影片
早排系新北江开既台湾野，想试好耐，今次终于试左外卖台湾面同埋小食，平民价超抵食。叫左胶原 deedee 面（牛孖筋）同埋红烧牛腩面。面同汤分开上，唔怕 d 面淋哂，拣左普通既台湾面，红烧汤开头食少少辣，后尾愈食愈辣，但个汤底好香 d 牛肉好入味，牛腩好够淋，仲要劲多，超抵食再加左 d 小食，即叫即整，要等十分钟左右。有椒盐豆角，炸花枝丸，盐酥鸡球，盐烧牛舌。全部都好多好抵食，鸡球好滑，不过就略嫌太油腻，好邪恶。牛舌烧得好香好好食
继续阅读
原来天水围北江都有台湾红烧牛肉面食，系位于竹下通地带嘅海南小厨对面，真系非常之隐蔽，舖仔细细干净企理，而且食物都有唔少选择，一般台湾面餐厅有嘅佢都有，牛展、牛根、牛腩、盐酥鸡、花枝丸等等，仲有椒盐牛舌添，不过汤底就剩系得红烧牛肉汤拣，而饮品就冇即制，但啲包装饮品都好多台湾饮料选择，连珍珠奶茶都有，唔会剩系得可乐雪碧，够哂台味，都几有心。.💁🏻♀️一人前套餐+小食+饮品（$78） 👉招牌大Dee牛肉面-红烧牛肉汤 跟粗面外卖嘅红烧牛肉面系分汤嘅，咁就唔会惊攞到返去啲面索晒啲汤淋晒🙂 番到去一打开份外卖就有一阵香浓诱人嘅红烧牛肉香气扑鼻，呢一刻你已经可以感受到呢一碗牛肉面一定够哂浓郁，再望下啲料👀 有牛展、牛孖根、牛腩、盐烧牛舌，仲有红萝卜白萝卜作配菜，非常足料，牛展同牛舌都爽口十足，牛根弹口有咬口，牛腩软腍，粗面大大条亦充满口感。 👉椒盐豆角 豆角入口冇渣，调味刚好，处理得唔错👍单点细都只系$13，大$20，抵食。 👉黑糖珍珠奶菜食台湾嘢当然要配返个珍珠奶茶啦🧋跟埋粗饮管，非常方便，罐装嘅黑糖珍珠奶茶味道竟然也不俗。.💁🏻♀️葱油拌面（$28）葱油拌面系舖头嘅新品，葱油拌面所用嘅面条同上面讲嘅汤粗面并非同一款，但同样充满嚼劲👄 食起黎唔会让人感觉软软的，味道方面偏清淡，吃起来不会觉得油腻。.💁🏻♀️盐酥鸡球 大（$20）一盒有5️⃣件，大大旧热辣辣，外脆肉嫰😋 若能让客人自行加入椒盐调味就更加very good la.
继续阅读
.☞ 新北江有好多小店，最近更加新开咗间主打台湾牛肉面嘅厨大DEE💛 不过大家留意小店暂未有堂食，只有供应外卖～.🍴一人前套餐 - 招牌大Dee牛肉面＋小食＋饮品（$78）❖ 招牌大Dee牛肉面 - 牛展＋牛孖筋＋牛腩＋盐烧牛舌 配红烧牛肉汤/ 面条有得拣粗幼嘅，咬落口感正常，唔会话特别烟韧👍🏻/ 汤底好浓好惹味，但系略嫌有啲咸，食完之后觉得有啲口渴🤣/ 牛腩好腍好入味，整体嚟讲都推荐，下次都再食😆❖ 小食 - 炸花枝丸/ 因为外卖嘅关系，返到屋企食觉得有少少腍，但气炸完又系一条好汉😎 / 跟餐配嘅小食，所以只有三粒，但一人份量嚟讲都好够👍🏻🍴细盐酥鸡球（$13）/ 另外仲散嗌咗一份盐酥鸡，佢同炸花枝丸一样有偏腍嘅情况，但系好彩鸡肉唔鞋口，炸粉都唔会太厚👍🏻🍴胶原Dee Dee面（$44）/ 个名so cute🤣其实就系牛孖筋面，面质同佢只招牌面一样，但佢个牛筋超级腍！亦都好入味😆☞ Overall嚟讲我觉得附近街坊绝对值得一试👍🏻可以支持吓良心小店，希望佢迟啲可以做到堂食🤤
继续阅读
以前我好钟意帮衬呢个舖位嘅上一手 以前呢个舖位系卖冷面嘅 有一日去到呢个舖位谂住买冷面嘅时候点知已经执咗笠🤯然后变成呢间台式粉面🤔🤔当下好肚饿所以照叫咗一个牛线面外卖试吓水温😌😌 ps 𠮶度其实系有得堂食嘅但系得一张枱🙈请大家体谅吓我屋企张枱布😂😂由于佢系外卖所以分咗汤 个汤系个面嘅下面讲真我第一啖食落去我真系觉得一啲都唔差👍🏻 虽然系细舖头但系个牛舌我觉得佢做得真系好好😋😋 如果就咁食个牛舌会略嫌有啲咸 重口味者另计🙈 牛舌嘅厚度系啱啱好 因为我略嫌佢有啲咸所以我有浸汤食 浸汤之后嘅口感同味道仲正🥰🥰 唯一嘅缺点系啲萝卜同红萝卜有啲少😂 因为𠮶啲萝卜系可以攞嚟吸汤食 太少萝卜令到我唔可以品尝多啲佢嘅汤🙈🙈整体来讲呢间正👍🏻👍🏻
继续阅读
【招牌大Dee牛肉面】$59（有牛展、牛孖筋、牛腩、盐烧牛舌）【红烧牛肉面】（牛展）$46两个面嘅汤底都非常浓郁，而且配菜都算几多，最中意佢有酸菜😁 盐烧牛舌最好食，真系必试！牛展都好入味好易咬，好欣赏佢嘅牛腩同牛筋都够腍，想样样牛都试d可以叫【招牌大Dee牛肉面】！而面底方面，分别拣左拣左台湾面同台湾粗面，睇相可能唔多睇到有分别，但食落系有分别架，粗面应该面有平时食乌冬咁粗，我自己觉得台湾面就好食d😋— — — — — — — — — — — — — — — — — — — —【炸花枝丸】$20（5粒）【盐烧豆角】$13花枝丸加左调味粉，食落都好有台式风味，豆角就略为炸耐左，腍左d，但味道系唔错！— — — — — — — — — — — — — — — — — — — —【饮品】+$9最吸引我其实系饮品，佢嘅龙珠系列气泡水，唔系到到都有，系出产自台湾架！买返黎收藏都开心🥳— — — — — — — — — — — — — — — — — — — —总体而言，性价比好高，足料几抵食，味道又唔错，系一间会再食嘅良心店☺️☺️✅总评：（5分为满分）味道：3.5/5性价比：4/5推荐度：4/5
继续阅读