合興車仔麵

营业中

休息中

作為一個元朗人，啲朋友成日問我有咩好推介如果你同我一樣, 好鍾意食辣, 一定要黎試下合興車仔麵！佢既辣真係令人上癮, 我每次都會外賣返屋企 + 辣醬另上佢嘅車仔麵係好傳統嘅味道，亦都係令人好滿足嘅味道先講面底，我每次都會叫米粉外賣返到屋企都唔會林晒，非常爽身亦都非常入味講到一定要叫嘅餸就一定係豬腸！份量多, 肥美, 入口即溶無怪味!另外佢嘅蘿蔔同雞翼尖都唔錯如果你同我一樣好鍾意呢啲傳統嘅車仔麵就唔好錯過合興！講真呢個年頭仲有咁大碗真係好抵食真心溫馨提示, 佢星期二休息, 我成日唔記得摸門釘 > <

我朋友住元朗，話喺元朗街市附近有間車仔麵，份量多又好味。朋友話長期都好多人等外賣。我估都d 食客都係附近嘅街坊。 5點左右我地去到，直接有位坐。 最少就叫3款餸，不包麵底。 有d特別嘅款式，例如牛坑腩、牛草肚、牛孖根等😚😚。，好多餸都好快沽清，要食真係要早去。朋友仔話12點去到都未必有，最好就11點到。 叫咗：1.) 牛、韭菜餃、豬紅配米粉（腩汁）2.)芝士腸、菜心、滷水豆腐配米粉（腩汁） 車仔麵的辣汁絕對是精髓，記得叫佢辣汁另上，因為我覺得都幾辣。辣汁唔係紅色，係啡黃色。食落有d咖哩味、沙嗲和辣的混合，好特別。 價錢就大約40-50蚊一人。 豆腐10蚊左右俾左6大舊，芝士腸都有6、7條👍👍🌟份量超级足料。我都唔係細食，但都飽到心口🤣。作為女仔就係覺得好飽好飽。唔知係唔係就快收爐，老闆就話請我地食豆卜同滷水蛋。 本來已經好大份，送多樣餸真係飽上加飽。 這份人情味，真係買少見少👍。話曬香港樣樣野都要金🥺。

尋日心意意想食車仔麵 就諗起呢間 即刻九秒九沖過去食喇 等左一陣位 終於有位坐 入去食喇！味道一樣 冇變過 份量好足夠 食到飽飽 魷魚 一樣冇得輸 辣得黎好好食 係環境 座位差d 不過車仔麵店係咁 可接受

元朗講到車仔麵，我諗大家都會諗起合興車仔麵。合興有兩間分店，一間近朗屏西鐵站，一間近松記糖水店附近。但兩間店都係好多人排隊同叫外賣，好多餸都好快沽清，要食真係趁早去，星期六晏就1PM都係等左15分鐘到入得！入面裝潢好簡單，開放式廚房，望到入面出菜。🍜淨餸 (四餸) $44評分：★★★★★淨餸要叫起碼叫四個餸，分別叫左豬腸、時菜、牛孖根、雞中翼，加鹵水汁，辣汁另上。碗野份量超級足料，近乎成碗滿哂。豬腸好味，軟硬適中；豬腸唔會臭，乾淨；保留左D脂肪係腸入面唔會清哂，但又唔會太膩，但鹵水味唔太出。牛孖根淋身但都仲有咬感，好味，不過多食幾舊有膩感覺，可能因為佢份量多。雞中翼就一般，肉質唔滑，鹵水唔入味，肉唔夠咸。時菜當日係菜芯，正常，鮮嫩唔老。辣汁都幾特別，個辣就唔係特別辣，但點黎食幾好。🍜三餸麵 $38★★★★☆因為瀨粉沽清，所以叫左河粉清湯，餸叫左豬脷、蘿白、豬皮。份量好多，豬脷鹵水味夠，有咬口，好味道。蘿白夠淋，清甜唔會有渣。豬皮夠爽唔會有陣味。雖然清湯但都唔會好寡，夠味，正！🌟總括：抵食又好味，性價錢好高雖然店面唔大，但流轉好快，唔需要排隊等太耐！D餸叫個幾款都好唔錯，冇咩好挑剔，會再

