吉列牛忌廉烏冬專門店 (彌敦道) (已結業)

今日同媽媽去花墟買花過年, 勞動之前當然係食好野先啦, 揀左間專食吉列牛既餐廳同媽媽試下, 12點幾上到去, 侍應安排左卡位俾我地, 可以望到街景, 幾舒服! 餐牌上主打既係吉列牛定食, 由於份量太大, 兩份我地食唔哂, 所以嗌左一份定食再加左個set lunch日式牛里脊炒飯配流心蛋。 等左一陣野食就到, 當然相機食先啦~~ 吉列牛定食有吉列牛, 飯 (有飯素係面), 芝麻凍豆腐, 番茄同麵豉湯。講返主角吉列牛先, 餐廳將牛扒切成十幾件, 牛質睇落鮮嫩, 再隨個人喜好放上個石上到煎一煎, 想要幾熟自己控制 牛肉外圍邊因為炸過, 食落脆脆地, 口感唔錯~食完牛之後食返個凍豆腐, 好清新~ 牛里脊炒飯配流心蛋呢碗飯份量大, 配料足, 成碗飯有好多蔥做配菜, 岩哂我呢個蔥怪, 撈埋隻流心蛋係d用牛肉醬汁煮既飯到, 食落好有層次。而牛里脊既份量唔小, 數過有至少8細塊, 飽肚之作~ 其實......小編見到餐牌個忌廉咖喱湯烏冬好吸引, 下次要同朋友再黎試下!

其實已經第二次黎 , 上次食得太趕連相都無影今次一於再黎Encore 而且今次我都醒左 , 專登係7點前就上到黎果然真係可以唔洗排隊仲無咩人 ~ 今次有卡位坐了吉列牛的SET 係Must Encore 架喇上次食左檸檬蜜糖雞翼好好食! 而且仲要係單骨 , 食得超方便如果檸檬味再重啲就正今次就叫左 Kobekyu 秘製蛋卷呢個就仲正 ! 真心估佢唔到先講個醬 , 佢係Honey Mustard 但又好似拉律醬咁配埋一齊好Fresh而個蛋勁正! 除左好滑之外 中間仲夾仲芝士但佢最神奇係芝士夾埋一啲都唔漏主角出場喇! 其實未坐低已經每張枱都有個爐仔 For 你燒佢的吉列牛吉列牛的Set 咩都有豆腐永遠都係最正 ! 哈哈! 個飯好沾口 ~ 好食! 比起我地平時食的仲要沾口! #唔係糊 , 係沾!而個牛, 唔知點解佢可以烤到個面脆而又可以KEEP 到入面係生我地當然要燒燒佢先食喇燒完仲要熱辣辣 ~ 放入口 !簡直係入口鬆軟而且生熟仲可以自己Control 我自己比較中意食生 , 基本上2面熟左我就夾食落口一啲都唔鞋 ! 超滑個面又脆 簡宜係雙重口感佢雖然係炸 , 但又一點都唔油膩

韓國最hit吉列牛，主打日韓fusion菜，最出名忌廉烏冬和吉列牛，不用去韓國都食到喇！店內韓風設計，地方開掦香辣忌廉雞肉炒麵 $78面層：特製薯蓉忌廉，厚滑有奶香底層：雞肉炒麵雞肉炒麵頗辣！食前先把忌廉和炒麵撈勻，越食越辣，不過越辣越過癮！吉列牛定食 $148使用美國熟成牛肩脊，肉嫩鮮甜，上碟前輕輕炸過，外脆內軟吉列牛，內裏鮮紅，食前先放上爐燒一燒，配上甜豉油或wasabi、沙律醬，帶起肉香。入口牛味濃，配上飯素白飯，這午餐十分豐富食前先放上爐燒一燒用上美國熟成牛，先塗上麻油，再配上薄薄炸粉，炸約60秒，皮脆肉熟，肉汁豐腴。配上自家製甜豉油或有濃香wasabi的沙律醬，提起肉香外，又醒胃．Menu

今晚同舊同事 MK 行街, 之後佢話想食吉列牛, 就帶左我黎吉列牛忌廉烏冬專門店 ~一坐底佢已經急不及待要吉列牛定食, 而我就叫左個豚肉蕃茄烏冬.佢個吉列牛包左蕃茄、麵豉湯、芝麻豆腐、飯等...吉列牛用明火燒成，每台都放左一個小爐子！聽侍應講, 吉列牛每邊燒3秒就食得! 當然想食熟D 既人可以自行控制燒耐D.牛肉外脆內軟，配上沙律醬真係好正, 又香口. 而我就叫左個豚肉蕃茄烏冬, 入面有多片黑豚肉、蕃茄仔、金菇、娃娃菜、洋蔥等等。蕃茄湯底勁濃郁，烏冬滑溜彈牙，整體味道唔錯!

