古月聚台灣古早味美食 (已結業)

由旅居香港的台灣人，在香港製造的台灣香腸，除了元朗的「古月聚台灣古早味美食」，我真的不知道還有沒有其他了。遇然在網上視頻發現此店，對其老闆自製台灣香腸深感敬佩。畢竟香港吃到的台灣香腸，十居其九都是外來入口的吧。這天中午來到，叫了一個台灣香腸飯，並加錢把白飯改為肉燥飯。其實這好像台灣便當的配搭。主角出來了，香腸燒得香香的，肉的質感軟硬適中，調味不會過濃，腸衣夠脆身，香腸可夾上生蒜片，少少辛辣，是正宗台灣人的吃法。個香腸飯還有點白菜仔、半顆滷蛋及少許醃漬菜，都算足料。至於呢度既肉燥飯，是介乎肉燥與滷肉飯之間，有點兒肥肉，尚算可口。有點悶熱，叫多個冰鎮秋葵。秋葵本身無味道，但沾一點帶微辣的汁，又幾爽喎。整體而言此店的香腸沒有令我失望。畢竟「香港製造」，新鮮度總勝一籌吧。

店家雖然是台灣人主理，店主是高雄人，但味道沒有很台灣呢!五十多塊的微辣牛肉湯麵，看似料蠻多，但牛肋肉竟然有一件是冷的，牛肉軟腍，但湯頭沒有太鮮甜，味道似是為了香港口味而作改良，麵質也沒有太特別。嘗了不少小菜，鹽酥雞，椒鹽四季豆，花枝丸，味道都是全統一那種椒鹽粉味。這所店並沒有太特出，在網上每位都在吹噓推捧，試了一次就不會有下次。我想在繼光香香雞食個鹽酥雞，在程班長那食個牛肉麵，還比這來得好…………

見到依間台灣野成日都好多人食，覺得唔會差點知就中伏🤥✨我叫左牛肉麵 $64，碗野唔平，牛肉係牛展，有3大舊，好淋好入味，唔錯而麵我揀左粗麵，麵質都唔錯份量又夠多問題出係湯底！上枱唔夠熱只係暖，而且湯底好甜好奇怪，有少少辣油味但真係好甜，食完我成口甜味，好辛苦好難食🙁✨朋友叫肉燥拌麵 $38，講真係幾平，又大份，朋友評價覺得食緊怪怪地既肉醬上食評網見到大家都話味道正宗，由台灣人打理…我覺得係我唔識食，或者正宗台灣味真係咁，只係唔啱我口味

因為早前日食左一間店如其名好難食既台式麵店，一路想食返d好味既台式嘢平衡返自己既心靈，今次就隨機入左間食台式嘢既小店碰一碰運氣聽店員之間既對話，相信佢地係地道台灣人開既店，想了一會後決定試一試紅燒牛肉飯。牛肉份量頗多，配埋一碗滷肉飯，半隻滷蛋同白菜，都算幾豐富。滷肉飯味道正宗，撈飯食好好味，牛肉其實都好食的，但可能份量真係有點多，而且不是太多汁，食到一半已經有點滯同覺得乾，如果係湯麵既話可能會好一點。整體黎講50蚊一個飯餐已經算不錯，味道亦算正宗，下次會再黎試其他款式既食物

最近都去左好多間在港的台灣菜，經過元朗呢個唔起眼的角落，有間台灣菜供應，一打開門入到去亦聽到店員與廚房之間，係用台語交談，心想應該有個"譜"吧，於是就堅決坐低點菜一試，嘻嘻哈哈開心時刻又一日， 呢間的確頗有台灣味的，肉燥飯，豬手，鳳梨飲品，鹽酥系列，餃子等等都做得不錯。通通都令人回味我曾經在台灣工作/旅遊的濃濃味道，不過台灣店員可能不太適應香港的節奏，軟件硬件仍然在優化中，而且有很大的需要改進空間，出菜比較慢，比較悠閒，但又會用很溫柔的跟你講"不好意思啊"。 *收銀旁邊仲有立法委員題字

呢排都要入元朗做野，既然來到就周圍揾下有咩好食係playgroup附近就有間台式小店，那就去嚐到下台風吧三點多已過了午飯時間，人流已不多了店員也是台灣人，用國語對話令我期望又大了肉燥乾拌麵+椒鹽雞扒麵($48)雞扒十分脆，而肉也很嫩只是剛炸起還很油膩，如能隔一隔油就更好，肉燥並不鹹十分合我口味，而麵更是闊條麵，很厚身，而烹調時間剛好，不軟不硬十分滿意。香芋+珍珠 $13相比之下，飲品就十分遜色，香芋味道淡，而珍珠卻十分硬，並沒什麼咬口。希望下次再來時候，飲品會有所改善！

