影片
港铁九龙塘站 C2 出口, 步行约5分钟
继续阅读
营业时间
星期一
12:00 - 14:30
18:00 - 21:30
星期二
全日休息
星期三至五
12:00 - 14:30
18:00 - 21:30
星期六至日
10:00 - 14:30
18:00 - 21:30
以上资料只供参考，请与餐厅确认详情
由于近来嘅社会事件，我嘅细胞小组好耐无聚会过喇，改完一次又一次，多谢各组员嘅配合，卒之约得成，不过，地点又喺另一要考量嘅地方，以往就大家方便，都喺落太子，但不时有突发，我哋组内有好多细路仔，安全先行，结果有组员提议「又一居会所酒楼」，实在喺极佳提案。虽然喺会所酒楼，但街客一样可以嚟饮茶食饭，内里嘅环境跟一般嘅酒楼无咩分别，喺地方无咁大，一眼都睇晒，但楼底高，加上今周日嚟到，意外地人客唔多，我哋一行大大细细13人已经喺大户，所以，整体感觉都喺阔落。见佢张点心纸写住星期六、日适用，估计喺平日价钱会平啲，周六、日就贵少少，另收茗茶$10位。而点心纸一大张睇晒，分即做点心、蒸饭粥品、厨味推介共33样嘢，无出面啲酒楼咁多，但一般而言都够晒拣。而另外仲有一张A4纸菜单，喺啲小食、小菜、汤羹及饭面。由于有组员早餐都未食，哈哈！大呻肚饿，晌大家研究拣咩点心之时，就先嗌两客饭面。蛋白瑶柱炒饭 $88比预期嘅碟头大，虽然叫会所楼，但定价都亲民。睇都睇得出落咗唔少瑶柱粒，货真价实，最称心喺啲饭粒炒得爽身，而且，唔会好油，三扒两拨成碟炒饭就清晒。干炒牛河 $88同碟炒饭一样份量十足，亦喺好足料，牛肉落咗唔少，而且，啲河粉唔止炒得均匀，每条粉都上晒色，更正嘅喺，食到尾𠮶炷都唔油腻，炒功了得，有水准，抵食。转头，陆陆续续上点心，一下子就堆满成枱，不过，相上嘅点心都未喺齐晒，但无理由仲要等齐先食架，组员们，起筷吧！自家XO酱炒肠粉 $37点心都喺即叫即做，而且，感觉都好够诚意，就好似呢碟炒肠粉，加上蛋丝，撒上芝麻、葱花，靓仔咗好多。味道亦都唔错，炒得香口惹味，啲肠粉仲喺好软滑。皮蛋肉片粥 $51啲小朋友嗌住要食粥，一嚟到就好抢手，所以，我都唔好意思再捞起啲料嚟影相。简单而言，啲粥好绵，肉皮比相像中滑。水晶鲜虾饺皇 $34啲虾饺皮望落虽未致于如「水晶」咁透，但咬落软绵又唔黏牙，里面全喺虾肉，好鲜甜，极之弹牙。荷叶珍珠鸡 $27例牌，一客有两只珍珠鸡，里面嘅糯米蒸得口感黏糯，馅料惹味香口，食落又确喺有微微荷叶香。豉汁蒸凤爪 $23又喺点心中嘅经典，凤爪蒸到腍透，而言，带有浓浓豉汁香，就连底下嘅花生都唔好错过。鲜州蒸粉果 $23相对鲜虾菜苗饺（无影到个别点心相），小弟就觉得笼蒸粉果麻麻哋，大概因为粉果较厚皮，还好食得出落足料，味道方面本身喺唔错。鲜虾炸春卷 $23小朋友唔好食咁多油炸嘢，唔健康吖嘛，就由我哋啲大人嚟。春卷外皮甘香又脆口，完全无油腻感，里面混有鲜虾，比起净肉更爽口。黑椒金钱肚 $25金钱肚不时都有食，一喺就饮茶食点心时，一喺就食面时会遇到。继凤爪，又喺另一道惹味点心，金钱肚软腍带点点爽口，黑椒味浓却唔会太呛喉。北菇绵花鸡 $27绵花鸡我就麻麻哋，因为一般嚟讲都会较油，啲鱼肚亦好似海绵咁吸满油。不过，有组员就赞算喺唔油，啲鸡仲仲劲滑添。蜜汁叉烧包 $23叉烧包喺港式点心嘅经典之一，唔点就好似差咁啲，况且，我哋咁多人，又多细路，嗌定两笼都无问题。叉烧馅好惹味，最紧要喺无肥膏嘛。