古早味休閒台灣 (已結業)

之前同朋友嚟過食午餐， 覺得唔錯！ 所以今晚就特地嚟試吓佢哋嘅晚餐。我地叫咗《酥炸鹽酥雞》 雞炸得唔錯， 香脆可口；《台式滷水拼盤》滷得好入味， 大腸清洗得好乾淨，一點騷味都無；豬耳爽脆。《大雞扒滷肉飯》雞扒都好大塊，滷肉正宗。《估早味番茄牛肉湯麵》湯頭好濃郁， 牛輾煮得好琳， 麵好有口感！食完主菜，好想試下佢地D甜品；《草莓窩夫配雪糕》熱辣辣嘅窩夫配上雪糕味道好配，窩夫外脆內軟，正！！！《酥皮棒棒泡芙》好有驚喜， 酥皮香脆， 奶油好滑。 《手工綜合芋圓》芋圓QQ好好味，好正宗！ 整體覺得午餐底食D，不過晚餐都算唔錯！

成年都冇去過台灣，有啲掛住台灣嘅味道，所以就去咗呢一間人氣幾高嘅古早味食晚飯😂😂我哋幾個就叫咗一個豬軟骨滷肉飯，一碗番茄牛肉麵，一份鹽酥雞同埋一個拼盤！拼盤可以揀三款，我哋揀咗豬腸，五花腩同埋豬耳，睇顏色都知道好入味，同埋五花腩都好淋好好食呀！鹽酥雞就普通啦😂豬軟骨滷肉飯好大碗，而且豬軟骨嘅味道唔錯。蕃茄牛肉麵有三大件牛肉，但係湯底好似冇乜蕃茄味，只係有啲番茄粒，所以好似同普通牛肉麵差唔多，下次可以叫返牛肉麵，不過牛肉炆得好好食好入味！最後見到有刈包，所以就加多咗個花枝蝦餅刈包，估唔到一熱一脆嘅感覺係咁好食，而且熱辣辣蝦餅真係好彈牙

今日同朋友去完旺角，朋友話想食台灣野，一搜尋之下見到呢間台灣野好似幾正，所以馬上去試一試。 一行入去，裝修真係幾有台灣特色，仲有特色壁畫，打卡一流！ 然後講下野食啦～台灣野食點可以唔叫牛肉面？呢隻面質類似山西刀削面，係厚長身，湯底濃郁，而牛肉都幾鮮嫩，唔會成舊肉咁。都幾值得推薦！ 另外亦叫左唔少小食！！一個係炸蝦餅，非常香口亦有蝦味，一咬落去仲有一大粒蝦仁～超滿足啊！ 另外仲叫左椒鹽豆腐！豆腐非常滑，但外面炸得金黃香脆，仲有唔少香料，好食！ 台灣小食點少得手抓餅！手抓餅都幾大份，仲煎得好香口，唔洗叫第２個主食都非常足夠～ 我地仲叫左黑糖雞翼，如果喜歡黑糖既朋友有福了～因為真係好香既黑糖甜味，雞翼亦香嫩。 食完所有主食同小食，當然唔少得甜品啦～我地就叫左什錦芋圓！！底下仲有仙草同珍珠～真係抵食又正！！ 食咁多野兩個人都係二百零蚊，真係超抵食啊～～下次黎旺角想食台灣野一定會再黎~