旺角上樓食店越來越多，坐得舒服嘅地方唔多，於是就想去試一試，最初見到成碗鋪滿忌廉咪話唔驚，多到好似食咗成個蛋糕咁多忌廉一定會好溜，點知忌廉同咖喱烏冬出奇地配合，加左忌廉嘅烏冬更加滑溜，好yummy另外一款值得推薦，吉列牛肉石板燒，肉質可算幼嫩，配以特色Wasabi醬汁幾好味，有啲新鮮感。不過店舖內的通風系統不夠完善，一上到鋪頭有點兒油煙，食物種類唔算多，所以呢兩款係是主力推介食物。二人餐，份量較細，不太食得飽呢～

旺角唔知食咩好，試下lee排好hit既吉列牛同忌廉烏冬。忌廉烏冬上面有一層好厚既忌廉，下面就係咖哩烏冬，烏冬好彈牙，咖哩味好濃，好好食，但個忌廉感覺就可有可無，冇咩味，但成個感覺就好得意。吉列牛賣相好唔錯，牛既份量都ok, 放上個小火爐到輕輕燒一陣就ok, 生熟情度可以自己控制，燒完個皮都仲有小小脆，中意食牛既朋友仲可以追加吉列牛。單骨雞翼就岩哂我Lee d懶人🤣，食得好方便，已經好加分。佢上面落左好多芝士粉，岩哂芝士控既朋友，好惹味。3樣食物都好好食，一定會再次幫襯。

懶洋洋的星期天，無節目，先去旺角食個懶人午餐，之後才慢慢想節目行程。旺角的726號大廈已來過多次，因為全棟都已變作食市，什麼國家的菜式也可吃到。突然想起之前去東京時已想試吉列牛，所以今次特別選了吉列牛忌廉烏冬專門店。可能因為帶著小朋友的關係，店員特別安排了窗旁的卡位給我們，這裡可遠眺九龍的景色，有陽光的冬日特別舒服。點了這裡聞名的吉列牛定食 ($148)，每片牛扒之前已先炸得半熟，牛表面有炸糠，吃之前先把牛扒再放上小火爐上煎一煎，生熟度就可自由控制了。因為牛扒是炸過，所以得香口，但難得的是內裡也得嫩。我想應該不是生熟度的問題，因為試過稍為煎了一下的，跟煎了久一點時間的相比，肉質也能保持幼嫩，所以我想是跟牛本身的關係。之後點了一個午市的鰻魚茶漬飯($78)，跟了蔬菜鰹魚湯作茶漬飯的湯。茶漬飯有些似湯飯，所以點選的湯底最重要，而鰹魚湯則有魚的鮮甜，如果要味濃的，我想應該可以選擇豚骨湯。鰻魚塗上醬油後都是甜甜的，鰻魚肥美軟綿綿。

今天為了吉列牛而來甫坐下就二話不說點了吉列牛定食吉列牛賣相相當吸引肉身呈鮮嫩的紅色外層經油炸吉列處理令味道本身已經濃郁的吉列牛加點香口口感方面同樣出色肉質軟嫩吃的時候毫不費力個人認為煎至半生熟就剛剛好配上白飯食用是絕配白飯面上亦鋪上椒鹽味道惹味另點了咖哩忌廉牛肉烏冬咖哩忌廉跟烏冬的配搭新鮮感十足原以為滿滿的忌廉會有油膩的感覺吃後有驚喜卻沒有油膩感每一口都是creamy又煙韌的烏冬牛肉口感豐富有咬口吃完後有意猶未盡的感覺

間野d野食ok,但係有個好肥肥婆態度好差，仲諗緊食咩就大大聲聲問要咩，d野幾好食都無用，野食未黎到都影響曬心情！叫左個定食野食ok,但員工唔得一定唔會再黎，希望只係冷山一角，得個肥婆係咁！

之前見朋友成日黎食呢間，我終於都黎試喇！叫咗一個吉列牛($148)同埋個忌廉咖喱牛烏冬($78)，之前從來未試過忌廉咖喱烏冬，所以特別期待。先講個吉列牛， ＄148來講牛嘅份量都算多，仲有埋湯同埋兩份前菜小食！牛唔會太韌，不過就唔係好有牛味。同埋佢都唔唔係炸得好好，嗰啲吉列皮我一到煎嘅時候佢一到甩..所以其實煎好兩面放入口果陣已經唔算係吉烈牛至於個忌廉咖喱牛烏冬，其實唔算好食得出忌廉味，不過小小辣嘅咖喱湯烏冬都幾好食嘅～但係食到最尾就會有啲膩，不過不失啦

