可可店 (聯威新樓)

营业中

休息中

在西環堅尼地城住的街坊,都會識得這間店因為這間店價錢實惠,種類甚多如珍珠奶茶,雲吞麵,客飯,甜品等今晚在這裡吃了淨魚皮餃和珍珠奶茶.魚皮餃皮厚,一般.珍珠奶茶的珍珠不多,不過不失.小店為生存,以款多取勝,以價平取勝,所謂"窮則變,變則通."這店每晚都坐滿,足證這種做法有用.而且同街和鄰街的食店都相繼結業,而它仍然屹立,殊不簡單為這種精神,為這種多元化,支持小店,應該.

黎呢頭做野，順便搵間小食檔歇歇腳。坐低睇睇下餐牌，突然覺得幾肚餓，所以就叫左幾款小食試試。蒜蓉魚肉燒賣($16)係喺魚肉燒賣上加左炸蒜同熟油，味道都唔錯，不過燒賣咬口就爭啲，唔算好彈牙，都係小弟尖沙咀食開果間好啲。香煎腸粉加雞蛋($19)都唔夠香口，蛋味有，如果可以再花心機煎多陣，啲蛋香脆啲會更好。香煎蠔仔餅($33)係似茶樓煎薄罉果種質地，少少煙韌，都食得到落左好多粒蠔仔。至於蠔仔新鮮度就尚可，小食店嘅規模同流量黎講不能要求太多。炸鳳城水餃($33)反而有啲驚喜，餃皮炸得好脆唔油，入面嘅餡都大大舊、熱辣辣，點埋夠classic嘅沙律醬都幾開心。

喺附近行完山，落到嚟呢度堅尼地城食呢間。其實之前都聽過呢間嘅名，因為好多港大同學仔朋友都話呢個係講大飯堂。食咗佢嘅生炒牛肉飯，仲嗌咗一個雲耳蒸雞飯，兩個餸都好夠味好好食，仲嗌咗個燉湯，好足料好清甜，反而好出名嘅蛋炒腸粉就一般。。。

可可店是一眾港大生的回憶，尤其是住hall的朋友，每逢深宵肚餓嘴癢之際，總會打電話叫可可。我比較喜歡生炒牛肉飯，而且要加蛋加咖喱汁。可可的咖喱汁頗辣，配合炒飯吃挺惹味。至於炒飯頗有鑊氣，炒得香口，加上煎蛋增添層次，乃宵夜妙品。

可可店在我大學的時候已經是基本飯堂每次你都一定要叫招牌炸雞髀和經典珍珠奶茶走珍珠而且我會叫他們的炒河今次叫了干炒肉片河味道一如以往非常有鑊氣河粉不會很黏口而且非常乾身肉片方面也非常多簡直就是以往的味道而且他們大排長龍但他們進餐和送餐也非常快所以我也會持續光顧這間可可店

Been hearing a lot of hype about this place near HKU.  As I dont reside near the western park of HKI, I never could justify myself to come all the way here to try these snacks... but god damn was I wrong.  Also, if you drive, can freely park around the area at night so this area makes this shop extremely accessible if you drive.Walked in, the area was crowded with students, buring that midnight oil and snacking on these food that is generally found in SSP or MK.  But damn, they added a twist to

古早時代已存在既可可店，港大學生食堂之一由一間打通既鋪頭再係隔壁開多個鋪位，無時無刻都咁好生意，除左港大學生之外，成日見到d軍裝警員買外賣小食、粥粉麵飯、糖水乜都有。必吃的很多，腸粉蛋、炸腐皮角、叉燒菜脯炒飯、水餃🥟想食清清地既時候就叫個水餃麵（$25），簡直超值！水餃四大粒，粒粒脹卜卜，有小蝦🦐（手指尾指甲咁細啦）、好多木耳絲、豬肉，配上兩條唐生菜，粗麵加蔥粒，都幾大碗！腸粉蛋（$20）經典，好簡單腸粉加隻蛋，熱辣辣好夠獲氣！伙記落單時會問要唔要麻醬，辣醬同甜醬就放係檯面按自己喜好加啦😉

放假食宵夜今晚黎到西環呢間馳名既可可店，凌晨時份都人山人海坐滿人咁制，仲見到好多明星添!呢到既宵夜真係各色各樣都咩都有，粥粉麵飯小食糖水樣樣有！連飲品都咩都齊！今日飽飽地就正係叫左兩個小食「香煎腸粉加雞蛋」$20腸粉有口感又夠哂多醬，加埋辣醬仲好食，整個腸粉香可惹味！「香煎豪仔餅」$34咁大個又足蠔仔既蠔仔餅價錢十分親民，都只係34蚊咋，多餡真係超足料，最出色係個粉夠哂薄，唔會太油，整體一樣都煎得好香口脆邊！即使多人上菜都算快，食物夠熱夠香口，宵夜必黎食！

周末的时候，朋友在附近，我就专门找他去吃这家，然后点了一个炒饭，一个蒸金菇菜鸡肉，然后还有甜品，其实炒菜的味道还是不错的，但是甜品味道略显一般了，点的什么榴莲，竟然是榴莲冰淇淋球，不太好吃，下次试试炸云吞吧

是日約了朋友在西環吃晚飯，因朋友很久沒有在香港生活很多地道美食已經完全忘記了。今次帶朋友來到西環地道美食，我馬上就想到來「可可店」品嚐一下最有名的「煎腸粉加雞蛋」，沒人不知，所以來到可可店必定要點這個小食。煎腸粉加雞蛋，腸粉滑溜，煎得香口，再配加芝麻及花生醬，美味無比，再加上煎雞蛋滑上加滑，口感豐富。至於不能不讚就是他們的乾炒牛河，炒到火喉十足，每條河粉都沾滿醬汁，牛肉有肉味而且還有肉汁，薄薄的一片牛肉，都竟然可keep到肉汁的確難得，很少食店可以做到的，仲吃到濃厚鑊氣感，真係是可給100分，連朋友也大舉拇指說很美味，十分滿意。連香港必飲的凍檸檬茶也不弱，茶味夠濃，檸檬又新鮮，冰量剛好，非常好飲。