想食旺角呢一間古早味好耐 見到佢有tea set都幾抵食我哋三個人每人叫咗一個餐每個餐都會跟個三小碟小食拼盤同埋$18以下嘅飲品豬軟骨滷肉飯($４８) ＋鹽酥雞小食(+$１８)滷肉用咗半肥瘦肉 味道同我之前喺台灣食都幾非常相似 而且佢好夠汁 撈飯一流鹽酥雞味道正常冇咩大驚喜 略嫌唔夠脆嘉義雞肉飯($４８)雞肉用上雞胸 稍微乾 面頭淋上雞油同乾蔥油係 兩者撈埋一齊可以中和 但係味道頗清淡 不過我個人係幾喜歡食‘鞋’身既雞肉 所以我覺得幾好古早味牛三寶麵 (＄48)＋宜蘭蔥餡餅(＋＄１４)三寶麵裏面係會有牛肚牛筋牛展 我湯底味道濃郁 係一般台式牛肉麵嘅湯底 闊面質地Q彈 牛展軟硬度適中 整體都唔錯蔥餅略嫌有啲油 有啲似小籠包嘅感覺但係裏面滿滿都是蔥 幾香最後我哋三個都係叫咗珍珠奶茶 奶味同埋茶味比例係茶偏重 奶唔夠香 不過依一間食店裏面附送嘅飲品來講已經好唔錯 珍珠亦都好QQ 不會軟爛真係我認為非常之抵食 以少少嘅價錢可以食到好多款式嘅食物 啱晒我哋香港人胃口細得來又貪心想食多幾款野嘅心態

很久沒有食台灣菜了，今次就嚟咗旺角呢間試下，同朋友兩人喺晚飯時間入座，因為夜晚都好多人食，所以需要同人搭枱。我地叫咗古早味牛肉麵鹽酥雞同埋麻辣拼盤個人認為佢嘅性價比高，味道好好食，而且價錢亦都不貴。同埋佢嘅份量都多，我哋兩個人吗左3樣加一個甜品-桂花釀丸子。原先我地都有叫咗佢嘅招牌芋圓，但係我地等咗廿分鐘都未見有，問侍應原來漏單未整。因為嗰陣時我哋已經食曬所有嘢，都飽喇所以就取消芋圓。呢間台灣菜係好食嘅，下次會再去試。

今日瞓到好晏先起身起身，之後就諗住出旺角行吓但未食嘢所以就決定咗去食嘢先，所以嗰個時間都好早5:45，去咗呢間食台灣野嘅間台灣野係OpenRice度搵嘅係女人街頭第一間，都幾易搵，餐廳就係樓上嘅行樓梯上去嘅時候，見到呢幅牆幾靚，台灣feel上到去都已經有幾枱客都啱嘅如果再晏d晚餐時間食嘅話，就應該越嚟越多人要等位或者要book枱先來左嘅係嘢飲，我叫咗珍珠奶茶（可以走冰岩哂我）朋友叫左炭燒烏龍奶茶珍珠奶茶，茶味重過奶味，又唔會太甜我覺得幾好飲，珍珠都係有咬口果隻（有d好淋軟身既我唔鐘意食～）之後來嘅即係叫，五味透抽，其實係我朋友嗌～聽個名我都未知係乜嘢，見到我先至係魷魚～原來係冷盤嚟㗎，食落去係凍嘅，雖然有啲辣椒都係唔辣個喎，厚切啲魷魚片，好爽口味道好match～我幾鐘意食～再嚟就係台灣蚵仔煎～同台灣有啲唔同係佢唔會好似台灣咁一pat嘢爛身既～入面都好多蚵仔～再嚟就叫咗一個撈嘅台灣牛肉麵， 我平時食湯既牛肉麵多， 所以想揀撈麵試吓，面可以選擇粗麵或者幼面，咁我哋就揀咗粗麵有肉加埋軟骨， 軟骨係可以食嘅，易咬同埋都爽爽地，肉都到好入味夾開啲肉下便都有好多魯肉～最後嚟嘅就係阿給～想食好耐㗎啦

之前同朋友一直都係食開其他台式餐聽，今次係旺角行街行到攰見到呢間古早味台式休閒餐廳，就決定入去試下啦!餐廳裝修雖然唔算非常寬敞，但尚算坐得舒服，光線明亮，加上長期播放台灣歌曲，有少少去左台灣cafe 嘅感覺。lunch set 選擇豐富，價格雖不算非常親民但叫可接受。首先叫左第一個lunch set, 古早味牛肉牛筋麵，餐廳用左台式粗麵，麵身較厚且彈牙，亦可吸收多啲湯汁。湯底方面頗濃厚，牛筋亦做到入口即溶而不韌，唯獨牛肉略嫌煮得有少少過老，不夠嫩滑。第二道主菜為豬軟骨滷肉飯，用上珍珠米，滷肉亦有採用肥豬肉，豬軟骨煮得啱啱好唔會鞋身。除套餐付上嘅海帶湯比想像中清新，唔會過鹹。餐飲揀左炭燒烏龍以及珍住奶綠，都係選擇半糖少冰，飲得出真係用左茶業黎做茶底，不錯👍🏻最後每人都係食左七十蚊左右。