想試呢間野好好耐 終於試到 5點幾就要上去排隊 等到6點開門之後安排入座 位置不太多 好多2人位 之後點餐 不用想 一定叫最出名的兩樣叫左吉列牛定食 同埋 咖喱忌廉牛肉烏冬-吉列牛定食 到了 其實真係完全不知點食 見其他人放D牛上去個鐵板到 先知原來係咁特別 哈哈D牛好好食 脆脆的  第一次食 感覺不錯雖然見好像好多片 但因為每片都好細所以好快就食完 =.=-咖喱忌廉牛肉烏冬比較一般 食不到太多牛肉 同味道比較淡 不過點都要試下整體不錯 韓國特別的食物 ~ 

嚟呢度都未必一定要食吉列牛或忌廉烏冬，原來釜飯都好高水盡喎。韓國蜂蜜紅棗茶 ($28)月事嚟時飲返杯蜂蜜紅棗茶即刻舒服晒，有真紅棗係裡面，絕對真材實料，仲幾大杯添。原條鰻魚蟹籽釜飯 ($128)打開個蓋忍唔住嘩咗聲，咁鬼多蟹籽嘅？條鰻魚又大條又肥美，仲一啲都唔猩，真係好掋食呀！雞軟骨餃子 ($38)之後再嗌個小食，餃子煎得好香脆，內面嘅雞軟骨脆卜卜口感好正，比平時嘅豬肉餃子好食多多聲。知唔知午市仲唔收加一添！

上次來了吃岀名的忌廉烏冬和石燒牛肉，今次午飯時段上來，發現餐牌又多了新食物，而且午市時段竟不收加一呢！秘製蛋卷 ($68) 非身厚身香滑，蛋味濃郁，內裡夾著半溶的芝士，還真的做到拉絲效果呢。配上秘製的芥未沙律醬，很開胃。餐廳多了釜飯，我的三文魚蟹籽釜飯 ($108) 賣相十分吸引。蟹籽也未免太不吝嗇了？真的佈得滿滿的，脆卜卜口感一流。三文魚帶鹹香，上面還有紫菜和蛋絲，真的很好吃。價錢也很掋食。蜂蜜菊花蜜 ($28) 真有菊花在內，味道不會太甜，冬天喝一杯很潤喉。

成日都見到啲friend打卡po相食吉列牛，自己一直都想試....今日終於可以同個friend去食啦！去咗旺角間分店，一坐低唔使諗一定係叫個set，因為個set有晒吉列牛同埋呢度另外一樣最出名嘅咖喱忌廉牛肉烏冬，兩個人就啱啱好夠食。佢出到嚟牛嘅份量比我想像中多，第一次用呢種方式燒牛，又可以自己控制生熟度，啱晒同台接受到唔同生熟度嘅牛嘅朋友。個set又有飯又有湯又有啲小食，其實都幾豐富。燒到咁上下就已經聞到牛嘅香味，再加上脆卜卜嘅外層，食落好有口感。輪到個咖喱忌廉烏冬，佢係一層cream係頂，下邊嗰層就係咖喱烏冬。撈埋一齊其實同普通咖喱烏冬係冇分別嘅，但係你食落就會覺得好creamy，比一般咖喱烏冬嘅口感滑好多，呢個烏冬係出色嘅！呢兩個招牌菜都好好味，不過係服務方面，如果啲哥哥姐姐肯主動啲過加下水就更加perfect 啦！

吉列牛呢種食法應該算係韓燒,日本菜,西餐當中突圍而出既生力軍早已聽過呢間吉列牛忌廉烏冬專門店當日2人同行7點去到, 雖有訂位, 但客人只有約6成, 就無表明訂位自動坐下店員有提醒用餐時候1小時15分叫左個 $246既set, 吉列牛定食+咖喱忌廉牛肉烏冬+汽水(可補差價轉其他飲品)配菜有沙律, 車厘茄及豆腐, 但一式用上胡麻醬, 甚沒心思吉列牛肉汁尚算豐富, 但外層炸得不算脆, 失分咖喱忌廉牛肉烏冬賣相特別, 但內裏亦一如其名, 只是普通日式咖喱價錢不算貴, 轉飲品及加一後只需$300以下以每人$150的價錢我覺得可以一試但會否回頭再光顧就見人見智了