可可研究室 (已結業)

難得今日放假， 一早起身同爸爸食個早餐先～ 平時鐘意去飲早茶既地方關門大吉左， 唯有搵下有無其他好野食啦～ 最後去左青年廣場呢間cafe。 好耐之前都有去過呢楝大廈既餐廳， 但黎食早餐就第一次。 環境都幾舒服，望到個人造草地，而且又對住D旅舍，感覺都有少少次去旅行食早餐呀朝早食物既選擇唔多，有早餐同all day breakfast/egg Benedict揀，早餐就大概$30包一杯飲品，all day breakfast同egg Benedict就係散點既，要另外點飲品。諗住同爸爸食好D，就揀左1個all day breakfast、1個egg benedict同2杯cappuccino。 cappuccino入口都幾滑，奶味比較重，少左咖啡香味。 然後就到egg Benedict啦，份量都幾大，有煙肉、腸仔、沙律菜、火腿、薯餅等等，蛋下面係用法飽而唔係english muffin，但個蛋太熟喇，切落去都無蛋汁流出黎，而且個Hollandaise Sauce又太酸喇。。。其他野都ok，除左煙肉。。。乾到咬唔開。。 另一份係all day breakfast，基本上係同egg ben

市區難得開掦舒服餐廳(雖然係柴灣😆)！food is good n very nice presentation. 食物性價比高。和媽媽及亞姨等一共6人吃了Parma ham pizza $68黑松露pizza $68 餅底好脆，sausage combo $128,炸雞亦，袖子沙律及享用了視障咖啡師細心冲的滑滑latte. 其實已經好飽但最後忍不住點了香蕉pancake 配 gelato 結尾，加上天氣好，享受了一個愉快的下午！下次要試cake set 見佢四，五十元好抵甘😋

星期日最relax嘅活動莫過於搵到一間非常舒服嘅Cafe Hea 一Hea。今日運動過後，難得可以同三五知己搵到一個又正又舒服嘅地方浪費下時間其實唔錯有朋友推介呢間係柴灣一棟大廈入邊嘅一間幽靜嘅Cafe。 呢度好多天然光，又開陽，俾人感覺非常舒服！門口非常闊落仲有一大片空地，感覺唔完全唔似在香港。呢度唔止有咖啡，仲有嘢食同甜品非常啱年輕人 Cafe嘅出面係一片草地。 雖然望到嘅係客房。但由於冇人感覺非常好。 靜靜地望住個草地其實已經可以過一個下午。自己點了一杯cappuccino , 雖然咖啡嘅味道係一搬搬，香味同咖啡味都麻麻哋，但環境已經贏晒

在這區午餐，要找又靜、又見到陽光、又坐得舒服嘅地方食Lunch真的不易。在這裡用餐，可以找到這些。在這裡午餐，我會選春雞或沙律套餐。如果配喝咖啡太飽，可選不同的茶，有很多選擇。是次選了French Vallia Tea，清香小小甜，望住個小草地感覺很輕鬆。

身為柴灣嘅居民，住咗喺度1年都未嚟過依間野，無他嘅，因為佢夜晚係唔開架，咁岩星期日既晏晝行開依度，終於可以一嘗。俾佢吸引住嘅係佢既gimmick，佢嘅朱古力粒加奶，好有當年留學響澳洲飲過嘅朱古力奶咁。但好可惜最後都係冇叫到，因為太眼瞓，都係叫咗一杯咖啡提提神。佢開向青年廣場高層，其實就係青年宿舍隔離，唔怪得知佢六點半就關門，因為驚嘈親隔離青年廣場嘅人訓。餐廳比我想像中大，雖然可以坐到20人到度，但係枱與枱之間有好多空位，其實可以坐到咁多人。我一向對Cafe既食物要求很低，因為通常都係唔好食架。叫咗個lunch set ，因為平啲，叫咗個鮮茄茸芝士焗龍利飯。 我另一半話番茄醬同條煎魚唔夾味，所以我都只係用番茄醬撈飯。 佢嘅番茄偏向酸味重d，唔似平時一支支茄汁醬嘅味道，撈飯都幾好食既。由于煎魚唔同番茄醬食，顯得冇乜味道，不過我都鐘意佢淡淡地, 同煎得幾香既。咖啡唔係用蒸餾咖啡，係用大大個咖啡機出嚟嘅咖啡，奶係全脂奶，好香濃，侍應拎過嚟嗰陣，有個牌寫住（視障人士為你沖嘅咖啡） ，即刻感覺係幫襯間野好似做咗善事咁。

