古月聚台灣古早味美食 (已結業)

今晚同家人於外賣平台考慮食邊間，咁啱見到古月聚有優惠，記得大約一個月前食過一次唔差 (但上次無寫食評)，決定再幫襯多一次，同時亦可以寫番個食評分享俾元朗街坊。家人叫咗個三寶牛肉拉麵，今次先睇到原來餐廳係標榜唔用味精及雞粉，而我就叫咗個雞扒飯，再加咗幾樣小食包括椒鹽四季豆，地瓜條，仲有貢丸湯。先講家人的牛肉麵，好味同埋都牛肉份量都算多，而牛肚亦唔韌，個湯亦唔油膩，究竟是否真正無用味精及雞粉就唔知，不過個湯麵確實係幾好食。而我的雞扒飯，雖然無特別驚喜，不過味道及份量都令我滿意。幾款小食都唔錯，尤其係個地瓜條炸得好味，四季豆今次無上次咁好味。貢丸湯有4粒，味道就一般。寫食評先見到原來古月聚都有唔少負評，以一個經常幫襯唔同餐廳外賣的忠實元朗街坊，希望分享呢兩次幫襯古月聚的經驗俾大家以作參考。