可可店 (聯威新樓)

营业中

休息中

好耐之前同波友喺HKU打完波，之後帶我黎呢間店食宵夜，波友話呢間店係HKU學生嘅飯堂/宵夜食堂。嗰時睇餐牌已經見咩都有得食，講得出都差不多有，腸粉蘿蔔糕、炒粉麵飯、湯粉撈麵、老火燉湯，甚至連中西式甜品、珍珠奶茶類都有，心諗咁勁嘅！乜都有得食。當年試過糖水，覺得都ok，又唔貴，所以間中都會黎食下晚飯/宵夜。今晚同朋友黎食晚飯，叫左2個中式小菜，1個馬蹄冬菇蒸肉餅、1個老乾媽豆卜蒸豬爽肉，套餐加配左可樂（加$4）同埋奶蓋紅茶（加$7），仲有叫多個煎薄餅。奶蓋紅茶同出面連鎖珍珠奶茶店嗰啲差不多，都幾好味，加$7算係咁個肉餅整得幾好味，唔會林坺坺豬爽肉嘅肉都真係幾爽，ok小菜連大大碟白飯包你飽啲蒸餸夠哂汁又好啱送飯剪薄餅，等於茶樓嗰啲薄罉，一般啦因為林坺坺唔夠乾身香口，又太多油2人埋單$104，簡簡單單食個晚餐，呢度都係唔錯嘅選擇

呢間店在西環及大學冇人不識，而且亦是我十多年前經常幫襯的食店。(因為就在屋企樓下)不過自從搬遠咗(其實過兩個街口)同埋番工時間固定， 已經好幾年冇幫襯過。 今日因緣際會去完「老鼠樂園」番嚟西環已經晚上十點幾，又唔想食M記，就嚟咗呢度食！多年冇變嘅招牌拿手食品~腸粉炒蛋。價錢公度，用鐵板炒，夠香夠熱， 唔係講大話， 每枱都會點一碟。 生炸雞髀~皮香、肉夠熟，唔會有血水，味道適中。 牛腩飯~肉夠多、牛根夠腍， 但相比同一條街另外一間粉麵店， 牛腩便比下去。因為人家用的是牛坑腩， 價錢一樣， 所以被扣了少少分， 但牛腩汁撈飯好好味 太太食牛筋河，足料冇欺場， 四樣嘢夾埋剛剛花費一條「紅衫魚」。 抵食飽肚冇詐型， 就係我畀呢間店嘅評語！

<<身為香港大學學生，可能你會覺得午餐晚餐都好難搵食，食黎食去都個幾樣今日本畢業生就以個人經驗介紹番你周圍有咩好野食/伏喇>><<If you are one of the HKU students who thinks nothing can suit your starvation around Campus. Please pay some leisure time to study my dining experience collection. If you cannot read Chinese, Please simply watch the pictures, follow the overall rating , or find the local mates for translating my comments>>可可店可能唔少港大同學仔都聽過~係近堅尼地城多D見個個都推介煎腸粉加蛋，所以今日上完夜晚堂放21:30，又餓餓地就黎食下喇。普通~熱辣辣煎腸粉份量一般，再大份量點就好喇。唔係特別好食唔係想一

可可店是深受堅尼地城街坊喜愛的小食店，話雖小食店，除了咖啡蘿蔔魚蛋外，還有碟頭飯，小炒，燉湯和糖水等供選擇，款式不多但種類廣，是附近街坊，年輕波友運動後聚腳熱點。老實說，食物質素一般般，吃的是街坊間的人情味居多。平時只會吃粥麵和小食，今晚懶得出外，於是叫外賣兩個人吃3個小菜金針雲耳蒸雞味道最好; 豉汁炆釀涼瓜的魚肉很膠，口感怪怪的; 梅菜扣肉偏鹹，肉太瘦總括來說，可可店做得最出色的是炸雞髀，炒腸粉和撈麵。粥和湯，糖水可免則免。

西環街坊都一定會知呢間消夜店--可可店係呢一度，你可以食到輕量嘅小食,亦都會有主菜提供最緊要當然在學生最愛嘅甜品啦呢間餐廳係一間街坊餐廳所以其實最平10幾蚊就有交易 今次同朋友食完飯竟然一啲都唔飽最咩我哋去食咗一個最出名嘅腸粉加蛋同埋豉油王炒麵呢個腸粉真係好好味再加埋蛋同腸粉配合得啱啱好正最緊要要多醬!!!另外仲叫咗個炒麵, 炒麵份量好足我哋兩個女仔share都食唔晒最緊要佢只係＄18!!! 而我呢就再叫多咗一杯茉莉珍珠奶茶珍珠奶茶 佢質素還好大大杯先至＄15簡直就係宵夜平民小食首選！下次應該會試埋蠔餅，因為聽我讀KONG U 既朋友講佢係即叫即整, 唔會係推炸，所以好正架!! 

