影片
以上资料只供参考，请与餐厅确认详情
今日经过元朗行街，想试吓古早味台式野。 同埋💛店 想支持下。👅食评：🌟肉燥干拌面 （另加盐酥鸡+卤水猪脚）盐酥鸡： 食落好香脆， 盐酥味好出，肉质滑身，但偏细旧。卤水猪脚： 猪脚淋身，卤水相对都好入味肉燥干拌面 ：肉燥味道好浓但份量偏小， 面质相对有口感。但捞埋一齐食比较清淡。🌟红烧牛肉面红烧牛肉好淋，口感唔错。但汤底都比较清淡，令到牛肉味唔出。 🌟台式冬瓜茶冬瓜味香甜 好解口～整体黎讲🍽～店内环境都舒服，充满台湾古早味特色。 特别系饮台式冬瓜茶同盐酥鸡，不错👍🏻。
继续阅读
今晚同家人于外卖平台考虑食边间，咁啱见到古月聚有优惠，记得大约一个月前食过一次唔差 (但上次无写食评)，决定再帮衬多一次，同时亦可以写番个食评分享俾元朗街坊。家人叫咗个三宝牛肉拉面，今次先睇到原来餐厅系标榜唔用味精及鸡粉，而我就叫咗个鸡扒饭，再加咗几样小食包括椒盐四季豆，地瓜条，仲有贡丸汤。先讲家人的牛肉面，好味同埋都牛肉份量都算多，而牛肚亦唔韧，个汤亦唔油腻，究竟是否真正无用味精及鸡粉就唔知，不过个汤面确实系几好食。而我的鸡扒饭，虽然无特别惊喜，不过味道及份量都令我满意。几款小食都唔错，尤其系个地瓜条炸得好味，四季豆今次无上次咁好味。贡丸汤有4粒，味道就一般。写食评先见到原来古月聚都有唔少负评，以一个经常帮衬唔同餐厅外卖的忠实元朗街坊，希望分享呢两次帮衬古月聚的经验俾大家以作参考。
继续阅读
本来试食过一次卤肉饭 已经感觉质素参差，谂住小店偶尔一次失手☺️今日经过小店谂住俾多次机会，试试红烧牛肉面 。本来价钱已经唔平，一个面餐嘅价钱有其他更好嘅选择。估唔到食物质素可以如此差劣🧐 红烧牛肉面汤底全部系红油，得个辣味，好似食紧猪油落肚。完全冇用心烹调过牛肉面汤底，希望店主可以好好学习一下研究食谱何谓牛肉面。食食吓面仲食到有百洁布碎，卫生完全好有问题。基本嘅食物水准都未能够达到，嚟元朗嘅朋友唔需要浪费时间帮衬呢间食店。
继续阅读
早前从宝琳远道而来大西北，元朗国朋友带咗我去大水渠附近嘅古月聚食台湾嘢，环境唔算好精致，但系价钱亲民，食物味道都唔错👍🏻🥣药膳排骨炖汤 $56店家首推！汤底饮得出有药膳香，浓郁得恰到好处，而且有啲甜甜哋，排骨都入味👍🏻🍚卤肉饭 $33望落细细碗饭，但其实有好多粟米同埋切得算系几大粒嘅鲁肉，呢啲粒粒口感再加埋鲁肉汁捞饭，完全系台湾嘅感觉😌🌭原味大肠包小肠 $38见到呢个一定要点啦，因为真系好挂住台湾嘅夜市！大大碌惹味又香口嘅香肠，配上糯米饭上面嘅香蒜同埋特制酱汁，甜甜哋好开胃😍❤️原味台湾香肠 $30朋友表示食过呢个台湾香肠好好食，又系㖞！呢个台湾香肠煎得好香口，仲要切成咁多细片拼埋生蒜片食，神奇地去除咗𠮶种油腻感🙀🧡甜不辣 $22呢样又系去台湾食店先会食到嘅嘢！卖相简单好看，食落烟烟韧韧、好有口感，加埋个泰式甜辣酱？！又一令人食过返寻味嘅小食🤟🏻
继续阅读
老板走左之后第一次再食，食物味道同佢仲系到个时系唔同咗，今次叫左个盐酥鸡饭，啲鸡改咗味到，食到有少少芥末味盐酥味唔重，但鸡肉系ok嘅，豪大大个味会好味啲，肉燥都大不如前 味道淡咗同好稀，冇之前咁干身。
继续阅读