台灣霧之戀 (已結業)

話說今日經過呢間野就覺得好得意因為好多奶茶店都係差唔多，佢竟然好似薯條咁樣，分開左2層，上層芒果肉，下層椰子奶芒果清甜好味，椰奶都好香甜，得整身都好like 飲椰奶🤣🤣芋圓細細粒剛剛好，咬落煙靭另外佢仲有一樣野好特別，就係佢會加乾冰，飲之前可以打埋卡，最緊要係令到杯野好似置身起迷霧之中，好過癮🤣🤣🤣🤣得講堅架，芒果肉大大粒，貨真價實無花假佢間鋪仲仲其他野飲，下次一定要試埋其他先得🤔🤔

早排見朋友打咭呢個好搞笑, 今日就特別黎睇下。 台灣霧之戀, 係尖沙咀都幾多人喎。 等左一陣。 見佢menu好多野簡咁。 其實由疫情開始已有段時間冇咩飲呢啲野飲, 因為帶口罩都幾唔方便行街飲野。不過, 忍左咁耐都可以試下, 而且佢個樣又真係好吸引。 我試左佢既超級芒果椰奶三重奏配小芋圓。 本身對芒果都好鐘情, 而且台灣芋圓好吸引。 等左一陣, 好快就有得飲。 賣相真係好搞笑, 佢係用雙層膠杯, 中間放乾冰, 凍住杯野又唔會有倒汗水, 設計好正。 而且, 佢用杯蓋另外裝開芒果肉, 可以另外食, 真係幾好。 乾冰d煙不斷噴出, 講真幾搞笑。 我企定定影埋相, 食埋芒果都仲有煙, 超正呀。芒果肉好多好香好甜。 食完果肉, 店員仲好好人幫我換返個蓋, 方便我一路行一路飲, 好貼心呀。飲落椰奶奶香, 芋圓都好Q彈香甜, 感覺好唔錯呀。呢杯都係打咭同飲落都好正。

類似芒椰奶西嘅芒果特飲，我就真係飲得多，不過會噴曬煙，起曬霧氣嘅芒果椰奶，仲要加埋小芋圓，我就真係第一次試。其實呢間<台灣霧之戀>都幾旺場，好多時都要排曬隊咁樣買一杯特飲，今日下午來到，非常好彩，人流未算勁多，等咗大約十分鐘便攞到杯特飲。<芒果椰奶x小芋圓 $42>呢杯芒果椰奶x小芋圓，實在非常之大杯，一出嚟嗰下，真係有一種非常震撼嘅感覺，煙霧瀰漫，噴住煙甘出場！！未入口都已經覺得幾誇張。杯上面仲有一個碟形嘅盤，入面裝住海量芒果蓉。芒果蓉唔單止份量多，而且仲非常新鮮，好鮮甜吖！！～先將一啖芒果蓉放入口入面，然之後再飲一啖芒果椰奶。椰奶泡沫打得非常幼滑，加上濃厚椰奶，感覺非常之好味。椰奶味道同芒果味道非常之夾，而且仲非常之濃郁。小芋圓份量不少，而且粒粒都彈牙煙韌，細細粒，非常之容易食。另外一讚嘅係，呢個特飲嘅包裝都非常之衛生同埋認真，十分乾淨企理。小店仲有好多其他特色嘅外賣飲品可以選擇，下次可以再嚟試下呀！！～