《不負責任食評—古月聚》好辛苦終於捱到聽日dayoff的起心肝去古月聚 which我摸過三次門釘🐒舖面比較細 啲位都編排得比較迫不過香港人 都慣左啦店員係正港台灣人 一入去同程班長一樣都係講普通話 嚇一嚇🐒——————————<紅燒牛肉麵> $58湯底係唔錯既 濃而不膩 帶微辣 無味精牛肉量都好多 但我個人覺得多得滯 多到我似食牛肉多過牛肉麵咁而牛肉本身 牛味都重既 但我嫌佢太大舊 有啲難咬我個人中意食爽口既 但佢而家都有種 煮耐左 但又未煮到啲肉好淋兩頭唔到岸咁 變左啲牛肉食落口就比較粗嚡麵方面 係用台灣白色粗個款麵 本來就無乜野既 但唔知關唔關就快收工事 有少部分麵條痴埋一舊仲未散 另外仲有個好重要既因素 溫度唔夠我個人都幾討厭食溫既野偏偏佢個麵就唔夠熱😕搞到好似好快就食緊冷飯冷餸咁有啲少失望💛💛—————————不過鑑於佢湯底都尚算唔錯 同埋見人地食既肉燥飯都ok我會比多次機會佢

聽聞e間餐廳係台灣人開同埋係台灣人打理嘅，咁我咁愛台灣菜，就當然要試下佢啦。佢地址唔難搵，係舊b仔附近，我去到嘅時候，佢都算多人，入到去有個台妹妹招呼我，咁我一個人就好快就安排入坐!環境都算係台式，有部電視就播緊台灣tvbc節目，另外就有副字係某位台灣議員送俾店主嘅。咁我睇完餐牌之後就點左個紅燒牛肉麵再加杯冬瓜茶啦。佢地起菜唔算快，要成十五分鐘先上到個麵同杯野飲。麵上到枱，第一個感覺，嘩，d牛肉唔洗錢嗎？!咁多舊呀！基本上我之前去食果d牛肉麵都係三至四舊牛肉，但係其他店就多數係選用牛腱心，即是香港人稱之為牛展部份，而該店係選用牛肋條，我第一時間就試左啖湯先，第一啖，大鑊，湯完全唔夠熱，係暖，之後就食啖麵啦，麵條我選左粗麵，麵都算彈牙，無咩大問題，跟住到牛肉啦，又大鑊啦，牛肉都係微溫，完全唔熱，同埋好明顯炆得唔夠時間，好韌，一d都唔林，失敗，最大問題就係有舊肉望落去特別紅，唔知係唔係唔熟，所以我無食到。最後碗麵我都係食晒，因為都唔係好差。而冬瓜茶就幾好飲，佢唔係好甜，味道剛剛好。埋單66元，希望會有下次啦。小店要加油。

男朋友第一次帶我食呢間，一黎就叫左個豬扒乾撈麵，一碗炸雞湯麵，一碟炸物，一份炸蝦餅同埋一杯冬瓜茶其實麵就真係差d，因為好淡，冇咩味，撈完d肉碎都係冇咩味，個炸雞同豬扒都係有d"蟹",一d都唔滑，個蝦餅同個炸物係成餐黎講算係最好味，蝦餅好足料，有好多蝦同花枝，但好貴，細過手掌既size就已經要32蚊，炸物都幾大份，支豆唔錯，價錢都實惠，好似2幾蚊，冬瓜茶我就覺得略甜，成餐食左180蚊到，係元朗想食台灣野都可以試下既

聽過個名好多次 只係覺得個名好特別 雖然係公司附近 但都冇試下 依幾日太熱唔想去太遠食午餐近近地就食依間入面去店面唔算大 大部分位已經比人坐左 只剩下門口幾張台拼埋一齊既台 我地一剩6人坐依張台岩岩好 不過我坐正門口位 有人出出入入或開閂門我都會好熱 食緊時間 有人叫外賣 開住門感覺好辛苦 好熱 想叫職員閂門但又唔好意思 所以忍住冇講 講番食物 我本人對台灣食物興趣一般 睇左寫食物張紙好耐都唔知食乜 見到隔離有張台食雞扒撈面（唔記得咩名）好吸引所以我叫左好快上到黎 雞炸外面炸得好脆 入面仲有汁 唔會好乾 好食 面有滷肉 不過味道我真係一般 但係味道係正宗既 不過我自己唔太中意咁解姐 但係想食正宗台灣野依間係選擇之一