吉蒂聞説這間車仔麵店是元朗第一車仔麵所以昨天入去探望朋友當然順便要試一試由朗屏地鐵站E出口走過去很近很容易找到門口貼着大大塊餐牌上面有很多基本車仔麵的選擇不過我最後選了店家出名的豬腸另外點了牛草肚、魚蛋及韭菜餃因為近期少吃碳水化合物，所以只點了四餸沒有點任何麵底汁料方面要了一般的滷水汁加少少辣（因為看見很多食家都說他們的辣是比外面的更辣，所以先試少少辣，但其實一啲都唔辣😂）下著雨身上原來不夠現金🤣🤣🤣結果走了兩間便利店才拿到錢（笑了😂）最後都安全買到🤟🏻上到朋友家中打開嘩😍看見材料10分豐富喎比起其他車仔麵店每款材料的份量似乎較多魚蛋沒特別數但應該都有10粒？另外豬腸更多到食唔晒😅不過滷水汁比我想像中味道較淡，若果再濃烈一點可能會更出色❤️而出名的豬腸果然有佢出名的原因因為佢一啲都唔臭而且非常爽口💯可encore牛草肚的味道也好，亦不會太淋身韭菜餃則沒什麼特別，跟一般店的差不多整體而言這店食物的性價比還是可以的😌而且店員都禮貌親切難怪很多街坊都幫襯🙂小店要繼續加油喎💪🏻

一直久仰元朗合興車仔麵大名，今日興起揸車入元朗試一試，嚟到排隊三四個字後有得入座喇。雖然佢唔係裝修到好靚，但係開放式廚房設計，樓面乾淨衛生，坐得都算舒服。先講餸，豬腸乾淨少脂肪，滷水味足夠，必叫；合興既豬紅都合格，可能我咁岩依轉係新落既，豬紅唔夠入味；豬耳口感好爽，但係個人認為切得太大舊喇，最後係牛腩，牛腩唔算好淋，仲有痴牙感覺，同豬紅一樣唔夠入味。至於湯底佢係有牛腩味，你望相都知佢唔係好油膩，但重口味既我就覺得唔夠濃味囉；合興出名係辣汁，真係好辣。我朋友平時譚仔食開中辣都頂唔順佢個中辣，我覺得太辣其實遮哂所有食材湯底既味有少少可惜，所以建議唔太食得辣嘅朋友叫番唔辣算喇。總結合興車仔麵，所有方面都表現平均中上，但係未去到元朗第一車仔麵既水平。大家有其他好味車仔麵推介嗎？

講起合興，次次經過門口都有一大班忠實fans係度等外賣或等入座，而我就冇試過堂食的，因為店鋪小，位置有限，所以次次都外賣回家食。中意佢既原因包括：1.秘制辣汁超好味叫少少辣都夠，辣到標哂汗都要照食，爽。勁惹味蕾。2.材料超多，每一種餸都會比好大分量你，而且叫親既餸都好入味，推介：豬腸，豬紅，雞翼。3.價錢大眾化，不會亂咁加價，是全區最值得食既一間。個人感覺評分：食物味道 - 食物賣相 - 餐廳環境 - 店員服務 - 性價比 -

大橋附近個間合興平時都好長龍賣外賣 堂食位置唔多之前坐滿都係十幾個人 不過車仔麵呢d坐得唔耐同迫食完都會即走限聚令情況下剩係坐到幾個今日平日過左最繁忙時段一去到即有位 正！下晝時段熱門牛筋牛腩好快賣哂既大推佢地個豬紅 豬腸 次次都係必點留意返佢地個辣汁比出面勁小辣已經係人地中辣唔食得辣叫微辣最好叫佢另上餸既份量都比出面多既 😋😋😋😋最後幫人買左碗外賣份量幾澎湃😍返屋企可以慢慢算下翼尖 滷得好入味 🤓🤓平時係堂食唔好意思叫因為食翼尖都需要d時間另外雞翼都好推薦 都滷得非常入味魷魚都好多人會叫既呢間車仔都都真係算高質既！份量多價錢親民辣汁令人回味無窮

今日一個人心思思走去食碗至愛嘅車仔麵先😋😋其實元朗都有好多間車仔麵檔⋯例如永年（以前未裝修果時有人情味⋯食物味道好咖哩超級正⋯⋯回味無窮，但轉左新裝修後環境係好咗而且重電腦化左添⋯⋯所以冇哂D味道😅😅）之後我經朋友介紹就去咗食合興😋😋咖哩尤魚/豬腸/蘿蔔/紅腸⋯必食之選😋如果叫左咖哩尤魚（因為係另上）就要清湯低⋯因為D咖哩真係好辣架⋯⋯但又好味😋😋

