古今二 (The ONE)

营业中

休息中

龍捲風沙律 ($88)大大兜豐盛沙律 加入大量蟹柳絲 蟹子 沙律菜爽脆新鮮雖然冇咗中華沙律 但仍不減佢嘅吸引力龍捲風 ($72)呢款卷物係包住鰻魚同忌廉芝士 上面加上脆片 基本上又係冇得輸嘅組合彩虹圈 ($119)呢款賣相好靚嘅卷物 上層鋪咗三款刺身 有三文魚 吞拿魚同白身魚 而下層有我大愛嘅牛油果鹽燒白鰻 ($38)火喉啱啱好 魚皮夠香 而鰻魚肉質保持彈性 鹿兒島黑豚荔枝卷串燒 ($32)黑豚肉同荔枝係好完美嘅組合 油香滿滿嘅豚肉夾埋清新香甜荔枝 會令人想食多串

聖誕就到了 諗好食咩未先！我都好掛住日本 所以食住日本野先😬今次老公揀咗古今二同我食下壽喜燒暖身當然仲有好多壽司 卷物 鍋物 串燒選擇啦睇到Menu以為好貴 但實際上性價比好高先講日式麻醬豆腐沙律($88) 好大兜架🥗豆腐好滑 係個又低卡健康又好味嘅開胃菜之後我哋叫咗兩款卷物 分別係青龍卷($108)牛油果包住鰻魚同蟹柳 口感軟綿牛油果柔軟淡綠的配色 增添了清新嘅風味咬下一口 多重的口味係口中相撞🥑之後海老天婦羅卷($62) 金黃色的炸蝦色澤香味濃郁 一吃就能品嘗到酥脆酥脆串燒方面 鹿兒島豚肉蘆筍($45)同鹿兒島黑豚荔枝卷串燒($32)前者配搭清爽 後者鮮甜多汁 鹹甜交融最後日式牛肉壽喜燒($248) 為呢餐寫下完美句號壽喜燒甜鹹的醬汁搭配上蔬菜嘅自然鮮甜仲有肉質嫩滑嘅牛肉 超級正🥰

古今二 既創意卷物幾令人難忘🤪今次黎仲發現沙律都幾好食🥗蟹柳沙律 $78呢個沙律醬幾特別 好似辣味三文魚壽司既醬汁咁 辣辣地 幾過引入面有蟹柳絲 蟹籽 青瓜絲 沙律菜 牛油果 車喱茄 份量都多沙律菜新鮮 全部都非常翠綠 食落索索聲 水分又夠 好fresh😙🎆煙花 $108壽司飯包著辣味三文魚 頂頭鋪滿辣味吞拿魚蓉 好多魚生😍 但因為有啲啲辣 吾會好膩🐉青龍卷 $108有牛油果 鰻魚 蟹柳用左鰻魚汁做個醬 好似食緊鰻魚飯 味道濃郁🐷黑豚豬頸肉串燒 $32油脂幾豐富 肉質彈牙🔥鹿兒島黑豚荔枝卷串燒 $32最愛呢款串燒🥰 天然果香又juicy 💭卷物的確幾有創意 師傅仲會系食物上寫字 幾有心思 價錢合理 不妨一戰😂

-加洲卷 - $65.0壽司飯面鋪滿海量的脆卜卜蟹子, 包著香滑的牛油果, 同鮮甜的蟹柳, 口感豐富, 超好味！-東京爆脆 $98.0卷物內有吞拿魚, 蟹柳及蟹子, 咬落去蟹子真係脆卜卜, 配埋獨製醬汁, 好有脆！-芝麻雞翼(2隻) $42.0外酥內脆的雞翼，口感豐富, 皮脆肉嫩, 雞肉好爆汁, 唔係講笑，🤣真係超抵食-鹿兒島黑豚荔枝卷串燒 $32.0黑豚肥瘦適中, 油脂豐富，黑豚肉味濃, 卷住清甜的荔枝肉, 咸中帶甜, 層次分明 -鹿兒島豚肉露筍 $45.0豚肉肥瘦均勻, 口感帶有嚼勁，肉質幼嫩多汁, 有咬口, 卷住爽脆的露筍 , 值得一試-蟹柳沙律 $78.0沙律菜好新鮮, 另配上大量蟹柳, 蟹子, 配埋特製辣辣的沙律醬汁, 甜甜辣辣, 十分清新.

