廚大DEE (已結業)

早排係新北江開既台灣野，想試好耐，今次終於試左外賣台灣麵同埋小食，平民價超抵食。叫左膠原 deedee 麵（牛孖筋）同埋紅燒牛腩麵。麵同湯分開上，唔怕 d 麵淋哂，揀左普通既台灣麵，紅燒湯開頭食少少辣，後尾愈食愈辣，但個湯底好香 d 牛肉好入味，牛腩好夠淋，仲要勁多，超抵食再加左 d 小食，即叫即整，要等十分鐘左右。有椒鹽豆角，炸花枝丸，鹽酥雞球，鹽燒牛舌。全部都好多好抵食，雞球好滑，不過就略嫌太油膩，好邪惡。牛舌燒得好香好好食

原來天水圍北江都有台灣紅燒牛肉麵食，係位於竹下通地帶嘅海南小廚對面，真係非常之隱蔽，舖仔細細乾淨企理，而且食物都有唔少選擇，一般台灣麵餐廳有嘅佢都有，牛展、牛根、牛腩、鹽酥雞、花枝丸等等，仲有椒鹽牛舌添，不過湯底就剩係得紅燒牛肉湯揀，而飲品就冇即製，但啲包裝飲品都好多台灣飲料選擇，連珍珠奶茶都有，唔會剩係得可樂雪碧，夠哂台味，都幾有心。.💁🏻‍♀️一人前套餐+小食+飲品（$78） 👉招牌大Dee牛肉麵-紅燒牛肉湯 跟粗麵外賣嘅紅燒牛肉麵係分湯嘅，咁就唔會驚攞到返去啲麵索晒啲湯淋晒🙂 番到去一打開份外賣就有一陣香濃誘人嘅紅燒牛肉香氣撲鼻，呢一刻你已經可以感受到呢一碗牛肉麵一定夠哂濃郁，再望下啲料👀 有牛展、牛孖根、牛腩、鹽燒牛舌，仲有紅蘿蔔白蘿蔔作配菜，非常足料，牛展同牛舌都爽口十足，牛根彈口有咬口，牛腩軟腍，粗麵大大條亦充滿口感。 👉椒鹽豆角 豆角入口冇渣，調味剛好，處理得唔錯👍單點細都只係$13，大$20，抵食。 👉黑糖珍珠奶菜食台灣嘢當然要配返個珍珠奶茶啦🧋跟埋粗飲管，非常方便，罐裝嘅黑糖珍珠奶茶味道竟然也不俗。.💁🏻‍♀️蔥油拌麵（$28）蔥油拌麵係舖頭嘅新品，蔥油

.☞ 新北江有好多小店，最近更加新開咗間主打台灣牛肉麵嘅廚大DEE💛 不過大家留意小店暫未有堂食，只有供應外賣～.🍴一人前套餐 - 招牌大Dee牛肉麵＋小食＋飲品（$78）❖ 招牌大Dee牛肉麵 - 牛展＋牛孖筋＋牛腩＋鹽燒牛舌 配紅燒牛肉湯/ 麵條有得揀粗幼嘅，咬落口感正常，唔會話特別煙韌👍🏻/ 湯底好濃好惹味，但係略嫌有啲咸，食完之後覺得有啲口渴🤣/ 牛腩好腍好入味，整體嚟講都推薦，下次都再食😆❖ 小食 - 炸花枝丸/ 因為外賣嘅關係，返到屋企食覺得有少少腍，但氣炸完又係一條好漢😎 / 跟餐配嘅小食，所以只有三粒，但一人份量嚟講都好夠👍🏻🍴細鹽酥雞球（$13）/ 另外仲散嗌咗一份鹽酥雞，佢同炸花枝丸一樣有偏腍嘅情況，但係好彩雞肉唔鞋口，炸粉都唔會太厚👍🏻🍴膠原Dee Dee麵（$44）/ 個名so cute🤣其實就係牛孖筋麵，麵質同佢隻招牌麵一樣，但佢個牛筋超級腍！亦都好入味😆☞ Overall嚟講我覺得附近街坊絕對值得一試👍🏻可以支持吓良心小店，希望佢遲啲可以做到堂食🤤

