合記茶餐廳 (已結業)

隔離已經四間三餸飯，老闆您又玩埋一份，點搞呀？雖然味道質素係最高最好，不過係最貴既一間呢！竟然有機會永久取消出前一丁？那我以後食咩好呀？就連雞牛豬扒、蒸餸都有機會全部取消，早餐又跟隔隣齊齊賣炒粉麵同三文治，如何競爭？可能以後都無全紅磡煮得最好食既出前一丁喇，合記只供應凍冰冰的炒麵、莜麵、上海麵、米粉、河粉、腸粉。凍檸樂，實在太醉，再來回魂 coke 特效解藥。熱齋啡，用既滾水太熱，使到咖啡變酸，熱到入唔到口，放陣先飲。應該用返奶茶既溫度就差不多，剛剛燙嘴又飲到落肚。熱奶茶，順喉香醇，貫徹始終不變的幼滑香濃奶茶，加包半糖最合我口味。豉油皇炒莜麵，清爽豉油香，剛剛好不過咸不混濁不油膩，乾身嚥韌，加兩滴辣油更滋味。豉油皇炒河粉腸粉幼麵莜麵，老闆極客氣比個四併早餐我試。凍就係凍左少少，而且全部豉油皇味道，好采都好好味，食得過。河粉不油膩完整不散筲筲，可以一氣呵成處理掉，仲要係我最愛的特幼河粉啊 ﹗腸粉滑溜溜，最怕乾硬鞋烚烚食糕的感覺。幼麵莜麵同樣高質，富彈性不濕腍，可口大啖啜。餐腿蛋治，半份餐腿蛋治，嬸嬸我思意係要一塊麵包，唔要兩塊麵包呢，並不是連餐腿蛋都減半喎，笑死我，唔夠飽啦。軟軟的白麵包

比女友激到噴煙差點連工都唔想返，遲半個鐘就遲半個鐘，我要食野降火！ 繼續遲到話知佢，遲到照食早餐！遲 30 分鐘算數豪比公司，我有比遲到錢，咪嘈夠我呀，我用錢買依半個鐘架！嘆埋早餐先返去，扣人工扣飽去。成鬼日係度講與時並進，十年前話安排五天工作，十年後依然星期六要返公司呆坐幾個鐘等收工，勞民傷財，硬膠行為！新財政年度早餐價錢上調 3%，人工就加得 1%，上年人工加 0.0013%，永遠落後於通脹。老闆您又寫錯單喇，您好多野諗嗎？我係要太蛋腸仔架！話口未完又寫錯另一張檯，人家要榨菜肉絲，寫左雪菜肉絲。點解無論如何都唔比腸仔我食啫，老闆落錯單跟住到姐姐聽錯單，陰功！老闆大刀斬下轉菜牌，生意難做，加油呀﹗地產霸權，商人治港，無法無天，大陸香港﹗食扒麵索價 $38 大元，隔幾條街的百景好抵實好多。開放式廚房實在太高溫，，都係暫時轉去其他茶記食住先，太熱食到出晒汗，冷氣微弱真的吃不消呢！雖然丁麵超級好好味，不過都係入秋先再見。心情低落，身心疲累，暈、飄、怒、哀、疲，我真的需要休息，補充返少少塑化劑先得！每日一丁，慢性自殺。訓前吔個麵，訓醒再吔麵。Hangover 訓醒唔食個熱辣辣麵真係頂唔緊，水

