合興車仔麵

营业中

休息中

豬腸吾算入味、有咬囗、其中一件吃到有沙。豬紅質素可以、豬皮冇味吾淋吾好食、魚蛋大路野不過不失。油麵不錯。辣汁一味死辣吾識欣賞。值得一讚店舖整潔乾淨。而且有人情味，眼見對面有對公公婆婆來吃，店家送多味餸比佢食，公公笑逐顏開🙂

好好食，但真係堅辣！元朗出名夠辣嘅車仔面！牛孖根夠淋，夠入味。朱腸都入味，好食嘅！咖哩魷魚都好食，但真係好辣。如果叫咗咖哩魷魚，個湯底就唔好要辣了！我叫微辣，但我覺得係我平時食嘅中大辣！整體上會再食！

呢期元朗有間車仔麵多人講左！就係近大橋街市嘅合興車仔麵！鋪面細但等左一陣就入座！點左豬大腸、韮菜餃同豆腐!個麵一黎就嚇親！原來小辣已經係滿江紅!真係估唔到！食完覺得個辣度有譚仔中辣咁辣！所以我湯都飲唔到兩啖而且食得有d辛苦就算我食得辣都咁講！講返d餸，豬大腸確實唔夠永年黎！但都唔差只係唔夠軟，而豆腐同韮菜餃都唔錯！幾入味而且口感不錯！豆腐幾香口味濃！韮菜餃夠大粒同多汁！加上餸嘅份量都幾多！算係抵食！但建議餐牌寫返個首次食嘅建議辣度！否則好似我咁除左辣之外咩都食唔到！總結，坊間有說法話媲美永年實在有點過譽啦！

每想到元朗吃車仔麵必定會是永年，人氣勁不再說，價錢也頗親民的。但是入了那群組，合興車仔麵就每天也洗板，為食小妹當然不會放過。今天將軍接我吃午餐，我就馬上推介他吃這個合興車仔麵。餐牌的種類頗多，湯底，辣汁，每樣也很吸引人。豬腸牛栢葉冬菇油麵$35 :自選車仔麵，個辣汁要讚，本來以為辣汁只有少少，一定唔夠小妹食啦。咁就試一口先，嘩個辣汁好爽啊。點了鹵水汁，鹵水汁溶入湯真頗好喝。牛栢葉又爽又大件，竟然係冬菇最得我心，八元的餸有4-5粒大冬菇，又厚肉又多汁豬大腸清理很乾淨，好多豬腸，鹵味不重。油麵份量不多，不過整體夠食的。評分：8.5豬耳雞中翼墨丸油麵 $36 雞肉滑嫩，鹵水汁頗入味，豬耳好爽脆又大件。將軍也大讚我的推介，說一定要再來吃，辣汁對他說又愛又恨，因為微辣得過癮！評分8.5/10已經成為了我倆的車仔麵首選了！！！

今日同屋企去好順福～順道經過呢間車仔麵，就入去試下⋯其實之前聽小學同學推介過佢，話味道媲美「永年」，所以先去試試⋯去到等左成十分鐘先安排到入座，好彩係等位個陣填左食咩姐⋯一坐低就馬上遞俾個呀姐落單⋯但好等成五分鐘先有野食叫左魚蛋+豬皮+牛栢葉+腩汁配油麵+vita 檸檬茶第一啖入口就覺得好辣(我只叫了少辣), 完全冇咖哩味, 腩汁湯底更慘...像清湯一樣淡而無味...整體而言, 味道唔掂當...只有辣...同辣...(心諗:點解我個同學仔會點條黑路我行架...咁跣我)眼見隔離檯個姐姐投訴話佢已經叫左微辣, 但都辣到飛起佢呢度比永年仲要貴, 但完全唔係『物超所值』囉!!!

臉書中找到一個元朗搵食谷,臉書中每天不斷出現元朗區美食圖片,長假期最後一日決定走到谷裡其中一家帖子蠻火紅的車仔麵,看看自己的口味是否跟谷友們一致??從朗屏西鐵站走到安寧路,當看到阿媽豆腐花右轉位置已看到一群人站立,抬頭一看原來這就是目的地--合興車仔麵。天氣已經開始熱,座位更多的室外已不是我可以承受的吃車仔麵位置;膠簾後應有冷氣開放才是我的理想地,最妙是阿姐安排我在光源充足靠牆位置,起碼我不會阻礙其他客人出入嘛。在谷中早已得知此店辣汁屬於非一般的辣,既然點菜紙中有微辣選擇,那就捨棄腩汁或鹵水汁,來個刺激胃口的微辣,看看被評為非一般的辣是那種程度??等了又等的車仔麵終於出現,只因堂食外賣實在多,這裡似乎不是吃個快餐的理想地。份量只能讓人不會肚餓的米粉($10)幼身爽口,吸湯能力比更有車仔麵風味的油麵更佳,因而吸收辣湯效果更明顯;本來味道不重的清湯底只加了一小坨辣汁,拌勻後迅速變成如咖喱汁似的顏色,小嚐一口果然有點讓人胃口大開的辣勁,正沾沾自喜可以駕馭其微辣之時,愈來愈強的火辣辣感覺來了,繼而感到嘴唇開始漲了,舌頭也開始發麻了,結果涕淚交流下自製幾隻不能吃的大雲吞嚕。趁辣度未升至最高點時,

