合記茶餐廳 (已結業)

豉椒牛河，食吓新意思。大大塊洋蔥，好驚！大大粒豆豉，好驚！大大條河粉，繼續驚！牛肉正常，無乸得過份。整體味道還可以啦，略甜。食左咁多次炒野，最差今次，麻麻地。兜勻會好食好多，似家只係炒好個河粉底再淋汁係面，味道同鑊氣都差好遠呢。

太陽蛋腸仔雞扒出前一丁，再一次鴛鴦腸，半邊雪到又乾又硬變深色，另一半正常，係咪特色黎架呢？哈哈。煎雞扒保持水準，皮香肉嫩而且肉汁澎湃！一向都好好味。出前一丁手藝贏足幾條街，即煮無取考，熱騰騰滑滑彈彈無投訴！掛住香濃湯汁連是拉差辣椒醬直衝味蕾，堅好食！

兜左兩個圈，最後都係求其出前一丁，隔日出前一丁食到好悶呀！不過貪快無計啦。五香肉丁香草豬扒出前一丁，塊豬扒係公黎架喎，唔係乸，太好喇！剛煎起勁 juicy 並香噴噴熱辣辣，結實有咬口，無話乸到腍劈劈！醃得剛好帶點點香草味，大愛，正！出前一丁夾住五香肉丁齊齊送入口，香辣燙口又熱騰騰，麵質彈而滑，非常好味呢！

星洲炒米全走，因為我唔食芽菜、洋蔥、蔥、韮黃、青椒架呢！換黎既係大量火腿絲同蝦仔，師傅對我真好，肉仲多過米粉，勁開心！多謝呀。如果有叉燒絲就更香啦，貪心係人之常情，哈哈！香濃咖哩味道帶著火腿既咸香、蛋香及蝦仁既鮮爽，無得彈！今次連辣椒醬都慳返，勁有鑊氣、味道好又香口，perfect！

馬年最後一餐出前一丁，因為後日要去美國 trip，過埋年先返香港呢！遲到都話之佢，嘆埋個麵餐先算，民以食為天麻！早餐 B 太陽蛋餐肉沙嗲牛肉出前一丁走包配凍齋啡走甜，唔記得將餐肉轉其他添，餐肉次次都煎定再翻熱，乾硬鞋囉。牛肉醃得無過火，撈上偏甜沙嗲牛肉，尚算滿意既。出前一丁煮得非常好，熱辣辣又爽彈，湯底特濃，正！最正都係成記快餐既鮮牛再撈沙嗲汁，鮮牛永遠 ok！

今朝突然好想食熱辣辣既麵呀，天氣凍冰冰！就算見唔夠時間食，遲到都話之佢！美食大過天！前幾日黎幫襯過早餐，發現比早年剛開業時改變左好多，出品同菜色都正常左好多。細看下，所有迷底已經解開喇！原來換左班底、轉晒人喎，連 Menu 都轉晒呢！雙太陽蛋豬扒出前一丁，原來係有出前一丁供應架！上次仲以為無添，今日先係 menu 度睇到乍。試左雞扒，到豬扒喇。香草豬扒，煎得幾好，香口有肉汁，醃得剛好仲保留豬肉原味，質感有咬勁，好食喎。原來個餐係豬扒併兩款喎，依家變左雙蛋添。碗麵熱辣辣送到，麵質煮得爽滑，高質！

今日交通勁暢通，八點九已經落車喇，難得咁多時間，去嘆個麵先，比多次機會合記，試多一次啦。兩年前恐怖午餐、三個月前美味翻熱三文治，今日終於試早餐，因為經常比英發激親、一係兩半個鐘都無得食，依家要搵新場開餐囉。太陽蛋火腿雞扒即食麵，點解會無出前一丁供應架？ 麵質太腍喇麻，湯底又淡茂茂，大光麵係咁架喇，還可接受啦。火腿有略略煎過，有 heart，好﹗雞扒雖然味道略咸左少少，但肉質嫩滑又 juicy，如果淡返少少就非常好味！太陽蛋有點凍，用熱湯浸暖少少好好味！

寬別多時既合記，有兩年喇，自從佢初開張時試過恐怖 lunch 後，一直都唔敢再黎。但今日遲大到，多謝琪姐仗義幫我買早餐，所以先有機會再試乍。餐蛋牛治，白麵包軟棉，好軟墊喎。唔似係即叫即做，雖然熱騰騰，應該係翻熱。不過，咸牛肉足料味濃，但唔係 max 埋雞蛋一齊炒呢，只係搽係麵包上面，暖暖地。好采都好好味，可以再好啲。

又是吃早餐時間, 試一試這新店, 不知何時加了 “粉麵” 二字在招牌上. 沙嗲牛肉麵, 配午餐肉煎蛋麵包.沙嗲牛肉麵, 沙嗲味道不重, 鹹味過多, 牛肉醃得不算過份, 尚有原始牛肉咬口, 但麵身煮得太淋, 只吃了三份一. 午餐"凍"肉一塊, 並非即煎, 放得耐, 乾而硬. 煎蛋賣相差, 雖有漏黃, 但不太熱, 麵包頗乾身, 細看孔大, 組織鬆散, 麵粉未搓揉足夠之故.只第一次幫襯, 暫不劣評 可再給一次機會.

真係有啲唔知佢地主打賣咩既茶餐廳，泰式粉麵飯，港式即食麵同小食，睇 menu 見選擇不太多 ~ 試過幾款出品，一試無妨。如有選擇下，應該唔會再幫襯喇 ~粟米叉燒粒炒飯，炒功不值一提，炒到一舊舊，蛋還蛋、飯還飯，口感濕，唔香口又無鑊氣。味道平平，倘可。蝦餅香茅豬扒飯炒底，炒功好差，十足蛋絲炒飯，蛋同飯係分開架，而且口感幾濕吓。香茅豬扒，唔知佢點茅法，只係可以話係好咸既炸豬扒。最穩陣係炸蝦餅，大路簡單無難度，炸得鬆脆，滿意。