吉吉點 (已結業)

時代唔同了依家飲茶食點心真係方便到不得了， 隨時任何時間想食下點心， 落樓到樓下就有間吉吉點被我食點心, 唔似以前細個星期日排隊等成個鐘先有得飲茶蒜蓉蝦春卷春卷係我飲茶必叫的點心， 好脆口而不感油膩香煎蘿蔔糕新鮮即叫即煮果然唔同，外層煎至微脆而內涵的蘿蔔絲十分足料吉吉蝦餃皇好大隻， 呢到食點心就係好在兩粒裝， 肚子仲有位置食其他點心， fit晒我心多樣樣都想食既人蟹子燒賣皇大大粒好足料， 超級大滿足楊枝凍甘露又點可以少左甜品呢， 楊枝凍甘露好清甜，而當中柚子不苦，整個甜品立即加分

其實哩間我食過幾次、食物一次差過一次、哩樣都算、尋日我哋兩大一小去、d服務態度真係差到不得了、小朋友食嘢食物掉咗落地下經常會有發生架啦、我哋只係掉了半件蘿蔔糕、竟然要被白眼、我地埋完單都未行出個門口、就聽到個職員大大聲咁話攞個地拖啦⋯⋯另外個職員話做咩...佢就用佢把好刻人爭嘅聲咁話掉咗件蘿蔔糕囉！Omg.....蘿蔔糕啫、唔知以為你踩屎呀！我哋坐低你哋連茶都唔記得開俾我哋啦！咁我應該點呀、唔通勁鬧你哋咩！所以我覺得一定要將哩件事寫出嚟俾其他食客知道囉！我哋去飲茶咋唔使受氣吓嘛！

平日鐘意食點心，但又唔鐘人同人逼，朋友就帶我黎佐呢間新派點心店試下。環境ok，唔好似一般酒樓咁吵。酥香紫薯餅，一咬即碎的酥化外皮，包裏住清甜的薯蓉，十分好味。仲有蜜瓜脆脆卷，真系好脆，仲好熱辣辣添，流心的內餡，食落甜滋滋，好適合鐘意食甜嘢的朋友。仲有夠新意一般系酒樓都食唔到架。黎食點心又點少得馬拉糕，味道不過不失，熱呼呼的咬落都鬆軟。再試下蒜心鮮蝦餃，外皮煙韌，食落爽口。蒜心同鮮配合都好特別，比較少有。仲有份量十足的冬菇鴨胸荷香籠仔飯，荷葉飄香，食十分滋味。

吉吉蝦餃王兩件$17蝦餃黃皮薄餡靚，裏面嘅蝦粒非常之鮮甜彈牙，超級之爽口，而且蝦的外層有少少芡汁，好滑，係一道唔錯既一口吃點心。江南潮鍋貼$26 鍋貼外皮煎得香口，不算太油膩，但是給我的感覺還是很像餃子，外皮唔夠脆口。裡面熱辣辣，材料豐富，還不錯。灌湯餃$24 灌湯餃對我而言係一般，因為個皮一夾就爛，非常之脆弱，所以最尾令到啲餡落細個湯嗰度，湯是濃湯，有點heavy。薑蔥牛柏葉$23 牛栢葉非常之爽口，而且咬得斷，質感很不錯，調味方面屬微辣，亦帶有蔥花香，真係比較少食到呢一個質素嘅牛栢葉！鮮蝦蒜芯餃$24個人認為齋蝦餃更加之好食，呢一度點心主要係著重蒜和蔥的味道， 因為他們佔的比重實在太多了。頂級鮮牛肉腸粉$22 這個可以隨自己的喜好和口味淋上豉油醬汁，牛肉真係好滑，相信醃咗一段時間先會有這樣的效果，腸粉皮薄得來煙煙靭靭，下次再來一定叫埋其他腸粉！

媽咪同我講話佢好想食中式嘅點心飲下茶，結果就上網搵左呢間係牛頭角同埋觀塘交界嘅吉吉點，茶位為五蚊一位：一般茶樓都要七至十蚊⋯所以呢間茶位算是便宜，普洱鐵、觀音、菊花茶、等等⋯我們決定叫菊花茶，夜晚飲唔會驚瞓唔著呀嘛！濃湯浸時蔬 $18 個湯有驚喜 ！飲得出係魚湯，不是由味精堆成嘅湯，主要嘅菜係小白菜 。非常之鮮甜而沒有沙粒，面頭亦有秀珍菇，都幾抵食。鮑螺雞燒賣$22 鮑片嘅份量比較少同埋薄身，但係好好食，相信雞燒賣喺整之前用咗唔少嘅生粉汁去醃製，所以口感非常之滑。香煎蘿蔔糕$20 蘿蔔糕煎得香香的 挺有睇頭，而且不會太燶。千層珍珠雞$26 其實個人認為珍珠雞同千層無密關係，味道非常之正常，都冇乜特別；有啲冬菇 ，瘦肉同埋d糯米雞燒汁。楊枝凍甘露$18都幾好食，好多材料，十分豐富！例如有西米、柚子條、焗芒果粒粒⋯是自家製的！

