古今二 (The ONE)

营业中

休息中

朋友約咗去尖沙咀食飯，佢話有間居酒屋菜式幾特別同埋啲名好古怪，我問佢係咪古今二，佢話係。我同佢講我早排食過，嘢食唔差，可以去。首先叫咗個日式麻醬豆腐沙律，豆腐好滑，又有好多三文魚子，加埋啲麻醬，係一個好開胃嘅頭盤。跟住叫啲串燒，鰻魚魚肉好厚，塊皮燒得好脆。豬頸肉就切得幾大粒，一啖一粒，唔鞋，同好Juicy。跟住叫咗龍卷風，細細舊卷物加咗燒汁，好味道。跟住主角登場，師傅拎碟火山嚟到枱面，喺你面前點火，啲火燒咗分幾鐘，攞嚟拍嘢效果好好，好多枱嘅人都望過嚟。講返碟火山，下面係蟹柳卷物，上面鋪咗帶子同埋好多蟹柳，再加少少醬汁，賣相真係冇得頂，價錢又唔貴。兩個人雖然唔係食到捧住個肚，但喺度傾吓偈，吹吓水，係一個唔錯嘅地方。呢度唔係好多個位，下次嚟要打電話訂定枱先。

約食飯唔知去邊又去古今二😂 今次係尖沙咀食 係大商場入面食到好飽人均$200左右 地點方便 環境舒適👍🏻_▫️龍卷風沙律 $88$88好似同荃灣個間價錢唔同 但呢個份量好抵! 有好多生菜 蟹柳 蟹籽 中華沙律 加埋啲薯片碎提升口感 建議3人以上share食 (除非你係沙律人或者諗住齋食沙律做main😂) 食完好飽肚🤭_▫️金龍卷 $105飯包住炸蝦同厚厚一層芝士 上面配一塊三文魚 一份有8件 好豐富_▫️超級龍卷風 $98呢款我會話係金龍卷既抵食版 雖然佢無三文魚 但除左蝦同芝士之外, 佢有埋鰻魚 青瓜同脆片 比較大件D都係有8件 但價錢平D_諗住食下熱野嗌左2串串燒▫️蒜香牛油燒帆立貝(1串) $42▫️鹿兒島黑豚荔枝卷串燒(1串) $32

呢間創意嘅日式餐廳，之前都有食過佢地嘅分店，今次去開The One睇戲而搵食，見到呢間就二話不說走入去。柚想蝦你：🅰️🅰️🅰️🅰️柚子開頭以為會有d苦澀，點知係酸酸甜甜，以開胃菜來講真係好清新🤩。甜蝦好慷慨畀左好多隻，沙津份量多，推介！富士山：🅰️🅰️🅰️🅰️🅰️創意手卷嚟講，面頭嘅蟹柳已經先聲奪人😱，但下面嘅手卷都無落差，半熔嘅牛油果配上多魚油嘅鰻魚，入口就又濃又creamy，做得好好，呢個大推👍🏻！埼玉網燒牛舌：🅰️🅰️🅰️🅰️🅰️牛舌最怕薄薄地，但呢舊算係厚身，入口就出油香，配埋佢個汁酸酸地，好夾。鹽燒鯖魚：🅰️🅰️🅰️🅰️條魚比想像中大條好多，魚油充足，佢燒得幾好，我朋友吞埋d骨添😅，食材高質對得住個價錢。總括嚟講，今次我地叫左d紮實嘅菜式，呢間日式居酒屋做得幾好，已經成為我地嘅信心之選。

古今係我成日都想去食卷物嘅地方，前排shopping後又去了。🔹彩虹卷$119- 係多款刺身mix and match上大大片牛油果，三文魚、吞拿魚片都幾新鮮，同入面青瓜、蟹柳幾match 🔹費城卷$68- 入面厚厚一粒芝士香口，加上三文魚、牛油果，味道幾好🍢鹽燒白鰻 $38（推介）- 燒得香脆，肉質夠肥美juicy兼厚肉，調味剛好，啖啖香口滋味🥗日式麻醬豆腐沙律$88- 大大塊好滑豆腐，撈上粒粒蟹子、大魚子、胡麻醬、海草，夠refreshing🍢紫蘇葉雞肉串燒$36- 紫蘇葉係精華，好香口，仲有香口去油雞皮，大大舊肉夠嫩下次再來食脆口卷物！

