古琴雅苑 (QRE Plaza)

营业中

休息中

第三次黎古琴雅苑食晚飯，水準仍然keep到，抵讚!次次黎必叫北京填鴨，今次4個人食，所以只叫了半碟，一如以往，師傅都會係我地面前即場表演片鴨片上碟，每一片厚度一樣，顯其功架。踏入秋季，當然要試下秋季限定菜式啦，今次我地揀咗蟹粉賽螃蟹，蛋白蛋味香濃，夠滑，加上自製蟹粉同食，兩者配合得宜，完全沒有違和感，季度推介！友人中既然有麵控，是晚順理成章就梗係有一碗香濃花生香嘅擔擔麵，酸甜麻辣俱備，醒神又開胃。最後，有甜品先係完美既一餐吧，我地叫左高力豆沙香蕉作為甜品，剛好每人一件，以豆沙同香蕉做餡，份量調教啱啱好，當然，鐘意豆沙同香蕉嘅我，梗係希望餡料份量能再多啲就perfect池啦~

食北京填鴨呢到絕對係必到 😁 佢初初開店個陣真係好難book, 而家已經好咗. 我地星期六夜晚黎，個場都好full, 仲見到有好多人排隊，好彩有訂位咋一開始師父會切幾塊鴨皮俾大家。可以點啲糖黎食，鴨油好似滲出黎咁，好正 ~ 不過始終油份高，食一兩塊好啦 (雖然多都未必有)之後就上其餘嘅片皮鴨，份量都算幾多，夠哂食。唔似得我之前食另外個間 🙄 呢間抵食好多除咗個北京填鴨，其他嘢就正常啦。都值得黎呢到食嘢 😁 下次都應該會再返黎

事隔差唔多一年後再返嚟食片皮鴨今次book左6點食飯好巧合地坐返上次同一張枱 唔同嘅係今次有五個人一齊食😋食物嘅質素同服務都到keep得住，呢點抵讚既！一出𨋢就會見到counter同埋呢一個大招牌一入到去嘅右手邊就會見到廚房 師傅有時就會喺入邊準備食物坐低之後枱上邊就會有兩疊碟開胃前菜同埋見到一雙鴨子嘅餐具座前菜味道就正正常常今次一共帶咗六個餸當然唔少得主角片皮鴨啦😋今次五個人就叫咗半隻鴨 雖然上次兩個人都係叫半隻😂每一台叫咗片皮鴨嘅客人 師傅都會喺佢面前即場將鴨片落嚟上碟，每一片嘅厚薄都一樣而且有肉有皮，識落更加好味。其實呢一個先係正宗嘅片皮鴨片法😃上邊張相有一碟塊塊細嘅皮叫做一口酥，係由隻鴨頸位置細細片咁片出嚟，食落去係酥香脆口 齒頰留香，個人覺得要點少蜂蜜黃梅醬食就完全唔會有油膩嘅感覺。呢個一口酥我都係喺呢度先食到，我之前去過北京出同食片東鴨嘅地方都冇呢一種食法。呢度嘅片皮鴨我覺得係整幾好食嘅，佢個鴨肉質好嫩 鴨香味濃而不俗 就算加埋其他配料一齊食都唔會蓋過左佢原本嘅味道，而且一點都唔膩加埋佢個配料有個哈密瓜會提升到鴨肉嘅鮮味，成塊食落口感亦唔錯😋第二樣我覺得要推介嘅就係呢個無錫

我好鍾意食片皮鴨， 今次同朋友嚟試下但係要預早book位， 我哋叫咗一隻北京填鴨，最特別包嘅餡料有哈密瓜條，幾好食。風味松子魚賣相好，但係個汁太甜。 精美四小拼和小籠包一般，甜品的高力豆沙香蕉吾錯

海外朋友回港，選了古琴雅苑準備好好聚舊，想不到會有這樣非常不愉快的經驗！因為想爭取聚舊的時間，特意訂了6:30pm，以為多點時間聊天，對方說如果有客，8:30pm得離開，多次問如果沒客人等位是否不用離開，對方說他們循例需這樣告訴客人，如果沒其他客人應該可以繼續坐下去。訂的是星期四，也不是什麼節日，想應該不至於那麼多人吧。6:30 去到，連我們只有四桌。給我們的四人桌子是比大牌檔的小圓桌還小一點的，看上去適合每人面前放一碗雲吞麵，帶朋友來吃填鴨，五六小碟的配菜甜醬不知怎麼放，見周圍很多空的桌子，要求換一張正常的四人桌，但他們說那些桌子已經給人定了，說他們會把菜一道一道的慢慢上，不會不夠放。結果填鴨和幾個涼菜一起上，比吃大牌檔更擠，茶壺給擱到窗枱上，吃得小心奕奕，生怕打翻東西。這也算了，最不爽的是服務員不停來替我們把菜硬分到我們的碗子上，明顯想我們快點吃完離開。前菜一小碟冷豆腐粒，我夾了倆粒，服務員看見立刻乘機把全部剩下的全撥進我的碗裡，也沒問我想不想要那麼多，我們憑什麼要吃得像走難？空的桌子7:30才開始有人入座，我們已經被趕得涼菜轉小碟熱葷全上。7:30 剛過就拿甜品牌過來叫我們點甜品

