友義氣‧酸菜魚 (小炒打冷)

营业中

休息中

🍴四人餐(88折) $598 🍴老壇酸菜魚 (8/10)用咗鱸魚，魚肉超級嫩滑，辣度適中，份量勁多仲要好多配料！有金針菇，萵筍，酸菜，仲有薯粉，真心好抵食！🍴鹵水拼盤 (7/10)有豬耳，紅腸，豬腩肉，豬大腸，滷水豆腐，份量都幾多，滷水都好入味，唔錯！🍴避風塘茄子 (7.5/10)茄子炸得好香脆，茄子好香好腍，不過就比較油膩。🍴鮮果咕嚕肉 (8/10)咕嚕肉即叫即炸，外脆內嫩，肉質彈牙，味道酸酸甜甜啱啱好啊，既然有新鮮菠蘿添啊，真係加晒分，好食！🍴鹽焗走地雞 (8/10)真係雞有雞味，鹽焗得來唔會太鹹，幾香口，雞肉嫩滑，唔會太腍身，好食！🍴濃湯鮮菌浸菜苖 (7/10)菜苗比較清淡，幾爽口，都唔錯嘅！🍴珍寶檸檬茶 $22 (7/10)$22即係大杯又抵飲呀，其實真係可以兩個人share！推薦指數: 8/10計埋個價錢，五百幾蚊，真係夠五個人食，份量足又抵食，真係好唔錯！如果九龍灣想食小炒又坐得舒服都好推薦呢一間，有酸菜魚，有小炒又有滷水拼盤真係😆😆

朋友食過話呢間酸菜魚好食，有四間分店。所以今日特別為酸菜魚而來。成個招牌大大隻字，寫住酸菜魚，真係好有底氣。地方簡簡單單，茶餐廳格局。二人餐，$328 ，有三個餸。酸菜魚（中辣），魚片份量頗多，而且厚身，夠滑有鮮味。 中辣度，但感覺不是太辣，湯酸酸地有魚的鮮味。鮮果咕嚕肉，配有一份燒菠蘿，咕嚕肉外脆內嫩，熱辣辣，即叫即做，味道酸酸甜甜，非常好入口。口水雞，普普通通，唔算辣，香味唔夠。買單，$328 ，不需要加一服務費。6:00開始多人，大部份都係家庭客，酸菜魚都算不錯，價錢也相對便宜，下次可以試吓其他不同的菜式。

✿友義氣酸菜魚•世一✿呢間酸菜魚我真心覺得係全港最好食嘅一間加好抵食，全日免加一，除咗有酸菜魚之外，佢啲小炒同打冷都好有鑊氣，價錢好抵🙈首先個酸菜魚，魚湯好正宗，鹹淡適宜，我食個隻係小辣，啱平時鐘意食辣又唔食得太辣嘅人，重點係魚肉超滑😳，無骨，配上酸菜好refresh😆除咗酸菜魚，佢啲打冷同小炒都好出名，我試咗個啫啫蒜蓉芥蘭煲，超有穫氣同火候，同食大排檔差唔多嘅程度👍🏻當然唔少得每次都會黎飲佢個自家製老薑煲檸樂，薑夠多，夠辣，食完酸菜魚飲一啖好爽😆⭐️全日免加一⭐️回頭率超高，超抵食，我自己都變咗常客🤣🥰—————————享用食品總結:🐟老壇酸菜魚(標準)-用特選海鱸魚，魚肉超滑，魚湯麻辣鮮香，標準size兩個人食就好夠了😋🥬啫啫蒜蓉芥蘭煲-超夠穫氣，新鮮蒜蓉好香，配上鮮脆芥蘭，好完美🥤手拍有皮老薑煲檸樂-老薑好夠辣，加上檸檬可樂，酸酸甜甜，同酸菜魚一齊飲好爽—————————評分:💰性價比: 9/10👅味道: 8/10📷賣相: 7/10👩🏻‍🍳服務: 7/10💯總分: 31/40人均消費:$120—————————友義氣•酸菜魚📍 @youyiqi.suancaiyu 地址: 九龍灣牛頭

