叉燒大王

营业中

休息中

叉燒大王系河畔花園呢個小區入面人氣比較旺既一間港式粵菜小館，其叉燒及小炒吸引大量區內食客。小菜平均約$70-$80左右一碟，食物普遍大大份，都幾抵食。茶樹菇燉唐排 (窩): 用左大量茶樹菇同瘦肉燉製，味道清甜又唔油膩，用料都幾足，所以都夠鮮甜。特選蜜汁叉燒王 ($88/例): 雖然只系例牌份量既叉燒，但都相當大份，有20+件，而且都幾厚肉。叉燒蜜汁味突出，肉質軟腍之餘，仍不失肉汁，中價叉燒黎講，算系唔錯架喇。話梅豬手 ($78): 話梅汁微酸但偏甜，豬手夠入味，但個汁又唔會太濃太膩。豬手肉質夠爽身，皮又夠滑。鐵板百花煎釀尖椒 ($78): 家常小菜系列，但以鐵板上再打個汁就變得冇甘家常。青紅椒釀蝦膠，簡簡單單，味道唔錯。

其實我好鍾意食燒味，叉燒係至愛。今日朋友帶我去沙田朝聖！七點幾去到已經有人係度等梗位😱，好彩等一陣就可以入座！👏🏼👏🏼👏🏼入到去餐廳，又真係坐無虛席，人頭湧湧！睇下menu，拎過十大廚神架原來，野食價錢大眾化！叉燒好香好鬆化，半肥瘦，分佈啱啱好！胡椒浸豆卜。胡椒味好膿，有好多蝦米！最特別係下面有火熱住，唔怕食物唔夠熱，貼心！好啱這天氣食，重有索咗好多胡椒湯味嘅粉絲，正！鐵板黑椒牛仔骨有三色椒同洋蔥夠晒健康，牛扒骨味道一流，肉質嫩滑👍

今日去沙田shopping 周圍都人山人海 我地亦都滿載而歸😆😆到開餐時間 開OpenRice search下附近餐廳決定一於食小菜🍽到晚飯時間 門口已經大排長龍👯‍♂️👯‍♂️如果有心的話 可以down定個app 遙距拎定飛 唔洗等咁耐😇😇餐廳呢方面真係好先進 又貼心😘😘小菜選擇好多 花多眼亂 但我覺得一場黎到 一定要點「叉燒」話哂都係餐廳主角😘叉燒真係一定要點 好好食厚切 勁厚切 肉質又鬆軟蜜汁亦都好出色 可以送幾碗飯👍🏻👍🏻炒菜亦同樣出色雲南火腿肥瘦均勻 好有咸鮮味帶出整個菜既咸味火候十足🤗🤗胡椒湯底好野味食完成個暖冧冧❤️❤️豆卜同粉絲吸哂d湯既精華 今餐食得好滿足👏🏻👏🏻

一大班親戚朋友終於約到食飯🎉🎉今次住沙田既姨姨有好推介🍽🍽食中式小菜 一家大細 男女老幼 都會揀到岩自己既口味實有一款岩哂你👍🏻估唔到未到7點半 已經坐無虛席😱座位舒適 燈光明亮大家都坐得好舒服😘既然店名寫到係叉燒界既「大王」一於試一試😆哇😱叉燒好「厚切」 上枱時熱辣辣 好香燒烤 bbq味😋仲有 肉質鬆化 入口好鬆軟 叉燒蜜汁既甜味好突出 一試難忘😆值得推介💪🏻接落黎到雞出場🐥🐥絕對 一定 唔係普通豉油雞頭抽豉油 本身係重鮮味為主今次隻雞顏色雖然深 但絕對唔咸 反而雞味好濃郁 大家一致讚好👏🏻👏🏻菜方面我地揀左石窩上既芥蘭芥蘭好鮮嫩 保持翠綠用蝦醬調味 少少蝦醬 竟然可以令菜有海鮮既甜味 😆😆yummy yummy唔食菜既表弟 都有不停夾黎食😂😂門口原來有燒味外賣門外咁多人排隊 證明燒味好有質素保證下次去親戚屋企食飯 又可以有好味燒味加餸啦👍🏻👍🏻

如果九龍城全盛那又乾又硬的叉燒，也敢自稱做「一哥叉燒」的話，那麼叉燒大王的「王」者地位，便更加實至名歸了。見到很多網友的食評都大讚，今日剛要去沙田辦事，完成後便過橋去河畔花園找叉燒大王。正如網友說，大大個招牌很容易便找到。我以為是間菜館，其實應該是間茶餐廳，不過招牌產品是叉燒，因為羸過獎的。二時後原來有下午茶優惠，燒味粉麵單拼配熱飲，收費$40。我當然要試吃叉燒，便叫了叉燒米粉和茶走。湯米粉用中碗盛載，份量正常。有六件厚切的叉燒，眼看已經很吸引了，入口肉質鬆化腍軟，用的是肥瘦夾雜的梅頭豬肉，比例約是二比八，吃進去也不覺得油膩。也許是浸在湯中，叉燒的味道有點流失了，不及網友叫例牌，有蜜汁伴隨味道那麼濃郁。我相信，如果叉燒另上，配白飯吃味道會更好，惟有待下次再試吧。奶茶亦不錯，茶味濃郁順滑，單是這杯奶茶，已可以令我再次幫趁了。更何況，還有那麼味美的叉燒呢！