老公生日特登同佢出完尖沙咀，行街嗰陣發現到原來厚福街嗰度入面有間幾間飲品店個喎，仲要有兩間黃店黐埋一齊見仲未食得野，天氣太熱，咪諗住去飲一飲杯嘢而且仲有做緊優惠，部分飲品第二半有半價，其實計落都好抵飲但喺呢個超級芒果三重奏個樣實在太吸引，選擇困難嘅我終於唔洗再諗佢個外形好似之前韓國興起個個小食杯，上面放小食下面喺飲品，不過呢個上面就喺放芒果，下面喺椰奶同小芋圓最底底佢哋放咗D乾冰，營造仙氣飄飄嘅感覺，打卡簡直一流！芒果喺香甜個隻，一D都冇酸，一啖接一啖完全停唔到下面椰奶就喺夾埋D西米，芋圓都好多好大粒，煙煙韌韌好好咬，岩曬鍾意食芋圓同煙韌嘢嘅人慢慢咬成杯嘢都飲到飽飽地，如果小試既可以一杯兩份Share~下次再來的話好多想試下佢哋嘅多多系列，好耐冇飲到台灣嘅多多啦！

經過厚福街，被一間粉紅店吸引，是一間叫台灣霧之戀的台式飲品店，鋪面走浪漫 kawaii路線，加上有聖誕雪景擺脫，效果確很吸睛。一直鍾情奶蓋及抹茶，見有抹茶奶蓋紅茶，即試。等待人流不多，前面客人的兩杯飲品都吸引，下次可以試試。但我這杯簡單紅茶，卻要等上十分鐘😅。好彩到手後都沒有令我失望。個人喜好飲奶蓋茶會逐層飲下去，由上至下一層層品嚐不同口感。這杯紅茶都算層次分明，能夠飲出三種味道。奶蓋都很creamy，但多點咸度會比較出色。抹茶都夠濃而不苦，抵讚。至於紅茶 都有茶香味。在尖沙咀區28元的飲品有這麼大大杯，算性價比不錯，下次再經過是其他味道。

許留山冇左 仲以為會冇得飲芒果椰奶經過尖沙咀見到有間好黃既鋪頭！！大大聲播住榮光 真係冇理由唔支持下既💛仲有芒果椰奶 真係唔試唔得☺️❤️霧之戀？？點解會叫霧之戀！！原來飲品一拎出泥真係會有d煙有d霧 噴出泥！！呢個時候 快D打卡📸📷 真係好吸睛😍呢個似係人飲品同甜品既合體上層係好甜嘅芒果茸 可以用匙羹食清甜芒果果肉混著椰汁 入口香味十足😉下層係好濃郁既椰奶🥭🥭入口淳厚 好重椰奶 不會過甜 建議叫（少甜 ）呢~粒粒芒果肉加埋椰奶 邪惡到不得了 😂😉😉但真係太滿足！！飲下其實都幾飽肚🤪當埋甜品咁食價錢都正常 用嚟打下卡都好正😁😁

有朋友話台灣霧之戀一款芒果椰奶好特別，既然出開去尖沙咀，又鍾情台式飲品，冇理由唔試㗎！係有驚喜嘅！首先未見過這種杯身設計，上面透明闊口位裝住滿滿芒果蓉，顏色好靚，用個匙羹舀嚟食，非常香甜軟滑。跟住最特別係將乾冰藏在杯底，製造出煙霧從杯身散出嚟，夠晒仙氣，打卡一流，途人紛紛下注目禮，睇到唔眨眼。再飲埋椰奶，香滑同有椰香清甜滋味，配咗小芋圓，滲出少少芋頭甜味，軟糯適中，好夾。下次可以約其他朋友再嚟，試多啲唔同款嘅飲品，好主意。

飲品想吸引新客源，一定要出奇制勝，攪攪新意思。台灣霧之戀嘅芒果椰奶系列就做到喇！杯身嘅特別造型已經與衆不同，而且當飲品預備好，仲有煙霧效果，源於乾冰藏於杯底造成的特效，令人注目。上層闊邊位舖滿金黃色芒果肉，令人垂涎欲滴，食落當然甜絲絲，充滿芒果香味。再飲啖椰奶，稍甜，未知可否調較甜度，但椰味香濃，幾好飲。該系列飲品配有其他材料選擇，例如：白色珍珠、小竽圓、蘆薈爽……，揀咗白色珍珠，甜甜地，少少煙韌，好配合整個味道。 其實舖頭定時都推出唔同嘅飲品做優惠，價錢合理，一於下次再試。