椰香奶黄包 $25奶黄包向来喺我心水嘅包款之一，虽然，包中嘅奶黄唔喺劲流心𠮶种，但软滑而富椰香，蛋香味浓，包身软熟唔黏牙。怀旧马拉糕 $25个马拉糕几得，松软得嚟口感绵密，回弹力强，估唔到啲细路都好钟意食，真喺大人细路都争住食。原盅北菇滑鸡饭 $56我哋一大棚人，当中食得吓嘅人唔少，所以，拣多个煲仔饭打打底，怕大家食唔饱。每盅份量唔少，鸡件亦多，无欺场，饭粒蒸得分明，捞埋豉油已好好食，加上啲鸡件颇嫩滑。枣红糕 $23虽然甜品我最啱，不过无食到，影低张相留个记录，睇样就唔错，好唔好食就真喺唔知。除非去啲点心专门店，否则，去一般酒楼饮餐茶喺唔平得去边，不过，一大棚人饮茶却喺最好选择，一来围住张大圆枱，方便一齐倾偈，二来可以点好多点心「些牙」，较易摊分「成本」，感觉会抵啲。
继续阅读
朋友新居入伙， 邀请我去屋企 参观及食晚饭， 参观完毕，他带我去又一居的会所食晚饭 ，呢度环境清静， 酒楼的灯光 光猛， 枱与枱之间非常阔落， 绝对系三五知己相聚的好地方， 晚餐 有多款小菜选择， 而且价钱合理， 由于我哋得两个人，所以点了其中四款小菜， 分别是蜜味咕噜肉、 白饭鱼煎蛋、 翡翠炒桂花蚌，烚菜心以及上汤米粉。 咕噜肉 酸甜度适中，整得非常好食。 食完晚餐之后，待应送上果盘及蕃薯糖水2碗， 我哋两个吹水吹咗接近三个钟头，大家都揽住个肚 ， 饱饱的 行出酒楼。
继续阅读
🏵桃源房🌳九龙塘是九龙的乐土，当年英国有心打做低密度的高尚花园城市，并以英国地名为街道命名。由港铁c2出口，信步至达之路，进入恬宁休闲的社区。似置身「多啦A梦」的小镇，却多几分高雅。又一村名取自形容游山西乡村的著名唐诗句-「柳暗花明又一村」。其后加建又一居，面积更广阔，格局更统一。在深水埔长大，对又一村区域有特别感觉。偶尔发现邻近桃源街的此店，如渔夫入桃源。沿又一村道行，转右入。屋舍均呈浅棕，疏落有致，如村庄，如别墅。会所落成多年，似家舍多于酒店，俱乐部。此店「不知有餐牌，无论招牌菜」（改写自桃花源记名句）。没有恒常餐牌，每季更换餐单纸，按季节设计菜单。我食的是夏馔。我挑有特色的，厨师推荐的，配合时令的。可视之为「怡然自乐」的会所，私房菜，桃花源，我的饭堂。1自编自导特色菜这个「桃源饭堂」容许熟客讨论菜单（三日前预订），个人化，家庭化，独特化。金荷🍀良伴(凉拌)午餐方面，我推荐食荷叶饭。荷叶饭的历史悠久，明末屈大均《广东新语》：「东莞以香粳杂鱼肉诸味，包荷叶蒸之，表里香透，名曰荷包饭」。香港茶楼每以「鲜虾荷叶饭」作招徕，以虾配合荷叶的香味。此店有龙趸鲜虾和金银蒜鲜虾两款。厨师建议后者。此金银蒜鲜荷叶饭特色是以金银蒜引爆扑鼻香味，不同坊间的太干旱，饭粒会散。虾粒，冬菇粒占的比例大，故米饭入口，味蕾的感觉很棒，鲜气迫人，令我食指大动，馋虫乱舞。荷叶香，迂回荡漾，历久不散。正午火热如炙，宜食冷盘。我建议不食他们「拿手」的风沙鸡翼，转换为凉拌手撕鸡。手撕鸡是中西方均有。此店以盐焗手撕鸡形式飨客。当然会较咸香，可要求厨房「轻手」，加葱或加麻辣，悉随尊便。惯食凉拌香麻手撕鸡，近年多混合日本胡麻酱，尝到客家风情的手撕鸡，颇有新意，海蜇烟韧，爽丫丫。冰❄火🔥海晚市我们点选冰镇鲍鱼。鲍鱼大如羹匙，鲜嫩多汁，一点儿也不嚡口。除了佐酒小食，此店少供应油炸小菜。金沙制作比坊间少油少盐，黄金海中宝拌茄子充满了咸蛋黄味。虾肉爽甜，酥软味腴。