去完銀行排長龍後截返，唔太肚餓兜個圈，間間都爆場無位要排隊，要快靚正唯有合記，唔想諗唯有合記，早餐合記，午餐合記！炎炎夏日舖面實在太高溫，坐係度唔郁都出晒汗，難怪少左大批食客，好需要有把強勁牛角扇呢！放足十日大假就飲足十日，就連琴晚都照樣爆醉，返到公司都瘟瘟燉燉啦 ﹗出黎食飯連銀包無晒錢都唔記得，身上只袋住大堆硬幣，當然不夠埋單。第一次無錢要食霸王餐，唯有跟侍應昌叔叔講聲轉頭返黎比錢啦。合掌瓜豬骨湯，初時飲頭幾啖都估唔是什麼，淨係飲到一點點澀味，睇睇 menu 原來係合掌瓜，到底放左咩材料搞到咁澀呀架，難飲矣。眉豆豬骨湯，豆味濃濃清香不混濁，溫柔舒服的味道。粉葛赤小豆眉豆豬骨湯，濃濃的豆甜味，清清的肉味，都飲得下。青紅蘿蔔豬骨湯，清清地咪幾好，無味精夠潤又健康。食飯前飲比較好，食完飯飲變得完無味道，清純淡如水。椰子雞湯，老闆用黎做例湯咁重手？真係好有心喎。陣陣清香椰子味道，雞湯味較濃郁，甜美可口熱辣辣蠻不錯，好味道的。如果我自己煲會將椰子切片使到味道更出，加入瘦肉餚湯就更加甜啦。菜乾湯，濃情菜乾湯，住家的味道直灌落肚，心情舒暢。霸皇花豬骨湯，完全天然無添加，清清淡淡。霸皇花合掌瓜豬骨湯

早前先將英發列入黑名單，依家連金發都要black list 埋，兩間同樣態度差、語氣差，不再幫襯，以後都轉去合記吧 ﹗我要熱齋啡走甜，並不是咖啡走甜呢，齋啡係無奶架，救命﹗奶味重，啡味弱，麻麻地。熱奶茶，由始至終高質味美，幼滑香濃依舊。蛋牛治，白麵包平凡大路，無話特別軟塾、無話特別香。不乾不硬麵包夾住咸牛炒蛋，中規中矩。牛油只有一滴仔，真係少到食唔出囉。咸牛肉有撈埋雞蛋一齊炒，good 呀。最憎分開蛋還蛋、牛還牛的呢。有些茶記直頭直接將咸牛搽係麵包上，炒都唔炒，凍冰冰囉。其實我係叫腿蛋牛治架，見到張單真係有寫腿蛋牛治，那麼我塊腿呢？有收足三餸錢喎。餐蛋牛治，我只食一塊麵包的呢，喜歡將所有材料撥到一塊麵包上，多多肉、少少包，特別滿足﹗白麵包平凡大路，無話特別軟塾、無話特別香。咸牛炒蛋一時一齋炒，一時分開蛋還蛋、牛還牛，當然要炒過先香架麻 ﹗lucky 依份係即煮咸牛炒蛋喎，熱辣辣使到牛油已溶化到麵包之中，特別好味道。超厚餐肉，不是薄切，足料無搵笨，雖然微暖又硬又油、好采都好食，燙手就更好啦。餐腿蛋治，慢煮餐腿蛋治，慢功出細貨，好耐無食過熱到辣手三文治，牛油搽得均勻不馬虎，每啖充滿牛油咸香

臉壁私家位 6 號，仲有私人風扇、私人空間，夠晒毒！上班前嘆個 5 分鐘早餐鼓勵下自己先，食飽最緊要！水吧哥哥真利害，我未出聲已經知我想食咩，咁都估到，有料！我都知道您愛我架喇，成日都留意住我，多謝多謝。患上了不能早返工症候群，晨早起身時間非常充裕都要魔到夠鐘，依個絕症無得醫架喇。加左人工成 $20 蚊咁多，梗係要食好一點慶祝下啦！破戒又食出前一丁，罪過罪過！您的待遇如何，您的臉口也必如何！怨氣指數維持係高水平，吼！她媽的公司，以怨氣作為動力！您滷味，怨氣！食好一點，食飽一點！美國返黎不停食！放縱埋依兩日，星期一開始要全力破地獄先得，謝絕探訪！依排不停放血供養女皇，要食多個星期出前一丁加杯麵頂頂去先，爆晒暗瘡喇﹗您條眼鏡阿叔用個袋霸住個位仲要扮見我唔到，您係勁既！侷住要我直接問老闆有無位，您咪自己攞黎肉酸！ 半點公德心也沒有，香港淪落到如此地步。凍齋啡走甜，不酸不澀，味甘的茶記味道。熱奶茶，合記奶茶一向非常有質素，茶味香濃多層次，跟淡奶比例剛剛好，有茶香有奶香，幼滑的質地不粗不鞋，可口滑嘟嘟。青紅蘿蔔豬骨湯，老闆每次都強調無添加純天然老火湯黎架 ﹗堅係味濃香甜，合記茶餐廳真材實料，飲得

