古今二 (荃灣千色匯I) (已結業)

今日經過荃灣千色滙，聽講有間唔錯既日式餐廳，於是去拜會一下先😋薯片夾創意卷物 有新意！鰻魚同天婦羅炸蝦既配答以及芝士醬以及紫菜卷起，加左少少薯片碎，味道調配得唔錯，接過一口再一口芝麻雞翼，非常出色，炸醬做好好，很鬆脆，雞肉卻又出期嫩滑，好味芝士年糕，有兩件，內裏芝士醬是流心款式，唔道正常，軟糯QQ既感覺。最後豚肉泡菜鍋，泡菜可隨個人喜好拌勻，鍋面滿佈豚肉，蔬菜嘅份量都好充足，娃娃菜差點食唔晒！有豆腐同菇類。午餐亦有抵食定食，下次一定再來幫襯。環境舒適寛敞，上菜速度都算快。總括餐廳有好多選擇，整體份量都算大份。有別傳統新派日式料理, 有好多得意既日式卷物，名字亦都好有趣，煙花、午夜牛郎、仲有火山，都好吸引，可惜只得兩丁友。如果多人可以試多d唔同款式手卷😋

荃灣分店店員服務態度非常惡劣當時冇位但是職員沒有安排如何等候，第一印象非常差沒有理會等候的客人只係說了一聲冇位就算要拎飛還是就咁企在等候都沒有講一聲還要走開無視我們

火山 $128好好食嘅卷物😆😋上面有蟹柳絲，不過壽司就係普通壽司嗰種🤔但上面仲有唔少調味同配料，所以味道都唔錯嘅！之後就叫咗個沙律🥗我就覺得$98來講比較貴🥹🥹🥹因為入面都係得柚子，少少蝦同埋海蜇，但味道都好清新好開胃，但價錢就有少少進取，味道係的確可以嘅🙆🏻‍♀️櫻花蝦茄子燒 $68黑豚豬須肉串燒(1串)反而串燒就做得幾好啦🙆🏻‍♀️👍🏻味道都唔錯，不過如果可以食多幾串就好啦😆😆😆黑豚荔枝卷串燒呢一款更加好味鍾意❤️佢因為豚肉比較肥膩，加咗荔枝中和返個味道，所以食落去好清新！！

今日清明節，拜完山就去搵嘢食！千色匯好多餐廳選擇，見喱間坐滿人，應該唔會伏，所以就直接入咗呢間餐廳！雖然今日係假期，不過仍然有午餐選擇！叫咗一個$72仙台牛舌煎定食，加咗$18要兩件芝士年糕，一份$128火山壽司同一份$98柚子蝦沙律，一杯跟餐凍檸茶！沙律好大份，足夠四個人食，最特別係有中華沙律，柚子冇榨，牛油果蕃茄夠新鮮！10分推介！火山卷係店鋪推介，果然冇失望，有火睇有嘢食，真係視覺享受！而且成舊壽司係暖既，適合唔食生冷嘢嘅老人家！嚟到牛舌定食，牛舌切粒，容易入口，牛味濃，啱晒鍾意食牛嘅我！芝士年糕脆口，一定要趁熱食！估唔到日本餐廳都有凍檸茶，檸檬夠新鮮，茶底夠濃！值得一試！整體嚟講，價錢跟環境，食物質素成正比！

荃灣千色滙古今二坐低睇吓menu 好多款式既日本菜。特色卷物好有特色。等我叫番兩款食吓先。柚想蝦你沙律只聽個名都好有創意😆沙律有好多料，柚子同蝦當然會有啦！唔係點柚想蝦你🤣仲有車厘茄、海草、牛油果、蟹子、蘋果、沙律菜。撈勻嚟食味道清新好醒胃😋煙花配超級龍卷風煙花辣味三文魚同辣味吞拿魚再加咗啲芝士食得出係好惹味既細卷超級龍卷風有鰻魚、海老、芝士、青瓜同脆片卷物真係好似龍卷風咁卷呀卷。入口感覺外脆內軟好食😋吉列廣島蠔新鮮炸起食落啖啖蠔肉正呀。

想食幾次都好多人排隊 果然lunch會少人啲!就咁睇menu卷物好似最吸引✨ 仲有好多牛油果…🤭兩種卷物都有8件 每樣都好有特色 金龍卷入面嘅炸蝦一啲都唔油膩之餘又夠脆口 成件事升華咗好多🥰 至於沙律有柚子汁soo fresh!不過甜蝦得4條有啲瑟縮一角嘅feel 是關個沙律都大兜😗🤣本身胃口麻麻 沙律岩曬我hehe 火山卷入面係鰻魚 本身我都麻麻鰻魚但都覺得唔錯 不過鰻魚控就可以一戰🤪 咁多款卷物都未食得晒 唯有下次再嚟過🤎

