原作養生湯米線

营业中

休息中

#紅磡美食 #小蓮星呑食紅磡🔻 原作養生湯米線 紅磡必嘉街120號黃埔花園三期翠楊苑地下34號鋪/////去黃埔花園探朋友，佢話最近樓下新開左一間米線舖頭，係佢食過最好食嘅米線，梗係要狗衝試吓。/🧃蟲草花膠雞湯米線 $68出面好多舖頭都有得食花膠雞湯米線，大部份都係用濃縮湯同埋魚肚，唔係話真係咁真材實料，但係呢度嘅湯底係用豬骨、上肉、雞炮製而成，個湯底真係好鮮甜。花膠係真花膠，勁多塊，超足料，雞件都好有雞味，最驚喜嘅係啲米線，平時啲米線好容易煮到好淋，而且冇味，食呢度嘅米線先知道原來好嘅米線係有米香味，而且質地煙韌彈牙。/🧃海鮮龍蝦湯泡飯 $68老闆同我哋講，如果蟲草花膠雞湯湯底值80分，海鮮龍蝦泡飯嘅湯底佢敢講值100分。講到咁巴閉，即管試吓。一飲啖湯，嘩，真係驚為天人，唔係嗰隻龍蝦膏開嘅湯，係好鮮嘅龍蝦湯。老闆話個湯底首先用海蝦、龍蝦打碎，然後煎香佢，再加入蟹湯烹煮七個鐘，先有呢隻鮮味😻所以話真係少啲功夫都唔得。啲海鮮都好新鮮，呢個價錢來講真係超值。/🧃黑松露煙燻糖心蛋 $28/2隻糖心蛋上面加咗黑松露醬，好香。/🧃巨風提子梳打、乳酸多多爆珠 各$22唔係好假好甜嘅糖水味，雖然係調

我地叫了黃酒煮雞米線同花膠蟲草米線，再加三個小食：涼伴土豆絲，店員推介既油醋海折同奶油津白。黃酒雞米線得藥膳味，仲要係苦苦地既藥膳味，無咩黃酒味；花膠蟲草米線d 花膠完全無味，唯一係d 雞係滑既，但係切到勁細舊，米線既份量都偏細份，上嗰陣d 湯係唔夠熱。平時其他餐廳既奶油津白係用上湯煮，呢度既奶油津白係白汁，仲要無咸味，食食下仲要見到有條毛喺d 菜度。油醋海折盛惠58 元，但係味道太甜，完全唔酸，食左一舊就成碟放棄。加埋兩杯凍檸茶，呢餐米線要266 元，但係真係no next time, 食完仲要去隔離雞蛋仔食番d 好味d 既野先對得住自己。

擁有文青風格嘅米線小店我都係第一次遇到，仲要係黃埔區太令人感動了。文青走既風格絕不令人失望，而且喜出望外。先講講裝修，光猛 簡約 每個座位同座位中都有空間而且坐得好舒服😌。 再講到店員 冇得頂！我相信老闆挑選得每位嘅員工都係重中之重，位位都訓練有素。而且講解食物及介紹餐牌都好耐心同有禮貌(心諗:依家小店真係買少見少)點餐到送餐等候嘅時間唔耐，放低盆既一刻職員都會介紹每道菜。梗係唔少得”桂花蜜糖雞翼”- 我諗香港首創嚟喔，桂花同蜜糖嘅味道唔會因為另外一方嘅味道強烈掩蓋左，個味道好夾。另外雞肉好嫩口😻😻涼拌小皮蛋- 我好鍾意食佢嘅醬汁,尤其是攞醬汁撈米線,個種感覺到而家諗起都好想食 分量同價錢成正比都係非常之正！！蟲草花膠雞湯- 呢碗對我非常之有用,因為我係一個非常貪靚嘅人見到花膠就知道係養生養顏嘅時候。足料嘅花膠而且仲要係大大嚿！！令我最意外嘅係，每一件雞肉非常之嫩口。我仲聽到老細講佢哋嘅功夫好多先可以令到雞肉非常之可口 對於我來講一個人食唔晒個米線🍜 因為我加咗小食所以我係落單前叫咗小啲米線咁就可以唔使浪費食物你應該要一試先可以講你嚟過黃埔