這天到朋友在沙田圍的家作客，主人家盡地主之誼帶我們前來馳名的叉燒大王品嚐一下，吃了頓美味晚餐。餐廳環境不錯，是酒樓的格局，寬敞舒適又有電視。我們入座時只是六時多，想不到已有不少客人，及後更是座無虛席，全晚客人車輪轉源源不絕，生意絕好。更有外國遊客慕名而來，看來叉燒大王果然相當有名。餐牌精美，選擇不少，更沒想到價錢相當平民化。雖然餐廳非常繁忙，但服務都不俗，有位上年紀的男店員服務態度很好，親切又殷勤。叉燒很快送上，例牌的份量也不少，叉燒肥瘦平均，一點都不鞋也不韌，蜜汁美味，完全滲透肉裡，好吃。湯瀨粉大大碗，最岩配燒味。黃金四季豆出奇地非常美味，好有驚喜，大大條的四季豆用咸蛋黃炸成，原來如此搭，蛋黃味濃，好香口又有口感。頭抽雞也十分出色，雞肉嫩滑，連雞胸肉都不鞋，而且好入味，醬汁調配得好好，濃味得黎又不會好咸。

是日路經沙田河畔花園，看見門口的燒臘，叉燒，燒鵝，油雞，很像很吸引，於是有時間便走進去，嘆嘆星期六的週末下午茶 ，但下午茶餐並沒有包括飯類的，所以唯有散叫，叫了一份叉燒燒腩仔飯和例湯，但所謂的叉燒燒腩仔飯，其實燒腩仔是沙梨篤 ，並不是相片般的吸引， 叉燒也不是想像中的半肥瘦，也是瘦到成份柴皮一樣， 但最驚喜的，就是例湯，十分足料，今日的應該是 老黃瓜豬骨章魚湯，材料十足，也十分夠火喉， 堂食的燒味並不是想像中的吸引，但外賣的可能會很好，有機會的要買回家再試真一點

難得約到朋友食飯，喺佢屋企附近有間叉燒大王，見門口咁多人等位，應該都唔錯，今晚一於食叉燒！七點鐘嚟到，已經排曬隊，攞籌等位。等咗四個字左右先至入座，裏面都好誇張喎，好似酒樓咁大嘅地方，已經坐滿咗！睇餐牌，第一頁就係特選蜜汁叉燒王88蚊一個例牌，叫得叉燒大王，點都要試下呢個！有叉燒，成碟肉，都要平衡下口味，天氣涼涼哋，就叫個客家胡椒浸釀豆卜，$68，有啖湯飲下，又有d粉絲食下。本來諗住兩個餸兩個人食都夠，點知揭到呢一頁，見到有話梅豬手78蚊，咁抵食？！忍唔住點多一個啦！叉燒例牌，分量都唔少，見到叉燒係半肥瘦，顏色靚，淋上叉燒汁，賣相好吸引！食之前，梗係要叫碗靚仔，食叉燒冇飯點得㗎。咬咗一啖，叉燒好爽，肉裏面吸收曬啲蜜汁， 甜甜哋，好有叉燒烤過嘅香味，不會太鹹，超正！最喜歡爽口有肉汁的口感！客家胡椒浸釀豆卜，好大窩！68蚊真係好抵食喎！又有胡椒湯飲，又有釀豆卜和粉絲食。釀豆泡裏面啲豬肉仍然係十分爽口，很新鮮，豆腐卜香味，配豬肉真是絕配！胡椒湯的胡椒味不算太辣，但就很香，有大大粒蒜頭，這令粉絲湯更加惹味！粉絲不會浸到淋，仍然爽口彈牙，大力推介！抵食之選。話梅豬手，最初估佢78蚊唔會好大碟，點