行完尖沙咀見到呢間幾多好評，一於試下。超級龍捲風 $98由飯團捲起鰻魚、海老、芝士、青瓜，再灑上大量脆片，食材雖多但互相配搭之下味道同口感都非常之豐富嘅捲物，蜘蛛 $103第二款就由炸軟腳蟹、青瓜、牛油果同埋蟹柳捲成，其中2個會有蟹腳擺盤真係似蜘蛛，口感較上一款清新，味道就各有特色，都係味道唔錯嘅捲物👍🏻。黑豚豬頸肉串燒 $32少有地用豬頸肉部位做串燒，估唔到都幾適合，肉汁鎖得非常好，夠晒惹味。鹽燒白鰻 $38肉質幾嫩滑而且油脂夠豐富，食落係會有陣油香係口入面爆發，鹽味配搭鮮甜味令味道更惹味。秋葵蝦肉天婦羅 $78釀入咗蝦肉嘅秋葵，再炸成天婦羅，炸粉厚度啱啱好，食落有秋葵嘅清甜，入面嘅蝦肉夠晒滑，配上佢哋特製嘅醬汁一齊食更好味😋。

日本料理餐廳古今二大家一定唔陌生，主打多款日式創意卷物。今次我就一於嚟試下！✦ 龍卷風｜$𝟕𝟐有芝士包在内係我鍾意食嘅一款，再加上醬油汁食落好開胃！✦ 彩虹卷｜$𝟏𝟏𝟗卷物面有三文魚吞拿魚及時令魚生，仲有牛油果。✦ 日式麻醬豆腐沙律｜$𝟖𝟖香滑豆腐配以蟹籽及三文魚籽，份量夠晒大！✦ 鹽燒白鰻｜$𝟑𝟖✦ 雞胸軟骨串燒｜$𝟑𝟖串燒方面燒白鰻熱辣辣趁熱食好香口，雞胸軟骨爽脆彈牙都值得推介！

👧🏻Wodafoodie in Tsim Sha Tsui次次約朋友食飯就諗起呢間日本野，🍣卷物同🍢小食款式夠多，每次都可以試新野，重點係餐廳環境好闊落，係尖沙咀呢d繁華地區靜中帶旺好方便👍🏻👍🏻✨🍣超級龍捲風🌪️$98肚餓既朋友可以學我叫呢兩款卷物！呢個包住鰻魚、炸蝦、芝士、薯片碎既卷卷足足有8件😍鰻魚既油香配上忌廉芝士本身就係一個無敵既組合，加埋炸蝦，口感好豐富😍✨🍣蜘蛛🕷️ $103鍾意食炸物既一定要試呢個炸軟殼蟹卷！軟殼蟹落得好重手，大大件軟殼蟹突曬出黎😍香脆既炸皮酥香無比👍🏻✨🍳自家玉子燒 $556件玉子燒煎到有焦邊😍但入面又唔會煎得過熟。上面鋪滿三文魚籽同醬汁，又咸又甜，係舌尖上的享受😋✨🐟鹽燒鯖魚 $82如果有日唔想食刺身但又想補充豐富蛋白質，我一定會揀鯖魚😍 魚皮煎得香口，肉質嫩滑又唔會好似鰻魚咁油膩，唔點醬汁都好夠味，食既時候小心細骨就得🫶🏻✨ 🍢鹿兒島黑豚荔枝卷串燒 $32呢個好驚喜！黑豚肉包住大大粒荔枝，荔枝吸左部分燒豚肉既油脂，清新解膩，好好食😳📍 古今二 (尖沙咀)尖沙咀彌敦道100號The ONE5樓502號舖

古今二 (The ONE)地址: 尖沙咀彌敦道100號The ONE 5樓502號舖=====================古今二是第二分店，另外有間在銅鑼灣，是日式典型的君酒屋 ，出名是創作卷物壽司。來到尖沙咀分店，在the one 地理位置方便行街。點了個signature 賣相幾靚架，組合出來味道都唔錯，蜘蛛是由炸軟殼蟹，蟹柳青瓜等組合成，身材口感脆身。$55 玉子燒切成三角形，有別於常見的長方形，再淋上醬油汁鹽燒白鰻$38 高cp,入口熱乎乎的，皮很香脆，肉質滿滿膠質彈牙$32 鹿兒島黑豚荔枝卷，荔枝芳香清甜，外層豚肉鹹香。雞胸軟骨串燒$38 軟骨爽口嘴嚼時口中發出卡卡聲氣氛很好，播著日送歌。

