, 但略為厚粉啲。份量真係好多, 好飽, $60一個晚餐好抵, 而且座位又舒服。

之前已經好想試下食呢間既吉列架la 六點前仲有下午茶食，要左個迷你滑蛋吉列豬扒飯，仲可以加8蚊要一隻吉列炸蝦見到都覺得正豬排份量都算可以，但係有d 位被蛋浸濕左，就無甘好食，下次都係試下定食or 烏冬餐我覺得滑蛋太熟，可以再滑些，不過配飯食就好好味豬排同炸蝦都幾好，炸粉不太厚，而且鬆脆，不怕整親口腔不過下次就應該吾會再點炸蝦，試過就算炸物可點芝麻醬or 豬排汁，个人比較愛後者

之前行過時都已經想試，但一路都無機會今晚約左朋友DINNER，就來試一試了一間廉價的吉列本以為一定要排隊，但竟然唔洗喎跟餐仲有個湯~~~味道唔錯，而且湯料都唔少，又唔會好咸；入面有D蘿蔔、肉、菜菜同豆腐吉列豬扒餐~~~飯本身係珍珠米，所以好好味！吉列炸得好乾身唔油，豬扒都好JUICY但冇味肉味LEE個餐都好抵食，六十幾蚊講真唔太差，座位都舒服，地點都方便

自去年八月到過九龍灣吉列豚，又在旺角發現其分店，但是一直過門而不入，直到今天約定了女友行街，順道在這分店午餐。店子都幾有日本感覺，全店都以黑色餐槕及餐椅，店子裡面還有卡座供應，而且餐牌所羅列的，與九龍灣分店一樣，以吉列豬扒為主，但亦有吉列雞扒供應。幸而今天兩人午膳，當然可以分享不同的菜式。吉列雞扒烏冬。，這是女友的午餐，但卻又分了一小碗給在下。初時因點錯單，後來幸好侍者幫忙單，才不至於吃同一的菜式。雞扒確實幾厚，初時還以不滑，但吃後卻又很滑，而且炸粉又夠脆。烏冬煙靭，不易拆斷，又有嚼勁，湯底雖為味噌。但都幾清新的。滑蛋吉列豬扒。今次沒有像上次一樣點來套餐，只是一碗，八十克重的豬扒飯分了一些給女友。厚切豬扒炸得金黃鬆化，而且又夠脆，蘸上豬扒汁，使味道增添了酸酸甜甜的味道。滑蛋呈半熟狀態，但仍保留了蛋汁，而且已滲透在豬扒之上。菊花蜜是在下的餐飲，亦因為在下怕熱氣而點來。喝一口充滿了菊花味，但不乏蜂蜜味。初時以為不能改單，後來卻又可以更改，實在太好了。

行過幾次都想試下, 終於都約到人一齊去食晏。裝修都幾日式快餐店feel，夠地道。成個menu都係吉列。蝦，豬同雞都有。有滑蛋，咖哩同鐵鍋。有飯有烏冬，重有湯。滑蛋豬扒飯重可以揀豬扒既份量添。價錢都ok, 最平既滑蛋雞扒飯只係$39。樣樣都想試下，最後揀左鐵鍋咖哩豬扒定食。先講個豚肉湯，係麵豉湯加左d豚肉同蘿蔔，都可以既，豚肉煲完湯都唔算嚡。個鐵鍋唔係好熱，整穿左隻蛋都煮唔熟。豬扒都幾大塊，炸得還可以。咖哩偏結，味道唔錯，份量只係剛好夠點個豬扒，淨返d飯想撈下都唔夠。失敗既係豬扒下面係洋蔥，好生，真係唔係好食到，太辣。友人叫左滑蛋豬扒飯，味道可以，但滑蛋實在少得可憐，成塊豬扒得中間有d滑蛋。其實味道同吉列豬扒算係唔錯。如果汁，肉，蛋，飯既份量可以配得好d, 會更好。

近期通菜街開了一間日式吉列炸物, 見是日本也有分店, 價錢也相宜, 則試一試. 週未下午茶時段由三時至六時, 下午茶餐有數款, 筆者點選了(HK$29).大概等了十分鐘, 侍應便送上食物. 先試熱烏冬, 湯底是麵豉湯, 完全不油, 味夠濃也夠熱, 很美味. 烏冬又彈牙, 真讚!吉列炸雞, 外層很鬆化, 雞肉也嫩滑, 很有水準! 配上的棷菜絲, 加上芝麻醬, 味道既清新也開胃, 也可減低油膩感, 很好.

同咗老公出去食吉豚屋老公話好好味啲位都幾密, 不過無計啦,旺角區啲租咁貴.....係咁架啦打開個 MENU, 價錢唔算貴我揀咗個 "吉列炸蝦豬柳定食", 要餐改烏冬老公楝咗 "南蠻炸雞飯" 都係要餐嚟到啦~我個餐唔錯, 啲蝦好爽, 不過無蝦味,坦白講, 我都好少食吉列蝦有蝦味.....豬柳好脆, 唔蘇, 唔鞋偷食咗老公既雞, 都幾好味~以呢個價錢算係唔錯,當然不能與 とん吉比啦, 價錢都唔一樣~

今次叫左「滑蛋吉列豬扒飯」，整體味道好唔錯我最憎食乾僧僧既飯，所以呢個滑蛋汁非常滿意! 咸甜適中，加埋雞蛋、洋蔥，撈飯好開胃個白飯都幾正，日本米粒粒分明又咬口吉列豬有水準，應脆既脆，咬落仲有肉汁，唔鞋口

今日去開太子, 順路來再食這間的滑蛋豬柳飯, 可是豬柳差左, 其中一片豬柳有一半是肥肉和類似筋一樣的部位, 一咬落去脂肪果下真係核突得心寒.滑蛋好味, 飯夠熱, 日本品種的米, 下午茶的細碗份量也不太少.

個人比較喜歡滑蛋豬扒飯, 夠熱和汁幾好味, 只是細的份量(松)也夠女孩子食.另一個套餐有炸蝦和兩件80克炸豬扒, 麵包糠比較厚, 飯也只是普通白飯, 椰菜也不能添加.上菜也算快.

小妹的第一篇在OPENRICE上的食評就獻給了這間店Ca-Tu-Ya，店如其名，這是一間吉列豬扒專門店，店內的食物當然離不開日式和吉列炸物。話說小妹我約了朋友到太子（取於我倆居住地方的中間點）食飯，便上網OPENRICE下，看到這間店風評不錯，便決定試試，與朋友過一個日式吉列的晚上。店舖位置不難找，附近有很多金魚和寵物店舖，由地鐵站歩行七,八分鐘便可到達，非常方便。由於我們大概五點四十五分便到達，加上不是週末,假日，我們到達時店舖無須等候，只得我們一枱客人，店裡環境不錯，不擁擠，尚算乾淨整潔，只是沙發和桌上明顯地看到一點兒抹不乾淨的油漬。但整體來說，光線充足，舒服，適合朋友談天吃飯的好地方，裝潢帶有少許日式風味，但你或多或少也會看到香港的影子。待應的服務態度也不錯，至少不會催趕落單，亦會適時加水。我們到達時， 餐廳裡尚有下午茶餐牌供應，我們兩名女生本來是想要來一個晚餐聚會，可是她見下午茶套餐吸引，便點了一客吉列豬扒定食(下午茶當晚餐吃！)吉列豬扒定食﹣豬扒(80g)＋白飯＋野菜豚肉湯(小)另外她跟餐用＄6加了一杯巨𡶶提子特飲而小妹我因為覺得很餓的關係，想要大件一點的豬扒決定吃主餐單上的