古月聚台灣古早味美食 (已結業)

一打開wolipay就揾到呢間良心小店上網check一check 發現係台灣人開嘅 ！良心之舉就唔講啦😌想念台灣嘅我諗都唔諗就入咗去🥳..肉躁飯 -$30 飯量好多😂半碗已經夠飽肉躁帶甜味，係用咗半肥瘦嘅豬肉整口感介乎肉躁同滷肉之間，但冇油膩感🤍但肉躁同粟米加埋係唔夠撈飯㗎😂滷水蛋幾入味，又唔會過咸，餸飯啱曬🤍粟米味道天然，應該冇加過糖煮，好食又健康我幾鍾意呢個飯🥳題外話肉躁飯嘅肉躁偏少老闆見我食到冇餸，免費加咗一碗肉燥比我！人情味濃呀🤍🤍🤍但其實我唔係冇曬餸唔食😭係飽到食唔落😭見老闆送到嚟，免得老尷，唯有食到肚脹脹🤣.滷豆腐 -$22呢個係滷豆乾嚟🤔但都幾滑幾易入口🤍大概係譚仔五小辣🤔滷得好入味，好香，味道比較重，好餸飯🤡但如果你唔係好重口味，唔建議單點🍓.入面嘅設計唔華麗，但會比人一種温暖嘅感覺😌電視播住台灣綜藝老闆好客熱情除咗加肉躁比我之外仲會同其他客人傾計🤍不過記得，老闆係講普通話㗎😂

古月聚都係元朗開咗好長一段時間，食過幾次都唔記得影相，今次終於記得！一入去已經好親切，好台灣復古風，嘢食選擇多，基本台灣嘢都有得食！鹽酥雞肉燥飯: 雞唔會炸得過乾，調味啱好，正！飯好大碗，肉燥夠味！台灣香腸滷肉飯: 台灣腸係老細自家製，一定要試，好足料！夾埋蒜頭一齊食，正到唔識講！飯又係好大碗，滷肉好家庭feel, 好食！牛肉麵: 麵底fail, 好淋，完全冇台灣麵嘅煙韌，牛肉ok，湯底ok，食完唔涸喉！魷魚鬚: 乾咗小小，調味ok！炸物拼盤: 炸四季豆好正，花枝丸夠味，蕃薯條少fail! 大腸包小腸：好味，好台灣，必試！甜不辣：調味好正，炸得啱啱好，係香港都食過好多間甜不辣，古月聚係so far 最好食嘅！豬大腸: 豬腸乾淨，調味ok！總括嚟講，價錢公道，嘢食正，服務好，又係良心店，入開元朗國一定要幫襯！Btw, 上面啲嘢食係combine咗兩餐飯，我唔係咁大食㗎！

嚟到台灣店當然會試翻佢哋嘅特色嘢，所以叫咗啲平時冇食過嘅嘢🙆🏻‍♀原味牛肉湯麵(牛展)叫咗幼麵嘅配搭，本身唔鍾意食幼麵，所以點都麻麻地嘅感覺😣麵嘅份量都算ok，牛展直程偏多，好淋。湯底就清湯，唔會蓋過其他味。滷牛筋牛筋份量好多，食落好得意😂大腸包小腸成日都見到有，但冇特登叫嚟食🙈個腸好脆，兩樣一齊食好夾，不過就冇得一啖食曬，要將佢分開/整一半😂但好味好鍾意皮蛋豆腐+台灣肉鬆本身唔鍾意食豆腐同肉鬆，但一齊食又出奇地好食!!不過皮蛋豆腐放唔曬落同一個匙羹，所以同分開食冇乜分別😣古早味冬瓜茶 (原價$18,餐加$9)清甜，又唔會喧賓奪嘢食主飲完一杯想飲多杯

老闆台灣人，播住台灣電視，感覺好親切，有時趕時間就會過黎食飯，出餐都算快，次次黎到嗌鹽酥雞滷肉飯，淨係一樣野都已經超級飽肚😋不過啲鹽酥雞凍，唔似岩炸起，可以再熱啲就好，員工好有禮貌☺️不過門真係好重😢整體黎講算唔錯