今日去到河畔花園，搵我朋友同佢拜個年。佢就帶我落去食飯喇！佢話呢間餐廳d叉燒好正架喎！叫我一定要試下。😃講到咁厲害.就等我睇下係咪真係咁正先！🤣去到餐廳，都幾多人係度等緊位，個場full哂。好在唔洗話等好耐，就可以入得去喇！😋環境都算唔錯，有卡位梳化坐，坐得又幾舒服，而且唔會覺得好逼。連外國人都黎食！😳見都幾多野食，連海鮮都有。好吸引。小菜都有好多款。但黎到當然食叉燒啦🙂蜜汁叉燒，個樣又真係幾靚喎！而且佢個肥瘦都比例岩岩好！有少少脂肪！食落個肉又真係幾嫩。同d蜜汁又幾入味。甜甜地！真係唔錯喎！👍而且叫左碟例牌 都幾大碟。叫左個鮮蟹肉粟米羹！🦀原來好大煲架！😳大概都倒左10碗以上…食完呢個煲都好飽😂呢個粟米羹都幾好味！佢啲蟹肉都好多，令到個煲羹都好夠鮮味！同埋粟米一齊煲，好鮮甜。送飯好味。仲叫左鐵板黑椒牛仔骨🐮鐵板上好熱。d汁仲滾緊。落左啲黑椒同辣椒。嗅落好香。牛仔骨夠晒入味！食落好惹味。有少少辣。牛仔骨個牛都夠重味。唔錯！

幾乎每個月都有機會去沙田食飯，但係新城市廣場d食肆大部分係好公式化的連鎖店，又唔平，最大問題係間間都超多人，真係提唔起意慾去食。上網查下附近仲有咩好食，「叉燒大王」好似評價不俗，雖然係河畔花園果邊，但搭程車試下新嘢，總好過成日留係新城市廣場食。去到都唔算好多人，等一兩張枱就可入座。呢度的格局同菜式都好明顯係做街坊生意。菜式唔係應有盡有果種，但燒味、小菜、粥都齊全。去得呢度就梗係想試佢的招牌菜叉燒（$88）。一碟約有十幾舊，三七肥瘦相間，色澤油潤，唔多燶邊。咬落去係鬆化的，蜜味唔算好搶，仲感覺到肉味。將叉燒蘸點叉燒汁，放係白飯上面一齊食，更加滋味。見到餐牌上有道拔絲骨（$78），又想叫來試試。原來即係咕嚕肉，都冇拔絲效果嘅，菠蘿變左係伴碟，冇炒埋一堆。不過醬汁做到剛剛好掛係每舊肉上面，不多不少，酸甜度都恰到好處，而且即刻整起熱辣辣，係幾好的伴飯菜式。食咁多肉都要叫個菜中和下，但自己又偏好重口味嘢，所以就點個生啫菜芯（$62）。當然一上枱係香到不得了，呢個季節食菜芯一定啱，清甜滑嫩，只係蝦醬下得有點多，有點鹹。係沙田搵食的確有難度，呢度已經算係可以避開人潮之餘，水準亦不俗（尤其叉燒），所以

不經不覺又走到年終既時間啦🎉又係一家團年既大日子當然要同屋企人食餐好💗，一起團團聚啦！今年我們一家就揀左沙田河畔花園既「叉燒大王」聚餐啦！-六點鬆小小既時間已經開始要等位啦🙆🏻‍♀️，可見其係區內既受歡迎程度呢！終於有位🤤我地急不及待快點開動點菜啦！個肚打鼓🥁了-首先，食飯前當然要飲個靚湯我們點左茶樹菇燉唐排原盅上枱，一打開蓋已飄來陣陣菇香味！燉湯十分清甜，沒有太多油脂，適合愛美既女士！-另外，我們都點左出名既叉燒（例牌）。叉燒肥瘦均勻，充滿蜜香，比很多很多燒味店做得更出色！-中國人過節當然要食雞啦！我們點了頭抽豉油雞（半隻）果然也沒有令我們失望，雞肉嫩滑，豉油甜甜的，用來送飯一流呢！-除了燒味外，我們也點了清蒸沙巴斑。魚肉鮮甜，魚也十分厚肉，沒有半點魚腥味唔駛十分鐘，我地將整條魚清掉了！🤤-最後，金銀蛋浸豆苗也非常出色份量十足，豆苗清甜翠綠剛好中和其他食物既飽滯感呢！-「叉燒大王」除了燒味做到街知巷聞外，小菜及海鮮都跑贏好多餐廳菜館，它繼續係我地一家常光顧既飯堂呀！❤️

