發記海鮮酒家

营业中

休息中

今日同老公行完⛰️釣魚翁⛰️就直接行咗落去布袋澳食海鮮。揀咗發記呢間，海鮮落單係行過去海鮮缸嗰度自由選擇，我哋嗌咗啲鮑魚，蟶子，元貝，另外，再叫多咗一碟小菜＆炒菜。首先，講吓海鮮，全部海鮮都好新鮮😋最出色嘅係😍豉椒炒蟶子😍佢個豉汁超好食，蟶子炒到又甜又爽，真係好好味🤤跟住喺個椒鹽鮑魚，炸得一啲都唔韌，好食。另外就係，蒜蓉粉絲蒸元貝，蒜蓉粉絲好惹味份量超多，元貝好味勁鮮甜。我哋仲叫咗個豆豉鯪魚炒油麥菜，油麥菜好甜，炒得好有鑊氣！最後講吓個椒鹽骨，呢個味道就一般，同埋似椒鹽豬扒多過椒鹽骨😂食完行出去，會有架小巴返去寶琳，都幾方便，大家不妨可以嚟試吓😊

清水灣布袋澳係就係遠左少少，不過真係值得去既餐廳💛💛每人人均消費$250左右，超飽超滿足🤤🤤價錢又合理。一去到自己揀海鮮，當日d海鮮都好新鮮。最推介以下呢幾款：薑蔥蠔D蠔🦪大大隻，又鮮甜，一d都唔腥，一碟大約有12隻左右。 用薑蔥爆，非常惹味👍🏻👍🏻椒鹽墨魚今次條墨魚超大條😍😍師傅建議我哋椒鹽炸，唔好白灼。因為會爽口d，唔會軔。豉椒炒蟶子蟶子爽口嫩滑，超級好味，未食過咁爽口嘅蟶子🤤另外仲叫左發記炒飯(海鮮版揚州炒飯) 、蒜蓉粉絲蒸貴妃蚌(超多蒜蓉粉絲)、腐乳炒通菜(份量都唔少)。

去布袋澳必食海鮮超級新鮮，價錢又合理！可以由將軍澳行山入去或者直接搭的士入去食位置唔算偏遠！必食海膽炒飯，海膽好鮮甜，炒飯鑊氣好夠夠晒香季節性菜式，未必次次都有！超生猛墨魚(推薦)墨魚即揀即煮，一式兩味，一半整墨魚刺身一半整炸墨魚炸墨魚墨魚刺身墨魚切到好薄，第一次咁樣食，點豉油同Wasabi，好鮮甜！炒蟶子辣酒煮螺加面底辣汁有淡淡嘅玫瑰香個辣汁撈麵係十級辣，要食得辣先好叫食完個海鮮餐，再食埋糖水，好滿足

今日跟一大班朋友行山，領隊專登安排尾站為布袋澳，當然係去食海鮮啦。可能我們去到發記都下午兩點幾，所以人流不多，不用等位。行完山特別肚餓，真係零舍開胃。花雕酒蛋白蒸蟹，蛋白充滿花雕酒味，蟹肉鮮甜椒鹽鮮魷，哩個要俾2個，粉漿唔厚，超好味豉椒炒蜆，蜆肉大大粒冇沙，味道ok，但就殼多個肉鹽水雞，好有鹽水咸香味，但肉質一般，不夠嫩滑豉油王炒麵，炒得乾身，夠鑊氣另外還order了炒飯，京都骨，蒜茸炒通菜，豆豉鯪魚炒油麥菜非常豐富的一餐

每逄星期六例牌節目就係行山，今星期行西貢，終點路線係布袋澳，去到澳袋澳當然要食完海鮮先走啦。去左發記海鮮酒家，我哋12人剛好一圍，叫左9個餸，正確黎講應該11個，因為有2個餸太正啦，所以要encore。就係椒鹽鮮魷和鼓油王炒麵我哋order左兩碟，麵炒得夠乾身，唔會油膩。鮮魷上碟熱辣辣，又炸得夠脆。發記炒飯就麻麻地，味道好淡花雕蟹蒸蛋白，蟹肉新鮮清甜鹽水雞夠嫩滑，好滿足的一餐

天氣非常熱，揀了發記，因有泠氣，不夠凍，總好過無。今次重點吃龍蝦，即揀即秤，一斤九兩，$750連炒工，沒加伊麵，因只得兩個人，味鲜但沒有彈牙感覺，份量足，即秤的好處，均均真真。加了小菜椒鹽鮮魷，外脆味鲜又腍 ，吃了兩口龍蝦便上枱，當然先吃重點，到返吃鮮鱿，已不脆，可惜，上菜先後節拍有改善空間。蒜蓉炒唐生菜，少了那份應有的鲜甜味，有點失色，但份量十足，連汽水加一，埋單$1,003。走時多口問酒家，才知有免費泊車位，下次用泊到老遠。