主打新奇嘅卷物配搭 仲有非常打卡嘅「火山🌋」而座位都寬敞舒適~-🥗龍捲風沙律 💰$88有中華沙律、蟹柳絲、蟹籽配上微辣秘製醬汁 更惹味 係好開胃嘅前菜建議3-4人share!因為都幾大兜🤣-🍣火山 💰$128一上菜店員就會用火槍燒啲鹽 令佢變到成個火山咁🔥場面十分壯觀！卷物有帶子、牛油果、蟹柳、青瓜 口感豐富原本已經有沙律醬同芝士 唔洗點豉油~-🍣超級龍捲風 💰$98有香脆炸蝦、鰻魚、芝士、青瓜 最特別係加咗類似粟米片嘅脆片 食落多重口感！-🐟鹽燒白鰻 💰$38面頭燒得香脆 內裡滑嫩 -🐖黑豚豬頸肉串燒 💰$32燒得好香口 充滿油脂 醬汁調味都不錯

蟹柳沙律$78一條條的蟹柳配上蟹籽同埋生菜絲，口感爽脆，喺一度好開胃嘅前菜！超級龍巻風$98由炸蝦、鰻魚、青瓜絲等材料卷成，口感特別，層次豐富，內餡重有熱溶芝士，啖啖鮮美！彩虹巻$119以三文魚，吞拿魚或劍魚刺身包裹着蟹柳，青瓜和牛油果，色澤好鮮豔奪目，彷似尤如彩虹一樣！令人食慾大増！宮崎味鹽牛舌串（1串）$32牛舌味道濃郁，肉質細膩，口感爽脆，只需灑上少許嘅海鹽調味已足夠。黑豚豬頸肉串燒（1串）＄32豬頸肉肉質彈牙爽口，淋上微甜的燒汁，配上酒類飲品一流！

/二訪古今二 之前係觀塘分店食過一次 今次係the one 見到佢嘅分店～日式麻醬豆腐沙律 $88沙律份量好大而且蔬菜好新鮮🥗夏天食都幾清新火山 $128打卡一流 但可能有機會要等耐少少 面層堆滿蟹籽 蟹柳絲同帶子 食落有層次感 同埋好香～東京爆脆 $98紫菜包住脆物 入面有吞拿魚 同埋蟹柳 醬汁有少少辣😗宮崎味鹽牛舌串 $32雞隔膜串燒 $32兩款串燒都好惹味 尤其係雞隔膜串燒 送酒一流~睇到menu仲有好多其他特色卷物🍣尖沙咀環境好方便企理 係the one入面✨

今日去開尖沙咀又想食壽司🍣，於是揀咗呢間居酒屋試一試，餐廳比較細，可以訂位，因為係心血來潮無訂位，一個人去食都等咗15-20分鐘先入到去。本身以為有lunch set，但係原來得星期一至五先有，所以就散叫咗啲壽司、卷物同牛舌。壽司叫咗三文魚、灸燒左口魚裙邊、油甘魚同埋玉子壽司。壽司質素高👍🏻，特別係灸燒左口魚裙邊壽司，一陣陣的灸燒味，入口一股油香味，真係非常推薦！普通壽司一件大約$18-35，海膽、牡丹蝦同赤貝個啲就$7、80一件。另外仲叫咗一個海老天婦羅卷（$62），一般係壽司店都係炸蝦卷，佢地加咗芝士幾特別，炸蝦嘅酥脆甘甜配上奶酪嘅濃香相得益彰，呢道海老天婦羅卷都值得一試😋。最最驚喜嘅係牛舌（$78）🤩，呢間嘅牛舌係厚切牛舌，有啲鋪頭整嘅係薄切，好容易整到好韌，所以我比較鍾意厚切牛舌，口感同油脂都更豐富。呢間居酒屋整嘅牛舌鮮嫩多汁，經過燒烤處理後，散發出微妙的燒烤香氣。呢個牛舌一定係佢地居酒屋嘅MVP🥇。