昨晚在 油麻地 返學，放學順便約朋友 在旺角一齊食晚餐， 經過一間 樓梯 畫了很多畫作的台灣食店，心 被吸引， 見很多人在排隊,也想一試，很不容易才等到兩個位置， 餐牌有很多選擇，最後 我們選擇了一個魯肉飯, 炸蝦餅， 鹵水拼盤， 珍珠奶綠和芋頭奶綠， 滷肉十分入味， 飯也很軟熟， 炸蝦餅十分鬆脆很有蝦味， 鹵水拼盤我選擇了豬大腸 、豬肚 和鹵水雞翼， 三樣都 鹵得很入味， 豬大腸和豬肚也很彈牙， 還有那杯珍珠奶綠， 我朋友說 有 點驚喜，因為裏面有焦糖味的， 可以 改 半糖， 而我那杯香芋奶綠， 我叫了少甜少冰， 味道十分清新， 很清香可口的， 畀我平時在外面 飲過的更好味， 這裏上菜的效率也很高， 不用等得太耐 就有得食了， 最重要不用限時, 我和朋友傾足三小時都沒有人打擾, 這餐我們食了$222， 價錢都算合理,不算太貴吧!

上星期同朋友係happy friday呢日出左黎食晚飯，朋友話試過銅鑼灣個間古早味,覺得佢okay.. 見旺角都有呢間，我地就決定試埋佢旺角店。佢既食物價錢定價唔高，食落有驚喜，性價比高。我地order左花枝餅、老水拼盤、蠔餅，雞飯同紅豆餅(哈哈，見d爺食唔係太貴就叫咗好多嘢食。)我最鍾意食佢個花枝餅。 佢 炸得好脆，而且有啲花之好好咬口。 非常推介大家去試下。 第二鍾意嘅 係咪個鹵水拼盤。 我哋叫咗雞翼 豬肚 同埋滷水蛋。 每人都幾好食喎。 最唔鍾意食 佢個紅豆餅， 佢個皮好厚， 亦都冇乜紅豆味。 同我想像中 有少少出入。講完食物，就講一講佢個餐牌。估唔到佢除咗食台灣野仲有得打邊爐，天氣凍嘅話都想試一試。 另外，當日亦都有好多新 菜式。 一句講曬：佢有好多嘢食

見到食評ok試一次 !! 今次又中伏。Zero star !! 感覺上好評唔真實 , 我誠心希望大家唔好試，古早牛肉麵湯底唔好味，湯怪怪似藥膳，又苦。唔係台式紅燒牛肉麵。飲品唔好飲，似整定好多，唔係即整既，太甜。小食：鹽酥雞勁乾，好難食。怪自己太有好奇心，以後唔會再食。滷肉飯0分，我見隔離食左小小就走左，味道同出面比起再差D，好少肉。佢個炒飯就咁有幾粒腸仔，好寒酸。食過一次一定唔會返轉頭，其實有心做，一定唔係咁，就算俾錢派傳單，人地食過一次唔會再試，低成本都冇用。

今日喺旺角同朋友行街，見到呢一度嘅樓上鋪有一間台式餐廳，所以我哋就嚟咗試吓啦😆😆😆環境：呢個因為位處2樓，所以坐窗邊位嘅時候其實係可以望到街外面嘅風景，錯落其實都幾寫意㗎 ！喂喂之間其實都唔會好迫，店舖入面嘅環境亦都好闊落，好適合同朋友坐喺度傾吓計飲吓嘢。食物：今次同朋友叫咗一個牛肉麵，一個雞扒面，同埋一個手抓餅。朋友叫嘅牛肉麵好濃味， 牛肉亦都好林身，好重牛肉嘅香味。而佢執邊嘅配菜有雞腎，有啲微辣。而我叫嘅雞扒面雞扒好嫩滑，不過冇想像中咁厚身。而我哋兩個面亦都係粗麵嚟嘅，麵條有咬口，但係可以煮得林翻啲。雞扒面嘅湯底比較淡，但係加上提供嘅配菜以及雞扒味道就啱啱好！ ！而呢度嘅手抓餅亦都做得唔錯，而且仲做緊半價，$14就已經食到，性價比都算高！