上次試過呢間‘’友義氣’’起淘大得寶商場食過酸菜魚，覺得好有水準。今次叫左個濃湯枝肉片竹浸菜苗配米線和嫩滑貴妃雞紅薯粉。貴妃雞真係好夠嫩滑，肉片好大塊，最欣賞係雞湯底夠晒濃旭，又唔會過鹹，平民價錢48蚊加飲品，高質食物，超值！

朋友話網上酸菜魚群組有人推介呢間嘅酸菜魚，咁就打算黎試試佢。星期一夜晚六點到餐廳，唔洗等位但都已經有幾枱客。環境就比起茶餐廳靚少少，小型中菜館嘅格局，但係冷氣就唔係好夠。兩個人黎之前已經諗好叫二人餐，$328有一個前菜小點、兩個主菜同兩個白飯。我地就揀咗口水雞、老壇酸菜魚同避風塘茄子。本身諗住加錢加紅薯粉落酸菜魚，但係侍應姐姐好好心，提我地個魚裏面已經有少少，再加會食唔晒，所以最後無加到。等咗一陣，先上冷盤口水雞，例牌每人有四五件，雞算滑，辣味都好夠，幾好食，送飯一流，仲有脆花生伴碟。👍🏻👍🏻跟住上重頭戲酸菜魚，裏面除咗魚同酸菜，配料有萵筍、金菇、薯粉同大豆芽。一黎緊係試試個湯，點知就換黎一個大失望。同朋友兩個人都覺得太酸同個酸味好似來自白醋咁，係食過個湯最差嘅酸菜魚。雖然個湯麻麻，但係魚就有驚喜，份量多而且好滑，值得一讚，只係食落覺得好似魚同湯係分開整，因為魚無乜酸味😂。其他配菜就不過不失，係浸湯浸到太酸😖。最後上埋個避風塘茄子，一上枱少少嚇親，因為個份量又係好多，不過最緊要個味道。食落係就係有少少油膩感，但係好脆身，亦都好夠「避風塘」，正！總括而言，三道菜食完一定會夠晒飽，味道都唔

#wetdodo_九龍灣 #wetdodo_銅鑼灣 #wetdodo_觀塘 #wetdodo_葵涌 呢間中菜館好似開得幾快～已經有幾間分店得寶呢間都坐得幾舒適 冷氣又夠咁啱又安排咗卡位幾闊落仲要全日免加一又冇茶芥果啲又唔會限坐幾耐 帶家人嚟食都諗得過🤭小菜幾出色又抵食🤪見佢除左小菜仲有打冷嘢～有機會再試🥴發現銅鑼灣新店喺openrice卜枱仲有7/8折———————————————————————🐟標準酸菜魚 $188😋：7.8/10酸菜魚嘅魚片份量真心多食極都仲有 同埋唔會喺食廚師刀功反而配粉份量唔太夠呢啲索汁item多啲就更開心配料有萵筍、寬粉、金菇等全部都索湯入晒味 湯底味道幾香濃但如果鐘意酸味就覺得唔夠食完唔會話好口渴 應該唔重味精辣度揀咗小辣 幾有麻香 其實都幾辣下 應該都接近坦仔小辣如果2個人食再加份配料已經夠晒飽🍆避風塘茄子 $78😋：7.5/10呢個一上枱真喺賣相一流📸開頭食落會覺得唔算油膩但呢道真喺要襯熱食一擺凍咗就會有油膩感炸皮好薄 茄子調味唔會太濃 啱啱好都幾惹味！🍍鮮果咕嚕肉 $88😋：8/10咕嚕肉應該呢到招牌之一都幾多人推介咕嚕肉炸皮好薄 而且幾香脆醬汁味道

