發記海鮮酒家

营业中

休息中

聖誕節一班朋友遊布袋澳八個人吃了七款海鮮。天氣涼快、胃口特別好。自選海鮮、全都想吃。最愛龍蝦及鮮墨魚刺身。三五知己遠離繁忙的城巿、享受效外的新鮮空氣。為聖誕帶來一頓豐富的晚餐。

布袋澳的海鮮酒家，位置偏遠，最好就是自己駕車來。如無車，也可在將軍澳寶琳地鐵站坐16號專線小巴總站落，自然便可看到指示標誌的。仲有這裏是沒有冷氣的，如夏天來都頗熱。現在天氣漸涼，去吃海鮮之餘，亦可在附近逛逛吹吹海風添。呢處的海鮮實報價多少錢一両或一隻，並不另收烹調費用。當天肉蟹$15/両、老虎$24/両、瀬尿蝦$25/両、扇貝$30/隻、麻蝦$15/兩𦍑葱炒蟹，2隻肉蟹，重2斤，$480。大量𦍑葱炒得很香，肉蟹的膏很多，肉厚鮮甜，蟹蓋全是膏。清蒸海老虎斑，重15両，$360。魚唔太大條，魚肉很滑，的確有海魚的味道，各人都叫白飯混魚和蒸魚豉油一起吃，正。椒鹽瀨尿蝦，很大隻但無膏，3隻重1斤14兩，$750。最貴佢，自然期望亦高，蝦肉厚身新鮮，可惜椒鹽做得唔好，太濕椒鹽不足，味道大打折扣。蒜蓉粉絲蒸扇貝，$30/隻，蒜蓉切得較大粒且味不濃，粉絲較粗厚，唔夠軟。扇貝本身新鮮，都算大粒。白灼麻蝦，重12両，$180。中蝦size，灼得時間剛剛好，蝦肉彈牙爽脆，鮮到不得了，真是想不到呢！海鮮湯，已經是滾熱上枱，但都帶有濃的腥味，而且不是送的，不叫也罷了。炒芥蘭，是先灼過才炒，菜會軟冧些，不過就少

同朋友7個人入嚟西頁食返餐海鮮,依間餐廳好有漁村風,景又靚,嘢食又好味,真係無得頂,我地叫咗,奄仔蟹豉油王炒麪炒菜心蒸魚咕嚕肉蜆湯白灼蝦椒鹽魷魚奄仔蟹食落D膏幾乎爆出嚟,好多膏,好落去熱辣辣啱晒依個天氣食豉油王炒麪帶有芽菜嫩嫩嘅感覺炒菜心夠晒菜味好清新蒸魚好滑,加埋豉油真係頂呱呱咕嚕肉夠晒鑊氣,三色椒令肉冇咁單調蜆湯咸咗小小,但勝在蜆夠鮮甜,好好飲白灼蝦都同蜆一樣咁鮮甜椒鹽魷魚嘅椒鹽味比較突出,味道好特別

去開清水灣，忽然想食海鮮，西貢，流浮山去得多，黎到清水灣無理由唔去布袋澳試下。可能係閒日既關係，得三枱客。聽伙計講上次山竹打到黎，搞到好多野浸晒，結果就無糖水食，因為好多雪櫃浸左。呢度無價錢牌。所以都唔知d 野幾錢。叫左兩隻蟹，一隻膏蟹一隻肉蟹，攞黎薑蔥炒。炒得不知幾惹味，膏比較硬身，如果再軟小小就正到爆蒜蓉粉絲蒸聖子。聖子大約手掌咁大，熟蒜夠多令到d 粉絲好好味，聖子爽口鮮甜。豉椒炒花蛤至惹味，小辣肉鮮甜，啱啱黏住蓋，剛剛熟。要左個椒鹽豆腐就麻麻地，外皮硬，豆腐唔夠滑。西芹炒鮮魷既味道唔突出。椒絲腐乳油麥菜！真係要落足辣椒，薑絲先至好味蒸左條斑，由於有外國人，所以條魚唔可以咁啱啱熟，佢地見到血絲會好嬲既！所以專登叫師傅煮熟小小。再加碟發炒飯，乾身、粒粒飯分明，有蔥、叉燒粒、蛋