今次係荃灣搵野食，突然見到古今二 !! 決定即刻去食呢間，早前係觀塘食完呢間就念念不忘❤️‍🔥 今次發現佢荃灣都開左分店，一於試埋佢😎🌀龍捲風沙律 $76呢個一睇就知係創意料理🥸入面有中華沙律、生菜、海藻、蟹籽、蟹柳、脆片，再加埋個特製醬汁，惹味開胃😳而且入面嘅脆片令到口感好豐富，又香口。仲要係二人份量，份量十足！🕷️蜘蛛 $96 材料有炸軟殼蟹、青瓜、牛油果、蟹籽、蟹柳🤩 軟殼蟹好大隻，食落好脆口！加上牛油果🥑同青瓜嘅配料，可以減低油膩感，同時亦都可以增加口感🥰🍣金龍卷 $98呢個卷物主要材料有芝士、炸蝦、三文魚，真係好食到唔停得口🤩 食落外軟內脆，正！必食！推介！🍢日式章魚小丸子 $48 （6粒）呢個係由章魚、麵粉、蛋、調味料等製成嘅小丸子，外皮酥脆，內裡鬆軟多汁，口感好好味🤤 而加埋芥末、沙律醬等等，就更吸引！🍗雞軟骨棒 $48（2件）雞軟骨棒係一種低脂肪低卡路里嘅小食，適合健康飲食嘅人士食用☺️咬落去入邊真係有啲軟骨喺度，口感唔錯👍總括而言 (5個💜係最高)好味指數 : 💜💜💜💜🤍服務態度 : 💜💜💜💜🤍環境打卡 : 💜💜💜💜🤍回頭指數 : 💜💜💜💜🤍📍古今二 🏢荃灣眾安街68號荃灣

在荃灣千色匯找餐廳途中見到古今二，我記得之前肥仔有介紹過這餐廳，雖然地點不同，但同一間餐廳應該不錯於是試試。柚想蝦你沙律 有柚子肉、蟹子、牛油果和沙律菜，份量十足又新鮮，不過甜蝦份量有點小。煙花辣味三文魚和辣味吞拿魚，圖片是三文魚片和吞拿魚片，但來到卻是魚蓉，不是不好但有落差。 火山 沒想到“火山”原來是會著火的火山，職員點起火槍，令旁邊的火焰圍繞著這款菜式！好適合打卡嘅一道菜，上面鋪咗滿滿嘅帶子，蟹柳，牛油果和青瓜。不過帶子份量有點小。如果喜歡食蟹柳一定會很喜歡這個菜式。 雞泡魚乾燒得少少焦帶到雞泡魚乾香氣，而且味道甜甜的，是不錯的小吃。鹿兒島黑豚荔枝卷串燒外層的豚肉鹹香美味，又不會過於油膩，清香的荔枝香甜清新，大大減低油膩感。

叫左個蒜蓉燒粟米，一個字，差！個粟米同自己烚無分別，好係煲湯煲淨咁。同menu 張圖差天共地。仲有完全冇任何調味，切粟米嗰個人唔知係咪盲咗，好似冇切過咁，切咗少少就當切咗，唔會再幫襯！

一直都好鍾意食卷物，呢個卷物盛簡直一次過滿足我四個願望，岩曬多心既我$98 午市套餐，連餐湯加飲品，值錢黎講都算係咁，自選卷物選左「火山」一大堆蟹柳山，好澎湃，正呀

荃灣人氣居酒屋🏮Menu 有多款Fusion卷物，試極都仲有好多款口味仲未食過😂已經食過再食了😋😋😋而且餐廳非常之有格調，約會一流～蜘蛛 有青瓜、蟹柳、牛油果同軟殼蟹🦀炸得好香脆，食落幾清新～煙花 有辣味三文魚、辣味吞拿魚同脆片，每舊都堆到成座山咁，加埋脆片爽爽地好有口感😋黑豚豬頸肉串燒 串燒黎講都好出色😍肉味好濃，而且燒好仲熱辣辣！不過份量就唔係幾夠了🥺柚子兵衛柚子味幾濃，入口幾好👍🏻