尖沙咀依間「古今二」嘅自家製卷物真係好啱打卡，仲有好多款特色串燒可以喺度食到。*此餐廳收取加一服務費。火山（單點$128），連埋火盤上菜，非常有火山嘅Feel，表面鋪滿蟹柳、蟹籽、沙律醬、醬汁，壽司卷物內有蟹柳、牛油果、青瓜，略嫌帶子欠奉、牛油果、青瓜份量少。超級龍卷風（單點$98），表面鋪滿脆片、醬汁，鰻魚肉質肥美，食落充滿蒲燒醬汁味道，海老口感外酥脆內彈牙，味道鮮甜，忌廉芝士口感Creamy，配料包括有青瓜、食用花、苦菊、櫻桃蘿蔔。自家製玉子燒6件（單點$55），表面鋪滿蟹籽、自家製醬汁、美乃滋，玉子食落好Juicy，甜度適中。鹿兒島豚肉露筍（單點$45），表面鋪有自醬汁，味道甜鹹，露筍口感爽脆。鹿兒島黑豚荔枝卷串燒（單點$32），黑豚肉肉質嫩滑，肉味濃厚，食落帶有焦香味道，配以荔枝食用，味道清爽。

餐廳：古今二地點：尖沙咀The ONE菜式：日式居酒屋餐牌：主打特色創意卷物，主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類同飲品。呢度都有二人前套餐。午市仲有多款定食，又有壽司盛，刺身丼，蕎麥麵套餐。蕎麥麵套餐都有4款。蕎麥麵套餐D $98 另加一蕎麥麵套餐D包火山/金龍2選1，加州/費城2選1，配冷熱蕎麥麵。我揀左金龍卷配加州卷各4件，兩款卷物伴有沙律菜，仲有食用花裝飾。都有日式芥末。金龍卷係壽司飯卷上面舖上新鮮肥美嘅三文魚，加少少香辣沙律醬。飯卷中間卷住紫菜，再包住炸蝦同忌廉芝士，食落又脆口又滑溜，連炸蝦尾都食得。飯加上黑白芝麻粒增添香味。我好鍾意呢款卷物既多重口感同味道。加州卷係加上黑白芝麻粒嘅壽司飯包住牛油果同蟹柳，面頭加上大量蟹籽，口感外脆內滑，比坊間加州卷好食！冷蕎麥麵（跟餐）揀左冷蕎麥麵，細細兜，綠色幼身蕎麥麵係極有咬口，加上紫菜碎。另上冷麵汁，蔥花，白蘿蔔蓉，日式芥末，可以自己調味，清爽腸胃冇負擔。東京爆脆 $98 另加一東京爆脆一客五大件，係紫菜飯卷包住吞拿魚同蟹柳，中間個層超脆！再加上蟹籽同沙律醬汁炙燒，口感非常薄脆，味道唔

今次又去咗「古今二」試下其他特色卷物😬.東京爆脆🍘內餡係吞拿魚同蟹柳🐠香脆又好味😆.午夜牛郎🍙卷物炸至金黃色✨同樣脆卜卜😝內裡包住忌廉芝士🧀三文魚、牛油果等🥑再以明太子醬點綴😍口感豐富😋.龍卷風沙律🥗有生菜🥬中華沙律、蟹柳🦀蟹籽同薯片🍟味道清新帶微辣🌶️.鹽燒白鰻🐟白鰻肥美彈牙😗外皮燒得香脆🔥魚骨唔多☺️輕輕用鹽調🧂更突出白鰻嘅鮮美🤤.紫蘇葉雞肉串燒🐓紫蘇葉味道較為強烈🌿同鮮嫩多汁嘅雞肉好夾😛