一向有食開發記, 好信任發記酒去海鮮，自己走去魚缸位，同佢講半斤蝦蒜蓉開邊蒸, 見佢喺張單度寫咗個八字 以後又忙緊喺度忙緊其他嘢。 就好安心咁樣回枱等食。最後上檯時真係喜出望外， 我以為同佢講話要8隻，自己講錯聽錯。 最後埋單這八隻 店員所講嘅中蝦 (半斤㗎) 盛為你160蚊。不多叫咗四粒扇貝， 蒜蓉同埋粉絲好好味， 而主角扇貝就好似吾多新鮮， 可能我又係冇睇實佢開， 中途變咗身我吾知。叫三樣嘢最後有樣嘢冇嚟都唔想再等佢啦， 叫個白飯都有問三次先有。😪😪😪最後無奈畀錢，鬼叫自己冇睇實，冇數清楚。最後店員仲同我講下次唔好食。 我企圖立即要求磅多半斤蝦睇睇有多少隻，但被身邊人 勸止，指我無謂搞笑，因為自己冇睇實而且食埋。 就算來多半斤都唔係我半斤， 但係我就學識佢有冇海鮮檔都必須要由頭睇到落尾最好自己睇埋佢煮那一刻。

朋友聚會, 有人提議入西貢食海鮮。清蒸石班, 條魚好大條, 蒸嘅時間剛剛好, 魚肉ㄧ d 都唔 "鞋", 薑葱炒蟹好惹味, 再來ㄧ碟龍蝦伊麵, 嘩, 你睇下幾多龍蝦l鋪滿碟 雖然山長水遠入西貢, 好彩 d 海鮮夠新鮮, 總算值回票價。

今日成班老友出黎食飯，又冇BOOK枱好鬼HEA，有人提議食海鮮。西貢，布袋澳，鯉魚門我地都有諗過，最後揀左布袋澳。我都係第一次黎，我地一行5人揸車入去，一去到已經有哥哥帶位泊車，好方便，又好服務。我地眼見有2間海鮮餐廳，第一間已經有姐姐係度SALE我地入去，我地兩間都冇咩所謂，所以就跟左佢入去。海鮮全部都出去出面自己揀既，但係係海鮮價，都唔知大約幾錢就要揀，好冇安全感，我地都大概見隔離枱叫咩我地就叫類似。上菜速度係勁快，10分鐘就有得食咁濟，好誇張!!!椒鹽瀨尿蝦 3隻大大隻 $540揀既時候已經覺得佢地好大隻，又活躍!! 佢幫我地每隻剪開一半，再比埋把膠剪我地自己剪黎食，好方便，完全唔使幫佢做熱身，一黎就剪!!!椒鹽超好味，未剪蝦已經係咁舔啲椒鹽，瀨尿蝦雖然肉唔多，但係配上了椒鹽真係好野味，食完又想再食。可惜價錢唔平，如果每人一隻都貴貴地蒜蓉粉絲貴妃蚌 $200呢個又係完全唔知價錢咁叫，最後睇返單先知除返開$40一隻!!超值!! 貴妃蚌超新鮮，又大舊，配蒜蓉簡直係可以再帶出佢鮮味!!但係粉絲就唔多得，好粉又碎!!好在冇影響到個蚌既味道。我地都覺得呢個貴妃蚌下次可以每人兩隻都唔過份。豉

來到布袋澳，要試下發記的海鮮，果度海鮮出名新鮮爽口，鮮味撲鼻😍。越多人就食到越多的海鮮美食，當然有些要提早預訂架啦! 出名菜式有……1椒鹽拉尿蝦（香口，肉質鮮嫩）2清蒸石斑🐟（清甜鮮味）3蒜蓉開邊蝦（必食）4上湯龍蝦（鮮味彈牙）

進入2018年的第一日，當然要食返餐比較豐富美味的海鮮午餐啦，之前去過另一間旁邊的海鮮飯店，價錢上大家都差不多，不過這一間的分別只是在繁忙時間沒有供應墨魚刺身，有點失望！但他們的新鮮海魚大部份都野生的，不是養魚，肉質比較鮮嫩，值得一試！今次我們一家四口order了椒鹽鮮魷($78)、清蒸瓜子($364)、豉汁炒花甲($160)、蒜蓉粉絲蒸蟶子皇($221)和發記炒飯($78)，每樣海鮮的烹調和味道都有水準，但只是椒鹽鮮魷，我覺得旁邊的一間做得比較好，肉質比較嫩，不過以烹調來計這一間比較少油，健康一些💪

聽人講布袋澳食海鮮比其他地方平靚正，可能係交通唔方便，但既然一家人郊遊完就順便落去試一試附近風景真係好靚好寧靜一個古色古鄉既漁村行到尾見到兩間店鋪，見呢間門囗貼左好多明星相，就俾佢吸引左入到去見到有散叫或一圍圍套餐雖然套餐底食好多，但分量太多食唔晒，所以選左散叫，行去海鮮區睇吓有乜海鮮選我地選左海蝦、鮑魚、扇貝、東風螺、海魚、鹽水雞、豉油皇炒麵、發記炒飯、西蘭花。白灼海蝦:大細適中,鮮甜彈牙豉油皇炒麵:麵幼炒得乾身夠鑊氣發記炒飯:需然唔係好大碟,但好足料乾身味美鹽水雞:皮滑肉嫩,鹹度適中蒜蓉西蘭花:大細適中,一啖一嚿,美味爽口蒜蓉粉絲蒸扇貝:好多蒜蓉和粉絲,粉絲好軟硬適中,索左蒜蓉、熟油和扇貝既鮮甜味好正,扇貝新鮮彈牙清蒸海魚:唔知係乜嘢海魚,但蒸得唔老,魚肉嫰滑,有鮮味清蒸鲍魚:果皮既清香和豉油熟油加埋一齊,提升左鮑魚既鮮味,而且咬落唔靱白灼東風螺:美味鮮甜、彈牙爽口美中不足,就係太細粒,輸左口感今次真係大快耳朵,都係用左而且比其他地方平,新鮮好味,下次多d人就可以叫套餐,同試多d嘢