有朋自遠方來住青年旅社，一早去搵佢食早餐，搵一搵openrice見最近就係上12樓，一入到去個feel好正，兩邊有落地大玻璃，一邊仲有草地同三層有露台的住房view，一朝早有自然光令人份外舒服。朝早冇乜人搵到位坐低後，原來住客有九折，我就去收銀度買兩份早餐，一直冇乜特別，但當我叫餐飲時，佢話冇熱奶茶同冇凍咖啡，我奇怪甘問甘有D乜飲，佢叫我自己睇餐牌，好啦！Okay！原來佢地只有凍泡沫咖啡同hot English breakfast tea奶可以另上哦！好！份早餐唔算平，但份量超少，味道亦不吸引，蛋比較硬及唔熱，牛角包唔脆，腸仔同煙肉就超勁鹹！但值得一讚的是飲品，杯凍泡沫咖啡同hot English breakfast tea都幾好！若果朋友想搵個地方上wifi，飲杯野，諗下野，呢度係一個唔錯既選擇，但個位女收銀的態度真係有待改善！

又是雨天……不想與雨水作伴,故步出柴灣地鐵站,没有下扶手電梯,而沿着有蓋天橋到青少年中心午饍。为了嚐新,所以到這間名稱特別的食店。食肆的外牆是玻璃，步入內,因快兩点了,故只有四枱食客,选了近「牆」的座位坐下,看了歺牌,點了ㄧ客午歺,又加了肋骨薯條、水牛城雞翼和班戟,是ㄧ頓豐富的午飯呢。先來是意大利飯和肋骨。飯很小,是ㄧ个小孩用的碗份量,肋骨份量是正常。意大利飯菌鮮飯美,加上少許的芝士粉,令人回味。(純粹個人喜好:本人不大喜歡某些歺廳把意大利飯煮得熟透,没有嚼勁)肋骨还可以,我較喜愛薯仔撤上少許鹽,不加茄汁的食法。然後是雞翼,不要心急馬上放進口裏,雞翼真的很燙。ㄧ口咬下,雞翼鬆軟,不是硬,没有太油膩，有点似韓国的炸雞,没有太多粉,肉是滑軟,虽然味淡,仍可口;若蘸上汁,香辣美味,又是ㄧ种滋味,不妨ㄧ試。班戟則ㄧ般。這是ㄧ間不ㄧ樣的食堂,你望向外,透过「牆」,竟是ㄧ塊不大的梯形真草地,对,在鬧市十二楼的草地,恍似置身在西貢等郊外的食肆,但再向外望,卻看到旅客從房中步出,不ㄧ会又有职员換牀单。此情此景,真有如在科幻电影中的錯觉。最後是希望這間食堂的音樂音量可以調低,令食客有幻想的空間。

因為工作關係今日去到青年廣場食飯， 見天氣熱， 所以揀左食沙律， 誰不知....沙律份量少得可憐，兒童餐都不如， d 菜又唔新鮮， 鮮果又出晒水。咖啡方面， 真係苦得可憐，落幾多糖幾多奶都無用。盛惠58 大洋， 食完仲要去便利店買野食， 真係無言。

叫左個蒜片鮮蝦意，聞落好香但係d意粉係完全無味…d蝦就幾好食而且都有6隻，但係分量相當細，一個女仔食完都唔夠飽…americano有誠意，d奶係暖嘅，而且係真americano味，唔係港式咖啡！earl grey亦好香, 總括來說飲品不錯但係食物完全唔得

最近禮拜日都要到青年廣場活動嘅關係，開始係附近搵嘢食，而呢間可算係第一間想廣而告之嘅地方。每次都係搭地鐵過來，經過天橋，兩邊有最近花開得盛嘅鳳凰木，今日，更係由天光一直落雨，涼陣陣～～～對於呢個公共建築，有時都幾令人費解，如若上去消閒下，真係過三關斬六將，上完長長嘅電梯，再按電梯上去12樓，與青年旅社毗鄰嘅Cocoa Lab，營業時間不長，但每個鐘數都幾乎爆滿，除與食物質素取勝外，更重要嘅係佢環境一流，少有能在同區見到嘅露天茶座，忙完之後停落來，坐坐聊聊，品一杯咖啡，何其寫意！Spaghetti Carbonara - 調味得好好，不過配料略鹹。由於冇食早餐，友人餓到未來得切比我部相機食先，已經將擺得靚靚嘅意粉摧殘咗～天使麵👼啊～Angel hair，最幼細嘅意粉，配上茄汁同雜菜雞扒，好滿足哦！蘋果燒雞沙律～有賣相，滋味也不錯，可惜沙律裡面有d果仁有油益味，店家要注意一下！唔知係咪因為假期又落雨，我哋去到已經滿座到要坐草皮玻璃前嘅檯，但呢種感覺好舒服，三五知己坐埋一齊，睇睇藍天，真係假期之一大樂事！