約咗阿仔一齊食飯，佢鍾意食日本野，今次試吓呢間位於尖沙咀The One 5樓的「古今二」新派日式居酒屋，位置勝在十分就腳方便。餐廳環境優雅，設有窗邊卡座，但座位有限，建議提前預訂。繁忙時段用餐時間90分鐘。《蟹柳沙律》 （ $78 ），沙律菜超甜新鮮爽脆，配上車厘茄、蟹籽、蟹柳及牛油果，健康之選。秘製沙律醬尤其獨特，似千島醬但帶點微辣。呢間餐廳其中招牌菜式，係各款特色卷物，所以一定要試。師傅別具心思，更於碟上寫上日文及劃上心心，見到咁有心思已經超開心。《超級龍卷風》（ 98 ）鰻魚、海老、芝士、青瓜和脆片。加入芝士十分夾，味道口感更豐富。《蜘蛛》 （$103）炸軟殼蟹、青瓜、牛油果、蟹柳，包上紫菜，香口惹味。《鹽燒白鰻 》（$38）白鰻肉厚肥美夾肉彈，入口滿滿魚脂好好味。《宮崎味盬牛舌串》 （$32）牛舌本身牛味獨有甘香，簡單加上黒椒、盬及檸檬汁已經好好味。

古今二 (The ONE) (尖沙咀)尖沙咀彌敦道100號The ONE 5樓502號舖蟹柳沙律絕對是一道令人垂涎欲滴的開胃菜。蟹柳的鮮甜與脆嫩完美結合，每一口都帶來滿滿的海鮮風味。沙律的配料選擇與搭配也非常考究，新鮮的生菜提供了清爽的口感，而各種蔬菜和醬料的組合則帶來了豐富的層次感。這道蟹柳沙律既美味又營養，絕對是一道不容錯過的佳餚。彩虹卷令人驚艷的外觀絕對能吸引任何人的目光。它由多種色彩繽紛的蔬菜和新鮮的三文魚和吞拿魚組成，每一口都彷彿在品嚐著大自然的繽紛色彩。口感方面，彩虹卷的魚肉鮮嫩多汁，蔬菜的脆爽與鮮甜交織，讓人愛不釋口。蜘蛛其實是軟殼蟹卷。軟殼蟹卷的味道豐富而多層次，蟹肉的鮮甜與炸餅的香脆相得益彰。搭配上醬料的調味，更能提升整道菜的風味。軟殼蟹卷的外觀也非常吸引人，金黃色的外皮和蟹肉的擺設展現了廚師對於食物藝術的巧思。黑豚豬頸肉串燒可謂是一道絕對的肉食愛好者的天堂。選用優質的黑豚豬頸肉，經過特別的處理和烤制，使得肉質保持了豐富的汁水和嫩度。每一口都充滿了濃郁的炭燒香氣和豬肉的鮮甜風味。這道黑豚豬頸肉串燒展現了烹飪的精湛技巧和對於食材的敬重，絕對是一道令人垂涎欲滴的美味佳餚。

尖沙咀 The One嘅古今二，之前都幫襯過一次，除咗有主打卷物外，仲有刺生、鍋物及串燒等食物。鍾意佢食物選擇多，環境佈局充滿日式風情，亦有吧枱，感覺舒服好坐。今次點咗兩款卷物，包括超級龍捲風（$98）同蜘蛛（$103），上菜時餐廳將兩款卷物放埋一齊，特別養眼，賣相非常吸引。超級龍捲風入面有鰻魚、海老、芝士及青瓜，味道非常多層次，加埋脆片，入口夠晒惹味。蜘蛛有炸軟殼蟹、青瓜，牛油果及蟹柳，炸軟殼蟹炸得好香口，配埋牛油果、青瓜同蟹柳食，味道好夾，好好味。另外亦點咗蟹柳沙律（$78）- 呢個份量超多，入面有超多蟹柳及蟹子，仲有青瓜絲。推介鍾意食沙律嘅朋友，入口好清新。串燒方面點咗鹽燒白鰻（$38）同雞胸軟骨串燒（$38）各一，白鰻同雞胸軟骨串燒都燒得好香口，下次要試吓其他燒物。