鐘意食片皮鴨嘅朋友，不防介紹呢間比你地，值得一試，今次係同老公二人世界，不過呢間冇二人set ,唯有散叫，三餸一湯，兩甜品😅，我地6點倒去到，全埸得我地一枱，包場😏，重點服務業好，食品質素唔錯，甜品抵讚，去睇相拉！

灣仔the east既QRE plaza成座都係有質素既餐廳，今次👨🏻生日就食這間北京菜啦~店內裝潢好有特色，廚房好乾淨企理，內面煮好左之後就會係透明玻璃位淋汁、擺盆等😆蔥汁海蜇拍青瓜好爽脆，海蜇既比例同青瓜差唔多，配上蔥汁好開胃🤤🤤呢個飯醬汁炒到個飯好香，可以見到每一粒飯平均地上色，都幾考功夫架！左邊既籠放住啲皮比你包住啲鴨同青瓜，蜜瓜同填鴨醬一齊食，口感多左，又有咬口師傅即場係你面前切架！冇花冇假睇得出成隻啲肉都切哂比你😆😆螞蟻上樹好好味！我地全部人都一致推薦味道香濃，啲辣椒仔同肉碎炒落啲粉絲度，成件事好夾又野味❤️❤️❤️呢個又係好正既，蛋白之中蟹肉都唔少，配上醋一齊食都幾match💕甜品方面點左羅漢凍，一如其名係羅漢果既味道，好甜同清涼~

#古琴雅苑-片皮鴨半隻（hk$178+10%)突然好想食片皮鴨，挑了這家享有盛名又未去過的，侍應會在你面前批皮切鴨，先切下幾塊最脆的皮以供享用，小小幾塊，又脆又有鴨油香，因為帶肥所以有入口即溶的感覺。片皮鴨是帶肉的切，它家沒下太多調味，鴨肉就是鴨肉的原味，跟一般食開既唔同，要味還是要靠沾醬。餅皮薄而且每層有紙分隔著好易撕，配料除了一般的花和青瓜，還有蜜瓜！另外還點了農家雞，份量頗少🧐偏咸，非常普通。總括而言，服務唔錯，但食物水準也沒有哪麼突出啦😂要不是它座位很少，相信也不會如此難book位的😂

一行六人想食中餐，忽然諗起不如食片皮鴨，上次食左美中鴨子中左伏，上網睇到呢間唔錯，決定一試。餐廳名字古雅，門口可看見吊係度既鴨，仲會係你面前即刻片。叫左全隻，份量比想像中多，粉皮厚薄剛剛好，筷子擺設亦非常可愛。聽人講餐無咁好食，所以我地都係散叫，小菜有水準，特別係松子魚，會再黎。

我哋一行四人一早六點半鐘到咗，之後好快就揀咗一個四人餐，唔夠10分鐘已經上咗四碟野。我哋同個經理講要求慢啲，佢話仲要上埋隻扁皮鴨先，但係張枱已經沒有位置，佢自己望一望都覺得有啲迫夾，同埋我哋同佢講食唔切，點知另外一個侍應生好堅持要先上咗面鴨嗰啲醬料先，但係我哋都未食。最後我哋用咗30分鐘食晒枱面嘅四樣野，佢即刻上埋另外果四碟野同飯，之後仲問我地可唔可以上埋甜品嗰陣只係七點三。我哋話可唔可以等我哋食埋片皮鴨同其他嘢先上甜品，佢話得。點知唔夠15分鐘佢唔理我哋枱面有幾多野已經放咗甜品，當我地仲食緊個菜同飯嘅時候，佢已經拎咗張單過嚟。佢話唔急不過放低張單先，咁即係點呢。最後我哋食甜品嘅時候佢已經好忙咁執我哋張枱仲成杯茶到左落我件衫度。本來啲嘢食冇乜話特別唔好食，但係成個過程好趕，搞到我屋企人都好唔開心。