今日想食車仔麵，平時都見到依間常滿既客人，所以今次要試吓先，叫外賣！一到門口都有好多配料，平時車仔麵唔常見既配料都有！可能差唔多夜，所以都有啲食飯售完了！由於眼闊肚窄想食好多野，叫左個粗麵、豬手，豬腸，外賣分湯上，湯底仲有兩件白蘿蔔啊！店員好窩心，因唔只去依度買野食，去其他店買遲左回去取，職員仲主動話湯底放咁耐應該唔夠熱了，主動幫忙換咗一碗熱騰騰既湯底俾我！豬腸好多咬到牙軟了，豬手都有四件花菇又中三大舊，成碗野實心的，餸份量都好多，豬手好入味，豬腸粗同幼部分都有齊，一個人由於太多食唔晒啊！下次再要試其他配料！

選合興的原因, 好明顯係辣~~ 當中既辣醬,辣得來有胡椒香, 又帶有鹹味, 唔會死辣乜味都無 而辣味帶有幾種不同的味道, 但不帶麻, 所以屋企人都會鐘意食咁大家諗唔到食乜既時候, 就會合興囉~~~~ 又或者~~ 好似好耐無食合興啦喎~~(其實上星期先食完) 咁食合興囉~~哈哈~~~當中有豬耳,豬大腸就成日被ENCORE 辣味豬紅都係值得一試之選 蘿蔔清甜,配上辣汁更一絕 湯底有得揀, 滷水,腩汁,清湯等 我通常都揀腩汁 味濃又唔會搶去辣味 而辣呢.............好明顯係係老婆既大辣度拎少少過來就算啦~~~哈哈哈~~~麵底有米粉,油麵,粗麵,幼麵,等 粗麵,幼麵都試過 即使外賣, 麵浸湯一段時間都唔會淋曬無曬湯.

今日喺元朗行街嘅時候發現咗一間好多人排隊嘅車仔麵，一於要試一試但係當我想叫牛腩，佢就話賣晒我聽其他食客講呢兩樣野好多人叫，好多時都冇要試真係要早啲到，咁唯有叫一啲普通嘅食物，仲有佢嘅辣椒漿真係好特別，好辣豬腸入味份量足夠價錢經濟實惠絕對值得一試

試左滷水汁，味道唔錯，滷水汁似藥材味，少少似肉骨茶既味道，豬手可以再滷入味啲同燒乾淨啲毛，舊舊豬手都有啲毛毛。幼麵係硬身啲既路線，唔係好索湯。怕辣可以辣汁另上，事關pat辣汁真係超辣!

係附近番工 一諗唔到食咩就會黎食車仔麵 佢地既辣汁係超級正 對我黎講微辣已經好辣啦 所以我次次都不起d辣汁先 然後續d續d撈落個湯到就無咁辣啦👍🏻👍🏻我今次叫左豬腸 紅腸同埋豬耳 豬腸超淋好入味 😋😋😋紅腸切得夠厚 有3大塊 用黎點辣汁食一流 豬耳好爽脆......份量多 而且鹵水味甜甜地 好好食 三樣都係必食既 😋😋其實佢地樣樣都好食架 而且出得快 又唔洗點等 好岩lunch time 過黎食👍🏻👍🏻👍🏻

可能很多人一提到「元朗車仔麵」就會想到永年士多，但其實合興車仔麵絕對不輸永年！就算永年出名的辣汁，合興的辣汁也一樣出色！只是合興的裝飾和Branding，沒有永年那麼好。下午兩點多的時候，一條長長的人龍。我和兩個朋友，最終等了二十分鐘才有位子。菜單是逐樣逐樣收費，最小要叫三個送豬皮+豬紅+豬腸+雞翼+韭菜餃+木耳餃+另外上的魷魚（三個人叫的送，互相分享給大家，所以可以每個也可以嘗一嘗）魷魚很出色，因為上面的醬汁是合興的獨有辣汁，辣辣甜甜的，推薦！（但是可能有點會太辣）首先，先說一下湯底。湯底本身沒有特咁，但是加上了辣汁之後，湯底變得很惹味！合興的辣汁不是只有死辣，辣中帶甜，最後還有一個後勁！豬皮和豬紅，很入味份量又多，絕對必點豬腸是我的最愛，醃製的時間很足夠，所以滷水味十足木耳餃，對比一般菜肉和韭菜餃，則口感豐富很多！因為木耳本身就一點咬口，脆脆的。木魚再加上豬肉和紅蘿蔔，口感很有層次，好吃！總結來說，這家的辣汁和配菜也很有驚喜和價錢又合理，只是環境真的不好，這是合興唯一一個要扣分的地方！