平時經過尖沙咀都會見到有好多買台式飲品嘅舖頭，今次呢間特別標榜芒果椰奶，賣相好似唔錯，即管試吓揀咗杯芒果椰奶配小芋圓，賣相有點驚喜，因為有乾冰製造嘅效果，霧氣飄起，比較特別上層係好甜嘅芒果茸，可以用匙羹食，再配下面嘅椰奶，味道同口感都唔錯，裏面嘅小芋圓份量都多，煙煙韌韌，整體夠有趣，唔怪得幾多年青人幫襯如果想再健康啲可以選擇少甜，舖頭仲有其他不同嘅台式飲品，選擇都算多，價錢唔算特別貴，用嚟打下卡都好

喺尖沙咀食完晚飯想食甜品，但你知啦某甜品舖人氣高到一個點😩，所以我好快就決定轉戰茶飲店。本身苦惱緊飲邊間好，但眼前就出現咗杯好有「仙氣」嘅飲品💨❄️。呢杯咁有仙氣嘅飲品係來自「台灣霧之戀」，其實本身粉紅色嘅門面都經已幾矚目💕。飲品款式繁多，但我一早就已鎖定超級芒果三重奏系列🌟。芒果椰奶可選配白雪珍珠、蘆薈爽或者小芋圓，定價為$42，唔算平。芒果椰奶x 小芋圓嘅實物同餐牌圖片一樣，飲之前當然係要襯乾冰未溶時先打打卡📸。最頂層用個特製嘅兜裝住芒果肉🥭，佢提供匙羹俾你以方便食用。芒果好甜啊，一啲都唔酸！椰奶好香滑，椰子味濃郁🥥，但甜度偏高，唔知有冇得調節呢。配料揀咗小芋圓，色彩繽紛好可愛，細細粒可經飲管啜啜，口感幾好𡁻。總括嚟講，呢杯打卡芒果特飲OK喎，雖然係噱頭嘢，但起碼個味都唔差，而且仲令我聯想起香港即將消失嘅第一代飲品店許留山😳🇭🇰。

今日同朋友係尖沙咀行街行經呢間飲品店，見佢d圖好吸引，就買杯超級芒果三重奏試下拎住杯飲品，原來係會鏢煙，乾冰係外面，打卡一流，唔通佢霧之戀嘅霧就係呢個用意？綽頭有，味道我覺得都好好，首先芒果真係好多，好甜，好多芒果汁，粒粒芒果肉加上邪惡到不得了嘅椰奶，OMG,太滿足！而且佢有三款配料可以揀，白雪珍珠，蘆薈爽或者小芋圓。由於佢叫台灣霧之戀，我就諗佢嘅小芋圓會唔會係台灣嚟呢，咁我就當然揀呢個試下。口感非常煙韌qq，非常有咬口，配埋邪惡嘅芒果椰奶，呢杯飲品真係非常令人滿足！

💛#黃店本身想去食鮮芋仙但一早就截龍勁誇張，然後嗰條街好多間茶飲店例如有小黑糖，而依間新開嘅茶飲店鋪位就取代咗以前嘅黑金堂😢不過間鋪一睇賣相就知幾黃啦，仲大大聲播住歌願榮光歸香港！⭐️而家做緊第二杯飲品半價優惠~其實近排見好多人飲佢哋個氣泡飲品，好似有仙氣咁噴啲煙出來，不過唔知係咪小編老了心態不再年輕，冇乜興趣試啲咁嘅嘢反而想踏實啲😂🤣嗱當然係見到不停有妹妹同媽媽年紀買仙氣飲品打卡影相㗎~👓芒芒多多 $28「好解渴，不過芒果味真係好假！」第一啖飲落嘅感覺，然後幾個朋友接着飲都係相同感受😂反而比較似雜果賓治、菠蘿梳打嘅味道，叫咗半甜不過甜度已經好足夠，但真係冇多多味…莫非半甜所以就冇咗一半嘅多多？😅評分：6/10👓海鹽奶蓋霧之戀紅茶 $28個海鹽奶蓋係有少許海鹽味嘅不過唔算好重鹹香好出色，味道偏甜同重奶味，奶蓋唔夠厚偏少，唔可以話好差嘅不過純粹係個好普通嘅奶蓋。茶底都重紅茶味嘅，唔會好苦澀不過純粹普通紅茶底，溝埋個奶蓋整體不過不失啦。評分：6/10