古今二位於尖沙咀彌敦道100號The ONE5樓502號鋪，餐廳採用簡約的日式裝潢，帶有一絲懷舊風格，座位舒適，提供舒適自在的用餐環境。主打日式料理，色彩鮮豔迷人，並以創新的搭配使味道更加豐富，其中壽司卷系列是最具代表性的菜式；此外，還提供多種冷熱盤菜餚，且價格合理，適合不同口味的食客。蟹柳沙拉採用新鮮爽脆的蔬菜，搭配蟹柳和蝦籽，加入自家製辣沙拉醬，味道不錯，能夠開胃。鰻魚卷外觀精美，內含鰻魚、芝士和青瓜卷，炸蝦卷則香脆可口，口感層次豐富，並與表面的沙拉醬點綴相得益彰。烤串則口感彈牙爽口，油香十足，品質一流。這是一個情侶或者三五知己享受美食的絕佳場所。

古今2係出名食卷物，去到尖沙咀都有D掛住😋超級龍捲風$98有炸蝦、鱔、青瓜！炸蝦好香脆，同鱔嘅比例岩岩好。伴碟有好多脆片，加埋一齊食，口感豐富火山$128打卡able 嘅火山飯團！有勁多蟹柳、牛油果，仲有帶子😍加上佢地嘅秘製醬料，就算好多飯都會令人吃上癮🤣鹽燒白鱔$38肉質彈牙！少少鹽，食到焦香味😬日式麻醬豆腐沙律份量驚人🤣夠晒多蛋白質！好多魚子粒粒，不過沙律醬有啲多如果唔鍾意食沙律醬，我會將啲沙律菜mil起上嚟😛

今日同朋友喺尖沙咀The One行完街，想搵餐廳食lunch，見到「古今二」就諗起之前喺其他分店食過，佢有好多款特色捲物，之前只係試過幾款，所以今次都揀咗呢一間餐廳試埋其他款式。我哋嗌咗日式麻醬豆腐沙律、黑豚豬頸肉串燒、鹽燒白鰻、火山同東京爆脆。沙律有滑豆腐、蟹柳、蟹籽同沙律菜，蔬菜食材新鮮，開胃消暑；黑豚豬頸肉燒得好香口，咬落去充滿油脂又爽口，燒汁嘅調味啱啱好；白鰻炭燒完之後，仍然保持到魚油同魚身嘅嫩滑，而且食落冇魚骨；火山係一個充滿視覺享受嘅卷物，職員上菜時會將伴碟兩旁嘅鹽粒點火，而卷物堆就會喺碟嘅中間，營造出一個「火山」嘅畫面，卷物入面有帶子、牛油果、蟹柳同蟹籽，份量充足，口感飽滿；東京爆脆一個係一個餡料相對較少嘅卷物，只有吞拿魚同蟹柳，不過配上醬汁同灑喺表面嘅飛魚子，仍然有爆脆嘅感覺。📍尖沙咀彌敦道100號The ONE 5樓502號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

因為食過銅鑼灣分店覺得好好食，今日特登過嚟尖沙咀食佢另一間分店試吓。古今二尖沙咀分店位於The One 5樓502鋪🥗龍捲風沙律$88 巨型沙律，真係好似龍捲風嘅造型！入面有蟹柳，蟹籽，中華沙律再加上一啲帶微辣沙律醬好開胃！🐟鹽燒鯖魚$82燒得好靚仔，加上檸檬汁，好清新！🐂埼玉網燒牛舌（4件）$78薄燒但夠火候，爽脆肉嫩，牛香刺激味蕾！🍢黑豚豬頸肉串燒（1串）$32豬頸肉燒得剛好，外脆內軟，油香撲鼻！🍣午夜牛郎$98午夜牛郎係屬於牛油果個牛😂飯卷着三文魚，牛油果，芝士，而且炸過，再加上醬汁，暖暖哋啱晒唔鍾意食生冷嘢嘅人士，但又可以感受壽司嘅美味。