台灣霧之戀 (已結業)

很少在OpenRice投訴珍珠奶茶店，因為很少珍珠奶茶會做得難飲。原本想去厚福街的小黑糖，怎料看到隔壁新開的霧之戀，買一送一，想着試吓無妨的心態。怎了排一陣隊，去到counter先發覺，很多東西都沒有買一送一，只有基本的奶茶、普通的飲料，才有買一送一。結果選了兩杯普通的飲品，抹茶Latte，跟葡萄多多。這間店落後得很，什麼付款方法也沒有，只接受現金，心想：他們是因為諗住做唔長，所以連方便客人的付款方式也省卻金錢去安裝？厚福街已經人多地少，等候的地方已經迫爆人，全因為這間霧之戀的手腳實在太慢了！叫號牌顯示699，我們是701，隔壁小黑糖已經跳了四位數字，霧之戀只做好一杯。。。以為慢工出細貨，新開店舖應該以優質食品吸引客人。非常可惜，一是令人相當失望！只能學到糖溝水的味道。如果繼續以這樣的質素給客人，應該很快不能再見到他們了。

🧋經過厚福街 見到呢間新開嘅茶飲點 好大隻字寫住香港人加油同買一送一 諗住試下🥭超級芒果三重奏🥭芒果椰奶x小芋圓 $42原來呢杯係冇買一送一 要$32以下嗰d先有 但有個果凍冒煙氣泡水都好啱打卡🧋呢杯個樣真係好靚 店員好貼心 會確保你係到先加氮氣做冒煙較果 好多煙 好過癮 記得準備好相機打卡呀💕🥭上下分開 所以上層一係當糖水咁食 一係要食一啖再飲野 上層係芒果椰奶 芒果粒粒完全唔酸下層係椰奶加芋圓 芋圓口感好QQ 椰奶都夠滑夠味 不過因為係雙層杯 為左做冒煙較果 容量比較少 幾啖就飲晒💛總結杯野飲味道唔錯 打卡都好適合 係街拎住都會有途人望下 除左呢個 下次都可以試其他性價比比較高嘅飲品🧋買一送一只限7pm前（星期六日都ok) follow fb/ig ,再出示畫面。（買一送一唔包招芒果二/三重奏，芒椰奶西，oreo系列同阿華田）

🥤芒果椰奶 • 白雪珍珠💰$42😈厚福街個邊一向都好多小店今次就發現左有間新開既飲品店係小黑糖隔離😬見到佢杯芒果飲品會岀煙咁好似幾得意咁就叫左杯芒果椰奶白雪珍珠佢成個杯個Gimmick好搞笑上面個盤就裝住好多芒果果肉同果蓉超甜😍而個底就裝左水同乾冰整到會噴煙咁💨不過佢成杯芒果椰奶都好甜係芒果既鮮甜唔係果糖既甜而白雪珍珠都好煙Un好有咬口💛同埋新開張只要Follow佢地IG就會有買一送一優惠不過芒果椰奶系列好似唔包

Umm其實本身係見佢寫住買一送一，又寫咩香港人加油，先諗住同朋友支持下。咁我哋就咁落單啦，我哋以為會直接買一送一，點知買完個店員先話follow IG先有得送…咁就算啦，我自己就叫咗杯富士蘋果氣泡水，除咗外觀睇落去特別之外，飲落去仲特別甜，仲甜過利賓納同可樂個種。同埋冇咩蘋果味囉…飲咗一半都冇就已經頂唔順，唔想再飲了。杯野啲氣泡係咁湧出嚟係幾特別嘅，只可以用嚟影吓相打吓卡囉，但飲嘅話就真係唔好飲嘅，除非係嗰啲好鍾意飲甜野嘅人啦。

本身自己好少會俾差評，最多只會話ok，但係今日發生既事，令我俾左個差評。今日出尖沙咀，天氣都好熱，諗住買翻杯野飲爽翻下先😋行到厚福街，行行下見到有人拎住杯出煙既野飲，幾有趣，可以打卡！到店舖，見到新開張，仲大大個電視寫住開張優惠買一送一，優惠吸引，加上有’香港人加油’，裝修舒服，單張有趣，黃店當然要支持一下💛！！到落order 既時候，男店主坐住冇示意我可以落單，反而要我上前問翻:係咪可以落單? (前面冇人排隊) 令人感覺冇乜誠意做生意。😧我同友人叫左香檳葡萄氣泡水$28，另一杯富士蘋果氣泡水$28，兩杯都係有個’like’喺menu。合共收左$56。買完之後，我發現，咦？唔係買一送一既咩？😧店內都冇清晰條款細則，送邊款、要做啲咩先達到優惠，店員都冇特別去為顧客介紹優惠，令人有誤導成份。期後先睇到收銀位置下面貼左張紙寫follow ig/fb先會有優惠。我同友人都覺得有中伏同被欺騙感覺，加上店員態度較懶散，所以都要求void單。未料，男店員竟話：老闆唔喺度冇得void單。我感到驚訝，咁如果落錯單收多錢係咪要老闆喺度先可以再作行動？男店員明顯’嫌麻煩唔想做’既態度令我同友人大感不滿。飲品

見到呢間新舖頭有買一送一，仲諗住幫襯一下。點知俾咗錢先發現佢冇比買一送一嘅優惠。同店員理論返佢竟然話：下次啦。梗係冇下次啦。呢間嘢都真係世界級。最離譜嘅係：杯野又細杯又難飲又貴。買咗杯草莓多多，就係一罐普通可樂差唔多大細嘅益力多。不過益力多好飲過佢好多🤫 完全諗唔到咩理由賣28蚊，我估都係用買一送一呃人過嚟🤔不過衰衰地講一句：杯野細杯都有嗰好處，起碼杯嘢難飲唔會浪費太多 🤥 幫大家試完伏啦，有冒險精神嘅即管嘗試一下 🤣

經過厚福街，見到大大隻寫住「買一送一，香港人加油」，好難唔被吸引去買！！我買左杯葡萄多多同埋鮮草莓牛乳。葡萄多多唔會藥水味，但提子味唔算好出，唔特別。另外鮮草莓牛乳，都唔錯嘅，見到會有士多啤梨沉底，牛奶味好香，好飲過葡萄多多。呢個包裝嘅杯都好少見，幾特別。

天氣太熱，想飲返杯凍嘢解熱經過見到有新嘢，間店又做緊follow IG買一送一優惠，決定試試佢我揀咗杯「富士蘋果氣泡水」（$28），男朋友本身想飲「芒椰奶西」，但已經賣晒 〒.〒 最後叫咗「芒芒多多」（$28）「氣泡水」完全係打卡首選，有啲煙噴出嚟，個底又有啲泡泡，拎住佢行吸引晒途人目光雖然叫咗少甜，但兩杯第一啖飲落都有啲甜，等啲冰融咗就會好好多 (`・ω・´)「富士蘋果氣泡水」比「芒芒多多」清爽少少，味道係蘋果味嘅有氣飲品+少少乳酸可能個底杯要裝水同乾冰，營造噴氣效果，所以用多咗膠杯同埋份量好似少啲啲「芒芒多多」係乳酸系列飲品，所以乳酸味比氣泡水濃，味道有啲似101台式休閒餐廳嘅愛文芒果汁+乳酸總括嚟講，$28蚊買到兩杯飲品可以話「抵！」，又可以打下卡(๑¯∀¯๑)