今日食既呢間餐廳係位於紅磡既餐廳, 主打既就係米線米線又有咩咁特別呢? 最特別在就係店家用既都係健康食材做湯底食既味道都口感都比起一般既不一樣係呢度都搵唔到D好重口味既湯底, 反而多數都係一D健康食材既湯底我點既呢個係黃酒煮雞湯米線, 一黎到就聞到好香既黃酒的香味, 估唔到呢個咁特別既配答又幾好味, 好似係一邊飲緊湯一邊食緊米線一樣，而米線亦好淋滑夾埋D雞件食真的不錯炸年糕超好味既年糕，夠哂煙UN，而且入面係香香既芝士味道，熱食一流

今日食既呢家餐廳係位於紅磡既原作養生湯米線，一睇就知係食米線既店但係呢度既米線同其他米線店最大既分別就係湯底呢度每一款既湯底都係新鮮健康的，比起其他主打濃味辣味的，更加原味道我點左呢個係蟲草花膠雞湯底米線一黎到就已經聞到好香既蟲草味道，完全係好純而又好吃的湯底有花膠同雞係湯入面，所以麵汁既口感會更佳，好香濃的味道雞的口感也不錯，很香很滑花膠亦不是很小的，大大塊有咬口又好味道！麵質也是一等一的好吃，粗粗的米線更加入味同埋更有咬口！

花膠雞湯米線湯 香濃想飲多兩啖 可惜飽雞 夠味、滑而見唔到血花膠 有三大件，性價比ok啦，老實$68唔會係咩靚膠（利申我冇食晒）白酒胡椒雞翼以炸嘅方式製作個汁好食嘅 有啲似白汁 但冇胡椒味 同埋 雞翼本身無味 全靠汁蜂蜜柑桔無乜平時一pat醬沖出嚟嗰啲渣如果係自己手作就抵讚 好飲唔太甜有柑桔嘅回甘有俾杯水清下口 Good店員態度一流（唔記得嗌走青，飛奔去處理）環境唔算逼 都乾淨 一個人食坐bar枱位都唔窄咁啱新開張 坐就近盆蘭花香住嚟食相唔影啦

住紅磡的居民有福了，我還是第一次來這邊找親戚吃晚餐，剛好看到這家原作養生米線餐廳好多人排隊，生意特別的好，所以進去試試，誰知道這家餐廳做的米線和湯居然這麼出色，讓我十分驚喜。不下味精的湯底絕對是最值得品嚐的，這家餐廳主打養生湯，所以食物和食材都是以建康為主，不下味精也做的出色是必須的。老闆很好客，親自服務態度殷勤，難怪這麼多回頭客，還有很多排隊打包外賣的。我們二人點了好多小吃，都是非常有特色的，一份是黑松露煙燻溏心蛋，在外面真的沒吃過，還是第一次吃，黑松露控有福了，這個溏心蛋做得特別好，太好吃了。口水雞也是這裡的招牌，夠嫩滑夠入味。炸物有一口芝士，芝士控絕對是吃了番尋味，因為芝士味實在香。主食也是兩個特別棒的湯麵，一份是海鮮龍蝦湯麵，龍蝦湯是熬了好幾個小時的，每天才賣50份特別珍貴，湯味濃郁，而且還有好多海鮮，很新鮮很好吃。另一份是蟲草花膠雞湯麵，這個花膠大大塊，特別滋潤適合女生，雞湯鮮，雞肉滑，養生真的一流。吃完這一頓對於愛美的我，真的頓時覺得自己變美了，大家一定要來試試這裡的招牌餐，包你喜歡。