有同事介紹過觀塘有間人氣點心店，幾個月前試過前往打算晚餐卻見大排長龍於是放棄，今天朋友想食點下午茶，決定碰一碰運氣，怎知下午茶時間反而不太多人。餐牌上點心選擇不算多，不過有老火湯，花茶及咖啡類的飲品，有點fusion。奉行小食多餐，只點了數款點心試試。鮮蝦蒜芯餃與傳統蝦餃不同，蝦餃沒有混了許多肥豬肉，取而代之的是蒜芯，令蝦餃很香口。美中不足的是餃皮有點黏及比較易穿。青芥鮮牛肉饅頭漢堡炸饅頭中間夾著口感有點似山竹牛肉的黑椒牛肉餅，再加上幾片生菜及青芥醬，稍為中和了炸饅頭的油膩。這中式漢堡非常可口及有特色，要是青芥醬再少一些會更好。鮑螺雞燒賣一粒是配鮑螺片另一粒是雞肉的燒賣，賣相一般但味道不錯的。一向不太喜歡傳統點心太油膩，這裡的點心明顯是較少肥膩，而且價錢不貴，適合偶爾想一盅兩件的朋友。

日去友人家做Project , 做之前都要醫下肚先, 所以友人就帶我去這個巷仔間的食中式點心的店 舖仔細細, 同地理位置真係唔係街坊的話都好難找 (不過Lunch time 都幾多人的說…) 先來個鐵觀音, 茶味又幾香喎~ 古法馬拉糕 (HKD19) , 非常鬆軟的馬拉糕, 剛蒸好的馬拉糕還是要小心不熨到嘴 燒汁煙鴨胸腸粉 (HKD23) 平時吃的不外乎义燒, 蝦等, 還真是第一次吃用煙鴨胸做的中式腸粉, 徧鹹的煙鴨胸配腸粉, 加上帶甜的燒汁, 特別之餘味道都不錯啊~ 白汁磨菇珍珠雞 (HKD32), 這個珍珠雞咬落去就好似食緊卡幫尼意粉不過由意粉變糯米 而我最喜愛的就是這個青芥末鯪魚球, 炸鯪魚球外脆之餘咬落去非常彈牙, 而且鰻魚肉味道出眾, 加上這個點點辣的青芥末,正~ 而鮑螺雞燒賣 (HKD22) 令雞燒賣更為矜貴特別. 食飽飽後就來做野啦~

在觀塘區蹓躂完畢，肚子有點餓，剛巧見到一間點心專門店，又有點心又有咖啡，有新意，為何不訪。香煎蘿蔔糕很足料，每啖都吃到蘿蔔絲，不油膩，蘸點甜醬更為惹味。另一個驚喜是灌湯餃，湯內居然有蟲草！湯餃皮薄而滑，餡料十足，第一次吃灌湯餃不用加醋，皆因原味已甚為鮮甜。這個荷葉飯名為鮑片冬菇鴨胸荷香籠仔飯。在滿滿的荷葉飯上鋪了鮑片及鴨胸肉，令一道平凡的荷葉飯即時升呢。飯裡已經有不少雞肉和冬菇，再加上鮑片及鴨胸，錦上添花！甜點亦不弱，蜜瓜脆脆卷既特別又好吃。清甜的蜜瓜都可以用來炸，店方甚有心思，是非常非常的美味，實屬必食之選！點心有創意，又不失傳統的美味，新派得好！

