台站 (已結業)

行去長沙灣廣場搭地鐵，喺大快活見到對面好多花牌，有新餐廰開張，於是入去幫襯一下，原來呢度面積唔大，只設立小量企位比客人買完企響度食，咁我咪買外帶回家食。餐牌上食物種類唔多，主打都係台灣嘅嘢食，既然外賣攞走，咁就決定要惹味紅油抄手($15)，同埋惹味葱油伴麵($25)，起碼唔會返到屋企變到淋曬。紅油抄手嘅餃子皮唔會話好厚咁，餡料亦算豐富多汁，同時又唔會好似出面鋪頭，一般都會落好多紅色嘅辣油，喺呢間台式小店就唔會咁做，，相反，醋味濃郁👍，份量雖然唔多，但味道、餡料都好。蔥油伴麵亦有同樣情況，外面鋪頭一船會加上左大量油，令到成碗麵好似油浸麵條咁樣，但係呢間做法就唔同，油份量唔會過量，食入口感覺上都健康啲。

荔枝角真係越來越多嘢食，今日下午行過呢一間新開嘅小店，似乎係做立食😂不過其實買完拎上Office都好方便，重點係肉燥飯配豬軟骨只係29蚊！舖頭實在太好生意做到無停手，同埋好多嘢都賣晒，今次試唔到生煎包同埋紅油抄手實在太可惜！🤤講返個肉燥飯，雖然佢睇個樣比較普通，不過原來Ｄ汁係飯既下面，肉燥唔會太咸，好夠撈飯，飯粒都幾好食，份量算幾多，超值！另外蛋餅都推介，＄２５有肉鬆同蛋，好大舊，入面有咸蛋黃香，好好味唔會太油！！重點係，小店人情味！Ｄ野賣晒，換第２款比客人都唔洗補錢，多多支持！！！！

/台站　Tai Zhan/古早魯肉飯💰HKD$29-荔枝角上學上班的人有福了﹗台站是一間台式外賣店，主打外賣的，而店中只有一張小長枱給客人「立食」，或許是外賣店的關係，食物的價錢非常便宜，一個便當「三十蚊有找」，簡直是上班族糧尾的首選；學生的恩物。-便當的配菜只有一隻溫泉蛋和滷肉。可惜的是我一打開便當時溫泉蛋已經碎了，蛋汁漏了出來，不過將蛋汁和飯拌在一起吃也很不錯的。滷肉肉質頗軟，很容易就咬開了。我最喜歡的是魯肉飯的汁，店家在飯底淋上很多汁，甜甜的，令到每口飯都吃到滷肉汁。整個便當份量適中，不怕吃完不飽。-►好食指數：7/10很好食就一定稱不上，但勝在價值相宜，是學生、上學族糧尾的恩物﹗* #黃店　店中設有連儂牆、張貼文宣表明立場-✎想看更多到IG @wd.smallworld 

很久沒有到荔枝角了，聽聞荔枝角有很多美食，途經「台站」，見到餐廳裝潢簡約，牆身貼滿黃色的文宣💛門口放有可樂及水供給「有需要的人」❣️今日決定支持一下小店🙌🏻食物方便我點了：❤️《秘汁涼拌青瓜》～青瓜爽脆，拌著當中的秘汁（醋味比較突出），酸酸的頗開胃。🧡《風味鹽酥雞🐣》～細細粒，一口一粒。💛《酥脆炸魷魚鬚 》～炸得香脆可口，食到停唔到口🤤💚飲品方面我叫咗樽裝綠茶，茶味清香，唔會太濃，幾啱我口味👍🏻如果下次我再去荔枝角，會再嚟encore的，試埋其他食物。此小店價錢大眾化，食物質素也不俗。

一早來荔枝角看電影，早餐還未吃，買了票後就到附近買個簡單的早餐。經過這兒，看見有間新開的店舖，雖然裝修簡單，但菜單都是平實的香港風味早餐，感覺是親自製作的，就決定試試味道。我叫了一個咸牛肉蛋三文治，只是價值13元，價錢大眾化。等了少許時間，相信是即叫即做。到出爐時，還感覺到熱氣騰騰的，在冬天預備吃個這樣的早餐，實在是大滿足！味道方面也十分滿意，咸牛肉及炒蛋互相配合，也上烘焙過又鬆又軟的蒜蓉多士皮，實在配合得天衣無縫，是正宗的香港味道！