訓醒好很醉啊，仍然巧醉呢，實在飲得太多喇。昏迷十個半鐘，起身食個麵醒一醒先 ﹗遲到都話之佢，一定要食少少野落肚。落大雨周圍都交通意外，搭的士要兜路行大覽去紅磡囉，時間用多左，錢又要比多左。用二百蚊的士既高昂代價，換取時間嘆個一丁早餐 ﹗遲到咪遲到囉，扣錢咪扣錢囉，好巴閉咩 ﹗豪比您，食左先講 ﹗終於做完珠寶展，唔洗再罰企喇，腳都跛 ﹗九點半先係合記坐低乍，話知您條福街 218 ﹗慢慢嘆埋個靚早餐先返公司，食飽飽先有力氣跟班客隻揪架麻﹗我都唔知點解會行去食出前一丁既，明明想食其他野喎，仲夢遊緊？想快就只有即食麵或車仔麵啦，算罷啦 ﹗花 1 分鐘等位，坐低等 4 分鐘有得食，用 5 分鐘倒碗麵落肚，消費 10 分鐘剛剛好，閃得。琴晚突然心癢癢又口痕痕，食左日版出前一丁做宵夜。朝早再次心癢癢又口痕痕食炒麵，依家最緊要快，要食港版出前一丁，好很悶呀 ﹗擋不住的引誘，丁麵永遠 ok ﹗Day Day 出前一丁，我已經充滿力量喇 ﹗抗衰老出前一丁 ﹗Keep 住丁麵生活，抗衰老、增強抵抗力、滋陰壯陽。獨毒出前一丁人生，出前一丁、出前一丁，跟住都係出前一丁 ﹗其實我真係真係丁到超級悶喇，可否試試鳳爪

話說好耐冇食過茶記早餐.. 就打算係返工前嘆返個早餐喇..之前食過都覺得好味. 咁就黎左合記喇.. 早餐set 冇五香肉丁. 咁我唯有叫百搭粉面喇.. 叫左個五香肉丁餐肉出前一丁黎到既時候見到午餐肉厚厚咁大塊好興奮但食落口就另1回事首先出前一丁我明白唔會煮到淋晒唔好食.. 但都唔會煮到未過心唔熟掛.. 仲要一啲麻油味都冇. 之前就算叫五香肉丁都會有少少麻油味. 但今日食呢個冇.. 五香肉丁不過不失喇. 餐肉就因為係厚切我好like.但一個雙拼粉面（出前一丁）加埋凍飲要$33轉出前一丁要加$5 但食左個咁既出前一丁真係好失望對我黎講.. 一個早餐既面餐. 最重要就係個面.但今日真係好失望呀

在附近上班，發現這區茶餐廳競爭非常大。當不想吃煎炸炒的話，會選擇合記蒸雞飯。每月大概光顧2-3次，經常叫蒸雞飯跟無味精例湯。不論冬菇蒸或金針雲耳蒸都足料無欺場，雞件足、滑溜，食完不口渴，加埋足料例湯，清清地食完感覺良好。蒸雞飯及例湯對比其他店的較淡口，可我喜歡這感覺較健康。有次試過蒸肉餅，不是我杯茶。炒河炒意中規中矩。注意此店只供應早、午、及下午茶，沒做晚市。