又到左一年一度一家人食團年飯既日子啦今次我地揀左位於河畔花園既叉燒大王👑。餐廳地點十分易揾, 門口有四隻紅色大字寫住叉燒大王一早吩咐左細佬book 左位😌侍應安排左一張大圓枱俾我地, 坐得十分舒適。-我們點左6道小菜，上菜速度相當快 , 十分抵讚👍🏼。先來一煲🌟茶樹菇燉老雞湯鮮味濃郁料多煲得夠哂火侯茶樹菇和雞搭配好match 而茶樹菇有好高營養價值冬天滋補既湯水😌,飲完個人暖笠笠-🌟招牌蜜汁叉燒王🌟叉燒燒得色澤均勻, 外焦內嫩咸中帶有蜜味肥瘦適中，肥肉酥化，瘦肉甘香令人心動既感覺！💗-🌟半隻鎮店頭抽雞🌟除左叉燒 依度既雞都好出名🐔皮脆肉嫩 最鍾意食雞既細佬，食左兩大碗白飯🍚🍚-🌟清蒸沙巴班🌟蒸魚一向係我至愛❤️魚肉鮮嫩，好鮮甜🤤蒸魚既豉油汁用黎送飯一流🤤怕吃魚既老豆都意外地吃多左幾口呢！-最後有🌟金銀蛋浸豆苗和🌟蒜蓉粉絲蒸勝瓜勝瓜很爽脆，汁濃味鮮，鮮嫩爽滑加埋粉絲乾蔥蒜蓉，味道更香口不單調-豆苗同樣十分清甜幼嫩加埋配料（皮蛋咸蛋）味道更豐富-一家人👨‍👩‍👧‍👧齊齊整整，今晚食得好開心餐廳美味既小菜真心不錯呢👍🏼

相信大部份沙田友都知道河畔花園樓下好多餐廳，響呢個食物圈裏面我哋食得最多嘅都係呢間叉燒大王。雖然佢個名叫叉燒大王，但我覺得佢啲叉燒一般般啦。其他嘢食水準OK啦，勝在餐牌選擇多，價錢唔算貴。响自由行充斥香港嘅黃金年代，佢真係會full到爆，但係而家呢就變咗做香港人生意居多。依家晩市都要等位架，等十五分鐘左右，都可以接受。例如今晚我哋三人晚餐，簡簡單單叫咗鐵板薑蔥炒牛肉$68， 鐵板熱辣辣，薑蔥等配料份量好多都幾香口。但牛肉質素就爭小小囉，冇乜牛味。另外我哋叫咗剁椒蒸鮮魚鮫$78，剁椒夠辣好惹味，三件魚鮫大大件，都抵食。但係三件入面有一件唔多新鮮，今次有啲失望。蔬菜我哋要咗海味金菇雜菜煲$78， 超大份成煲上仲熱辣辣，個樣有啲Hea，但其實味道係唔錯。Service真係冇乜，阿姐有少少趕客，但性價比都算跑贏同區其他對手。

今日去沙田探朋友，朋友帶咗我去佢屋企附近嘅叉燒大王食午餐，佢話佢平時成曰去食。我同朋友每人點咗個燒味餐，我點了個叉燒五寶飯，有叉燒、燒鵝、紅腸、魯水雞翼、鹹蛋，佢嘅叉燒非常有水準，去叉燒大王，真係一定要食佢嘅叉燒。燒鵝也非常出色，肉質嫩滑。朋友就點咗乳豬五寶飯🐷，有乳豬、燒鵝、魯水雞翼、紅腸、鹹蛋。乳豬皮脆肉厚，一d肥肉都無，真係要俾個👍🏻佢。魯水雞翼非常入味，而且都幾大隻，肉質嫩滑。飲品叫咗熱柚子蜜。

前段時間聖誕節我台灣Fd黎香港玩，Fd話黎到香港最想食就係燒味Wor！喂！燒味緊係黎我地頭食啦。咁啱沙田有間都好出名—叉燒大王，次次經過都見到勁多人排隊，通常排隊既食肆就唔會伏，就決定係呢度解決佢地係香港既第一餐。不過呢日黎得早，六點幾都未算係特別多人。呢度最出名既就係燒味飯，招牌叉燒飯包野飲都只係$42蚊，如果自己一個毒毒黎食我就一定碟頭飯搞掂，宜家同Fd黎就都係叫餸啦。除左燒味，呢度都有其他野可以揀。黎叉燒大王都係為左佢既叉燒姐，蜜汁叉燒王例牌($88)，自稱為王的叉燒確實名不虛傳，非常Juicy，肥而不膩。叉燒邊微燶唔會焦黑，脆得黎而D肉好鬆軟，咬落去有陣陣蜜味。黎沙田又可點可以唔食乳鴿呢？脆皮沙田乳鴿一隻58蚊，雖然話係乳鴿但係都幾大隻，所以肉質有一dd鞋，但係味道係OK既，皮好脆，一咬落去「嗦嗦」聲。D肉越嚼越有味道，骨頭連住肉一齊嚼好香。椒鹽四季豆，唔可以完全食肉既，點都要黎D綠色植物點綴下，四季豆炸得好香，索左肉粒既味道，送飯一流。砂鍋貴妃雞粥（$82）好大一煲，粥底比較稀，但都好香滑綿密，雞肉都算滑，味道清甜。脆皮炸大腸，呢道完全係功夫菜，豬大腸洗得好乾淨，唔會有怪味，