認識廿載既好姊妹早前同我報喜話有左小寶寶。今日我放假，特登去左佢公司附近陪佢食lunch, 事前無通知佢架，surprise一下大肚婆，氹下佢開心☺因為牛頭角唔係好熟路，去之前已經醒目係openrice做足功課先！就係大肚婆公司斜對面就有間唔錯既"茶樓". 呢間新潮"茶樓"唔止有茶飲，仲有花茶，咖啡，沙冰等，別樹一格。全靠事先google map搵定路，否則都幾難搵到呢間係斜路巷仔上既小店。店內環境細小，不過裝修簡約有風格，令我覺得好舒服，同傳統既酒樓唔同。茶具同桌面既餐墊色調配襯一流。忽然聞到陣陣既咖啡香味，究竟我置身係茶樓還是咖啡店？--是日靚湯 - 消暑冬瓜湯--冬瓜清熱解暑 湯底味香無味精 好有媽媽既味道喔。--木魚尖椒--魚肉釀尖椒配上秘製醬汁同木魚拌碟，味道特別而且口感好好。--迷你炸雲吞--呢個懷舊點心係我最愛，細個媽咪因為怕我熱氣成日唔比叫。而家大個飲茶見到就必定要試！呢個炸雲吞蝦肉夠彈牙，皮亦炸得好香脆。好欣賞佢迷你size, 過到癮之餘又唔會太膩，又無咁熱氣。--炸蜜瓜鮮奶--呢個真係Ichiban!! 外脆內軟之餘，裡面既蜜瓜奶仲係流心架~~真係好好味！--焦糖咖

星期六既放假，已經安排一連串的節目，一切由早晨開始。早上先係觀塘飲個早茶，去到一間小店飲茶。餐廳沒有大酒樓既規模，亦華麗既裝修，不過對於只打算食早餐的我，通通都不重要。點心紙選擇都幾豐富，同時又加入左特色食物，估唔到麻雀雖小，五臟俱全。柴魚花生粥 $2我初時都以為自己聽錯，$2一碗粥真係麵包都買唔到，仲要係柴魚花生粥，平靚正！蒜蓉蝦春卷 $26春卷夠香脆，入面加左蒜蓉蝦口感豐富。香煎蘿白糕 $20表面煎至金黃色，切成小塊，食既時候唔會散開，好香口。翡翠鮮蝦腸粉$23腸粉皮滑口，加上每一節既腸粉都有大大隻蝦係裡面，整體唔錯。潮洲靚粉果$19粉果皮有黏黏的口感，而裡面用料十足，食落口感豐富，有咬口。桂林頂級鮮牛肉球$24略帶紅色既牛肉入口腍身，有口感，加埋喼汁，十分開胃。吉吉蝦餃皇4粒 $34新鮮蒸好既蝦餃熱辣辣，都幾大粒。皮都幾簿，裡面既蝦大隻又爽口。古法馬拉糕$19鬆軟度唔錯，但味道偏甜。江南俏鍋貼 $28鍋貼都幾大隻，鍋貼皮脆口，咬開裡面有大大舊肉，還有肉汁流出。嘆完一個豐富既早茶，又係時候出發今日既行程。下一站 - 西貢。

無朋友帶都唔知呢度有間可以飲茶既餐廳。餐廳地方唔大，光猛乾淨。(平日晚全場full哂，有心嘆茶既早少少到啦)每位茶錢五蚊，茶壺入面有濾芯，唔會飲到茶葉，呢d茶具係傳統酒樓好少見。蜜瓜脆脆卷 $20 個外層脆皮鬆化，入面包住熱辣辣既蜜瓜蓉，出奇地炸物同甜點都可以好夾！第一推介！濃湯北菇綿花雞 $24魚肚同雞都唔會過腍，有咬口，食完之後個濃湯要飲埋，好好味！Q版炸雲呑 $19 其實味道驚喜唔大，佢好在炸皮少過平時50%有多，食多隻都唔好full！總括而言，呢度基本既點心唔差，特式點心更加係突出添。款式(呢度仲有coffee同手工啤酒)同價錢都合理，無端端茶癮起都有地方解決啦！

係觀塘其實我只係識去APM, 裕民坊。牛頭角基本上係無咩事都唔會踏足既地方。不過今日就跟住條地頭蟲揾食。佢因為知道我鍾意飲茶食點心，所以話帶我黎試下喎！茶壺幾靚，幾有格調。我地叫左普洱，後來先見到原來有菊花同太子旺角好多食點心既差唔多，都係一張點心紙，款式算幾多。仲有唔少熱門推介，幫到我呢個有d選擇困難既人因為好想飲湯，叫左個老火湯，黎既係青紅蘿蔔煲豬骨。個湯幾清幾好味，仲好大碗，係2人份！不過因爲我好鍾意食湯渣，佢如果可以俾多d豬骨就更好啦！佢呢到我最推介係d炸物！d酥呀，角呀，煎堆呀，全部都真係好好食！！！唔會好油，又好香脆！不過真係要熱食！呢個芝士咸水角係我最愛，熱食個陣一咬落去d芝士基本上係必出黎既！勁香。加埋咸水角個皮少少甜同入面少少咸既肉，個種crossover我真係好喜歡！另外就係呢個煎堆仔！無諗過奶黃可以用係呢d地方。真心好食！d芝麻超香！仲要個皮都好有芝麻味！千層珍珠雞，真係一層層架！味道可以再重手d平時d炸雲吞一啖永遠食唔到，所以要讚下呢個一啖剛剛好其實我係腸粉專家，個皮真係少少太韌，好彩味道搭救。最愛多豉油