夜晚係西環士美菲路同老友打完波，之後大家都肚餓，想食少少野醫下肚，不過時間都稍為晏左，好多鋪頭都冇得食。 咁一路行到西環尾，見到好多港大學生入去食宵既可可店。 我之前都經過同成日聽到人講，但就未認真入去食過，然後就決定試一試。入到去見到好多港大生之外，亦都見到做完運動既人係度醫肚。 睇完佢menu之後，發覺除左有糖水食之外，原來仲有各式各樣既粉麵飯，小食如煎腸粉，蘿蔔糕。 最尾我地叫左個芝麻糊同桑寄生蛋茶。芝麻糊好重芝麻味，又夠杰又香又大碗。而個桑寄生蛋茶略帶甜，藥材味唔會好重，雞蛋又滑又夠大隻。 正呀! 下次等個肚多d空間再試埋佢其他食物至得。

夜晚往該店用宵夜。叫左腸粉蛋同紅豆冰。落單非常慢。店員只顧詢問我幾位，同埋將唔同台嘅客搬來搬去，務求達到座位最大化利用。為左做多d生意，我唔怪佢，但系攪到成間餐廳亂曬，影響到d客，就令人好難忍受。張台系先前個客用完，污糟左抹，但系叫左四五次，都無人抹。d野食都要十幾分鐘先至到。野食到左之後，先有人來抹台，其實系輕輕揩下台邊。同台更加有其他客，因為被要求轉台，而等極都等唔到d野食。實在令人氣憤！呢間野收緊一般茶餐廳嘅價錢，有部分食物甚至索取比茶餐廳更高價。但系環境衛生，就如同街邊牛雜檔，仲要系無牌個隻，絕對唔建議幫襯。

其實佢啲嘢食唔錯但係價錢越嚟越貴越嚟越貴，加價程度，快過火箭。我食左佢好多年。我都明白食材貴。。。但係普通一個星洲炒米，都要差唔多成＄48。貴左差唔多一陪有多。西環咁多學生唔係個個都食得起

第一次去食消夜。之前淨係去過食甜品。有兩間其實唔知有乜嘢分別不過今次去咗近街尾右手邊嗰間十一點幾去到大約六七成滿。碟頭野算多選擇。叫咗個乾炒沙嗲牛河, 好味，冇油。我會再嚟.

夜麻麻去完HKU，都忍唔住要去我至愛嘅可可店食返個晚飯，時間已經嚟到10點鐘，其實我一啲都唔肚餓，不過硬係要過嚟坐下，食少少嘢先捨得走。飢餓嘅男友叫左個黑椒牛柳絲烏冬$48，上碟嘅時候仲冒緊煙，隔左個位都飄到陣胡椒香味過嚟，胡椒味沒有太搶，看下去比平常嘅牛柳絲烏冬淺色（唔似平常落好多老抽），烏冬面條夠煙韌！我就叫左個咖哩蘿蔔$15，咖啡汁都幾辣嘅關係，我叫伙記倒喺側邊。原本喉嚨好乾，食舊蘿蔔清甜夠腍，冇筋，醺上少少咖哩汁吊味就啱哂。食完梗係要整返個糖水埋尾啦，呢排要補身，飲返個桑寄生茶$17就圓滿喇！𠵱？明明入嚟嘅時候可以揀位坐，點解瞬間周圍坐滿哂人嘅？可可店果然係越夜越精彩！呢度食物多元化，價錢又大眾化，抵佢長做長有👍🏻

宵夜去處其實不多，尤其是我每每午夜時分才在港島區下班。向港島西進發，走到堅尼地城，有可可店和附近的真滋味美食。多年來屹立不倒的店子，入夜後人氣旺盛，捧場客中不乏山上那所大學的學生。來了多次，知道煎腸粉加蛋是名物，卻總未參透它有何過人之處。或者是半夜三更肚空空，來點混滿濃厚醬汁的熱辣腸粉，就已讓人覺得特別溫暖。炸雲吞、水餃、腐皮角那些炸得夠乾身，香脆不膩，美味。而且可以雙拼的，不另收費。來一碟牛河作結，雖然看樣子似模似樣的，但吃落油膩，似乎不是店方擅長的項目吧。加上是深夜，吃太多澱粉質也不很理想，所以此味並不推薦。這樣一來，又更顯出了腸粉的優勝之處了。