最近先知得寶原來開左間酸菜魚，見到四人餐幾抵食就試試😮四人餐$498🚩鹵水拼盤🐷拼盤出奇地幾好食，有豬耳、大腸、紅腸、少少腩肉同幾條墨魚，鹵水唔算太咸，豬耳幾腍，唔會硬到咬到牙痛🐷🚩避風塘茄子🍆呢道菜平時都幾少見，一上枱果陣超熱辣辣，外脆內軟，炸粉薄身，茄子入口都唔算油膩，而且有少少辣，好香口，佐酒一流🍻🚩老壇酸菜魚 🐟 +15加配薯粉亮點係魚肉同薯粉🥰 失望係湯底🍲魚肉份量好多，肉質滑嫩，因為係用海鱸魚所以冇乜魚骨，啖啖肉，配料有金菇、萵荀、芽菜、薯粉，因為加左$15加配薯粉，所以夾極都有🤣食酸菜菜魚點可以冇薯粉，呢隻係寬身薯粉，好煙韌，好有咬口😋😋😋最可惜既係湯底竟然唔夠酸😳辣味麻香都夠既，唯獨是酸味不足，完全冇酸菜魚既感覺🥲🚩鹽焗走地雞🐥味道咸味適中，但肉質普普通通，雞胸部位韌韌地🚩濃湯鮮菌浸菜苗🥬正常發揮，菜苗變左白菜仔🤣

6點鐘去唔洗等位，上菜好快，仲要啲菜仲係熱辣辣，避風塘雞中翼好juicy，咬落去係勁入味；招牌酸菜魚係用海鱸魚，係超級滑同埋冇骨，湯底酸辣適中；黃金軟殼蟹，用咗好多鹹蛋黃去炸，上菜時超脆同熱，值得一推👍🏻

招牌菜 酸菜魚 價錢合理味道唔錯， 如果可以再辣啲就更好 ~ 份量足夠~ 另外黃金脆豆腐 味道超正! 仲有大大杯凍檸茶 只係22蚊 超級抵飲🤣,員工服務態度好， 會再幫襯，值得推介畀朋友!讚!

在銅鑼灣友義氣食酸菜魚，估唔到酸菜魚之外還有其他鑊氣小炒，還有好多麻辣系列，感覺都相當不錯！環境乾淨，店員姐姐好好服務好nice, 認真一讚！招牌酸菜魚小辣，酸辣小辣味道都幾到到位！湯底酸中帶微辣香，用了海鱸魚，質感札實肉又夠嫩滑，而且魚肉吸到酸辣香，幾吸引。芽菜，酸菜，金菇好配襯。細size都相當足料。冰鎮咕嚕肉，3甲既冰鎮咕嚕肉！真係高手在民間。微熱既咕嚕肉再帶冰鎮感。非常脆口，口感層次豐富，味道醬汁唔會太酸，味道剛剛好，就算過左黃金時間食，都依然非常脆口。實在太高水平，不得不讚。

九龍灣德寶商場都有好多新的餐廳或者小店，見到有間食酸菜魚好吸引! 聽講現場晚市要排隊，所以今次試咗酸菜魚同埋一味小菜的外賣，舖頭除咗有酸菜魚之外，亦都有大排檔小炒和潮州打冷，都幾多選擇！👍🏻食物 -老壇酸菜魚 $118 (標準Size)揀咗微辣，魚係鱸魚片，魚片份量偏多，每片都好大片，外賣湯底係分開上，但係咁樣反而冇湯浸住冇咁入味，啲魚片拎到返屋企有少少腥，但問題不大。湯底不是太酸，我覺得酸香再多一點會比較好，有少少芽菜、金菇、雲耳、萵筍、寬粉，味道合格，但沒有太大驚喜，不是太驚艷，味道普普通通咁啦！友義氣•黃金蝦 $118炸蝦比較乾身，食落係好香口，不過就有點兒過熟，比較適合配啤酒，就咁當小菜食就會覺得佢太乾，沒有想像中那麼好吃！食物：⭐️⭐️⭐️總結 - 食物質素OK，整體份量都算幾多，酸菜魚價錢實惠！不過冇比較就冇傷害！酸菜魚味道正常，唔算特別有驚喜！如果住附近用佢止一止酸菜魚的癮都還可以的。而且他們還有大排檔小炒同埋滷水，有機會都想試一試酸菜魚以外的菜式！