從小到大，家人很喜歡到酒樓或點心店吃點心，周末「飲茶食點心」大概已變成一種習慣，不過小妹就是揀飲擇食，從不吃餃類及滑溜溜的東西，如腸粉、罐頭餃等，大概是身體受不了這味道吧，不過大多數酒樓或是點心店也是主打這類型的食物，無奈地對於小妹來說，入點心店或酒樓裡能吃的食物少之有少，故只是常點一些包類、炒飯，雖座在一起聊天，但食物大部份可謂各有各吃。早前相約友人補祝生日飯，就知道點心是他的大愛，決定撇除自己的喜好，破例一下。友人:「唔洗凸登陪我食點心，你好多野唔食喎。」小妹：「唔緊要啦，你鍾意嘛，我成日陪人吃，唔洗理我嫁，有其他野食嘛。」友人多番推搪之下，我們最後也決定吃點心店，經搜尋之後，選址牛頭角的吉吉點。餐廳位處一條斜路的中央，並不起眼，難怪來來回回宜安街也找不到。由於是小店，雖沒有寬敞的座位，但仍尚算坐得舒適，只是二人枱比較細，幸好侍應將2張二人枱二合為一，才能放下全部食物。點心款色與一般的點心店及酒樓不同，加了嶄新元素，如蜜瓜脆脆卷、珍珠雞也不是傳統做法，用上白汁磨菇飯等，撇除不吃的腸粉及餃類，選擇比想像中多。茗茶每位$5，我們選了普洱茶，入口微甘，味道不會太過濃烈，但經過多番沖水之後

行到牛頭角見到吉吉點, 記得在某報見講到好味又抵食, 今日終有機會一試,茶俱新穎午市坐位迫迫地, 店員熱情的招待,用心製作.馬拉糕我最欣賞呢個！我自己好鍾意食馬拉糕，馬拉糕得滑，很香，但唔會太甜!鮮竹卷以上湯作茨汁， 內裏有豬肉、冬菇及筍等，煎香的腐皮包裹著餡料一起味道頗夾。腸粉新鮮熱辣送到， 豉油另上。滑滑腸粉皮包著香脆響鈴新鮮彈牙，比例恰到好處，口感豐富!

近几年城中多左好多食中式點心既鋪頭，擔心水準問題一直無幫襯過。朋友約飲茶，在假日唔想去酒樓等位，來到觀塘既吉吉點，在宜安街街市隔離。去到門口一望，店舖細細間坐滿客人，侍應哥哥話要在門外等等。又係既！檯與檯之間排得密密！都好迫咁。好快有位，坐低後感覺都ok，雖然人多，但又唔會茶樓般嘈雜，而客人多數係年輕一輩，先睇下食乜先。點心有好多選擇，仲有多種味道既咖啡、花茶同手工啤酒。薑蒽牛柏葉(23元)牛伯葉切得稍為細件，但配料豐富令到佢好入味又不失爽脆！Q版錦繡炸雲吞(19元)比傳統炸雲吞略細，皮薄香脆、熱辣辣既餡裡有鮮蝦味，将酸甜汁淋係雲吞上面！翡翠鮮蝦腸粉(23元)腸粉爽滑！鮮蝦爽脆！豉油汁咸甜适中。鮑螺雞燒賣(22元)平時鍾意食燒賣，見個名咁特別就試下新嘢，味道唔錯。濃湯鮮竹卷(23元)湯香濃，鮮竹卷浸泡在濃湯裡面，腐皮吸收左濃湯既味道，加上餡料清新既香味，好健康既感覺！酥香紫薯餅(26元)睇落已好吸引！外层酥皮鬆化，內裡紫薯綿滑，香甜既紫薯味！千層薑汁糕(18元)薑汁味剛好，唔太甜，口感Q彈！好滿足！期待下次再品嚐其它美食！