叉燒大王

营业中

休息中

我2個月前食過(3個人), 但唔知係咪叫錯野, 所以唔覺得好味.燒腩拼叉燒 > 話要肥叉, 但黎左瘦叉, 仲要無乜味, d燒腩仔又超肥, 兩樣都唔掂.芝士焗鮮尤 > 鮮尤唔係新鮮的, 所以無味, 同埋原來係炸鮮尤, 再落芝士汁去焗, d芝士汁同酒樓d芝士焗龍蝦味道一樣, 又係唔掂.辣酒煮花螺 > d酒無酒味, 又唔辣.炒菜 > 唔記得炒咩菜, 但應該是最好.小菜份量都Ok的, 唔會太細碟, 亦唔係好大碟.但我見人地d小菜就好好食, 唔知點解我地果d就咁差囉!

嚟得叉燒大王~叉燒燒肉米粉一定唔少得~佢d上湯真係好得~加埋叉燒肉另上~good!!!仲有必定的掌翼~千萬不要以為38蚊係貴~抵的!!!而且份量唔少!!今次叫多個口水雞tim~辣的東西~我真係唔識欣賞~辣到我唔多食到乜味但雞肉嫩~皮脆~絶對要加分!!!!!

爸爸推介話好好味又唔貴, 我係叉燒fans一定要試試啦~我要左叉燒豬頸肉米線, b要左叉燒燒腩仔飯...講下米線先...叉燒真係好味呀~ 不愧為叉燒大王呀! 不過小左d姐...豬頸肉...韌了點...mama地~b個飯呢...燒腩仔真係不得了呀! 好正, 皮脆肉滑...又唔會太肥wor, 我覺得好味過叉燒tim呀! 諗起又想再食了~!仲有例湯送...又唔貴...哈哈...不錯錯

嗱~我一路都以為佢d叉燒係最好味的~但今年開始有質素下降的跡象~平時我都係叫叉燒腩仔米的~上2次我叫多個"小"食最係鵝掌啦佢的潮式鵝掌真係好好味呀~搞到我食完一隻又一隻~又大隻又大碟~平時$38蚊一碟會覺得貴的~佢仲貴過個碗叉燒wo~但呢個真係抵~~~

9月28號，諗去邊食晚飯，唔想響新城市附近食，因勁多人．上左OpenRice找，睇食評看看有沒有些不俗而又在附近的，就這間吧．因在河對面，行過去，外面不是太熱．去到門口勁多人，原來等外賣．堂食原來是坐在門口的那些枱．因人多，同侍應都沒時間理會我．坐低了一陣，有個阿姐問我食乜．原本要了一個叉油雞飯加凍奶茶，但最後來了叉切雞飯 - 見咁亂，就沒所謂．叉燒幾好食，唔會硬．切雞都不錯．一邊食，一邊的外賣人龍未停過，估唔到咁受歡迎．聽到多數食都是買叉燒，燒腩或切雞．個阿姐終於搞掂外賣人龍，見我影緊相，就同我講：D叉燒好靚呢．雖然好食，但要坐街邊，熱天就唔好搞，冷天就可以．總結是外賣燒味飯之選．其實價錢都幾貴，但外賣會平好多(約$2x)．今餐食左HK$37．

老實說，若不是church就在此附近，小弟絕不會專程入來吃個燒味飯...是日陪伴太座開例行會議，小弟就邊吃邊做一隻塘邊鶴...要了個火肉义飯。义燒仍是頗出色的，用的是脢頭，肉質很彈口，蜜味亦剛好不過甜。始終是招牌貨，不容有失...火肉只是配角....這裏的燒味水準(特別是义燒)若要在此區稱王，還是可以的....

兩個人食外賣, 又點會食咁少野吖, 行過來, 叫了個切雞飯外賣 ($20). 好像不夠菜, 另點了個 上湯蒜子白菜($42).健康真的無價, 菜貴咁多我都制你就知道啦. 姐話如果要 例湯只要俾多$2 便行, 但今日我又不想喝, 下次先啦.等了五分鐘便有了, 幾快.回家後打開, 菜及湯勁熱, 姐冇介紹錯, 白菜係新鮮正. 冇乜油, 清清地.切雞啖啖肉, 正呀, 唔怪得咁多人坐到出去捱二手煙都照食啦.但飯勁油, 勁過海南雞飯, 食到一半已不敢吃下去.希望下次叫俾普通白飯算了.

和心肝好少食燒味,看到有叉燒大王,也要一試,還有什麼比燒味更浪漫呢?門口坐滿人,以為爆棚,原來只因是吸煙區~叫了招牌叉燒飯,及燒肉切雞飯,以及油菜.話明要瘦叉,又真係幾瘦~ 切雞幾滑,但燒肉幾肥,早知叫阿姐也要瘦燒... 皮很脆, 比灣仔龍門,已很好但仍真的差點呢~菜心無問題.跟兩例湯,豬骨粉葛,也不錯.

行到佢門口,見到义燒大王四個字,好想試吓佢係唔係真係值得做大王!!就一碟义燒飯加碟油菜啦,义燒都幾多吓,唔會瘦,好味,d甜甜地既蜜汁有d黐牙,但係咁先好食!佢地煲既飯幾靚,成碟飯都唔錯!

我搬到沙田居住差不多兩個月,哈哈...樓下間叉燒大王日日都有人排隊買飯食,原本我都吾係太鐘意食燒味飯,但見日日都有人排隊買飯,我就買盒試下啦,d叉燒真係好靚,因為見過其他鋪頭掛出黎既叉燒黑蚊蚊...睇見都吾想食,最緊要就係佢地d叉燒好有香味,我爸爸食左一舊都話呢間既叉燒燒得好好...!仲有直得一讚果位師父仔,叫佢搵件肥d琳d既叉燒,佢真係摸左幾舊同我搵...絕不馬虎架...!!!

一個燒味飯盒才16蚊, 叉燒最好味, 油雞都唔錯, 燒肉好一般, 盒入面條菜通常都食唔到因為好多泥!!!叉燒黎講係金華之外的另一選擇通常叉燒都好好味, 不過都試過一兩次失手, 同理的確太大件好以冇乜斫過咁

叫得自己做义燒大王，點可以唔試吓义燒?用嘅係枚頭肉，不過有D偏肥；蜜味不足....要稱為王? 還差得遠呢....

行過聞到好香燒味俾佢吸引左..但點知換黎係...好想嘔...個叉燒油鷄飯食到最尾時有駭人發現:一隻完整的曱甴腳!! 真係以後都唔會再幫襯!!仲有,個叉燒又勁肥,但佢好似有層好似吉列咁野添,好似有啲特別但又唔覺特別好食!! 但無論如何..唔乾淨就好唔得!! (乾淨評分冇得俾負分添!!)

我住係沙田,好多地方都食過,唯有叉燒大王最令我值得返轉頭再幫襯既,點解?佢既海魚係如假包換既,而家都好難食到真正既海魚喇!佢依度就唔同呢!仲有好多品種,最緊要既係一D都唔貴,物有所值架!而且D小菜又夠特別,款式多,冇咩味精,俾係其他酒樓食肆好得多,仲冇收茶錢,加一!一句形容~正~~~~~~~~~

夜宵極品．．特別推薦：椒鹽雞軟骨，叉雞”瀨”