古月聚台灣古早味美食 (已結業)

升級左肉燥飯做滷肉飯滷肉肥瘦比例岩岩好，唔會淨係得個肥字鹽酥雞嘅外層脆漿好簿，食落好脆口🤤咬落去質感好鬆化，味道唔錯👍而套餐內的蔬菜、粟米和蛋有一種均衡嘅感覺，唔會淨係多肉少菜.水餃牛肉麵嘅麵條係平時台灣食個種闊條麵，而且比較厚身，好有咬口😆水餃的份量有5粒，味道表現正常～

肉燥椒鹽雞扒便當、自製台灣香腸＋紅茶餐廳雖小但充滿地道台灣南部風味，播放著台灣的電視節目，仿似瞬間從元朗步進了台灣。餐牌上同樣是台灣地道的料理，今次先嚐試一下古早味便當。肉燥椒鹽雞扒便當• 份量相當足夠，除了本身的椒鹽雞扒，還附有清甜油麥菜、粟米和半顆鹵蛋。• 雞扒外層十分香脆、充滿椒鹽味，但是內層的肉質仍然保持香嫩，送飯一流！• 肉燥份量偏少了一點（近期豬肉價貴吧），味道方面也是台灣風味。自製台灣香腸• 香腸外皮香脆、富有肉香，夾著切片的蒜頭一同咀嚼，口感更加豐富。紅茶• 一貫台式地道口味，甜度剛好感覺有為香港人口味微調了。

好掛住正宗台灣菜！呢到仲要播住中視，好鬼正😚點解週末都無乜人懲罰！—————————————————🔹鹽酥雞肉燥飯便當 ($48) 〔跟餐 +$9 冬瓜茶 〕🔹鹽酥雞扒肉燥飯便當 ($48) 〔跟餐 +$9 炭培烏龍 〕..真係好似飯堂咁一格格！份量好大呀仲要啱哂食飯要有菜嘅小pin🥳！A菜、滷蛋、菜脯、鹽酥雞、肉燥飯另上，夠哂飽！鹽酥雞有成包小食嘅份量咁多，炸得好脆，漿粉又唔厚，咬落好嫩滑，近期係香港食過最正！表面沾滿椒鹽，入面都有醃過，好有夜市風味！正呀！😭肉燥係半肥瘦偏甜個種，唔會油膩勁餸飯，如果追求魯肉黏糯感，可以加錢轉魯肉飯！..注意呢到嘅飲品比較甜，台灣style 🤣 叫凍飲會比較好可以溝淡🤣🤣🤣下次再試魯肉飯先！仲有拌麵都好似好好食🍜！

超級超級推介呢間台式美食！我一路都幾鍾意食台式野，但香港嘅台式野着實麻麻，始終都會覺得台灣嘅最地道，而香港最普遍出名嘅X木令我唔太鍾意喺香港食台式野，但今日興致勃勃諗住黎試一試，點知有驚喜。首先點左一個紅燒肉燥飯，如果你鍾意食肥肉可以轉滷肉飯，但我就唔太鍾意肥肉，佢嘅肉操飯好啱我口味，肉燥份量亦啱啱好，以紅燒牛肉都幾高質，好嫩口。你叫咗一份炸花枝丸，因為都幾鍾意食花枝丸，所以就想試吓，其實喺台灣都冇食過呢個色等，但佢都幾有驚喜，另外會再想一試。另外亦都帶咗一份餃子，餃子都幾鮮味，配合醬汁搭配一流。仲有一個鹽酥雞翼，會建議下次叫返鹽酥雞，因為雞翼實在太多肉所以好似唔係幾夾做成鹽酥。總括來講超級推介可以試吓。只係一啲小店價錢亦親民。

好耐冇飛過台灣喇，唯有喺香港尋訪台灣古早味，止下食癮~~👍肉燥乾伴麵$39+椒鹽雞扒$12肉燥夠香，加埋椒麻醬，配幼麵一流。滷蛋夠入味，雞扒大大塊，勁香脆，略咸，好有台灣夜市風味。👍原味牛肉湯麵（牛展）$64+滷豬軟骨$12+凍古早味冬瓜茶$9牛肉湯清甜，牛展夠淋有牛味。豬軟骨有驚喜，又淋又入味。冬瓜茶甜度十足，似足台灣口味~原來小店仲有自家製台灣香腸，下次再試~ 溫馨提示：小店面積較細，冷氣唔係好夠，避開peak hours去會坐得舒適啲~