有時愛在元朗劇院附近揾野食 好幾次搜到這間古月聚 但openrice之前沒有門面照片（現在我加上了啦）總以為是只有數個座位 很熱辣辣的餐廳而卻步 是日也是大雨滂沱 原本想再去的 意情濃 爆滿 來試試這「暫時」沒有店面照的台灣菜啦餐廳老闆是高雄人 一坐下店員就送上點餐紙 省了語言溝通的麻煩 爌肉飯 $46 完全是在高雄吃到的味道 好懷念台灣啊不會過濃或發霉的爌肉 台灣做法的燙清菜 還有那顆鹵蛋 重點是那肉燥 終於不是香港那種肉末 或 罐頭度小月的味道！！餐具也是台灣愛用的類型 好興奮啊鹽酥雞飯 $46香港的鹽酥雞 雞塊小 炸太久 不然就是咸這道鹽酥雞 真的回到台灣了（不斷重播）炸物拼盤 $38 包含地瓜條（蕃薯）、花枝丸（魷魚）、四季豆除了椒鹽 還下了梅粉的炸物其中最喜歡花枝丸 好Q彈 而且終於不是香港那種偽裝的墨魚魚了！！古草味冬瓜茶 跟餐$8 人生第一次冬瓜茶 也是在高雄 自此就愛上了 冬瓜茶 不算很多台灣餐廳有（有也不太好喝）這家的 算是不錯 不會太甜 如果轉用環保的杯子 就更好了餐廳播著民視 環境餐具語言都感覺置身台灣 這在香港 還真的不容易找到 貼心的老闆空出坐位 說「包包可以

古月聚這裏的老闆是高雄人店裏面播放着台灣新聞位置不多座位也比較狹窄聽說這家店的香腸是老闆自己手工做的所以我當然要試一試囉上菜時香腸切成一片片旁邊放著一片片的生蒜頭配搭著一起吃還真是不錯吃耶👍🏻滷水拼盤也做得不錯豬手做得好夠味道肉燥飯我比較失望因為米飯是不熱的微溫的米飯讓我頓時給這頓飯負分其實我去的時候客人並沒有很多只有我和朋友及另外一桌客人所以在這種情況下老闆沒注意到飯的溫度的確是讓我有點感到失望真心希望下次來我能夠吃到熱騰騰的米飯我覺得好吃不等於你純屬個人意見愛分享

說元朗多美食相信大家不會反對，台灣美食也有不少，可以能吃到地道台灣味道的可是寥寥可數。不久前才知道安興街開了古月聚這家餐廳，已經經過數次門外都有條小小的人龍，令人更想一試龍與鳳。前幾天下班特地到訪，可是明明不是餐廳公休日，卻沒有開門，昨天晚飯時間，決定再去看個究竟。我們到達時已是晚上8:30左右，可是門口仍有不少人在等待，由於沒有取票服務，於是我個友人亦趕緊排隊。門外貼著數張餐牌，飲品是每週轉換的。眼見店員只有一人，雖然店內餐桌不夠十張，但是只有一人完成下單、結賬、安排入座等工作，真令人忙得不可開交。等了大概二十五分鐘終於有位，便趕緊點菜，免得肚子餓壞。我們點了大路的紅燒牛肉飯、鹽酥雞乾拌麵和炸魷魚酥，另加了紅茶。紅燒牛肉飯 $50友人點了牛肉飯，牛肉很足料，另外飯是附有肉燥的。鹽酥雞乾拌麵 $48我點乾拌麵，雞炸得剛剛好，有那種台灣才有的炸雞粉味，頓時回憶都湧上心頭。麵是扁身粗麵，有點黏在一起，不太沾到肉燥，想吃麵的可以一試，但我覺得味道一般。魷魚酥 $26這個價位給這份量可說是非常實惠了，在別的地方吃索價40-50元，炸得挺酥脆。紅茶 $8 （原價$15）這天的飲品有最基本的紅茶、

我訂左糭今曰拎,佢地先同我講,佢賣左俾其他人,禁訂黎做咩,我同佢講你地失信於客,唔駛旨意有人再幫襯，佢地居然答我係，呢d咩態度!我都好想支持小店,但佢禁既態度好難令人接受lor講真,味道唔係特别出色,對客人又失去承諾,我都唔會再幫襯

琴晚偽文青去左元朗「古月聚」食台灣古早味美食🙆🏼1️⃣肉燥乾拌麵+鹽酥雞$48 店員一擺碗麵上枱😀嘩！真係嚇一嚇😅咁多鹽酥雞既😌多到呢 雖然唔係好大件 一件一口既sizes啦 但數一數 都有18舊😅而且 都炸得好香脆 沒有太多炸粉 雞都算滑 唔係太咸👌🏻而鹽酥雞下 仲有 肉燥拌麵 手工麵配上肉燥 好味 喜歡手工麵的口感 不會太腍 份量都唔少 食落都好飽 一碗麵可以兩個人分😂 .2️⃣紅燒牛肉湯麵$58 牛肉是牛肋條位置 炆得都幾腍 入味 但朋友仔覺得個麵同平時係台灣食既唔同 相對地油左少少 但味道係可以既 佢話都有8分😀 我試左一舊牛肉 味道都ok 肉炆得好腍👍🏻.這間是由台灣人打理的台灣古早味美食小店 店舖裝潢有台灣感覺 電視播的也是台灣新聞😂😂都幾特別 還有台式飲品 冬瓜茶 茉香綠茶 炭培烏龍茶 任君選擇🙂 這店絕對有下次啊🤘🏻😋..-元朗馬田路20-30B號安寧大廈地下2號舖