今日去黃埔工作，同事話黃埔三期（百寶坊）有一間新開的靚湯米線，喜歡靚湯的我，一定去試吓啦🤪「原作養生湯米線」位於黃埔花園三期（百寶坊）地下即是奇趣天地附近。「原作」裝修簡約帶點日風，感覺舒適😚 「原作」除了靚湯，米缐也可以選擇薯粉，新竹米粉，白飯，烏冬或陽春麵等。亦有冷盤，涼拌小食等..很多種類選擇......蟲草花膠湯米線- 瓦煲上的，熱辣辣，湯料充足🤟🏼有4大舊花膠，夠咬感，雞件份量也不少，而且很嫩滑😋😋湯底很濃郁雞味，得閒來飲吓湯，可以隨便養顏👻😂😂因為價格很平民，以這樣的份量🤪海鮮🐲🦐湯新竹米粉- 湯底很鮮味，新竹米粉夠爽口，有2蝦，元貝，蜆肉等😋😋$65 黃金雞翼$22/3隻或$30/5隻-很香蛋黃味而且雞翼很香脆嫩滑🤤🤤乳酸多多爆珠- 原價$22跟餐半價！還有留意的是「原作養生米缐」是全日免收加一的😜

上網見到呢間新開米線好似幾有特色 一於來試下裝修完全唔似食米線 因為好新式好清新桌上有唔同的配料可以自由加入米線食油醋海蜇花賣相有心思, 唔會好似其他麵店求其整埋一碟。相比一般既海蜇, 海蜇花既口感非常爽口, 而d醋又入埋味, 酸酸地好開胃。花膠雞米線湯底非常鮮味,有別於一般出街飲既湯, 我相信佢冇落味精都煲左好耐。每一啖都好鮮甜。有4大塊花膠, 雞件都好多, 完全足料。花膠平時好少食, 其實就淡淡地, 食開重口味既人, 可能唔太岩, 而佢有辣椒油係台比你點。雞肉就好實淨, 每一舊都有肉, 而且有雞味。米線比平時食開既實淨, 同埋有d米香味。極尚過橋米線見到圖片的九宮格 已經好想食一上菜時都覺得好正, 淨係賣相都值得叫, 十分奢華。 九格配菜包括腩肉, 蝦, 塗膠, 火腿, 鮑魚, 花膠, 雞絲, 雞蛋, 肉醬。建議食法係先將米線放入湯, 然後將配菜由左至右順序放入湯。湯底應該同花膠雞米線既一樣, 而重點想講下隻鮑魚, 煮得好軟, 好易入口, 平時少食到, 值得試。咸蛋炸魚皮咸蛋黃加上魚皮, 好香口, 炸得脆好新鮮, 咸蛋黃的咸香配上魚皮真係一流。乳酸多多爆珠 & 水蜜桃乳酸爆珠都唔錯

最近得知黃埔新開咗間係主打健康養生湯米線，就專程過嚟支持下🤩🌟蟲草花膠雞湯 $68🌟見到又蟲草花又花膠，唔洗考慮就係要呢個😂女仔聽到花膠兩個字都係抵抗不了的🤣食完心理上都覺得皮膚都漲卜卜，啲骨膠原返曬嚟😍呢度既花膠真係好足料!有成四至五塊，仲要係大大塊的，湯底更加無得輸，好味到連湯底都清曬😋🌟麻辣鴨血 $68🌟老闆親自招呼下，過嚟寒暄左幾句，讚我哋識食，叫咗呢個鴨血，係佢哋既鎮店小食嚟，原來係用咗三十幾種材料秘製而成的，唔怪之得咁入味同口感好滑溜🤩🌟洛神花茶 $8🌟呢度既花茶同養生飲品都係每日新鮮煲的，飲落好天然養生，裡面仲有一顆顆既洛神花🌸🌟檸檬薏米水 $11🌟見到有檸檬薏米又係毫不猶豫就點了，薏米有助去水腫，檸檬又可以美白，岩曬貪靚既我呀😆裡面仲附上左大量既薏米，有得飲又有得食👍🏻

紅磡出名多美食，呢間新開嘅養生級別米線店就好容易被忽視。嗰日膽粗粗同朋友入去試，叫咗兩碗米線，兩碗都出乎意料地幾好👍🏻一碗係類似花膠湯底嘅米線，清清地，都非常入味而且唔算太油。至於個番茄湯豬扒亦都比想像中出色，唯一缺點就係番茄湯底唔夠濃郁。跟餐亦都叫咗一杯乳酸梳打，孤兒入邊有啲類似爆珠嘅物體，口感都非常特別。而且店員提示要攪勻先好飲，的確唔錯。偏遠嘅服務態度亦都非常有善，絕對值得再嚟👍🏻👍🏻👍🏻