#pb食在尖沙咀 #pb支持黃店💛「霧」氣登場的飲品💨如果你最近去過尖沙咀厚福街 唔難發現呢間新開嘅台式飲品店🤪 佢除左有特色嘅煙霧飲品之外 仲要大大聲播住榮光 真係冇理由唔支持下💛 門面裝修好有少女心 以粉色為主 仲有靚女店員😍 最搶鏡莫過於落左乾冰 「霧」氣登場嘅飲品🥤.飲品有幾個系列：超級芒果、氣泡水、牧場牛乳、多多乳酸、奶蓋等 價錢$28-$42不等😋 當中超級芒果、氣泡水都會冒煙嫁🤪 另外佢仲有椰子凍甜品 真係用左成個椰子😍🔹芒果椰奶 x 小芋圓🥭推介❤️ 好經典嘅組合💕 上層係啖啖芒果肉 下層係椰奶同小芋圓😍 拎上手已經好重手 加埋乾冰冒煙嘅效果真係好癲🥰 芒果都幾甜 椰奶味道好濃郁 而且小芋圓份量十足👍🏻 飲下飲下其實都幾飽肚🤪🔹香檳葡萄氣泡水🍇呢杯相對普通d🤪 香檳葡萄Soda味道幾清新 唔會超甜😋 不過葡萄味唔算好香 買黎為左影相都唔錯🤣.整體呢間無論裝修 飲品設計都超級igable💕 推介超級芒果系列 真係好足料😋 而且仲要咁黃 難怪好多人食完飯都會特登買杯飲下開心下🥰台灣霧之戀尖沙咀加拿芬道45-47號宏生大廈地下D2號舖

今日去到尖沙咀周圍行，周圍睇下有咩食，，見人地揸住好大杯野係手，，，又好似杯上面又有d橙色既野，，好似好得意，，，杯野中會出煙，，，幾特別，，，唔知係咪天氣凍，所以出煙呢！行到厚福街，就已到有人揸住呢杯野，，一望之下，，，原來係佢，，台灣霧之戀,之後就買左杯芒果椰奶x小芋圓，同埋一杯芒果椰奶x白雪珍珠,,,價錢應該不算太貴吧，42蚊，，等既過程，雖然有點耐，，都有十分鐘，，，但聽著佢哋既播既歌聲，，就算啦，，但播既質素好似怪怪地，，可能有干擾掛。當叫到我地號碼，真心好大杯，，杯上杯既佢，，上面隻杯係芒果，下面就係椰奶小芋圓，，但重點係佢識噴煙，，等甘耐都係值得，，，42蚊就令你成為當場焦點，，，型，芒果清甜，椰汁香滑而且不太甜，，小芋圓，，彈牙，，咬口十足，雖然天氣已經開始涼，，，但呢杯凍飲，，不太凍，，幾好，，係而家十零度，，，飲落都冇咩冰冷感，，冬天都飲得，，，正，，下次想試下個台灣經典椰子凍

台灣霧之戀行街，傾計，梗係要飲返杯野先啦，門口都幾多人排隊，試吓先🤗髒髒芋泥牛乳~$28叫咗少甜，OK喎唔太甜，芋泥味好重，啖啖都食到有芋泥，牛乳香濃幼滑😋台灣霧之戀🏠：尖沙咀加拿芬道45-47號宏生大廈地下D2號舖☎️：97155544