牆身全部都係文宣，店外仲有可樂同水任拎，良心小店一定要大大力支持，食物好味之餘價錢又非常經濟！台式肉鬆蛋捲餅 ($25)捲餅既外層係類似咖哩薄餅，即叫即烤，食呢類一定要熱辣辣先會好食，老闆就深明呢個道理，咸咸地，甜甜地，有驚喜，完全無令我失望，肉鬆口感鬆化，夾住熱辣辣既鬆脆香口ge蛋餅，真係好好味!風味鹽酥雞 ($26)鹽酥雞即叫即炸，炸到金黃色恰到好處，非常酥脆，雞肉仲好嫩滑，香脆可口，食完一粒接一粒，價錢又相宜，絕對係必食之選!惹味蔥油拌麵 ($25)淨係賣相都已經流晒口水令人期待，粗麵條比較爽彈有口感，味道同醬油屬淡，但蔥油味好香，唔會太油膩，最緊要係個價錢真係非常抵食!懷舊肉燥飯配排骨 ($29)食台灣野我都一定會先揀肉燥飯，肉燥飯可以話係一間台灣店ge靈魂，肉燥飯飯質屬比較軟淋，肉燥雖少但撈起飯上黎剛剛好，更可以任配一個主食，我揀左排骨，排骨屬比較乾身，但配上有肉汁既肉燥飯，味道的確唔錯!

今日同朋友來荔枝角站行街，睇完衫打算去 D2 路過見到台站，睇門面好舒服吸引就入去睇下有咩食啦！一睇原來食台灣野，我諗因為咁樣所以先叫台站。我睇左一會兒餐牌就決定左叫惹味葱油伴麵 ， 古早魯肉飯， 懷舊肉燥飯配豬軟骨，惹味紅油抄手，台式肉鬆蛋捲餅。由於呢到堂食位唔多，得一行企位，所以我決定買外賣回家慢慢同朋友分享食。個惹味葱油伴麵都真係幾惹味， 兩個飯的汁都夠濃郁， 紅油抄手如果再辣一點就仲正， 個台式肉鬆蛋捲餅最好味。

話說我同兩個朋友今日下晝喺荔枝角返工，跟住唔知食咩好，見到億利工業中心後面有間外賣食台灣野，就好奇去試吓。入面裝潢簡約，好多關於社會運動嘅佈置。但亦有海賊王裝飾❤我叫左個古早魯肉飯，魯肉口感鬆軟，飯又多汁不錯，份量比較的骰～搭過小食，其實啱啱好。小食我叫咗墨魚丸，外層香脆，同埋幾入味添我朋友叫咗肉操飯拼豬軟骨，豬軟骨幾鬆化架。小食方面叫咗花雕雞卷，我朋友話勁好食，因為佢哋啲花雕酒醃得好入味啊！佢仲將啲花雕酒送飯添啊！另外個朋友叫咗肉操拼雞扒飯，雞扒脆卜卜，飯又多汁，岩岩好。小食叫咗台式肉鬆蛋捲餅，呢個真心要讚，因為嘅飽肚，外皮香脆，配上肉鬆和醬汁，夠曬好味。飲品方面係支裝奶茶，冲得好好味啊！大家如果喺荔枝角附近，一定要黎試吓呢間咁有特色嘅台灣外賣啊！其實佢仲有好多台灣小食添架！下次等我都去試吓先❤

店鋪：台站 (荔枝角)地址：荔枝角長沙灣道833號億利工業中心地下6A1號舖荔枝角近住D2 Place有唔少餐廳店鋪，億利工業中心更加係荔枝角食飯嘅地標之一😋，最近係中心地下開左一間叫台站嘅台式外賣料理店食物價錢非常大眾化，食個肉燥飯都只不過係廿幾蚊💵，最重要嘅係間店鋪由外黃到內，成間餐廳都係文宣📃，仲有唔少套餐同學生優惠懷舊肉燥飯配雞排 $29飯同餸嘅半例係一半一半，都幾多肉同雞排😍，滷肉汁撈埋飯黎食真係好惹味，雞排連帶可口嘅雞皮，$29算係幾抵台式肉鬆蛋捲餅 $25半熟蛋同肉鬆夾係香口嘅捲餅入面🌯，蛋香非常吸引，一啖咬落去豐富嘅捲餅回味無窮🥰，係我食過咁多次蛋捲入面比較好食嘅黑白花枝丸 $18花枝丸有4️⃣粒，兩白⚪️兩黑⚫️，用上新鮮嘅墨魚打製而成🦑，入口彈牙，加上適量嘅調味粉令味道唔單調

