吉豚屋吉列豬扒專門店

营业中

休息中

行過幾次都想試, 不過次次都行左去旺角, 就唔記得左佢, 今次剛剛係附近行到好攰, 見佢有個特價餐, 就入去試下。點左吉列炸蝦豬柳定食及吉列炸蝦豬扒定食, 一個跟白飯及野菜豬肉湯, 另一個跟讚岐烏冬, 不過野飲要加$6...所以冇加。野菜豬肉湯味道唔錯, 但係差不多半碗都係雜菜, 好似多左啲....至於豬柳外脆內軟, 又唔油, 配合加了芝麻醬生菜, 都唔錯。另一款烏冬湯底好濃郁, 烏冬有彈性,吉列炸蝦同豬扒味道都幾好, 但略為厚粉啲。份量真係好多, 好飽, $60一個晚餐好抵, 而且座位又舒服。