以前我好鍾意幫襯呢個舖位嘅上一手 以前呢個舖位係賣冷麵嘅 有一日去到呢個舖位諗住買冷麵嘅時候點知已經執咗笠🤯然後變成呢間台式粉面🤔🤔當下好肚餓所以照叫咗一個牛線麵外賣試吓水溫😌😌 ps 嗰度其實係有得堂食嘅但係得一張枱🙈請大家體諒吓我屋企張枱布😂😂由於佢係外賣所以分咗湯 個湯係個麵嘅下面講真我第一啖食落去我真係覺得一啲都唔差👍🏻 雖然係細舖頭但係個牛舌我覺得佢做得真係好好😋😋 如果就咁食個牛舌會略嫌有啲鹹 重口味者另計🙈 牛舌嘅厚度係啱啱好 因為我略嫌佢有啲鹹所以我有浸湯食 浸湯之後嘅口感同味道仲正🥰🥰 唯一嘅缺點係啲蘿蔔同紅蘿蔔有啲少😂 因為嗰啲蘿蔔係可以攞嚟吸湯食 太少蘿蔔令到我唔可以品嚐多啲佢嘅湯🙈🙈整體來講呢間正👍🏻👍🏻

【招牌大Dee牛肉麵】$59（有牛展、牛孖筋、牛腩、鹽燒牛舌）【紅燒牛肉麵】（牛展）$46兩個麵嘅湯底都非常濃郁，而且配菜都算幾多，最中意佢有酸菜😁 鹽燒牛舌最好食，真係必試！牛展都好入味好易咬，好欣賞佢嘅牛腩同牛筋都夠腍，想樣樣牛都試d可以叫【招牌大Dee牛肉麵】！而麵底方面，分別揀左揀左台灣麵同台灣粗麵，睇相可能唔多睇到有分別，但食落係有分別架，粗麵應該麵有平時食烏冬咁粗，我自己覺得台灣麵就好食d😋— — — — — — — — — — — — — — — — — — — —【炸花枝丸】$20（5粒）【鹽燒豆角】$13花枝丸加左調味粉，食落都好有台式風味，豆角就略為炸耐左，腍左d，但味道係唔錯！— — — — — — — — — — — — — — — — — — — —【飲品】+$9最吸引我其實係飲品，佢嘅龍珠系列氣泡水，唔係到到都有，係出產自台灣架！買返黎收藏都開心🥳— — — — — — — — — — — — — — — — — — — —總體而言，性價比好高，足料幾抵食，味道又唔錯，係一間會再食嘅良心店☺️☺️✅總評：（5分為滿分）味道：3.5/5性價比：4/5推薦度：4/5

天水圍新北江新黃店#廚大DEE@chef.deess 呢間係台式外賣店但都有兩個座位可堂食有台式小食、牛肉麵今次試左一個麵同兩個炸物#招牌大DEE牛肉麵 $59有齊牛展 牛孖筋 牛腩 鹽燒牛舌牛腩同牛展勁淋勁入味牛孖筋淋得黎又有嚼勁鹽燒牛舌勁香口勁好味😍😍😍食完個麵好滿足麵底都有兩隻有台灣麵同台灣粗麵😋😋😋因為我要戒口先走晒青原本有蘿蔔蔥花酸菜口感味道層次更豐富#鹽酥雞球 (大) $20雞球醃到好入味而且一啲都唔鞋外面嘅調味都好有台灣風味😍😍😍炸花枝丸 (細) $13花枝丸炸到好香脆外脆內軟😋😋😋再加上調味粉不得了🤤🤤🤤大家去開天水圍不妨去 @chef.deess 感受下台灣嘅味道🥰🥰🥰

上星期遇著佢休息，今星期又想試，打俾佢，要遲過佢收工先到，佢一口就答應等埋我，超好禮貌又友善既後生仔😜 食物質素個人覺得好食，湯底好濃，牛舌好彈牙，鹽酥雞正👍 麵質似台灣，冇得去台灣，頂住先✌🏻

新一年第一餐👏👏試左新北江新開無幾耐既外賣食店廚大DEE (喺海南小廚對面)揀左鹽酥雞球麪，鹽酥雞球好食👍👍紅燒牛肉湯底都幾正😜加$10有埋炸花枝丸，個人覺得好抵食