茄子是金沙的良伴，入口即酥，当然是佳肴，令我馋涎欲滴。份量一般的都偏大，与酒楼大不相同。青龙🐟白玉青龙是清蒸龙趸背翅。我喜爱龙趸翅，每次是吃古法烹煮，炸后蒜炆，浓味稠汁。厨师建议清蒸，并可指定部位。背翅近尾段特别嫩滑，清蒸的口感突显私房，家菜，健康的风格。不装饰，不涂抹，反映龙趸是鲜味货。造型挺拔，如湖海扬帆，如鲨闯七海，如扬旗立万。翅针最滑，刺在口，畅在心。但远不及胶质皮脂，甘香馥郁，满口油脂。澎湃鱼味游入口腔，不是凡品，是鲜品。白玉指八宝冬瓜盅。天气太热了，来一个清热、降火、消暑的炖冬瓜盅。 夜香花甚多，令炖后的冬瓜盅发出诱人清香。 属纤细型，约有8碗。八宝有夜香花，瑶柱，莲子，虾……，是个小家碧玉，甜姐儿。大个子的清而不甜，快餐店的甜而不清。此白玉藏八珍，故甜美而清纯。2🏡家菜🏠如无预订，此店供应家常菜，少盐，少油，少味精，有机，有纸本菜牌，有散点，有套餐。曾试尝咸蛋蒸肉饼，难得是肉质松软，汁液丰盈，有「阿妈」煮𩠌的感觉。蒜蓉炒有机菜芯清丽可人，似农家菜。所谓菜根香，正是如此。食了瑶柱蒸水蛋，因同台有几位小童，需以此作为扒饭良伴。瑶柱所占比例，恰到好处，显露了厨房的功架。在家吃的，我惯常食蒸净水蛋或三色蛋，此店加了瑶柱，大大添鲜添甜。煎荷包蛋有怀旧感。与快餐店的㶶边煎蛋不同，会折叠成半月形，数目为8，甚有「意头」。可要求㶶边程度呢!配合仲夏的，有腐乳通菜牛肉，或蚝皇草菇牛肉。平实有住家风味。 我较推荐红椒季豆炒猪肉丝。猪肉丝刀工细腻，辛辣度适中，镬气充足，热腾腾的，口感丰腴，红绿黄三色煞是好看。苋菜鱼蓉豆腐羹是极朴素的羹汤，颇为怀旧。菜清，鱼鲜，豆腐淡，酣畅淋漓，惬意极了。3🐦鹊局菜此店第三个特色是供「打麻雀」鹊友食的鹊局菜。有电动麻雀台供应。8小时耍乐，有4款小菜，汤和饭。夏天宜吃菠萝咕噜肉。美朝首脑聚餐都要食。此店的咕噜肉，与酒家的不同，不讲求脆皮，肉质稔滑，少酸少甜。如不是鹊局菜，可选蜜桃菠萝咕噜肉，凤城榄梅肉排，或菠萝京都焗肉排，增加酸度，更配合炎夏。🏵🏡桃源正在又一居🌲🏵多吃寻常酒楼，现在想叹家庭式的隐世小菜。「有得拣，才是老板」，在此可做一家之主，「怡然自乐」。已上载今季餐单，价格与一般酒家相近，约20多元一盅点心，约90元一碟小菜（非海鲜类）。享用精致小菜海鲜餐，约200一位。免加一费。愈食得豪，愈觉得与酒楼的差价愈大，十分「低食」。须预约，宜预订「度身菜」，因应喜好，泡制「自家菜」。有时租车位提供。
继续阅读
又一居附近环境清幽，偶然也会听到雀仔的歌声。入门口个位左边有面包卖，方便居民不用行太远也可以购买到新鲜面包，因为又一村附近连便利店也没有一间。环境非常舒适，午膳时望住出面个泳池，和煦的阳光， 感觉特别心旷神怡。今日点咗叉烧菜脯煎蛋角，京都焗肉排，另外有牛肉球及虾饺，点心即煞叫蒸，好新鲜啊! 还有一个肉饼蒸饭。眼角粒粒菜脯爽口，这里师傅有一定的高水准。京都肉排猪扒不会太硬也不会太淋，酸尾尾又有几件菠萝，特别醒胃。点心水准也不错，可惜牛肉球没有腐竹，虾饺大大粒也很美味。这个饭最后先上，章鱼肉饼香口送饭好有特色。
继续阅读
推介菜式，食物足料冇味精，实属难得1. 发财好市大利 2. 蟹肉扒西兰花3. 招牌菠萝咕噜肉4. 瑶柱桂花炒鱼肚5. 又一当红炸子鸡6. 瑶柱蛋白炒饭7. 头抽银牙炒面8. 蒜片牛柳粒虽然款式不是太多，但味道及用料绝对值得赞赏，家中老人食得赞口不绝
继续阅读