台站 (已結業)

叫咗個肉燥飯加炸排骨，食物好平，份量細細地，啱女生食，肉燥好瘦，無咩肉汁，唔夠味道，有點難入口。雖然係黃店，值得支持，但食物質素有待改善，否則好難會再返轉頭食。

放工行過 準備搭巴士時見到呢間黃到金既台式食店忍唔住停下腳步樓底比較高 抬頭望望店名台站 一於試下 又可以懶一晚顧名思義 台站 係要站住立食既店內有張小長枱 俾人立食小店主供台式小食 價錢經濟實惠Order好等一陣 好快就有得食期間人流不絕証明無揀錯雖然現場食應該會好食啲 但返到去依然熱脆豐富嘅一餐生煎包 係中式包皮涵料足料 包皮煎得香脆 肉鬆蛋捲超多肉鬆肉鬆同蛋好夾 大愛 調味剛好 一定要試蔥油拌麵原怕都怕太油 但呢個完全唔油 香香既蔥油味如果有埋辣味應該會超好味酥炸芝麻雞翼估唔到隔左陣先食都依然香脆而且雞全翼大大隻 唔會過咸呢一間食店 真係好適合懶懶唔煮一餐性價比又高 以後經過都要食下支持一下

朋友講這裡有間小店有不同的小食而且價錢十分抵食就今日收工過來買回家，十分近荔枝角地鐵站，食物方面都有不少選擇，這裡空間有限所以以立食即時食，而我就叫了外賣，最後就叫了四款都是$80，而且每份都包得好好，回家又可以食餐好!~涼拌皮蛋豆腐，豆腐都幾滑又有醬汁調汁，仲有肉鬆同皮蛋增加口感。花雕雞卷，入面有四至五件，味道都不錯，有醬汁有酒味之餘，雞肉都幾嫩滑而且入味。台式肉鬆蛋捲餅，沒想到這裡都有，咬落去都幾軟熟，而且入面都幾足料，有肉鬆，蛋，醬汁，十分豐富，而且有幾份，食完都十分飽肚。黑白花枝丸，黑色加了墨汁而且每粒花枝丸都有調味粉所以十分惹味又口感彈牙。

話說呀叔我就係荔枝角返工，咁想食台灣野嘅時候就多數食程班長，貪有台妹侍應同我講國語。但食得多正餐有時都想食快餐，咁啱所以我有時都會去呢間新嘅台式外賣鋪——台站，但次次都太遲返工所以食唔到佢個肉鬆芋泥三文治。台站叫台站，可能都因為佢可以立食。之前都食過魯肉飯都唔錯但份量少，不過唔洗三十蚊都冇咩怨言啦。咁呢日就一口氣叫多啲嘢食，就嗌咗葱油伴麵、肉鬆蛋餅同紅油抄手。個題目都係講下笑，我一把年紀就唔立食了，帶上公司食。葱油伴麵個葱油不多不少啱啱好，輕輕有一層包裹住麵條，唔會話太乾，食完就仲有少少油淨，但就咁食的確有少少寡，食咗三十年台食嘅我一早估到，所以都叫定紅油抄手餸一餸。一直都覺得抄手係川菜，上網查下先知台灣都有好多鋪頭有整。呢份抄手個汁都幾甜，唔太覺得有辣味，可能台灣嘢都係比中國嘢sweet d 。埋尾食個蛋餅，肉鬆好多，但蛋餅有少少乾，感覺比較家常。不過埋單先六十蚊左右仲想點，呢個時候新開嘅鋪頭唔容易捱，大家有空都要支持下。同埋間嘢員工十二月尾一月頭已經戴足口罩，相信都幾衛生。