同朋友喺荃灣行行吓街想食下午茶😃喺日式創意卷物小店千色匯見到有唔同嘅新舖頭。見到呢間舖頭<古今二>裝飾簡約朋友又想食壽司所以就試下😋Menu花多眼亂，但係我哋又唔係太餓。所以冇叫套餐。喺牆上面見到推薦嘅菜式好似好吸引😍首先叫咗個沙律食。沙律勁大兜🤣超級足料，搞到越食越開胃🤣叫咗個火山!初時以為係個外型好似山咁所以叫火山🌋點知有驚喜😍😍😍上菜嘅時候，時候店員拎埋火槍過嚟，原來碟邊會點火🤩😍超級吸晴😋其他台嘅客人都望晒過嚟😌😌壽司叫咗煙火係辣味三文魚同辣味吞拿魚😋上面加咗啲蟹子味道好夾。仲叫左章魚小丸子。即叫即整😙新鮮熱辣！唔會好冧😚10分滿意嘅下午茶! 環境舒服靜靜地同朋友傾偈都唔錯👍🏻👍🏻👍🏻原來荃灣觀塘尖沙咀都有分店!下次再同朋友嚟試吓其他套餐先!

今日想食日本野。上網搵下見依間都幾多好評就試試佢啦。叫左個「柚想蝦你沙律」。一上枱嘩左一聲，勁大盤，沙律面頭勁多蟹籽同甜蝦，加上仲有粒粒新鮮柚子果肉，併埋柚子汁，麻醬，口味好清新好開胃。柚子亦唔會酸，但有淡淡既香味，令人勁開胃呀！「金龍卷」入需有炸蝦同芝士，面頭有三文魚加旦黃醬，甜甜地。入面脆面頭軟，口感豐富！「超級龍卷風」入面係炸蝦同曼魚，芝士同青瓜，面頭再加上脆片同曼魚汁，勁豐富！卷物來講依兩款都做得唔錯，每款會有不同材料，滿足晒細食又想試唔同種類既人👍🏻👍🏻🙏🏻「雜錦天婦羅」入面有4種材料，分別係甜薯，炸蝦，魚肉壤秋葵等，配上特製醬汁，熱辣辣好好食！餐廳最體貼係每枱會有一大壺熱綠茶擺係到比你任飲，食天婦羅卷物食到口渴時都可以有杯熱既濃茶飲下解解渴👍🏻

荃新天地呢間古今二係第一次食 ，之前食過其他分店，覺得呢間日本料理真係幾高質！ 今次係同朋友黎食，我地叫左兩個卷物，一個叫綠野仙蹤😂 另一個叫辣妹，啲名都好特別～ 呢個綠野仙蹤上面係蘋果粒同飛魚籽飯團包住既係蟹柳同牛油果仲有八爪魚！ 口感非常豐富，軟熟到好似芒果咁，加埋蟹柳，好好食～😋辣妹其實係由炸蝦同辣吞拿魚加芝士包成既飯卷，呢個都好好食，食到炸蝦酥脆既口感！ 配埋上面既辣味吞拿魚，食落好正～兩個飯卷都好大份～ 店員好有心思咁用沙律醬寫左個「Have a Nice Day」！另外叫左龍卷風沙律，上面有好多蟹柳絲撈埋沙律醬同生菜，都好好食～仲有兩款小食，照燒雞肉串同炸豆腐～ 個炸豆腐入面好滑～呢度既座位好多都靠窗坐，傾下計食下野好舒服～

同呀媽行街行到攰去食個lunch, 日本野就緊啱大家食，而特色卷物好吸引因長方形格局，大多冇隔離枱，只有前後枱，比較闊落，坐得舒適，傾計舒服柚想蝦你沙律$98一上枱就嘩左一聲，好大兜，搭配豐富，顏色鮮艷，有一大堆柚子同蟹子向面頭mix埋甜蝦車厘茄蔬菜蘋果柚子牛油果蟹子海草，柚子汁味道酸酸甜甜，好開胃，亦香氣撲鼻我地冇一次食哂沙律，採用食下其他再食返沙律既方法，幾次梅花間竹，好消膩，大推青龍卷$98 超級龍卷風$88青龍卷-牛油果鰻魚蟹柳呢個搭配好唔錯，鰻魚香口，加上牛油果微甜，飯中間夾雜着黑芝麻，口感好香，又唔會太漏超級龍卷風-見到包得好紮實，含有鰻魚海老芝士青瓜，食落唔會散，欣賞。芝士creamy 得黎又香，海老香脆，連埋鰻魚青瓜食落甜甜地又清新，面頭又有脆片，又有黑芝麻好香，層次感好豐富雜錦天婦羅$883隻差唔多手掌咁大既海老天婦羅，兩件秋葵天婦羅 ,兩件蕃薯天婦羅海老爽口彈牙，但略為炸粉唔夠薄。秋葵釀有似是蝦滑，味道口感都唔錯。蕃薯係日本甜紫薯，實係有保證既香甜總括黎講，特色卷物都好出色，無論名字同菜式都比較新穎，味道出眾。沙律又開胃好食，期待下次再試其他特色卷物