記得好耐以前食過一次，開業冇耐，類似家人幫手之類，野食係好食嘅，但係出野食慢同有漏單，所以之後就冇再食過。今日男朋友話想食，咁就陪佢食啦。我叫左個椒麻雞扒魯肉飯個雞扒完全一啲都唔椒唔麻，個皮好咸！反而嗰幾條菜有啲極微微的辣味。魯肉飯係要加錢嘅，但係份量得飯量嘅6份1，少得可憐！粒魯蛋係入味，但係好好好好咸！連啲鹽都好入味！我男朋友叫左個牛肉麵同椒鹽豬扒佢話湯似清湯，我試左少少應該係牛骨湯黎。好淡。豬扒薄，又係皮好咸！再黎重點 我地都叫左杯冬瓜茶平時飲嗰啲係啡色，佢呢個係淡黃色嘅。飲落懷疑係黃糖水黎，即係平時煮湯丸嗰啲糖水。離譜！話就話係黃色食店 質素咁樣樣 冇下次啦

星期日點零鐘去到古月聚，剛好有人埋單，有枱入。坐底叫咗碗紅燒牛肉麵、肉燥湯麵加配鹽酥雞、跟餐一杯凍奶茶&凍金桔檸檬冬瓜茶。紅燒牛微辣，老公好欣賞啲牛筋，話好淋，正！我個碗肉燥湯麵湯在就淡左啲，不過肉燥做得好，用啲汁撈埋湯度可以接受的。落單紙有標名冇落味精冇落雞粉，所以湯底偏淡，我都好欣賞，畢竟做生意，好少餐廳以健康為主能留住食客，所以其實都幾搏😅鹽酥雞係正嘅，乾身唔厚粉，冇肥膏，正！同路人行過要支持下！

唔好食. 鹽酥雞好乾, 原味牛肉麵完全無味, 冬瓜茶好似糖溝水咁...超級難食. 服務態度超差, 尤其是個女仔 係人地檯中間穿過上菜比隔離個檯, 等位唔派飛仔 立立亂......可以唔洗去, 揀第二間黃店食好過.

一入到去老闆好親切俾menu同落單紙我老闆係真。台灣人，所以係講普通話，一開頭聽到差啲轉唔到channel 雖然係小店，但係一啲都唔迫，電視仲係播緊台灣綜藝🤣叫左碗肉燥乾拌麵加自家製高麗菜豬肉餃子（$51），淨麵係$39，加左餃子（$12/5粒）同埋淨係乾拌麵有嘅椒麻醬麵底叫咗粗麵，好有咬口又好掛汁。啲肉燥係大粒肉碎，齋食有少少鹹，但係撈勻就啱啱好。蛋係滷蛋，滷得好入味。餃子個皮唔厚唔薄，個餡夠味，可以咬到細細塊塊高麗菜。整體上食物質素都唔錯，可惜嘅係個椒麻醬冇咩味，完全食唔出加左。睇到呢間嘅三寶牛肉麵都好受歡迎，下次一定會叫黎試試😆

第一次食呢間野係叫網上外賣平台,大坑渠送到合益都係$5運費，好抵。陸陸續續叫過好幾次外賣，紅燒牛肉麵、魯肉飯等等，偶爾想食健康啲叫份生菜都好抵，其實台式食店一般都有得比人叫淨菜，不過黎到香港就唔見哂，呢度有而且都係廿幾蚊份好抵，仲有淋肉燥汁。食過呢間啲紅燒牛肉麵，好正份量大，另外肉燥同魯肉飯，啲味道同係台灣食既好似，好正宗既台灣味，加上價錢又唔貴，份量又大，令我翻食再翻食，叫主食仲可以優惠價加雞排、鹽酥雞等小食，一定要試鹽酥雞，好食！

又在附近行完山五一一定要響應號召支持黃店元朗的黃店選擇極多每間黃店也需等位這間平民小店也不例外，店長是台灣人入座後每位送一支口罩抗菌噴霧手工高麗菜豬肉水餃 - $43水餃很多麻油醬汁另外配上醋椒麻雞扒飯 - $48份量非常之多，可不用加配小食也夠飽台式炸雞炸得非常爽脆，滿滿的調味粉很惹味還有蔬菜和半邊滷水蛋滷豬扒飯 - $50豬扒的件數很多，肉質不韌，滷得很入味肉燥飯跟餐的會另上蚵仔酥 - $32外形有點像鹽酥雞塊還以為你餅狀的逐粒炸起的感覺不錯，炸粉皮會較薄