即興想去食海鮮，朋友揸車入咗布袋澳，車位很少揸車人士要注意。海鮮非常新鮮，我哋叫咗龍蝦、膏蟹、賴尿蝦、扇貝、聖子。薑蔥炒膏蟹非常香，勁多膏！龍蝦上湯伊麵，龍蝦非常肥美！椒鹽賴尿蝦亦非常之好味！由於當日落雨，同埋係星期一，加上疫情全場得幾台客，所以食得好舒服。

⋆⁺₊⋆.發記海鮮酒家..白灼蝦 / 🥨🥨🥨 /呢個白灼蝦就不過不失～算係幾新鮮.椒鹽鮮魷 / 🥨🥨/粉唔會話好厚！咬落都脆～但鮮魷味道較鹹😿.其實仲有叫其他小菜～不過就一般啦同唔太推介(´•༝•`)但如果想去食個環境～看下海咁食海鮮都可以去體驗吓！因為個邊幾乎冇乜人ㅋ（都有可能因為我當日去係平日啦～..［滿分5個🥨］...⌫ 發記海鮮酒家 (西貢)西貢清水灣布袋澳碼頭7號A舖.#西貢咔嚓#海鮮咔嚓

食海鮮其實冇乜要求主要係新鮮同埋鑊氣個人認為發記係兩樣嘢都做到超鍾意佢嘅豉椒炒蟶子 非常鮮甜賴尿蝦亦都超級大隻發記炒飯亦都係我非常推薦的粒粒分明 非常好味去到咁遠食都係冇令我失望🤤🙌🏻

第一次到布袋澳食海鮮餐。聽聞布袋澳無咁割客同比較老實，突然想食海鮮咁就揸車入去試下。（自己揸車入去無得免費泊車，停車入去要比20蚊小費，不過叫做無限時間）入去坐低就揀左小小海鮮，揀左一隻細既針墨、一隻奄仔蟹、花甲一份、花螺一斤。價錢屬於可接受既範圍。我諗係街市既三倍價錢，但係自己買又要揀，又要清洗海鮮，仲要煮都係工序黎，所以呢d錢值得比人賺既。豉油皇炒針墨針墨肉質爽彈有咬口，不過就無乜味，全靠個豉油皇去調味，個底有韮黃，為成道菜增色不少。豉椒炒花甲夠鑊氣，料頭爆得夠香，花甲係大size果種（係花甲！唔係蕃薯蜆），新鮮又鮮甜，而且每一粒都無沙，調味各樣配合得岩岩好，呢個必食呀！（出街食飯已經好耐都無食過好味既炒花甲）每一碟其實份量都ok個人覺得比起長洲、西貢既海鮮餐廳黎講，布袋澳既海鮮上枱至少係熱辣辣同份量係ok。辣酒煮花螺聞得出有玫瑰露酒既香，少少辣，其實佢個辣酒既味道幾特別。不過我地都係鐘意食返原味既花螺多小小。鹽焗奄仔蟹其實佢個烹調方法係好得，可惜隻蟹啲糕唔夠香。而蟹肉方面，啖啖肉，無泥味無噏味，食得出蟹肉應該有既甜味。食完可以係附近行個圈，吹下海風都幾舒服————————————

公司晚飯坐船去食，小弟第一次去布袋澳食海鮮，所以有期待。龍蝦伊麵 龍蝦肉冇味，個麵冇味，個茨汁冇味，成碟野 冇味薑蔥炒蟹 蟹係走過油嘅，炒得好香蒜蓉扇貝 （食得出不是養貝）濕潤新鮮鮑魚 蒸時間啱啱好果皮汁 好食上菜超級快快快快 快過頭，3-4分鐘上一道菜，有陣時一次上兩道菜，應接不暇食唔切啲食物凍哂都唔想食亦不會好食叉燒蔥蛋炒飯 捧上枱已經唔熱因為我特登即刻試食，冇味，其餘嘅都唔講蒸魚 凍咗所以我冇食去發記食海鮮，食出面個環境可以，環境同出品都乾淨企理，一次就夠註：出品冇落味精