可可有兩個門口既一邊係聯威新樓個邊，一邊係爹核士街個邊我平時買開同坐開爹核士街個邊既岩岩入到去爹核士街個邊無位坐，就行去聯威個邊啦禁我見得有張大枱得一張空椅，個位個子不高既阿叔話有大枱有兩個位做乜唔坐，跟住我心諗邊度有兩個位，佢呼呼喝喝禁係第二度拎一張椅黎話呢度咪兩個位囉態度好差！我見有兩個位都晨早坐落去啦未拎第二張椅岀黎就喝我地話有兩個位好，坐低左後，嗌極寫野都無人應Well我地走左但我媽話想食糖水所以嬲都要嬲住行翻去另一邊爹核士街個邊買外賣，呢邊阿姐啲態度好好多！聯威個邊個班差勁態度！

作為西環嘅老街坊，睇住西環以前有好多出名老店,新中華, 德記..家樂…其中呢間 可可店都可謂西環人嘅集體回憶。雖然地鐵通車以後多咗好多西餐廳進駐，但可可店呢間小店我覺得依然係無可取代的。可可店別名:港大學生飯堂，次次嚟到都總會見到好多枱學生，開門入去，無人會serve你，哥哥仔會好串咁問: 要咩，跟住呢? 繼續啦…不過，感覺唔知點解好香港 haha! 去可可店，我同朋友都係會點佢地嘅小食，而除咗小食，呢度其實仲有小炒，麵食，套餐甜品…只要你講得出嘅宵夜良伴佢地都為各位夜鬼源源奉上～今次我同朋友都係點例牌：　腸粉加蛋，碗仔翅，蠔餅加魚旦1.先講煎腸粉加蛋：因為人流多，所以都係即叫即整，腸粉煎得香，加埋蛋無得輸!另外，食煎腸粉醬汁可以說是靈魂不可缺少，難得可可店甜醬可以任加，而麻醬香味亦濃，美中不足感覺味精比較濃....(是因為我下了太多醬吧?haha!) 2.碗仔翅：比起街邊嘅算比較有誠意，除咗基本冬菇，肉絲，仲有蛋花等等材料，都算CP值高。3.另外，仲有我最愛嘅蠔餅! 比起同區另一家，我覺得佢比較有誠意。蠔餅外貌好似薄撐，但一入口覺得煎得剛好唔會太油膩，蠔仔亦都唔少，誠意推薦!4.魚旦

西環，個人真係比較少踏足，始終我唔係港島人，要踏足呢個地方，真係需要地下鐵路既幫忙。近日港鐵港島西線通車，讓我也來湊一下這個熱鬧。晚餐，已經吃了，一大班人冇其他野做，又開始圍成一圈，最後決定找個地方，吃一碗糖水，繼續我們未完的話題。隨便找來這間餐廳，看見餐牌有甜品賣，也不理三七二十一，便衝入餐廳，反正未試過，一試也無妨。餐廳比較小，很老字號，小本經營的感覺。打開餐牌，最吸引的甜品一家是榴槤，可惜店主話已經賣哂，只好再選其他。超多芒芒椰小丸子 $28超挑萬選，最後選了這款經典許X山的飲品，價錢算幾抵，芒果都算幾多，但係不夠甜，始終冬天食芒果，總要碰一下運氣，但小丸子都算做得幾好，夠煙韌，而且份量夠大杯。芒果不算很深色，甜度欠奉，慶幸不算太酸。小丸子做得不錯。始終港島西區還算初開發，相信要長一點時間才有更多餐廳進駐，有競爭，才有進步，但小店，大家還是要撐的。

聽聞可可店是港大學生的飯堂，每次來總看到幾枱的港大學生。這兒主流香港街邊小食，如咖哩魚蛋﹑煎蘿蔔糕﹑燒賣，腸粉，炸雞腿等，應有盡有。另外亦有一些面食和飯餐，如雲吞麵，撈麵，生滾粥等！特別喜愛這裡的炒粉面，穫氣十足炒得十分香口，而且所有食品價錢合理，又開到淩晨，簡直是西環石果僅存的樂土！炒烏冬穫氣十足，烏冬口感煙韌，讚！煎薄撐的面有點脆，熱辣辣上碟，而且很厚身，比酒樓的好吃得多。煎腸粉加蛋，香港地道美食，必點。