吉吉屋 (已結業)

朋友相約，在太子一間居酒屋，最初看地址是鴨寮街，以為從深水埗地鐵站出口，殊不知找了好一陣子，原來太子出比較近⋯⋯門口一道古老鐵閘，店舖細細，感覺地道親民格調。螢光魷魚漬$48/ 醬油牛蒡漬$48~日式地道下酒小吃，清酒派對開始了⋯⋯朋友是這裡熟客，所以她和食店老闆很相熟，一路飲一路吃下酒小食。自家製大根$22~先來個清清哋的自家製蘿蔔，甜甜豉油味啉。燒雞泡魚干$58~居酒屋指定項目吉吉雞翼$38~日式免治雞肉棒$28 配月見$5~喜歡這個雞串配雞蛋吉吉沙律~枝豆$38~由於老闆是唎酒師，對清酒甚有研究，所以配搭清酒的配具應有盡有⋯⋯最欣賞就是這隻溫度環，無論冷飲由雪冷至涼冷的温度，以及熱飲由日肌燗 至到飛切燗，在這隻清酒溫度計手環一目了然，簡直是好玩因物。由於當晚開了一支古酒，朋友想由常溫開始飲至熱飲，老闆竟然一應俱全，真是不得了⋯⋯食店的Sake 很有質素，單是聽說老闆介紹清酒，已是一種樂趣。整體來說:整晚以清酒為主，食店親民格局，熱愛清酒人士，值得推介。

當日即興與朋友來個happy Thursday ，由於友人係日本達人！所以就揀左呢間有日本酒加野食既餐廳短聚一下！我地由六點半來到，見證住由無人坐到座無虛席只係一小時。呢間小店既威力絕對無因為地理位置而受影響！坐低無幾耐朋友與店主交流酒經，最後揀左支有汽既清酒🍶作為今晚既主打，另外點了幾樣串燒同清酒煮蠔來送酒！串燒味道不錯是因為店以串燒作主打，不過可惜的是其他食物選擇較少！所以作為happy hour 是不錯，但如果想吃飽就可能要重覆食物！但值得推介的是，此店店主會有細心的介紹不同的酒給客人選用！如果喜歡日本酒但沒有太多學問可來幫襯一下長一下知識！最後埋單每人平均300多！

上星期二晚食到一肚氣🖕🖕，成晚食左四千九蚊，有條友好似好pro咁介紹sake俾我地棟，ok, 當我揀到第三支, 我問他會唔會請我地飲酒呀，佢話要問老細簽先ok 喎,但老細今日無返工，佢話簽d小食俾我地，我地當然話無問題，大家開心啫，到我埋單，一個nuts價錢都無簽俾我地，再加我地話你同事話簽小食俾我地嘅，條友竟然無動於衷,這是甚麼呢？？？？是不是這鋪仔唔休做了，都不愁無客呢？？？？？這樣做生意，我祝你生意興隆😡😡😡😡

深水埗多了很多小店，今次朋友介紹，地點較僻，所以連我是街坊都唔知。主要同朋友飲2柸，所以叫老闆介紹下，老闆會先問一下口味，辛口？甜？清？老闆人非常好，介紹酒很到位，有酒廠背景，酒的口味等資訊都恰到好處，實在是非常吹得！挑好了酒，就點一些送酒小食，比較偏咸，但送酒來說就ok特別的是三文魚鼻，好難形容的口感，比脆骨林，不致於太硬，好食。另外一個是用三文魚的內臟打碎再入味，比較咸，似硯介的味道，配芝士餅乾，老實說不是每個人鐘意，我朋友就不太喜歡，我覺得用來送酒就不錯其他小食也ok下午，晚上還有不同的set 可供選擇，慢慢吹水飲食得，想食飽，享受一下餐廳的氣氛，裝潢，人情味都得。一間充滿熱情，熱誠，熱血的餐廳。會再去！

昨晚在這裡吃了個晚餐，因為朋友想喝清酒，所以找了這家店，第一次來，所以來前沒有什麼特別的期望，坐下來已有一份親切感，我們點了一瓶清酒，幾個燒烤、鰻魚和菜，燒烤功夫不錯，有誠意。以後一定常常來這店。

朋友生日聚會，生日的朋友仔自己選擇了這家吉吉屋，感覺好似隱細小店，但得知原來已在這裏開了10年了，第一次食到獨有的味道，很多美食都是第一次嘗試台式腸斧飯 還配了一個特製醬汁（老闆剛剛從台灣回來，所以呢個係期間限定）。還有最愛的鰻魚，超級厚肉，非常美味食完還想再食。關東煮，老闆已慢煮48小時，個蘿蔔超入味，超好味。另外我還食了一個獨一無二，在外面一直都未有食過的三文魚頭咩咩(唔記得咗個名哈哈)超爽口超特別。最後當然要食甜品啦古酒雪糕真的超級大滿足

經過都會入嚟飲杯野，點個小食，輕輕鬆鬆坐下燒物同炸物都控制得幾好，送酒一流，酒類有不少選擇嚟過好幾次, 我多數會叫燒金菇牛肉卷, 炸雞軟骨, 燒秋葵, 燒牛舌, Erdinger黑啤燒金菇牛肉卷燒得啱啱好, 牛肉仍然有豐富嘅肉汁, 金菇爽口燒秋葵我都好鍾意, 用醬油燒過之後, 裡面嘅Lim液唔會燒到乾晒, 始終果d Lim液先係秋葵嘅健康重點, 唔可以無炸雞軟骨亦都炸得好香口, 配有一d七味粉(應該係), 依個係我嘅必食推介燒牛舌都燒得幾好, 肉汁豐富

快將搬家,雖然我算不上常客。但總算有踫過它3次的成長認識吉吉屋大概5年前吧，是非常小的店。坐位都在街上。主要是叫外賣。後來過了1至2年就搬到楓樹街球場對面。店面大了少少。而我也短暫搬離該區。到前年搬回來,吉吉搬到現在的店。大了很多,食物質素仍然持續。店員及老闆仍然幹勁十足。看著他們由小小的店做到大大的店,非常感動。希望下次可以搬回太子可再常幫襯。每次放工後都會打電話叫定的外賣燒秋葵豬腩肉炸雞沙律以上3寶老是常出現😍

幫襯了幾次呢間食店,今日同朋友試左幾樣新野都好好味!!!即寫下推介大家!!吉吉燒飯團外脆內軟,非常入味!!!AFC溫泉旦吉吉雞扒沙律沙律新鮮即做,雞扒燒得剛好,讚香炸AFC雞中翼問了老闆甚麼是AFC雞中翼,他說（AFC=Antibiotics Free Chicken優康雞）,炸得香脆,飲酒良伴燒大虎蝦因太大隻了,只好拿一支可樂作比較,蝦肉爽脆,而蝦殼脆卜卜可以連殼食!!!!最後,老闆更介紹我們用蟹粥做打邊爐!!!食完蟹後再用粥底打邊爐,粥底充滿鮮甜蟹味.........正!!!題外話這種串燒居酒屋小鋪十分適合１至４人結伴小聚，地方係窄Ｄ，但食物質素好好，兩個人食如果係大胃王，也可以嘗試到很多款菜式，其實餐牌紙上選擇十分多，除了串燒外，仲有日式飯麵類，連打邊爐都有，以小鋪居酒屋而言，真係好少有咁多選擇！如果有埋日本果味酒”氷結”的話就更加一流了！至於日本酒也有不少，喜好日本酒的朋友也很適合!!!!