聽說這間車仔麵可媲美永年才來試的，真的很失望。。。-- $12 的咖哩魷魚完全沒咖哩味，只有辣到苦的辣味-- 微辣湯底得個辣字，無香味，無咸味-- 侍應態度可媲美澳洲牛奶公司的-- 坐近門口位置，看到一桶廚餘，真的很想吐

今早兩個人專程去試試，比一般車仔麵檔無乜分别，唯獨是價錢…(喺貴)！叫一碗五餸 : 魚蛋、豬紅、豬皮、豬大腸、牛栢葉及幼麵已經$61，其他車仔麵檔個麵喺唔計錢添，佢仲收$10一個麵，唔明佢個餐牌寫乜～最低三餸麵餅不計！咖喱尤魚咖喱汁過辣，魚蛋硬又太細粒，淥麵淥得太生唔夠熟，好似拖一拖水咁...喺(硬)，食完之後仲覺得口渴，都喺唔應該慕名而來！

有一次，從朋友的po中看到一些車仔麵的照片，因地點對我黎講算近，今個星期日就不妨試試！ 地點唔難搵，鋪位唔大，不過鋪前擺了幾張檯，我看坐滿時迫迫地也可坐20人左右 環境算可以吧，尤其是廚房，開放式，一眼睇到啲野靚唔靚，乾唔乾淨！坐低叫左兩碗麵， 一碗幼麵清湯加腩汁，餸叫左咖啡魷魚同牛坑腩。清湯好味，算清甜，牛坑腩夠腍，香，甜，好味！ 咖啡魷魚呢？ 魷魚正正常常啦，不過個汁就有驚喜！ 超辣！ 勁！另一碗叫左豬紅，魚蛋，豬皮同豬腸，總括而言，味道幾好，尤其是個豬腸，好乾淨，香甜！ 滿足！其實，我好怕食車仔麵的，因為街邊大部份車仔麵的味道都比較差， 連湯也不算湯，只是一些味精水。比廿幾三十蚊都唔知食緊乜！ 但這間車仔麵確實不錯，食完完全唔口喝！價格也大眾化！ 大家去開元朗不妨試試啦！後記： 以車仔麵黎講，佢地上菜速度算好慢， 因為佢地整車仔麵好似整日本拉麵咁，每樣餸都慢慢放落碗麵道，對於唔趕時間既我黎講，我反而幾欣賞！

近日在FB群組「元朗人」看到不少人在討論一家新開的車仔麵，有人讚口不絕，也有人覺得不外如是，小妹身為地胆，　當然要去一試其傳言是否屬實～當時找過Openrice並未有資料，只好跟著網友指示，由大橋街市方面行，最後很易找上了，就在珈琳中英文幼稚園地下，ＸＸ豆腐花對面。店子新開不久，室內坐位不多，門外也有幾張摺枱，一共可容納20人左右。落單形式也簡單，就自行在枱上的車仔麵紙選擇就可以了。而車仔餸方面也有不少款式，價格由$6~$8/款，從基本的豬皮蘿蔔，金錢肚，木耳餃都一應俱全。另外也有腸粉餐$20，包兩款車仔餸。最後我選了三餸麵：蘿蔔，冬菇，雞中翼，粗麵，清湯。（$6+$7+$8+$8 =$29)由落單起單計，足足等了15分鐘，以一碗車仔麵來說，並不是有效率。但仔細了解其運作，大概也會明白。。。。樓面ｘ１；煮麵ｘ１；洗碗ｘ１，　而且是逐碗逐碗即叫即做，還有外賣客，所以。。。。。。說回麵嘛：份量很足，至少你會看到配料滿滿的，先試蘿蔔：很清甜也沒有渣，但沒有吸收太多湯底味道；雞翼：三大隻，鹵水頗入味，雞肉沒有過鞋，不錯；冬菇雖然很細粒，但有6 粒之多，咬落很滑，質素佳。最可惜是粗麵，既不彈牙也