某夜 , 到 荔枝角-D2Place 逛街 , 之後就到 億利工業中心 的這間「黃到發金」的 台式外賣店 "台站" , 去幫襯買外帶食物回家 , 懲罰一下佢 ~"台站" 這店子的面積雖然細小 , 但其裝修和佈置就極具政治意味 , 對我這種同路人 , 黃友 , 手足們一定會歡喜 ; 當然 "對家" 就未必懂得欣賞和體會 ~古早魯肉飯 $29 : 價錢都平到震 , 還真算是古早價 , 雖然份量 (對我這個中年大叔來說) 是有點偏少 , 滷蛋尚算滷得入味 , 魯肉肥而不膩 , 肥瘦平均 , 極好送飯 ~花雕雞卷 $18 : 雞肉入味 , 皮薄又夠嫩 , 酒香滿溢 , 又有幾粒杞子作點綴 , 極有台風 ~本篇完 ~

最近都好少出街堂食,因為由於衛生嘅問題，而我盡量都會買外賣回家食，咁岩喺荔枝角附近諗住想試吓有啲咩新嘅外賣，就經過見到有一間叫做台站嘅地方，裡面買嘅全部都係台灣嘅菜式，同埋貼有好多代表本香港嘅代表聲音的字條，咁我就入去試吓呢間嘅台灣小食啦，首先我叫咗一碗台灣滷肉飯，仲有肉鬆蛋卷餅，然之後見到有糖心蛋，就叫埋啦，仲有鹽燒墨魚丸，本身諗住叫埋蔥油麵嘅，但係可惜已經賣晒啦，最後仲叫埋個醬汁燒茄子，然之後我就帶回家享用啦夠，打開嘢食發現已經開始變冷，所以我地將去返熱，首先講一講個滷肉飯都幾好味，可能反熱之後啲醬汁少咗，都好好味，值得一提嘅係佢嘅燒墨魚丸都幾好味，仲有一個叫做肉鬆蛋餅，我自己覺得都幾特別幾好味幾有台灣嘅風味，再加上佢價錢真係非常性價比高，下次我都好想食早餐嘅三文治•

夜晚唔想煮飯最好就買d小食外賣翻屋企食啦！係荔枝角地鐵站附近呢間台站就岩曬我啦！一出地鐵站就見到，地理位置好方便。鋪面細細，無座位，但勝在佈置得好，等野食既時候，慢慢睇香港人既心聲。一個人既晚餐唔需要食得多，但要食得好，食得夠滋味。台式小食入面緊係唔少得要試下距個炸雞啦！炸得好香脆，鹹味岩岩好啊！酥炸芝麻雞翼當然都係啦！椒鹽炸魷魚香脆得嚟又保留到魷魚嘅鮮味!之前既都係小食，緊係要食個主食啦！ 惹味蔥油拌麵真係好惹味呀!

疫情之下人心煌煌, 突如其來的令我工作量增加, 還好最後有驚無險, 暫時可以放鬆一下。忙碌的一天發覺只吃了很少東西, 肚餓了, 晚餐找了一間外賣黃店, 一人浪漫一下。order完之後, 等一會就可以拎了, 因為實在好肚餓, 不自覺就叫多點吃。台式肉鬆蛋捲餅$25不知是否我回家車程比較遠, 蛋捲餅比別人的扁了, 外皮有點煙靭, 內餡鹹鹹香香的, 台灣人喜歡將肉鬆作製作食物的材料, 香港人平常很少吃到。紅油炒手$15麻辣的味道蠻強勁, 所以餃子內什麼餡料, 其實也不重要, 被搶味了。魯肉飯$29肚餓的我很期待這魯肉飯, 沒讓我失望, 飯量十分多, 也有足夠的醬汁, 醬汁有八角的味道, 魯肉是切小件的五花腩, 有迷人的油脂香。掠拌青瓜$15酸酸微微很醒胃, 但可能拿回家較久, 青瓜變得較淋身。有點掃街的感覺, 一個人幾十元已可吃數款食物, 適合心多多的人。