見到open rice 介紹呢間餐廳，今日特登經過試一試！其實除左個麵，其餘既都算唔錯既，不過個麵真係不是我杯茶。I am so sorry!大家一望我嘅標題，就知道呢間餐廳既牛肉麵非常有「特色」，一黎個湯就好大浸跌打酒味。入口非常古怪！個麵個麵質又非常之硬！好似食緊香口膠！可能係我唔好彩⋯真心覺得唔ok... very bad!不過滷肉飯，炸蝦餅係不錯既！大家可以try try!不過千祈唔好嗌牛肉麵!並不是想像中的味道！古怪！

放假同姐姐去咗旺角行街shopping行到咁上下兩姊妹就嚟咗呢度依肚了呢度環境好大坐得夠舒服好吸引嘅芋圓章魚炸蝦餅蝦餅好彈牙加咗章魚多咗咬口熱辣辣好好味椒鹽豆腐椒鹽好惹味唔會過咸外面炸得香脆但𥚃面d豆腐仲係好嫩滑豬軟骨魯肉飯d豬軟骨煮得好入味呀肉質淋軟而且d魯肉亦都肥瘦適中油脂味好香八角味頗重d肉汁索曬落d飯度好好食成碗飯比我同姐姐秒清咗芋圓好靚呀裡面有緣豆、涼粉、紅豆、珍珠同刨冰好豐富芋圓口感夠Q、加埋其他配料食好香甜下次會試下佢地個芋香蛋卷

今日黎到旺角古早味食下午茶，一去到門口就知無黎錯地方。大大個舖頭名，有啲古味嘅壁畫。下午茶餐牌嘅選擇同配搭都幾多，仲可以半價享用小食，相當唔錯。古早味牛三寶麵（$48）配料有牛腱，牛筋，金錢肚同少許蔬菜(紅蘿蔔同大白菜)。先講湯底，一入口就有台灣麵應有嘅藥材味道，又唔會太咸，不錯。麵係粗嘅刀削麵，彈牙，掛湯，每口都有湯味。牛腱厚切大大舊，牛筋同金錢肚都炆得入味。紅燒豬軟骨麵（$48）湯底同面都同牛三寶麵一樣，而豬軟骨都係大舊又有咬口，又入味。酥炸鹽酥雞（小食+$19）炸皮薄，雞唔油，保持juicy👍炸花枝丸（小食+$19）大粒，彈牙，高質🤗餐飲要左凍胚牙奶茶同奶蓋珍珠咖啡。凍胚牙奶茶充滿胚牙，茶味適中。下午茶平均70蚊有齊前菜，台灣麵，小食同野飲，抵食！

前兩天突然想起很想吃芋圓。不是很多甜品店有芋圓吃，今天去了是一間旺角鬧市中的台灣餐廳古早味。餐廳價格算是平民貼地。這餐廳在閣樓，座位寬敞，燈光也很柔和，我們選了一張卡位坐下。先來了一個古早味牛肉麵，牛展的火候非常充足，所以比較淋和入味。而他的台灣粗麵彈牙，湯底濃郁。這個大雞扒滷肉飯，滷肉非常多，炸雞扒也嫩多汁不會很乾，味道不會太濃，沒有口乾的感覺。白桃西柚水果茶，用綠茶做茶底，茶味不會非常濃，還能帶出水果的鮮味，杯底還有很多椰果和原片水果。最後我們點了最想吃的芋圓，刨冰底珍珠綠豆紅豆涼粉加上芋圓。口感一流。芋圓很彈牙，加上其他配料，滿足了我吃芋圓的心願。