台灣人開既黃店推介，滷味小食拼盤好有誠意，豬耳平時出面食都係全爽(明顯未滷夠時間，又冇話唔好食)，今日食完呢個就知原來可以外軟內爽，好欣賞🤣🤣🤣豆干，平時唔多鐘意，一般都係比較豆渣多好實下好鞋下，佢唔係喎!! 滑喎!! 豬手夠入味夠淋夠膠質，都唔錯!! 椒鹽小食拼盤都好唔錯… 地瓜條切得粗豪不吝嗇，椒鹽豆角這種食法我係第一次試，就是喜歡，食完碟底都冇油，二人同行兩碟小食做tea已經夠飽，我貪心，四碟仔，好飽，份量夠仲要唔貴!! 絕對性價比高!!

最近叫外賣多，由落單到送貨只係30分鐘速度都算快，入到屋份外賣仲係微暖🤤飯類用紙飯盒裝，相對環保之外亦都顯出小店嘅心思鹽酥雞飯 😋4.5/5一打開見到賣相唔錯有半隻滷水蛋粟米魯肉同埋菜，賣相吸引份量十足，主角鹽酥雞外層香脆，肉質軟熟嫩滑，調味適中唔會太鹹，推介👍客家鹹豬肉飯 😋3.5/5個飯一樣有半隻滷水蛋粟米魯肉同埋菜，主角鹹豬肉又唔算好鹹但係香料味比較重，同埋有層肥膏，食到一半覺得有啲膩椒鹽豬大腸 😋3/5滷水後加椒鹽調味的豬大腸，雖然係厚切不過食落軟身有嚼勁，味道還好，中規中矩。

—落單之後送到屋企半個鐘左右而且飯餸仲係暖 嗌外賣真係好方便台灣香腸飯($55)香腸醃漬後很入味 口感紥實有嚼勁配上生蒜一齊食 味道十分強烈 但總吸引人食下一口 但餘味久不散去🙈配料仲有粟米同菜 既豐富又能均衡飲食肉燥乾拌麵($45)跟香腸飯相比 看似沒有太多配料反而可以細嚐滷肉燥嘅功夫黏稠醬料中保留肉碎口感加了椒麻醬 令粗麵條格外惹味咁快送到嚟 下次可以試湯麵宜蘭蔥餡餅($12/3)餅皮半煎炸過 煙韌挺身灑上香料粉提味 小小一個 餡料不太飽滿 但有肉汁 勝在物有所值——————————————————古月聚台灣古早味美食元朗馬田路20-30B號安寧大廈地下2號舖

每次食 都好好食 keep 到水準 三寶牛肉湯麵 有 牛肋條 ，牛根 ，牛肚價錢: $72 + 手工水餃 $12 @5粒 牛肋條 好大舊 分量十足 啖啖肉 口感紮實 夠淋 唔會癡牙 好滿足 牛根又係 夠哂淋同入味 食落有少少 張住個 口好正 有一舊 有啲勁道牛肚 又係好夠味 完全冇任何異味 證明佢清洗得乾淨 鍾意佢切到細細條 方便咬 平時食開幼麵 但賣哂 就試下粗麵 粗麵 好有𡁻勁 麵條吸滿湯汁 食麵嘅時候麵條掛到少少湯汁一齊食好爽我貪得意 加左手工餃 3寶太好 手工餃顯得普通炭培烏龍茶好香炭火味 入口順滑 飲後口中 留有茶的香氣 可以一試

原本想食嘅戈間拉麵舖休店😭於是搵到附近嘅呢間黃店，一入到去裝修雖然簡陋，但有唔少支持香港的comment貼左係度，仲有台灣旗我叫左個滷豬軟骨飯，個豬軟骨比較鹹，但係好鍾意佢便當有晒唔同蔬菜，叫做飲食均衡啲，有菜粟米同蛋，個滷肉飯都幾好食，好有台灣先食到嘅味道但係我比較推薦男朋友叫嘅嗰碗台灣香腸飯，好香好好味，第一次試生蒜同台灣腸一齊食，本來以為生蒜會好「勤」，但係咁樣夾埋一齊食係超好食，腸會蓋過生蒜🧄嘅濃烈刺激味，又唔會剩係得腸嘅鹹同濟味，大家可以咁樣嘅食法～