影片
开饭介绍
提供粤菜、川菜的中菜馆，食物种类众多。除了主打的老坛酸菜鱼等川菜，亦提供港式茶餐厅及小炒菜式，且价格相宜。
继续阅读
以上资料只供参考，请与餐厅确认详情
-
网上订座服务暂停
早排同朋友一齐到得宝这间友义气食晚饭，估唔到价钱贴地，质素又唔差， 本来以为茶记类服务都唔会有咩好，但哩间餐厅d姐姐服务都唔错。 我地叫个酸菜鱼二人餐再加椒盐火箭鱿 再加野饮埋单人均250，野食真系大大份， 抵食夹大件，个榄菜四季豆好有获气，最终 仲要食唔晒。有得拎走最正野饮系特大版， 岩晒我哩d吸水怪.可惜当天未有手打柠檬茶， 就叫返港式柠檬茶。住九龙湾附近既朋友仔真心推介哩间餐厅。收23：00； 22：00截单。努力支持小店！！加油！
继续阅读
基本上食酸菜鱼一定会谂起呢间友义气，因为佢好食之余价钱亲民又冇收加一👍🏻依家唔同分店都食过几次。试过出边好多酸菜鱼系好食，不过好似越嚟越贵。事隔半年左右又再返嚟食，个盘一样咁大，鱼都一样又滑又冇骨，唯一唔同嘅就系加咗价之余仲放咗好多芽菜好底，变相酸菜鱼份量少咗🥺系失望的其实佢有个二人餐好抵，不过每次都会食黄金虾，但系叫埋二人餐就会食唔晒，所以最后都决定唔要套餐，净系叫黄金虾加酸菜鱼两个人食😄 黄金虾大只莲壳都可以食👍🏻呢个真系推介👍🏻
继续阅读
餐厅名好过瘾叫友义气😆👊🏻最近天气温度开始下降🥶就会特别想食热辣辣的食物暖身♨️呢间餐厅提供食物种类都几多除左招牌老坛酸菜鱼外🐟仲有其他川菜及镬气小炒飘香水煮鱼🐟🌶️🍲平时多数会拣食酸菜鱼(通常拣少辣或中辣)，而水煮鱼就比较少食，所以今次拣左低调的微辣试下，面层舖满大量辣椒🌶️，花椒粒及辣椒油，整体食落唔算好辣且较易入口，好岩食唔到辣的朋友仔，标准份量都有超多鱼片肉质滑溜无骨，配菜有宽粉，金菇，芽菜及莴荀等好足料💯，附送白饭，最后仲食剩少少🫣，呢个份量都好适合3-4人分享😝避风塘茄子🍆上次食完避风塘炒面，忍唔住再叫避风塘菜式，茄子🍆炸得黄金香脆大约有10件左右，食落里面软腍，加上用避风塘炒更惹味香口😋鸡丝粉皮🐔粉皮薄滑，加埋鸡丝及青瓜丝，配上香浓麻酱一齐食清凉爽口又开胃🤤手打咸柠七🍋🟩超大杯用啤酒杯装住好抵饮，清新解腻珍宝柠檬茶🍋超大杯柠檬茶饮落唔算太甜，正常发挥
继续阅读
4人餐酸菜鱼叫左bb辣，个个都岩食，鱼肉又滑又够香。避风塘茄子又脆又辣，劲惹味。咕噜肉够酸甜仲配新鲜菠萝。盐焗走地鸡又够嫩滑。而浸菜苗同卤水拼盘就不过不失。最近仲做紧4周年优惠，啤酒买一送一。
继续阅读
九龙湾有好多好食既街坊小店，系德宝商场既「友义气酸菜鱼」 更加系我不断重复帮衬嘅舖头 一个人定食晏，下午茶系者一大班人，家庭朋友聚会，都好啱黎食。门口挂有明炉烧味，餐牌有各式各样嘅中式小菜，有辣有唔辣，任君选择。多人就可以拣套餐，包罗万有，唔洗谂样样都试哂。特别要介绍佢下午茶时段，14:30-16:30 用餐有八五折优惠，真系穷人恩物。镬气粉面至特色小菜，全部都有折扣，真系超抵。餐饮可以加配大柠茶，$8大大杯，好抵饮。另外佢嘅酸菜鱼真系必食，鱼片嫩滑无骨，已有芽菜、金菇、莴笋等配料。我自己每次食都会加宽粉，好烟靭入味。不过汤底偏辣，第一次食可以拣少少辣，睇吓自己接唔接受到。其他菜式例如炒菜，炸物都好有镬气，新鲜热辣辣，份量足料。推荐大家去试吓。
继续阅读