跟住HKU 既朋友仔黎到堅尼地城食野 應該唔會有伏既😊可可係其一 重點係開到好夜 夜晚想想食好ddd完全冇問題 呵呵😬初戀奶茶 ☕️真心我諗多左 不似預期所諗 飲落似係忌廉溝奶茶真心咁藥水feel 臨尾仲有d酸椰汁味道 好難受😣炸帶子 雲吞各具特色 帶子冇乜雪味 雲吞食落好鮮好脆重要蝦隻size 還好 冇縮水👍🏻👍🏻燒賣本以為平平無奇 但食落咁香口既原來加左蒜蓉呀 難怪拉 煎腸粉有蛋 已經好香口呀 配上甜醬 麻醬 味道很不錯 而且又夠滑 難怪呢間店咁多人幫襯拉😮😮

凌晨有D想食宵夜，唔使諗就去左附近可可店到食，平時一到夜晚就好多人，好旺場。好多大學生宵夜必選，剛剛好店外有個大空地，可以泊架單車慢慢嘆，所以有時有D單車友都會踩黎搵我食宵夜但今晚落黎，都係想搵D野過下口癮，所以叫左隻油雞脾 加 杯凍奶茶，等餐時間好快就有得食，油雞脾，唔會好細隻👍🏻，肉質剛剛好，飲埋杯凍奶茶，7成飽😝，可以睡眠另外想推薦一個隻，午餐肉炒飯，足料👍🏻，你可以每一啖都食到午餐肉。

話說前幾日諗住係港島食宵夜，零晨十二點幾先食，一search 之下，決定try呢間。呢間開到好夜！開到零晨四點！果日去到，個場都坐滿人，好熱鬧！不過地方好大，吾洗等位👌🏻.好欣賞呢間店有咁多款食物選擇！例如飯類、炒麵類、點心、湯粉麵，小炒同糖水等，包羅萬有！👏🏻好強既班底先做到咁多款食物，仲要咁高質，真係功架十足🤣.芝麻糊 $18超 級 大 碗！同朋友share食都ok！味道濃郁，稠度非常高，黑芝麻控表示大滿足🤤❤️而且仲好抵食！.香煎蘿蔔糕 $16足料！口感好，好好味🤤香煎腸粉 $17見到好多人都叫左，相信係招牌菜之一，佢落左少少蛋漿去煎香，好食！👍🏻上海粗炒 $33好大碟，味道吾錯，吾會好油膩👌🏻油菜 $18.🌟一定會再encore的店子！.

週五有足夠既空餘下可以爬去堅尼地城搵食🥢 係留低過唔少腳毛既可可店，成就一個回憶晚飯🤭其實可可店係西環都搬過好幾次，係小赤柱呢個範圍，附近已經充滿左外國既食肆，何何店同新興都依然屹立西環，為不同世代既港大生同浦友製造共同回憶😎舖頭入面幾張大圓枱，明顯就預咗一大班既大學生黎可以一齊坐🥰 menu 同我個年代比都有改變，除咗黃底老menu外，仲多咗糖水，麵飯，真心有啲似茶記🙄 重點應該放係牆上面既証書，都係港大不同既學會，宿舍，團體既鳴謝証書😮 （諗起早輪有大學生R寵物食物既sponsor😂)其實黎可可店 真係唔駛google都知食乜😜炸豬扒🐷雞翼🐣麵，炸雲吞🦐（又係你呀，雲生？）係膽，另外仲有腸粉蛋（定粉腸蛋🤔）同埋要番傳統甜品紅豆沙腸粉蛋加左花生醬上枱🥰 甜醬係枱面任你加，少少既燶邊加埋淋淋炒蛋一起吃，簡單街頭味令人重返校園📚然後豬扒雞翼麵，其實主角都係炸豬扒啫🙂 鬆化既豬肉帶有少少脂肪邊分佈係炸漿裏頭，親吻落去既軟熟係炸豬扒另一重體驗💋 雞翼就得兩隻（咁確實係一雞兩翼既🐥），炸得還👌，麵嘛，可可店不嬲都係未煮透上枱，少少硬身咁🤭炸雲吞係我無限loop可可既原因✌️ 一碟有起碼7，8隻，

今晚我與她心有靈犀，想食台灣野，到達山市街阿元來了，可惜該店門面關上，原來逢星期一休息！心情立刻跌至一個點！無奈下另找食店，行前幾步，轉個彎，見另一食店 - 可可店。門面有點殘舊，但似實而不華，應可一試！內進，眼見人客疏落，坐下看看餐牌，一般嘅粥、粉、麵、飯都有，款式多多，連特色小食都有供應！我點了欖菜肉鬆炒飯，而她點了餐肉豬扒公仔麵，另點一個潮州家鄉小食煎蠔餅，再加一杯特色飲品花生珍珠奶茶！整體食物都算好味，欖菜肉鬆炒飯飯粒夠乾身，有咬口！豬扒炸粉不厚又炸得香脆，餐肉亦煎得很香！煎蠔餅一般，似一般酒樓嘅薄罉，她食到塊大蠔殼差啲咬崩牙。她是環保L，原本點左花生珍珠奶茶走飲管，點知都黎左杯野插住飲管。都有花生香但有少少苦味，珍珠無甜味有啲失望。整體感覺還可以。