餐廳入面播台灣電視台，而且感覺好樸素同係台灣嘅小店餐廳係一樣嘅！賣嘅係最基本嘅台灣菜，鹽酥雞、肉操飯、滷味、牛肉麵，還有很多小吃炸物等等～是對台灣有情意結的人會想念的味道😆餐廳位於橫街位置，相信是熟客或是專程找才會來到。滷味拼盤 $40有豬手、豬耳、海帶，除了海帶可能較厚身不太入味，其他都滷得很入味，不過豬手不是入口即溶的感覺，是有「Q彈」口感喔～骨膠原滿分💯鹽酥雞 $28雞肉不會柴，外皮亦脆身，很好吃～炸物本來就是邪惡的肉燥飯 $30肉燥肥瘦肉各半，吃上不覺肥膩，感該滷了很久，那個汁跟飯絕配～還有半顆蛋～已經是回頭客了～想念台灣來這些小店較適合，始終除了賣的是食物還有人情味

Came here on a Friday night for dinner with the family. There are a few restaurants nearby all decently populated. This shop looks a little dingy but the don’t let the ambiance fool you. The food is pretty great. The fried chicken came out first — this was really hot and quite juicy. Just about as expected for what we ordered. It’s an extra for my noodles. This is the minced pork sauce with the thick cut noodles. The noodles were quite tasty and had a nice chew to it, but it was slightly bland a

今日放假，留在元朗，晚餐諗唔到食乜，經過呢間門口細細，睇落十分簡樸嘅台式食店。入到去店員全女班，令我有種媽媽嘅感覺，佢地一時廣東話一時普通話，聽口音都係台灣人嚟嘅。佢地嘅上菜嘅用具都好有家的感覺。我個人好喜歡食肉操飯，所以嗌左個滷水豬手肉操飯，上菜時估唔到係會有菜，有半隻滷蛋同一啲酸菜舖。肉操唔夠原來可以同店員講，佢會加俾你，呢個又係人情味😋絕對唔係公式化。豬手我覺得唔夠腍，毛都未刮乾淨，所以一般。但肉操夠味，送飯一流。男朋友嗌左個雞扒肉操飯，雞扒炸粉唔厚，個雞肉仲好滑好juicy，好味👍🏼飲品當然係冬瓜茶啦，我地嗌左一凍一溫，凍嘅甜度岩岩好，可能加左冰嘅關係，但溫果杯就比較甜，唔係好飲到冬瓜茶果陣味，得個甜字。總結，我覺得無論係嘢食定係店員俾你嘅感覺都係正宗台灣味道。

放假一支公遊元朗，新年期間少咗好多選擇，行咗差唔多1個鐘都諗唔到食乜。本住“隨心而行”既原則行到元朗劇院附近，見到呢間鋪就直接行咗入去。滷雞翼，就咁食都唔會話太鹹，但系成隻翼都有味，同埋好腍，d肉唔會黏骨。面既部分，湯底相對清淡，應該系自家製既。粗麵彈牙有咬口，唔會太軟。牛展入味就不在話下，重點一定系夠腍！額外叫咗份豬軟骨，好入味！同麵會好夾，而且軟骨既部分好脆。個人鐘意呢種口感，唔會太硬，又唔會腍到牛展咁。最後杯茉香奶茶，甜度適中，奶香味十足。加埋茉莉味完全無違和感，完美既配合搞到我飲咗2杯綜合評分：8.4/10可以一試既店，下次試埋佢d便當

寒風凜烈既一晚，黎到壽司之神。。。隔幾個舖位既古月聚🇹🇼古早味美食，第二次黎幫襯，打開趟門，係慈祥仁厚既白燈，中間一張長枱，左手兩排四人位，右手一排面璧坐，加埋應該30個位重點係，餐廳入面部電視係real time播緊台灣新聞🇹🇼唔係反智tvb👏👏 成個陣設本已經充滿中南部古早味，睇住台灣既新聞，話你知薑母鴨係唔會令醉😁 好似去咗台灣咁😛😛台灣點菜飛紙仔係常識🤞鹽酥雞🐣，三寶牛肉湯麵🐂滷水拼盤，蚵仔酥，我突然明白到原來中文好簡單，終於個嘢食名唔係咁：美國三寶安格斯醬爆牛肉濃厚豬骨湯拉麵😝😝鹽酥雞，鮮炸上枱，薄妝小粉，咬落去有肉汁，唔係乾爭爭💪 同係夜市食既高汁鹽酥雞係同檔次👏👏三寶牛肉麵，有牛展🐄，牛筋🐃，牛肚🐂，牛肚薄切近絲，唔知係特色定乜，佢唔興切斷，玩藕斷絲連😮，牛展，牛筋夠淋入味，牛肉湯底無味精，麵條扁平唔黏，簡潔係牛肉麵既評價👍蚵仔酥原來係炸嘢😍😍一蝶炸蠔有大有小，但粒粒都juicy, 好想知佢係邊度拿貨😕 唔通係tvb叫人生食既流浮山蠔？滷水拼盤，有點小，豬腳，豬耳，海帶，算係入味，👌下次要試其他小食😁台式古早味，要既唔係法式既驚艷🎊✨，亦無日式精緻🎎🎏，更加貼近客家菜既咸