布袋澳是食海鮮的另外一個選擇地方，但交通就不太方便，只有一架16號專線小巴由將軍澳前往。而揸車就比較方便，但車位非常之少，假日中午開始都通常擺晒路邊，冒著抄牌的風險。布袋澳沒有什麼好行的地方，食飽飽就離開，不及流浮山、西貢熱鬧，可以周圍行下，影相，買點東西。這只有兩間食肆，發記是其中一間， 亦都是最多人幫襯你一間。哈哈……有好多明星幫襯沒有冷氣的位置沒有人坐👇，中午天氣太熱，無冷氣真的食得唔暢快😅。這款雞腳好好味，而且都幾大隻，鍾意吮腳趾的，必食扇貝比較細隻，而且太多蒜蓉及粉絲，味道偏咸海鮮湯很鮮甜，不過天氣太熱，加上冷氣不足，飲完不停流汗。 咸魚雞粒炒飯就普普通通，多些少咸魚就正。腐乳生菜就有點扣分，嚟到上枱時已經變黃，但味道算ok。 紅燒豆腐好滑條杉班好靚，蒸的時間剛剛好，肉質很滑很鮮美。第一次食豉油王琵琶蝦，肉質很鮮甜，但琵琶蝦的肉不太多，煮得唔會太鹹剛剛好。白灼蝦ok。椒鹽鮮魷是用新鮮鮮魷。 豉椒炒蜆無沙d肉都大粒鹽焗奄仔蟹超正必食，當然要睇番季節性，剛好嗰日d蟹好大隻，又多膏，之前喺第二度食過的都無咁靚。最後食甜品，糖水店舖個名是另外一間的，在發記裏面，是一齊埋單。 綠豆沙必

海鮮檔即場揀左隻2 斤的新鮮龍蝦，配芝士伊面底。但一上枱，第一，點解2斤甘的份量？食慣海鮮的我哋，一睇就知，心中有數；第二，未食一夾，即刻有疑問，點解d龍蝦肉散散地？吾結實？再食，肉淋的，而且淡而無味，而不是彈牙爽口。第三，芝士汁，極淡，吾掛面，水汪汪的。伊面，少得可憐，以為食緊餸頭餸尾。再重點，伊面要「餵」上湯先有味，但好明顯只係求企烚完個面就甘上，無用上湯「餵」，伊面水汪汪又淡而無味，仲要吾「掛汁」，無乜芝士味，非常失望。一開始揀龍蝦時，店內男人已經話2 個人吾洗甘大隻龍蝦，話食龍蝦伊面已經飽，但我們就是為左食龍蝦面先來，所以寧願比貴啲都想滿足一下。但換來的係滿肚疑問：點解好似甘少肉？點解d肉新鮮檔會淋？點解個面無味只係這道龍蝦伊面，承惠$800最後，整體味道偏淡，我們亦叫左椒鹽鮮魷、扇貝⋯⋯😓😓一樣失望

在激熱的天氣下走完釣魚翁🎣⛰，最好就是到布袋澳吃海鮮🐟🦐🦀。由於太肚餓的關係，我們一到步就立即到魚缸點海鮮，最後點了以下菜色！🦑椒鹽鮮魷熱辣辣的椒鹽鮮魷很惹味，外脆內熱，實在炸得恰到好處，跟白飯🍚一起吃就更開胃了😋。😋扇貝蒸粉絲扇貝配合蒜蓉、粉絲、蔥、鼓油去蒸，美味又鮮味，而粉絲亦吸盡了整味菜的精華所在，令到粉絲變得相當入味😋。😚果皮蒸鮑魚這味菜是最遲送來的，事關它蒸得比較久。店員很貼心的為我們準備了牙簽，事關怕鮑魚黏住個殼。鮑魚很鮮味，亦充斥着果皮的香氣，加上鼓油就更鮮味😚！不得不讚這店的上菜速度超快，由下單、上菜、吃完都不用半小時，相當有效率！👍

2021 重大事情開放18:00 晚餐， 即刻駕車入布袋澳吃海鮮， 閒日晚上幾枱人， 可自選窗口位。 出去叫左扇貝，瀨尿蝦，聖子， 椒鹽鮮魷，炒麵。 聖子最好味， 瀨尿蝦自己唔走油， 出去食海鮮必叫， 好好味。 但我覺扇貝蒸老咗， 椒鹽鮮魷可以不叫。 其實海鮮就唔飽既；直到炒麵1到就飽晒。 如果炒麵炒得好， 就好好味， 有次黎炒到窿左， 今次剛好。 所以整餐都好滿意。 是日好飽， 搞到冇叫雞脚外賣添， 大致上這間野都ok, 唔洗only去西貢同鯉魚門。看吓風景， 行完山黎都唔錯。 提提： 而家泊車職員揾食艱難， 之前攞飛出黎是free的， 而家要比$20. 附餐牌比大家update. 吓