今晚特然之間好想食片皮鴨，上網介紹咪try try! 本人覺得重點既片皮鴨有少少唔係好得既⋯⋯佢上鴨前，會有個叫「一口酥」，就係鴨既胸皮，點砂糖食，相當唔錯！佢個片皮鴨唯一既特色係有蜜瓜條！ 我係真心鐘意食片皮鴨既，但可能我唔識野啦，佢肉個比例係多過皮🤨 同埋食開都會知，其實肉係冇味⋯⋯唉，失望既反而佢其實野食好食wor! 個魚好香口，勁好食，炸但d肉唔烸！下面既都少少伏：水晶肉-唔見哂d水晶小籠包：真心嬲！🤬個皮厚過我條命！但係一上台而經有幾隻穿左😒😒d 湯汁係油既，冇肉味

朋友們原來好鍾意食片皮鴨，上網見到某雜誌介紹古琴雅苑，所以今次飯局就嚟咗灣仔呢間分店。我都係第一次黎呢楝大廈，發現原來有嘢食架，book咗七點半，所去到唔駛等。因為大家都好鍾意食片皮鴨，所以個策略就係叫一隻，然後再嗌幾他小食。隻鴨整好之後就會有師傅響你面前切俾你睇，分開兩碟鴨上。佢會先俾你先最肥嘅部位，你可以點糖食，幾過癮，幾好味。至於鴨肉都好味既，唔會話太老。另外好想提下條魚，超級好味，冇骨架，啖啖肉，仲好熱添，有啲好味過隻鴨。其他食物不過不失，但千祈唔好嗌小籠包，要等十年，啲皮仲厚到鍋貼咁，唔好味。

同事喜愛食片皮鴨, 我哋一行十人就滿足她齊齊Lunch去食片皮鴨呢度有2人至8人餐可選擇, 每個餐都有分有片皮鴨同冇片皮鴨可選擇! 而我哋就揀咗個$1348 嘅片皮鴨餐再加小籠包及銀絲卷(蒸同炸嘅各一) !套餐有十款食物 : 雞絲粉皮~這個花生醬味幾濃, 又夠多醬汁, 味道不錯烤北京填鴨(1隻) ~ 廚師會係我哋面前將食鴨片開, 鴨片夠香脆, 肉質都嫰 ! 另外會有個叫一口酥嘅鴨皮配砂糖食的, 一口酥好香脆, 但好似食咗一啖油落去咁宋嫂鮮魚羹 ~ 好重芫荽味 , 鹹淡適中金銀炒鱔糊 ~ 醬汁幾好食, 又唔會過鹹糖醋排骨 ~ 肉質幾腍, 醬汁又唔會太甜, 幾好味木桶包菜飯 ~ 似是一個美極醬油撈飯其他食物不過不失 每款食物份量看似唔多但其實都夠食! 唔知係咪lunch 嘅關係, 啲菜上得好快, 但感覺就好似好趕急咁！#純粹個人口味

烤北京填鴨(半隻) 廚師拎出鴨子，會先吃上一口酥，即烤至透的鴨胸皮，沾上砂糖來吃，油香滿溢。唔洗一陣...鴨片上枱😈😈 包鴨肉既包皮真的超薄，鴨皮帶點脆，味道濃郁，皮、脂肪、肉的比例恰到好處。不過講到尾我最愛係炸脆鱔，炸脆鱔條俾甜甜糖漿包住, 脆卜卜，但記得趁熱食，凍左會痴埋一嚿。其他嘢食就普普通通啦😅😅

大時大節同長輩食飯 ，傳統中菜一定係穩陣之選。但食得多都幾悶，今次一行六人揀左古琴雅苑，貪個名優雅別緻，菜式大致係經典穩陣野，類近上海婆婆/小南國定位。一開波就嗌左個節日六人餐，咁食中菜都唔預佢逐碟逐碟上，實係上到成枱都係，係估佢唔到唔跟次序到一個點係食到中後段先上「古琴全家福」呢道湯，仲要限時2粒鐘，食得都幾趕。前菜係「精美四小拼」及「松花皮蛋拌豆腐」，刀工唔錯，選擇亦多，大家可以每樣試d，調味都正常，唔會過咸。接住落黎就係萬眾期待既「北京填鴨」，姐姐係你面前即刻片皮，好細心地分左2碟，等大家唔洗爭崩頭。食落肥瘦適中，有鴨香，配菜有比較少見既哈蜜瓜，幾盞鬼。之後就係相對大眾既主菜，「乾燒黃魚」、「賽螃蟹」、「獅子頭」、「十三香農家雞」以及「木桶包菜飯」。老老實實6人餐黎講真係太多，食到中段大家都已經好好好好飽，而在座咁多位亦絕非細食之人，最後為左唔打包，大家都係監粗倒落個口度。以一般酒樓黎講呢個份量隨時係一席份量，我寧願店家減少1-2道菜、或者全部少d份量、減下價，再唔係大家起碼7-8人先好叫6人餐，如果唔係做硬大嘥鬼！縱使我地飽到kai，但個甜品－腰果露實在太香太好食！！！唔係沖粉