呢排成日home office，街都唔係點出。難得今日要返公司，收工又得一個人。上OpenRice 見到呢間台式飯又有小食，一於收工去買飯食先🤤。今日收得早，去到都唔係好多人。呢間最主要係做外賣，不過都有個bar枱位可以立食，如果食個快飯再返工都唔錯👍🏻👍🏻。傳說中嘅bar枱位，配上最近各區既連濃牆，一邊食一邊睇返啲真心話，對個人都好啲🤟🏻。主食最主要有魯肉飯同肉燥飯，小食就多花款好多。叫左我最鍾意食既鹽酥雞，花雕雞卷同魷魚鬚，再加上個魯肉飯。一定食飽飽😂😂。包裝都包得好好，唔怕會散❤️。鹽酥雞非常香脆，又唔會好咸，食完又無口渴既感覺，唔錯。花雕雞卷個賣相好好，一打開好香酒味，入面件雞都入哂味🤤🤤，好好食。魷魚鬚同鹽酥雞一樣香脆，無炸到乾身又硬，食落好有口感！魯肉飯個汁好香濃，啲飯軟硬適中，我攞到返屋企都仲係好好食，隻滷水蛋仲非常入味！好好食！下次返工放lunch都再嚟食多啲先❤️❤️。

呢間黃色既台式小店座落於荔枝角，由於正值國難，小店牆上都會貼滿曬支持香港字句，為香港人注入正能量。講返呢度既美食先，款款都好吸引，最重要係價錢相宜。不過雖然店面空間有限，但鋪頭都好細心咁善用佢有限既空間擺左張靠牆長檯比人即場立食。我地點完餐之後十分鐘左右就有得拎餐，都算快手。首先講返呢度個古早魯肉飯先。滷肉飯咁大份都只係$29 ，肉質香嫩，五香味好出，連飯食一流。至於呢度既生煎包三件都只係$17 ，由於佢係即叫即煎，所以食落外脆內嫩，肉汁豐富，性價比高。呢度既台式肉鬆蛋捲餅唔算太heavy，可以俾一眾ladies細細品嚐肉鬆同充滿蛋香既捲餅。醬汁肥牛捲餅入面既醬汁簡直係靈魂黎，除左令肥牛入味之外，連埋塊捲餅食配合得恰到好處，唔會太鹹。黑白花枝丸顧名思義姐係兩款花枝丸一款加左墨汁。呢度既花枝丸仲會加上調味粉調味，香口之餘亦唔渴喉。我地叫左杯奶茶同紅茶黎飲，味道都幾好，唔會太淡。

過開荔枝角嗰邊，見到台站呢間台灣小食店，之前見過網上有唔少好評，所以就買啲外賣返屋企嘆。這裡的價錢好抵，好似花雕雞卷先18蚊，有四件，味道好好，花雕酒好入味，雞肉好滑嫩，質素高，下次買多幾份先。我又買咗豬軟骨肉燥飯，29蚊，好經濟實惠，分量都唔少㗎，夠曬飽肚，我額外加咗七蚊，加埋溏心蛋。 另外，喺台灣食過蛋捲餅，好耐冇食，見到呢度有得買，即刻買番份。入面有蛋，肉鬆，不過如果佢再配一些醬汁會好味啲，因為現在味道較淡，而且餅皮有點乾。

今日同朋友一齊喺荔枝角d2 place行街。 然之後呢就決定一齊食晚餐 ，見到喺荔枝角好近站嘅小店， 叫做台站， 決定入去睇下啦！ 餐牌顯示嘅都覺得好平呀 ！大多30蚊內，望落去又吸引，於是就決定食呢間啦， 入面冇坐嘅座位 ，只可以立食。我哋商量之後，決定咗叫一個台式肉鬆蛋捲餅， 風味鹽酥雞， 同埋嘢味蔥油拌麵。小店應該係即叫即整， 所以要等好一段時間 ，喺等待嘅期間 ，就觀望下小店嘅環境 ，勁多memo紙寫住 ：香港加油嘅字句。呢個就係惹味嘅蔥油拌麵， 呢個簡單嘅小面只係需要25蚊， 分量一啲都唔少 ，味道都唔錯， 兩個人食都夠。仲有台式肉鬆蛋捲餅， 呢個餅好好味，軟綿綿 ，啖啖雞蛋同肉鬆， 味道好夾， 朋友都對呢個讚不絕口！台灣嘅炸雞一向都出名， 呢個風味鹽酥雞一啲都冇令我失望， 啱啱出爐 ，炸得香口 ，卜卜脆 ，味道啱啱好 ！