真係好鍾意食湯麵，今日黎食米線🤣呢到碗碗米線麵好足料😍😍————————🔸招牌海龍皇湯米粉 $128一送到黎即刻嘩咗一聲，估唔到真係有半隻龍蝦，仲有帶子同蜆，真係第一次食咁豪華嘅米線😂個湯有淡淡的蝦味，米粉索晒湯嘅精華變咗橙色🤩🤩🤩海鮮都幾新鮮👍🏻評分：🌕🌕🌕🌖🌑-🔸原作養生雞湯米線 $58呢個性價比超高！湯底好濃郁，仲要雞同花膠既份量都好多！d雞超香又嫩滑，仲要只係$58，好抵好好食😍😍評分：🌕🌕🌕🌕🌗-🔸桂花蜜糖雞翼 $22/3隻呢個有驚喜🤤🤤本身雞翼好脆，上面淋左桂花蜜糖，甜得來又帶啲花香嘅味道，好清新好好食！評分：🌕🌕🌕🌕🌘-🔸洛神花茶 $16呢杯洛神花茶好靚，仲要唔係用普通茶葉，而係真係有啲花係入面😍不過有啲甜評分：🌕🌕🌕🌖🌑

乾淨明朗的店舖，有多種無味精湯配上不同肉類或海鮮，選擇都幾多的。蟲草花膠雞湯配米線，煲仔盛上。有4卷花膠，為什麼說卷呢？因為攤開夾起來有大過手掌心的一大塊花膠，雖不是白滑的花膠，但也挺有膠質，口感韌中帶爽。花膠份量真的相當多。雞件是咸切雞，有雞味且嫩滑。雞湯味不濃，清淡易入口。米線有彈性薑母茶，熱中帶有薑的辛辣味，令喉嚨、胃都很舒服。凡叫主食，飲品半價，加$8有咁大杯又足料的飲料了不錯呀！醃蘿蔔，枱面上的小吃，酸度畧高。醃菜甫，菜甫較乾身，浸泡一下湯來吃會更爽口。

本人好鍾意食米線,第一次食已經覺得特別,我是比海龍皇湯底做買點而吸引我去,一定會食第二次,因為太多湯底款色想試吓,小食出色,又其是個麻辣鴨紅-必食,重點味道適合現在香港人口味,湯底熱度ok

放工問朋友借咗幾本書，順便喺佢屋企附近一齊食晚飯，揀咗呢間新開張嘅養生米線，餐廳地方寬敞，裝修簡潔明亮，感覺舒適。米線湯底選擇非常多元化，多款湯底都經過悉心炮製，睇得出非常用心，小食方面選擇亦唔少，而且價錢合理。蟲草花膠雞湯非常香濃，味道鮮甜，飲得出真材實料，另外必須一讚嘅係佢嘅米線非常出色，比一般食到嘅略粗少少，唔會一夾就散，非常爽口軟滑，同朋友一致認為從未食過咁優質嘅米線！花膠嘅份量俾得相當大方，煮得夠軟夠腍之餘索哂湯底嘅味道，唔錯。雞件亦係另一亮點，鮮味突出，口感嫩滑，非常出色！招牌海龍皇湯完全係豪氣嘅代表，朋友食碗麵亦要食出新高度，一上菜就有種震撼嘅感覺，半邊龍蝦配搭大量海鮮同陽春麵，香濃嘅龍蝦湯味撲鼻而來。飲一啖香甜濃郁嘅龍蝦湯底，再咬一啖龍蝦肉，食一啖爽口嘅陽春麵，我同朋友都邊食邊讚嘆，完全值回票價！龍蝦新鮮之餘仲有膏，口感仲非常彈牙，夫復何求呢？炸得香脆嘅雞翼沾滿金黃嘅鹹蛋黃，係極度邪惡嘅組合，但又令人食唔停口。蜂蜜金吉清甜微酸，甜度適中，感覺滋潤，最適合而家呢種天氣。巨峰提子梳打同樣甜度適中，果香清新，爽口怡人。估唔到誤打誤撞食到一間質素咁高嘅餐廳，湯底同用料都食得出落