平日午餐上來餐廳只有兩三個客人午餐包餐飲$38-$68有雪糕可吃也有少量cake毗鄰青年旅舍地方清靜 適合約客或朋友來傾計飲嘢今次點了春雞走薯塊 再加$15將飲品升級至一杯signature 的dark chocolate(hot)雞味道不錯 皮好脆Dark chocolate 味道濃而不太甜只係配菜一般（粟米 同 豆 同 蘿蔔）性價比還可以

說起在柴灣飲食，好多人的心目中只有一個答案，就是去食靚叉燒。心想，柴灣，真的只有一些街坊老店值得去發掘嗎? 有沒有新潮的食店呢? 答案是有的，因為柴灣有一個年青人的地方，名字叫青年廣場，內裡包含了綜藝館、劇場、多用途空間、旅舍、零售店同辦公室等等，目的就是以配合青年發展活動，令這一個地方成為本地青年人的活動中心。內裡的商店，冇乜而且沒有什麼特色，但在一些自由活動空間層，就有不少年青人在跳街舞，在不同的活動室內搞活動。然而，最旺丁旺財的，是食肆層，該層的食肆，在中午的時間，的確是座無虛席，原因就是，在柴灣，坐得舒服的地方不多。不過，是次我要找的，我要探索的，雖是青年廣場內的食肆，但亦不是飲食層內的大餐廳同連鎖店，而是位於12樓，y 旅舍旁的《Cocoa Lab》。這是一個空間感非常好咖啡店，而整個餐室的設計都非常之簡潔，因為這白色的簡潔感，因為這一個無柱的空間感，在這一個小店，會感覺份外的舒適。另外，落地玻璃外有一片大草地，而這一片大草地是屬於 y 旅舍的，要出去的話，應該只能通過旅舍的正門，因為這正正是旅舍的房間層，應該是基於保安問題吧。不過，望出來有一小片綠油油草地，也是開心的。另外

實在諗唔到柴灣有乜嘢食，搵到呢度，不過Openrice話由地鐵行過嚟要9分鐘？算啦為咗試新嘢，行就行！點知一出地鐵隔離就已經係，仲要有條天橋連接住，落雨都唔驚，話咁快已經到青年廣場！話明係Lab，呢度嘅menu係好似中學做嗰啲report咁，首先有目錄頁，之後每頁都係有晒chapter：例如chapter 1係all day breakfast；chapter 2係沙律... 叫得cocoa lab，所以去到chapter 10就係朱古力飲品啦，為咗配合返lab嘅主題，朱古力豆係用beaker載，鮮奶就用flask載...... 好有那些年嘅感覺啊！！！！每幅圖旁邊仲有號碼㗎，例如Fig 3.1..... 挑起條癮好想做功課啊........黑椒雞扒意粉($58)配菜有誠意，有細個已經鍾意食嘅彩色雜菜，但最驚喜嘅係竟然有我最愛嘅sprouts 超興奮，雖然煮過龍口感唔係脆脆，不過依然鮮甜，拍得住以前喺英國食嗰啲咁鮮甜！尋日喺茶餐廳食完雞扒，今日再食，完全係兩個質素，呢個雞皮煎得金黃色，好香口又脆，不過雞皮就唔好食咁多，食咗煎到脆嗰少少就放埋佢一邊喇；意粉我唔expect佢有al de

朋友介紹黎呢度食all day breakfast, 叫左個egg benedicts 同french vanilla tea...果然喜出望外，蛋漿四溢， 麵包香脆。個雲呢那茶陣味好香，入口都仲有香濃雲呢那味，好少喺香港飲到。而且成個餐加杯茶都只係78蚊，好抵食

星期六下午同老公黎呢度食個all day breakfast, 終於唔使出市區都食到，亦當然比市區平。我鍾意去冇乜服務既cafe, 我唔使理你，你亦唔好理我。(此話不適用於高級餐廳架下！）同老公食完仲可以傾下計，玩下電話，坐下hea下。我勁鍾意食egg benedict, 個人對此有D要求。呢度既egg benedict以好味，上面再加左小小蛋黃醬，yummy。職業病發，咁0岩有supplier運輸哥哥送野黎，我見係XTC gelato, 咁用料應該唔會差得去邊！