金龍卷（內有三文魚、芝士、炸蝦）：金龍卷是一道結合了多種美味元素的壽司卷。三文魚提供了豐富的鮮美口感，與芝士的奶香味完美融合，增添了豐富的層次感。炸蝦則為整個卷提供了一種脆脆的口感，為整體增加了些許的鮮嫩感。這道金龍卷既豐富又美味，是一道令人滿足的壽司選擇。蜘蛛（內有軟殼蟹、牛油果）：卷物內有軟殼蟹搭配著新鮮的牛油果，給整道菜帶來了豐富的口感和奶油般的滑順口感。蜘蛛以其獨特的組合和口感成為一道別具風味的料理鹽燒白鰻：鹽燒白鰻是一道傳統的日本料理。白鰻是一種豐富而鮮美的魚類，經過鹽燒處理後，鰻肉變得鮮嫩多汁，並帶有淡淡的鹽味。這道料理通常搭配白飯食用，鰻肉的鮮美與飯的濃郁相輔相成，帶來了滿足的口感和豐富的風味。鹽燒白鰻是一道令人垂涎的料理，特別適合喜歡海鮮的人品嚐。宮崎味鹽牛舌串（1串）：這道串燒以鹽作為調味，突出了牛舌的原汁原味，讓人能夠充分品嚐到牛肉的鮮美。宮崎味鹽牛舌串是一道簡單卻美味的料理

繼上次來這裡已隔了一段時間, 相對之前人流好像減少了。與古今相比, 除了裝潢上, 而且一直播放日文歌曲, 古今會比較有日本氣息! 另外古今是樓上餐廳, 古今二則是半開放形式, 古今的私隱度會高一點。日式麻醬豆腐沙律 $88一大盤的沙律放滿新鮮的蔬菜, 豆腐鋪在上面, 加了胡麻醬和蟹籽, 另配有中華沙律, 蕃茄仔, 將所有食物搞拌後十分美味! 富士山 $98由於朋友未試過, 所以都再點一次富士山, 依舊十分裝觀, 由大量蟹柳絲包圍, 同樣有蟹籽和脆脆灑在上面, 再看都是十分震撼 🤩 壽司內有牛油果, 鰻魚, 口感非常豐富!超級龍卷風 $98實際上是炸蝦卷, 蝦的旁邊有大大件芝士, 炸蝦相當脆口, 蝦肉彈牙, 加上芝士口感與味道都大增! ☺️鹿兒島黑豚荔枝卷串燒 $32十分出色的串燒, 荔枝甜美多汁, 豚肉薄薄一片, 帶點油份但不膩, 兩者互相配合, 天衣無縫! 😋 是整頓飯最驚豔的菜式!鹽燒白鰻 $38白鰻煙韌極致, 味道偏濃, 另加檸檬汁帶點清新, 喜歡白鰻的絕對不能錯過!再一次體會仍然覺得很不錯, 第一次吃的簿餅也是推介之一! 👍🏻

呢晚係the one 睇戲，睇戲前緊係醫肚，係樓下古今二食日本菜😋.雜錦剌身沙律滿滿沙律菜，健康又fresh，舖滿刺身和蟹子，加上沙律醬，肥美鮮味，少辣清新開胃👍🏻.東京爆脆這份卷物相當不錯又有創意，即叫即做，大大件又脆口！中間呑拿魚和蟹柳，加上沙律醬，好好味😋.燒物也滿出色，芝麻雞翼少辣脆口，鹿兒島黑豚荔枝卷串燒入口清甜有驚喜，鹿兒島豚肉露筍爽口清新.滿喜歡清酒擺設好有feel，食飽就出發睇戲，地點勁方面😂

呢度嘅卷物好出名㗎... 款式多多... 而且賣相非常吸引... 好啱打卡!📸【雜錦刺身沙律】新鮮嘅沙律菜、八爪魚、三文魚、鯛魚、魚籽、蟹籽、車厘茄拼合而成嘅沙律... 好味清新醒胃... 最啱用嚟做前菜!【煙花】鍾意食魚肉嘅... 可以試下呢個名為【煙花】嘅壽司卷... 係用咗芝士配合辣三文魚同辣吞拿魚整出嚟... 芝士味唔會蓋過魚肉味... 辣味又恰到好處... 食落唔會有魚腥味!【海老天婦羅卷】大人細路都咁鍾意嘅海蝦天婦羅用嚟整卷物... 真係冇得輸!【鹿兒島黑豚荔枝卷串燒】荔枝嘅清甜中和咗豚肉嘅油膩感... 配搭完美!【雞胸軟骨串燒】三角雞胸軟骨好有嚼勁又帶點焦香... 必點!🌟古今二 (The ONE)地址: 尖沙咀彌敦道100號The ONE 5樓502號舖