而家生意好難做 除咗要有天時地利無論做人做生意都要有關公打開門好多時都係講溝通與關懷 易地而處 問/傾多句唔會死嘅如果好似啲藍色人咁樣未審先判 盲撐盲反諗嘢諗埋一邊就好易有好多不必要既誤會 所以話黃嘅人未必係好人黃店都唔一定好食㗎 好多嘢要試過先知 呢間野你可以話係黃金佈置相信有相同信念嘅人會食得好開心呢間野有少量企位做堂食 其實主打都係俾你嗌外賣 附近應該好多上班一族或者係工廈嘅客人 望下個餐牌 見到啲價錢你以為係咪搭咗時光機 返咗去10年前既香港咁樣喺度嗌一個主食滷肉飯再加一兩個小食男仔都會飽 除咗主食之外仲試到唔同小食 先等於出邊一個飯嘅價錢 性價比係十分之高 講返佢個古早滷肉飯 佢啲滷肉係大大嚿嗰種 鍾意呢款嘅必嗌 比某連鎖台式店既頹野好食另外都可以嗌第二款既滷肉飯配其他嘅餸 小食方面我食咗一個肉鬆蛋捲餅 蛋的確係一個百搭嘅食材 配咩都好食 件捲餅分開四件 中間足料又有啲蛋汁最好食 個紅油抄手係唔辣㗎 朋友完全唔食得辣都唔驚 照食可也 食落去係扎實既感覺而花枝丸不嬲都係一個安全之選 好難話中伏 所以佢都係不失所望嘅 咬落係彈牙既 雖然係冬天 本人其實都幾鍾意食冷盤所以嗌多咗個皮

年29抱住就快收爐既心情返工,lunch time長沙灣工廠區人流好多,行過經過一間外賣小店排晒長龍一定唔簡單,順勢加入隊尾試下先.主食一共三款2飯一麵,小食更多選擇,同朋友懶得外賣見有2個立食位就一於係到食埋先.紅油抄手唔會好辣少少紅油同帶點醬汁微酸醋味,如果辣味濃少少更香.黑白花枝丸有墨魚汁花枝丸同普通花枝丸,炸得脹卜卜咁又唔會外層油淋淋.加上小小椒鹽粉味道更香.花枝丸彈牙內有粒粒花枝肉好香.風味鹽酥雞份量滿滿一盒,雞粒炸得金黃色,雖然細細粒但外層炸粉唔厚,咬開中間炸粉簿內裏全部都係雞肉又唔會炸皮同雞肉分離.咬落好香脆,卜卜聲👍🏻惹味葱油拌麵用上扁麵吸力更強可以吸晒葱油醬汁,拌麵用上既葱油唔會好油膩得黎帶淡淡葱香.扁麵本身質感較淋但店內唔會煮到好糊略帶彈性.台式肉鬆蛋捲餅既捲餅皮烤得乾身又香脆,最欣賞係唔會過厚而且帶麵粉香,內裏雞蛋仲半流左少少蛋黃呈半流心狀.內裏肉鬆咸得黎帶少少甜.

呢晚去荔枝角行年宵，係商場付近見到呢間小店，價值又幾平，所以就試下佢！夜晚七點幾都有唔少人排隊，幾旺場！細細間店但野食選擇都幾多。有飯有小食，飯麵類都唔過三十蚊！真係幾平！本身想食佢既三文治不過得早餐有呢～風味鹽酥雞 $26係台灣野必食既小食呢，一份有十幾粒，份量都唔錯，食落好香口，整得夠曬香，值得一讚。蔥油拌麵$25呢個麵份量唔少，唔係好咸好重口味嗰啲，幾好。肉燥飯加排骨 $29個飯都係份量唔少，啲肉燥都好夠，送飯一流。店內有幾個企位俾人食野