Ummmm it was the second time I tried this restaurant. Don't know why the seafood is not as fresh as what others commented on different platforms. The scallops were not very fresh but I did see the staff took them from the aquarium... anyway it is a very popular seafood restaurant in Clear Water Bay. But maybe just because of its popularity, it doesn't care about the fame anymore and the quality control gets worse recently.

味道一般, 服務態度好差自以為老闆娘, 態度超差!! 問我地幾時走阻住收工, 嗰陣時九點幾!! 離晒譜, 😡冇下次, 我未去過咁差態度嘅餐廳如果你地早閂門, 早啲同人講, 禮貌啲相冇問題

以前遊船河時經過布袋澳 沒想到小巴 / 坐車也有直達而且很快 其實村裡只有兩家海鮮酒家 發記比隔壁海鮮島看上去正統如果能坐視窗位元 景色會很好吹著海風 不用冷氣在盛夏也很舒服白灼蝦 不功不過 但個頭很大 抵食 老闆會拿捏2個人的分量 也沒有多推銷很鮮甜 美中不足有點幹 也沒有淋些許汁水 非常大 用豆豉炒 很有咬勁  2個人叫了4個已足夠稍微有點偏鹹 回家後口幹的不得了但勝在夠大 吃的很滿足原來去西貢也沒有想像中那麼遠天氣非常不好 遊客也少了很多所以度過了一個很悠閒的週末以後還會再去

家庭聚餐話去布袋澳，第一次入布袋澳，來哩度冇它只為食海鮮而來，地方偏僻、人少，冇揸車確實唔太方便，小小的漁村讓生活在高樓林立的市區人可以感受到別樣風味。短短十分鍾就可以行晒成個漁村，哩度得兩間餐廳，家人book佐發記，一來到發記門口就見到好多明星合照，特別多發哥合照，令人不禁懷疑同發哥是否有關今次D菜色全由我家買單嘅大人話事，我D小輩只有吃不能說，首先第一道菜例牌食海鮮都會叫的，白灼蝦，蝦好新鮮，好鮮甜，蝦肉好結實，彈牙。第二道菜上湯龍蝦伊麵，D肉都好實，不過味道就一般般，冇咩驚喜椒鹽瀨尿蝦，瀨尿蝦好大隻，一隻都有我半截手臂咁長，雖然係椒鹽但都食得出蝦肉嘅甜味，不過就偏鹹，如果係本人點菜我會叫鹽水上，相信會更能帶出它的鮮甜味。跟住係椒鹽鮮魷，我麻麻地哩味，因為偏鹹，而且炸的唔夠乾身薑蔥炒蟹，蟹殼爆糕到不得了，但味道就一般，偏鹹跟住係本次最有驚喜的清蒸石斑，我嘅驚喜係因為師傅能將一條咁大條魚任何部位都蒸得唔老每啖肉都好滑好鮮味整餐飯覺得都還算OK，有讚有彈，但地點咁偏僻，如冇必要未必會再來

屋企人好鐘意去布袋澳食海鮮，覺得依度既海鮮新鮮d！今次係我第一次幫襯發記，最鐘意食佢地既龍蝦同扇貝❤️今次我地3個人叫左炒蜆、上湯龍蝦伊麵、蒜蓉蒸扇貝、一條清蒸黃立倉，同埋白灼蝦。先講上菜，即使果日係假日爆哂場，上菜速度依然好快，叫左10分鐘唔夠都已經上齊👍🏻白灼蝦真係好正，鮮甜爽口😋平時係出面食扇貝一定勁多油勁多蒜，蓋過左扇貝既鮮味😞但依度既煮法就絕對唔會，少少蒜蓉帶出左扇貝既清甜，粉絲唔多，令你真係可以品嘗扇貝既味道而唔會掛住食配菜！另外上湯龍蝦伊麵都好好食😋龍蝦啖啖肉，上湯汁唔會太稀又唔會太漿，伊麵分量岩岩好，唔似出面咁d麵一餅餅好難分，反而係好容易夾，亦好好食😋