有時都想一個人隨便搵間鋪頭食飯。 今日喺元朗做完嘢嘅時候去咗呢間古月聚台灣古早味美食。 見過名好似幾有心思咁就試下。台式食品通常款式都唔太多。 我通常都會叫返我嘅例牌就係肉燥飯。 呢度嘅肉燥飯30蚊都唔使，認真平。 呢個價錢食飯飯已經係好少地方可以搵到。 另外仲叫咗個鹵水豆腐冷盤。滷肉飯嗰碗飯就幾大碗，好多飯 但係上面嘅肉燥就好少， 汁亦唔夠多。 肉燥部分肉碎唔多，配料比例比較多。 隻鹵蛋上還可以都幾入味，唔太硬。 啲飯就好一般，比較乾身冇煙韌嘅感覺。 鹵水豆腐就ok， 都算滑，分量夠多。 豆腐都入味。雖然食物嘅味道唔算特別出眾， 但以呢個價錢嚟講cp值都算係咁。

上網睇話佢好有台灣味道，黎開附近就去試試。叫左肉燥乾拌麵，加鹽酥雞同埋麥香奶茶，要60蚊，唔算話好抵。拌麵同鹽酥雞既份量很多，最後食唔曬。肉燥味道幾好又唔油膩。麵有粗幼選擇，我選粗麵可以沾多啲肉燥😋鹽酥雞很脆但略嫌唔夠香，最大既問題係隻滷蛋，真的大咸了，像咸蛋一樣沒有滷水味道。麥香奶茶味道正常冇乜特別，如果可以提供更多款式既奶茶就好了。希望佢既滷蛋會有改善，下次想試下佢既自製香腸。

抱歉，只有兩張相片，電話剛巧沒電！在香港，很少會選擇台灣菜，因為感覺不對，味道不對，抱著隨便的心，沒想到今晚，意料之外！點菜要說國語，電視在看東森，飯菜是肉燥飯、肉菜青菜，鹵水拼盤（海帶、豬耳、豬腳)，冬瓜茶。對，飯菜名字都是很台灣，味道就不用說了。偶爾聽到老闆在跟客人寒喧，都是在說台灣事，客人走了，問候一句：「食飽了嗎？」我們做人就是簡單一點，食飽就好！常常忘記。平行時空，關上門，感覺就在台南小店吃了一頓滿足的晚飯，很開心😃

都係元朗掃街日食到既台式小店，係其他人食評見到佢有香港製台式香腸所以黎到一試今次叫左三個小食一齊試下～一黎第一個當然係台式香腸，佢比平時食既感覺實淨啲同冇咁油，可能係配合左香港人既口味，所以好岩我既胃口，由其配埋生蒜片，好香口好味，我地因爲太鍾意蒜片，所以問老闆比多啲我地去送香腸，點得切左成碟比我地，好開心呀！之後到有真花枝既花枝丸，每粒炸到金黃色入面仲粒粒都有花枝’片‘係到，真材實料，口感彈牙係其中一個推介！可惜最後既鹽酥雞比較乾，好彩味道都調味適中～總括黎講呢到台式小食整體水準都唔差，喜歡香口野既朋友可以黎到呢到試一試佢。最後要一提既係其實我地三個人都擔心黎到淨係叫小食會唔會唔係咁好，不過老闆都冇話我地仲好好服務，值得一讚

星期六下午想食台灣野，渣車去元朗食呢間古月聚。門口路邊唔係禁區， 可是暫時泊係路邊。門面細唔覺眼，轉左個圈先搵得到，感覺有點似大排檔。裝修麻麻地，座椅普通，還好有風扇加冷氣，都算凍，睇落環境都乾乾淨淨，其他優點就不多了。店員來到講國語，相信係台灣人，不過都識講一點廣東話。牆上貼住的廣告有大腸包小腸，點知原來根本無提供，比較失望。menu 有點樣衰只好叫了一個小食拼盤，麻椒魯肉飯。味道可以，不過不失，價錢不貴。