今次介紹呢間茶餐廳，就係呢一款食物，雖然係一款普通既食物，賣相就普通但係獲氣非常夠加上用左葱既配搭令到成個意粉都好香同埋用油好恰當，因為有D餐廳用油用好多會令到整體都好多油的。呢間就啱啱好可以再試

咖哩斯華力腸雞扒飯，條斯華力腸又香又脆並肉味濃，又會咁好食既？定係因為我成年無食過呢？咖哩汁味道唔錯，都係港式茶餐廳味道。細心地加左少少忌廉喎，增添香氣及幼滑感覺，good。招牌煎雞扒邊有得輸，皮香肉嫩，味濃香口帶肉汁。搞錯呀 ﹗合記嚴禁炒底？我一向都唔食白飯，一定要炒底架喎，今次算數 ﹗我今日唔想食出前一丁，白飯照殺 ﹗合記堅持唔比炒底，陰功 ﹗咖哩加少少忌廉點綴，好香又好好味喎。半條斯華力腸熱辣辣，外皮脆卜卜，裡面肉嫩多汁。雞扒鮮甜滑溜，不乏肉汁。咖哩、白飯撈上斯華力腸雞扒非常好食，所有掉入口就最正。黑椒火腿香草豬扒飯，黑椒汁甜而不辣，黑椒味溫柔而含蓄，適合大眾口味，不過無辣不歡的我當然越辣越好越開心啦。火腿、香草豬扒跟百搭黑椒汁非常夾，更加好味道 ﹗豬扒有咬口又有肉汁，加飯加黑椒好好食呢 ﹗合記就算加錢都唔肯做炒飯底，照食白飯啦 ﹗合記既炒河經常賣晒，今日又無得食喇，唯有食 set lunch 囉。香草豬扒腸仔飯配黑椒汁，黑椒調得厚薄適中，香而帶點辣，好味 ﹗一小片惹味豬扒、一小段香口腸仔搭上黑椒汁白飯，簡單而美麗，越食越起勁 ﹗乾爽飽滿既白飯、juicy 腸仔豬扒、濃郁甜美黑椒

剛美國返黎兩日，點都要食返夠本先得 ﹗早起的曉奧有麵食 ﹗今日繼續出前一丁做早餐，我要丁麵架，水吧出錯普通即食麵比我了，請換過，謝謝。其實我經常幫襯出前一丁早餐，而且要坐低慢慢食唔會外賣，係因為貪佢地夠乾淨、夠企理，坐得舒服又食得開心，老闆及員工們亦殷勤有禮，讚。好耐無黎食早餐喇，要九點前到公司樓下先食得到呢 ﹗同個二一八婆鬥緊法要 9:10 前打咭 ﹗太陽蛋餐肉沙嗲牛肉出前一丁，嘩 ﹗塊餐肉好唔掂喎，凍冰冰又乾硬又油淋淋，放左好耐呢。合記樣樣都好，硬係餐肉每次都搞成如此田地。沙嗲牛還可以啦，質數保持中規中矩，其實可以再鮮一點、牛味再濃一點、質地再滑一點。今日死都要探探沙嗲牛肉，好耐無食過佢喇。合記樣樣都好，係個餐肉最差，由始至終都無進步過，一早煎定又油膩又乾鞋 ﹗水吧哥哥高超既煮麵技術深得我心，爽滑彈牙、熱騰騰香噴噴又有鑊氣 ﹗撈太陽蛋黃好、撈士拉差辣醬好、撈辣椒渣都好，一樣咁好食 ﹗捲住乸得不過份既沙嗲牛一齊食，別具一格。突然想食沙嗲牛肉，味道質數仍舊不變，普通平凡唔難食。又唔記得左唔叫得餐肉架呢 ﹗放到又油又乾又硬。丁麵高水準，爽彈滑滑熱辣辣，掛得香濃湯汁滿滿。太陽蛋餐肉沙嗲牛肉