2022-08-08朋友升職請食飯😆我搵咗係得寶商場友義氣😎見好多人都介紹過依間餐廳🍴打咗電話訂位☺️平日晚市八點時段，已經要等位了🤪好彩有訂位，店員安排我哋坐二人位2️⃣建議早攞少少可能有卡位坐💺友義氣出哂名係酸菜魚🐟我哋就點了四樣嘢，酸菜魚（微辣），188蚊盤，厚切份量不少，肉質滑嫩，湯底濃郁但不膩，主角用咗鱸魚片，金茹，大豆芽菜等，薯粉是寛薯粉，有口感又煙靭，有埋傳統嘅川菜調味料如花椒，辣椒乾泡椒，加酸菜味道控制得好好，真係湯好好飲，值得一試😝沙拉骨，85蚊碟，大牌檔必點嘅小炒，沙拉骨酸甜開胃，以煎炸過的先將排骨酥炸至金黃色份量正常，唔算話好多，勝在味道不錯☺️椒鹽脆鮮魷，98蚊碟，真係即叫即炸，上到枱都仲出緊煙，外脆內軟，炸得非常香脆🧨福建炒飯，98蚊碟，福建炒飯炒飯底炒得粒粒分明又甘香，醬汁的稠度咸度啱啱好，好味道，份量係超多，真係食唔哂要打包😆😆整體環境坐位比較逼，二人枱好細張🤨服務店員好有禮貌，舉手會好快應你🙋‍♀️食物味道好食，份量好多😎會再幫襯試吓其他小炒同埋大檸可🥤#友義氣#酸菜魚#沙拉骨#椒鹽脆鮮魷#福建炒飯

______________________________近排火熱嘅酸菜魚，今次到我試啦😍夜晚7點好多人等位，多人嘅記得早啲黎等位🥹又或者用App拎左飛先又得⧐酸菜魚 🐟 酸菜魚好滑🥰無骨。份量夠3個人食~湯底夠酸！小辣已經都幾辣下😂辣得過隱。配菜本身已包金茹、萵筍，薯粉。欣賞個湯夠麻🤤超正！⧐咕嚕肉基本上每枱都有點🤫皮薄又入味，豬肉好淋身😳菠蘿仲要燒過，甜嘅😎⧐炒芥蘭芥蘭反而有啲老🤨不過炒得都入味⧐珍寶檸檬茶咁大杯都只係22蚊，扺到爆🤪

原本山長水遠去到德寶想食肥仔米線點知休息 就係得寶商場開始覓食見到有酸菜魚梗係入去止一止個米線癮啦🤣食酸菜魚，裝潢唔錯，見入面都有好多客人食緊川菜，就嚟試吓啦～🐟酸菜魚 （標準）魚肉份量很多，2個女仔食真係夠晒魚很滑～ 本身嫌個味唔夠入味我係問店員拎咗醋落去成個味道好食晒～感覺好好 有時食嘢就係差個少少調味😄我哋叫小辣嘅，我覺得係麻多過辣。如果我下次食我會揀中辣，見到人哋嗰碗係橙色嘅感覺上好似味道濃郁啲～🍤避風塘海蝦揸得幾新鮮，唔似千年油，但係略嫌避風塘風味冇進入到個炸蝦入邊，同埋海蝦嘅肉都比較少，同埋自己唔鍾意食有殻嘅蝦～荔枝梳打，草莓🍓乳酸好甜好難飲好似細個飲嗰啲假味🥲😂大家都係飲返可樂😏

鮮少人知嘅得寶商場，街坊街里先會途經嘅一個細細居民商場，喺上年revamp完後多咗唔少小店進駐，餐廳當中都不乏好多隱世平民美食！之前好多人介紹呢度嘅肥仔米線，確係高質。今次到有街坊推介呢間友義氣，睇舖面似係普通茶記小炒飯店，但招牌茶係個酸茶魚🐟！有分標準或加大兩個size，叫咗個標準但望落都似加大咁，魚肉好似食極都仲有，叫咗小辣對我呢啲食辣bb班嚟講剛剛好，最欣賞係個湯麻度十足！其實二人份量一個標準版都好夠飽，口痕叫多個小炒，正常發揮。提提大家，食完都有少少口渴，似終酸菜魚多少都係味精嘢，不過就未到好食鹹或者重口味到你會不停灌水，整體算可接受啦！