今日搬左新公司，我跟同事們一出MTR 就見到有間小小店舖食台式小食，價錢都好平民化，都幾多人排隊拎野食，店舖貼左好多poster，很黃的店舖，更加要多多支持！ 先比$後等叫號碼！即叫即整！煎餃子 🥟 4隻$14: 餃子底部的皮脆又香，餃子皮薄，餡料豐富 ，多汁juicy! 白菜豬肉水餃 4隻 $14: 餃子皮很煙un，餡料係豬肉和白菜🥬，其味道清淡鮮香可口，營養豐富火腿芝士，蛋沙律，咸牛肉三文治$13:每款各一，麵包烘烤底很鬆脆，芝士溶化在火腿上更增加口感，蛋白+沙律醬汁較多，食到好美奶滋好creamy 既感覺！而咸牛肉唔會太咸，牛肉香及蛋味濃滑，配微烤的多士一齊食係早餐必選！台式肉鬆蛋捲餅 $25:肉鬆口感鬆化，夾住熱辣辣既鬆脆香口既蛋餅，好味道，好喜歡肉鬆入口即溶化既口感！惹味蔥油拌麵配黑白花枝丸$25: 台式招牌菜式蔥油拌麵，麵條好爽嫩突出好香蔥油味，再配搭爽口既黑白花枝丸增強口感，大力推薦！😋💪👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

從未食過咁難食，而且份量咁少嘅嘢！個青瓜$18 完全唔值呢個價！大家千祈唔好去食！都唔好嗌外賣，我哋喺網上外賣平台度買！差差差！好似食緊垃圾咁雞扒飯得半塊，豬頸肉得4小舊呢間野等汁笠啦真係味道又難食！完全離晒譜！！

今日喺荔枝角見到有間新開嘅台式小店，就入去試下佢哋嘅便當，叫咗豬軟骨肉燥飯，個豬軟骨好淋好入味，好有台式鹵水嘅味道，啲肉燥就味濃，而且啲料都足同好大份，另外叫左秘製糖心蛋做冷盤，入口即溶又係要食，另外小食叫咗黑白花枝丸， 鹽酥雞，同埋酥炸芝麻雞翼，3樣嘢都係香脆可口，絕對係必食之選。依家小店都係做外賣為主，而且附近都冇乜台式嘅便當，所以附近返工嘅朋友絕對要嚟試下，最緊要係個價錢真係好平！

荔枝角工廠大廈內有間台式小店，食物價錢貼地，但款式不多，主食有三款，其他都是台式小食。小食全部都是十幾蚊起，份量不算多，風味鹽酥雞炸至香脆，細細粒正好一口一粒。黑白花枝丸外皮煙韌，花枝丸彈牙，味道不錯。櫻花蝦烏醋茄子味道就過咸，茄子本身好吸味，所以吸滿了醬汁變得太咸，失去了茄子的味道。魯肉夠腍又入味，滷水蛋呈半熟狀，入味又香滑，不會略嫌無肉汁，以至飯太乾。懷舊肉燥飯都係無滷肉汁，整個飯都比較乾，但肉燥味道都不錯。全部都是以紙盒為外賣盒，比較環保。

因為係荔枝角開會，中午同事介紹左間黃店，而且係新開既外賣店，話好抵食，所以就買外賣試下。入到去，牆身全部都係文宣，超加分！餐牌種類唔多，但勝在夠晒平。叫左魯肉飯、肉燥飯、蔥油麵、生煎包同皮蛋豆腐。飯份量都比想像中多，好抵食。肉燥同魯肉都係偏重味，加飯食先可以中和。麵有點乾身，但醬汁味道係唔錯既。皮蛋豆腐好似醬汁落得重手左，哈哈，加飯食就岩岩好～整體價錢30蚊都唔使有咁大盒飯係抵食既，間中食下都ok。

路經見到應該開張不太久的台店，都唔少人幫襯，我又去支持下！店舖以外賣形式為主，亦設有立食位。食物款式都唔少，有三文治、飯、小食。台式肉鬆蛋捲餅🌯呢個好食！😋推介！除了肉鬆及蛋，內裡還有芝士，整個捲餅的食物配搭一流，捲餅軟脆分明，一定要襯熱食！👍🏻櫻花蝦烏醋燒茄子🍆甜醋味特出，有點像冷盤，開胃之選。酥炸芝麻雞翼🐥好香呀！即炸好正！肉又嫩，雞翼迷要食！😋經典生煎包🥠菜肉饀料，中規中矩。支持誠意小店！食物質素唔錯，可以encore呀！😎