叉燒大王

营业中

休息中

前幾日同阿媽慶祝生日。強記雞粥仲裝修緊,新酒樓屋企話唔好食,見呢度未幫襯過,近近地就去試下。此為叉燒大王的尚菜館,隔叉燒大王一個舖位,好多時都見內地遊客幫襯,也經常爆滿。這裡以小菜為主,不過可能因為做遊客生意,所以唔平。是晚去到即時有位,內地遊客也不多,可能因為時間尚早。簡簡單單點了兩個小菜+一個煲+三個白飯椒鹽鮮魷魚:炸得頗脆,夠入味香口,不過有d辣,下面有d炸粉絲都炸得夠脆,不過呢碟野都幾熱氣。醬爆大鱔球:鱔球脆口入味,頗香口但又有d辣,西蘭花ok海味金菇雜菜煲:比果兩碟小菜仲平,幾大煲,沒甚麼海味可言,只有蝦米,金菇份量少,最多的都是粉絲同菜。雜菜煲個湯唔太味精,可接受。但因屋企人唔好香口野,自己食幾件香口野,個煲已經比屋企人清哂。價錢呢度冇強記咁抵食。地方細,坐得有點迫。雖然味道都唔錯,但屋企始終掛念強記的食物。

我最愛既叉燒大王!!!! 我由佢好"up dup"支持到佢而家. 開頭佢得一間shop好細, 到佢開多間shop係for客坐既, 到而家佢開到一間靚一靚既shop d水準都無退過而仲好越黎越好味! d叉燒唔洗講啦, d腩仔肉又超脆! d豆腐卜讓左d肉入去好好味, 個sauce一流! 我諗我搬左我都會入返沙田食叉大!

其實屋企附近係有好多食店(近廿間),但可以在openrice寫食評的就不到10間...其實有一間小店我一直好想寫佢的食評,但可惜果間食店係冇名的,食左咁耐,由細食到大我都唔知佢叫咩名...咁冇辨法了,果日呀媽病左煮唔到飯,又要寫到食評,唯有叫老豆落街去叉燒大王買叉燒飯比我食...呢間係屋企附近的食店之一,隔離果間尚菜館都係叉燒大王開的,在夜晚會有好多內地遊客黎食...今次食的係叉燒飯,應該唔錯吧...叉燒飯d飯好多,但飯比較硬身,叉燒唔錯,比較瘦,但食落唔會好鞋,同埋叉燒吸收哂d叉燒汁,甜甜地,但切得比較大舊,條小棠菜ok,叉燒下面d飯吸收哂d叉燒汁,淨食飯都食到叉燒味...d飯食剩一半都已經好飽了...

28/5(日) 1:30pm去強記前忍不住到此買了$10叉燒及$10燒排骨,叉燒依舊是高水準之作!燒骨則略遜!味道沒甚特出.下次會試試堂食!

14/5(日) 1:30pm今天又黎新界區閒逛兼睇屋,由九龍塘火車站搭巴士到呢頭覓食.去強記前路過此店,記得"活得很滋味"曾推介此店之叉燒,酷愛叉燒既我地點會錯過!餐廳外面坐滿客人,唯有外賣$10叉燒到強記食,要了半肥瘦,叉燒熱騰騰,肉質相當腍,屬高水準!略嫌不夠色水,叉燒面層燒得不夠燶.眼見其他燒臘賣相亦頗吸引,會有下次!recommended!!

最鍾意同D FRDS踢完波或者收工行黎呢間野度食晚飯，坐係街邊度感覺同坐室內有好大分別，FREE好多。岩岩果次去叫左一個排骨炒麵同炒貴DIU，D炒麵好味，夠乾身、貴DIU都夠入味。可以再去

尋晚同朋友去食飯,第一次去食咋,六個人叫左四,五個小菜,有咕嚕肉,福建炒飯, 雜菜煲同埋燒味併盤,咕嚕肉好好味,有大大片既菠蘿,肉肥瘦岩岩好(其實是偏瘦的,不過我好中意食),燒味只係食左一舊叉燒,好味!同埋海"jit"都幾好,雜菜煲好油,唔食好過食=.=,都會再去既

每次都會趁星期一至五每日特價買一款外賣，一定要買半隻雞（忘記叫鹽焗雞or沙薑雞），每次買番屋企一陣間就清晒，不過稍嫌個底啲油勁得滯。要推介佢地個燒豬頸肉，勁好味，但係亦賣得好快，一日只出兩輪，叉燒水準唔平均，需要改善！

下午同事'' 車出河畔食飯,建議食叉燒大王,我本人喜歡食叉燒,故被此名吸引,去到才知原來之前去過,但當時未有叫燒味,間舖好似普通茶餐廳,如果個名唔用叉燒,相信都無人會叫,因為佢地有多款午餐供應.今次叫左叉雞米,特別要求要另上,叉燒肥瘦適中(但本人喜歡全瘦多D),D汁唔多,但幾野味,雞就係一般貨色,無驚喜.湯米都幾好食,試過同事D燒豬,好脆,都OK!

媽媽經常在這裡買外賣加餸.我覺得叉燒的水準好飄忽.一時好食,一時唔好食.而且佢d叉燒比乾,不夠juicy.反而脆皮燒肉就好食d,個皮好脆.就算凍左食都唔會好淋.而且肥瘦適中.

Compare with previous age...worst than beforehope they can improve.

我同男友之所以知道呢間o野好食，係因為之前Edwin o係o個度拍過MV...後來，聽傳媒講話o個度d燒味唔錯，所以就特登走去試試.一試之下，先至知道回味無窮!!!我o地每次去都係叫燒味雙拼飯.其實，每樣燒味都好吸引.不過，我o地最鍾意o既就係脆皮燒肉，因為百分之一百脆皮^.^^.^另外，呢間舖頭除o左賣燒味外，仲有小菜供應(好多人都會叫小菜).不過，我o地始終都敵唔過燒味飯o既誘惑.哈！哈！哈！

到男友在沙田河畔的叉燒大王食晚飯, 我要了瘦叉油雞飯, 他要了叉雞米, d叉燒好好味, 雖然我要的是瘦叉但又唔會好硬好柴皮, 味道又好, d油雞皮我覺得有點點咸蛋味, 好味, 連平時唔會食雞皮的我都忍唔住食晒. 他的米粉都好好. 總算沒有辜負店名.